❗️Бир ҳафтада олтин қуймалари нархи 7,8 фоизга пасайди

Марказий банк бугун олтин қуймаларининг нархини 1 гр учун 1 млн 623 минг сўмдан қилиб белгилади.

Ўтган ҳафта охирида қуймалар нархи 1 гр учун 1 млн 760 минг сўмдан эди. Шу тариқа 6 кун ичида пасайиш 7,8 фоиз бўлди.

Бу вақтда эса доллар курси кўтарилмоқда. Кеча курс 90 сўмга ошди ва бу сўнгги икки ярим ой ичидаги энг юқори кунлик ўсиш бўлди.

Долларнинг мустаҳкамланиши кўпинча олтин нархи пасайишига олиб келади. Бугун ҳам доллар курси ошиши кутилмоқда.

@bankir

Ипотека бозори қандай ўзгаряпти?

Ўзбекистонда сўнгги икки йилда ипотека кредити олганлар сони:

⏺2024 йил 9 ой — 42 790 киши;
⏺2025 йил 9 ой — 50 100 киши.

Кўриб турганингиздек 2025 йилда ипотека кредити олувчилар сони сезиларли ўсди. Шунга қарамай 2023 йилги рақамлар (53 443 киши) забт этилмади.

2024 йил мос даврида 11,7 трлн сўмлик ипотека кредити ажратилган бўлса, 2025 йилда бу кўрсаткич 15,1 трлн сўмни ташкил қилди.

Ипотека кредити олувчилар кўпайишидан ташқари, уйлар нархининг бироз кўтарилгани (бир йилда 4,6 фоиз) ажратилган маблағлар ошишига олиб келди.

Бу йилги яна бир муҳим ўзгариш аёллар билан боғлиқ бўлди. Илк бор ипотека кредити олувчи аёллар улуши 40 фоизга етди.

Ҳа, Ўзбекистонда аёлларнинг даромадлари ҳам ошиб бормоқда ва бу ривожланаётган давлат учун жуда яхши белги. Нимадир тўғри қилинмоқда.

2025 йилда банкларнинг ўз ресурларидан ипотека кредити ажратиш ҳолатлари ҳам кўпаймоқда. Айниқса бу охирги уч ойда сезиларли даражада бўлди — +2,7 баробар ўсиш.

Бундай ипотека кредитлари кўпайиши билан бирга, уларнинг фоиз ставкаси ҳам пасаймоқда.

2024 йилнинг худди шу пайтлар банкларда тижорий ипотекадан ўртача 25 фоиз билан фойдаланиш мумкин эди.

Ҳозир бу рақам 22,8 фоизни ташкил қилади. Уй олиш учун сўнгги йиллардаги энг қулай пайт бўлиши мумкин.

Шундай қилиб, сўнгги икки йилда Ўзбекистонда бутунлай икки хил кўринишдаги ипотека бозорини кўрдик.

@bankir

Доллар тушади

27 октябрь куни амал қиладиган доллар курси 🔽9-10 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

SQB — 12 110
Trastbank — 12 100
Agrobank — 12 080
NBU — 12 080

Банклардан долларни сотиб олиш бўйича энг яхши курслар:

Tengebank — 12 130
Xalq banki— 12 150
Octobank — 12 150
Asakabank — 12 150

@bankir

❗️Асосий ставка ўзгармади

Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди.

@bankir

❗️Марказий банк раиси иштирокидаги матбуот анжумани бошланди

Матбуот анжуманини UzReport TV каналида қуйидаги линк орқали кузатишингиз мумкин

@bankir