🖥 Ijtimoiy tarmoqlarda Fargʻona viloyatining Margʻilon shahrida tez tibbiy yordam avtotransport vositasi ishtirokida yoʻl-transport hodisasi sodir boʻlganligi haqida xabarlara tarqaldi.

Mazkur holat yuzasidan quyidagilar maʼlum qilinadi.

🚑 Joriy yilning 25-sentabr kuni kechki soat 22:15 da Margʻilon shahar hududida Respublika tez tibbiy yordam markazi Fargʻona viloyati filialining Margʻilon shahar tez tibbiy yordam stansiyasiga tegishli "Volkswagen Caddy" rusumli maxsus avtotransport vositasi Zarafshon koʻchasidagi chaqiruvni bajarib qaytish jarayonida harakatlanayotgan vaqtida Mustaqillik koʻchasida, 3-Oilaviy poliklinika qarshisida katta tezlikda harakatlangan "Gentra" rusmli avtomobil beton toʻsiqdan oʻtib, qarama-qarshi yoʻnalishga chiqib ketishi natijasida tez tibbiy yordam mashinasiga urilgan.

📋 Yoʻl-transport hodisasi natijasida tez tibbiy yordam shifokori Yu.Q. va feldsheri U.D. yengil tan jarohat olib, zarur tibbiy yordam koʻrsatildi.

Shuningdek, avtotransport vositalari texnik jihatdan shikastlangan.

👮‍♂️ Hodisa yuzasidan huquqni muhofaza qiluvchi organlar tomonidan tegishli tartibda surishtiruv ishlari olib borilmoqda.


Hurmatli fuqarolar!

‼️ Tez tibbiy yordam avtotransportlari bemor hayoti uchun har soniya qimmat boʻlgan holatlarda harakatlanadi. Shunday ekan, yoʻl harakati qoidalariga qatʻiy rioya qilishingizni va tez tibbiy yordam mashinalariga har doim ustuvor yoʻl berib, hushyor boʻlishingizni soʻraymiz.

Respublika tez tibbiy yordam markazi axborot xizmati

#tez_tibbiy_yordam #rasmiy_munosabat #Fergana

Telegram | Facebook | Instagram | Web-site | YouTube