group-telegram.com/A_Xamzayev/2557
Last Update:
Xayrli ishni Vatanimizdan boshlaylik
Ijtimoiy tarmoqlarda “Madina shahrida xurmo ekib, savob oling” mazmunidagi pul evaziga biror bir shaxs nomidan ko‘chat ekish va’da qilinayotgan videolar aylanmoqda. Ayrim fuqarolarimiz tomonidan, pul o‘tkazilgani va ularning nomidan xurmo ko‘chatlari ekilayotgani ham tasvirlangan.
Islom dinida ham "Yaxshilikni avval yaqinlaringga qil" degan gap bor. Endi savol tug‘iladi, nima uchun o‘z mablag‘imizni o‘zga yurtning obod bo‘lishi, begona odamlarning qulay sharoitda yashashiga sarflashimiz kerak?
Daraxt ekish ezgu amal, bunga hech bir e’tiroz yo‘q. Ammo shu ishni vatanimizda, ota onamiz, yaqinlarimiz, qolaversa, kelajak avlodlarimizga nafi tegadigan joyda qilish to‘g‘ri emasmi?! Eng yomoni, bunday paytda firibgarlar ham "otini qamchilaydi". Madinada daraxt ekish bahonasida yig‘ilgan pullar firibgarlar qo‘lida yo‘q bo‘lib ketish ehtimoli ham katta.
Mamlakatimizda Prezidentimiz tashabbusi bilan "Yashil makon" umummilliy loyihasi amalga oshirilmoqda. Har yili yurtni obod qilish, cho‘llanishga qarshi kurashish maqsadida 200 millionlab ko‘chatlar ekilmoqda. Ammo fuqarolarimizning faolligi, jonkuyarligi bo‘lmas ekan bu maqsadga erishish oson bo‘lmaydi.
Bu Vatan hammamizniki. Shunday ekan xayrli va savobli ishlarimizni o‘z yurtimizda qilaylik. Zero, ertaga bu yerda siz-u bizning farzandlarimiz, kelajak avlodlarimiz yashaydi.
