#e’tirof

Professor Bahriddin Izbosarov “Mehnat faxriysi” ko‘krak nishoni bilan taqdirlandi

O‘zbekiston Respublikasi Prezidentining 2016-yil 28-dekabrdagi “O‘zbekiston faxriylarini ijtimoiy qo‘llab-quvvatlash “Nuroniy” jamg‘armasi faoliyatini yanada takomillashtirish chora-tadbirlari to‘g‘risida”gi farmoniga muvofiq, faxriylarni rag‘batlantirish maqsadida “Mehnat faxriysi” ko‘krak nishoni ta’sis etilgan.

Shu munosabat bilan Navoiy davlat universiteti Aniq fanlar fakulteti professori Izbosarov Bahriddin Faxritdinovich o‘zining ko‘p yillik samarali mehnati, ta’lim va ilm-fan sohasidagi fidokorona xizmatlari uchun I-darajali “Mehnat faxriysi” ko‘krak nishoni bilan taqdirlandi.

Mukofotni tantanali tarzda Navoiy davlat universiteti rektori M. Kalonov hamda viloyat “Nuroniy” jamg‘armasi raisi Sh. Nabiyev topshirdilar.

@navdu_navsu

Karmana tumanidagi 15-maktabga 250 dan ortiq kitob topshirildi

Navoiy davlat universiteti Aniq fanlar fakulteti tomonidan O‘zbekiston Ekologik partiyasi Navoiy shahar kengashi va tadbirkorlar hamkorligida “Ma’rifat ulashib — kitob ulashib” loyihasi doirasida navbatdagi ezgu tashabbus amalga oshirildi.

Tashabbus doirasida fakultetning volontyor talabalari professor-o‘qituvchilari bilan birgalikda Karmana tumanidagi 15-umumiy o‘rta ta’lim maktabiga borib, maktab o‘quvchilari va o‘qituvchilari uchun 250 dan ortiq badiiy adabiyot hamda she’riy to‘plamlarni tuhfa etdilar.

Sovg‘a sifatida kitob taqdim etish — insonlar orasida ma’rifat va madaniyatni keng yoyishning eng samarali vositalaridan biridir. Jamiyatning turli qatlamlariga kitob ulashish esa ularning bilim, tafakkur va dunyoqarashini yanada boyitadi.

@NavDU_NavSu

#OAV

📰“Doʻstlik bayrogʻi” va “Знамя дружбы” gazetalarining №42-soni nashr etildi.

Gazetaning ushbu sonida Navoiy davlat universiteti dotsenti Botir Zaripovning “Укрепляя роль и авторитет узбекского языка” nomli maqolasi chop etildi.

🔗PDF

@navdu_navsu