group-telegram.com/Kompyuter_Akademiyasi/2401
Last Update:
Kompyuter va noutbukning harorati qanday bo'lishi kerak?
#info
ℹ️ Kompyuter yoki noutbukda u yoki bu harorat bo'lishi normalmi? Ba'zi hollarda harorat 40 daraja, ba'zi hollarda hatto 100 daraja bo’lishining sababi nima? Shu va shu kabi savollarga nasib qilsa bugun javob topamiz.
😉 Avvalo, protsessor, videokarta va qattiq disklarning haroratini qanday ko'rishni aniqlaylik. Ushbu maqsadlar uchun AIDA64 dasturini tavsiya qilaman. Uni yuklab olib, o'rnatamiz.
📄 Dasturni ishga tushirgandan so'ng, biz "Компьютер" -> “Датчики” ni ochishimiz kerak. (quyidagi rasm)
✅ Bu yerda bizni quyidagilar qiziqtiradi:
ЦП (protsessor) - 37 daraja.
ДИОД ГП (videokarta) - 33 daraja
Qattiq disklar. Ushbu vaziyatda ulardan 3 tasi bor. Harorat 30 darajagacha.
🟢 Bu harorat tinch holatda, ya'ni biz kompyuterni hech narsa bilan yuklamaganimizda. Harorat qanday yuk ostida bo'lishini bilish uchun siz zamonaviy o'yin yoki dasturlarga kirib, 15 daqiqa o'ynashingiz yetarli. Keyin o'yin/dastur oynasini minimallashtiring va darhol AIDA64’dagi haroratga e'tibor berish kerak (dastur, albatta, o'yinga kirishdan oldin ishlayotgan bo'lishi kerak).
Keling, qaysi harorat normal va qaysi biri qabul qilinishi mumkin emasligini ko'rib chiqaylik.
🌡️ CPU (protsessor) harorati
Tinch holat (kuchli dastur/o’yinlar ishga tushirilmagan holat) dagi harorat taxminan 40 daraja bo'lishi kerak. O'yinlar yoki videolarni ishlatish paytida esa 70 darajadan oshmasligi kerak. 70 darajadan ortig’i allaqachon qizib ketgan va bunday harorat hech bo'lmaganda tizimda tormozlanishga olib keladi! Agar sovutish muammosi hal etilmasa, protsessor ishlamay qolishi mumkin!
🌡️ Videokarta harorati
Tinch holatda 40 daraja bo'lishi kerak. Ishlash paytida u juda qizib ketishi mumkin va bu yerda 80 daraja haroratga ruxsat beriladi. Ba'zi o'yin grafik kartalari 90 darajagacha bo'lgan haroratga bardosh bera oladi.
🌡️ Qattiq disk harorati
Kompyuterda qattiq disk 40 darajadan oshmasligi kerak. Agar bu noutbuk bo'lsa, unda bu erda 50 darajagacha isitishga ruxsat beriladi!
🤔 Baland haroratda nimalar qilish kerak?
Agar siz komponentlarning harorati yetarlicha yuqori ekanligini sezsangiz, birinchi qadam kompyuterni (noutbukni) changdan tozalash, yangi termal pastalarni ishlatib ko’rish va ba'zi hollarda sovutgichni qo'shish yoki almashtirishdir. Misol uchun, protsessorda standart sovutgich bo'lishi mumkin va u kuchli protsessorni talabchan o'yinlarda unchalik yaxshi sovutmaydi. Bunday holda siz yaxshi sovutuvchi sotib olishingiz kerak.
Men yuqorida aytib o'tgan edimki, maksimal harorat turli komponentlar uchun farq qilishi mumkin. Shuning uchun, ayrim turdagi komponentlar uchun maksimal harorat tavsifida aytilgan har bir so'zimga tom ma'noda ishonmang. Foydalanadigan qismlarning rasmiy saytlariga tashrif buyurish yoki forumlarni o'qish yaxshiroqdir va u erda juda ko'p foydali ma'lumotlarni topishingizga aminman.
📊XULOSALAR
🧠 Protsessor harorati:
• Tinch holatda 40 gacha;
• Yuklanishda 70 gacha.
🖼 Grafik karta (videokarta) harorati:
• Tinch holatda 40 gacha;
• Yuklanishda 80 (90) gacha.
💾 Qattiq disk harorati
• Kompyuterda 40 gacha;
• Noutbukda 50 gacha. ©inetkomp.ru
💻 Kompyuterni birga o'rganamiz ⤵️
TelegramI YouTube I Guruh I Xarita
BY KOMPYUTER AKADEMIYASI
Share with your friend now:
group-telegram.com/Kompyuter_Akademiyasi/2401