“ТИҚХММИ” Миллий тадқиқот университетида Хитой Сув ресурслари ва гидроэнергетика илмий-тадқиқот институти “IWHR” ҳамда Beijing HRUNAN Technology вакилларининг иштирокида уч томонлама учрашув бўлиб ўтди.

Учрашувда томонлар рақамли сув хўжалиги, сувни тежовчи технологиялар, илмий тадқиқотлар, инновациялар ва кадрлар тайёрлаш йўналишларида ўзаро ҳамкорликни кучайтириш масалаларини атрофлича муҳокама қилдилар.

Суҳбатлар якунида томонлар узоқ муддатли ҳамкорликни йўлга қўйиш мақсадида уч томонлама Ҳамкорлик Меморандуми имзоладилар. Меморандумда қуйидаги йўналишларда фаолият юритиш назарда тутилган:

- Ўзбекистон ва Хитой ўртасида рақамли қишлоқ хўжалиги ва сув хўжалиги инновацион платформасини яратиш;
- Илмий-тадқиқот ва технологик ишланмаларни қўшма равишда амалга ошириш;
- Сув хўжалиги соҳасида илмий янгиликларни амалиётга жорий этиш;
- Кадрлар тайёрлаш, ўқув дастурларини ишлаб чиқиш ва алмашинув дастурларини йўлга қўйиш;
- Технологияларни амалиётда синовдан ўтказиш ва кўргазмали лойиҳалар асосида тарғиб қилиш;
- Халқаро кўламда илмий конференциялар, кўргазмалар ва илмий алмашинув тадбирларини ташкил этиш.

Шунингдек, меморандумда ақлли сув ресурсларини бошқариш ва сув тежаш технологиялари лабораторияси ташкил этиш кўзда тутилган.

Тадбир якунида “ТИҚХММИ” Миллий тадқиқот университети ректори Баҳодир Мирзаев ушбу ҳамкорлик узоқ муддатли, ўзаро манфаатли ва замон талабларига жавоб берувчи тезкор шериклик бўлиши лозимлигини алоҳида таъкидлади.

“ТИҚХММИ” Миллий тадқиқот университети халқаро ҳамкорлар билан эришилган келишувдан мамнунлигини билдиради ва ушбу меморандум асосида самарали ҳамкорликни давом эттиришга тайёр эканлигини яна бир бор таъкидланди.

—
Tiiame.uz | Facebook | Instagram | Telegram | Youtube