group-telegram.com/StandHalten2020/938
Last Update:
«Վաշինգնոնում ստորագրվել է մի փաստաթղթի տակ, որն արդեն համաձայնեցված էր Հայաստանի և Ադրբեջանի իշխանությունների կողմից», - տեղեկացնում էին իշխանական և իշխանամետ աղբյուրները։
Եթե մենք ունենք ուղեղ, իսկ ես ցանկանում եմ հուսալ, որ մենք (դեռ) կարողանում ենք մտածել և տրամաբանել, ապա կհասկանանք, որ դրանից առաջ հայ հասարակությանը մատուցվող «առանց միջնորդների ընթացող» հայ-ադրբեջանական բանակցությունների մասին թեզը կեղծ էր, քանզի հայ և ադրբեջանցի դիվանագետները չէին կարող իրար հետ պայմանավորվել «Թրամփի ուղու» մասին։ Դրա համար բանակցային սենյակում անհրաժեշտ էր ամերիկացի դիվանագետի և, հաշվի առնելով ՀՀ տարածքում նախատեսված զինված ԱՄՆ քաղաքացու առկայությունը, նաև ԱՄՆ ռազմական և հետախուզական համապատասխան գերատեսչության ներկայացուցչի առկայությունը։
Ավելին, կարելի է գնահատել նաև, որ բանակցությունները չեն եղել երկկողմ՝ Երևան - Բաքու, Վաշինգտոնի միջնորդությամբ, այլ որոշ առումով եռակողմ՝ Երևան + Բաքու + Վաշինգտոն։
Բացի վերը նշվածից առաջարկում եմ հիշել Հայաստանի Հանրապետության Ազգային Ժողովրդին, այդ թվում՝ ընդդիմադիր խմբակցություններին, «համաձայնագրի» տեքստի տրամադրման փաստը։
Այստեղ տրամաբանությունը հուշում է երկու հիմնական թեզ.
1. Հայաստանի Հանրապետության ԱԳՆ կեղծ փաստաթուղթ է ներկայացրել ՀՀ ԱԺ պատգամավորներին՝ դրանով իսկ (հերթական անգամ) կատարելով ծանր հանցագործություն, կամ
2. Հայաստանի Հանրապետության ԱԺ պատգամավորները, առաջին հերթին՝ ընդդիմադիր երկու խմբակցությունների անդամները, տեղեկացված են եղել Հայաստանի Հանրապետության տարածքով ԱՄՆ զինված ստորաբաժանումների անմիջական հսկողության ներքո ադրբեջանական կողմին «անխոչընդոտ» ճանապարհ տրամադրելու ծրագրերի մասին և լռել են՝ դիտավորյալ թաքցրել են այն հայ հասարակությունից, քանի որ «այդպես էր պայմանավորված ՀՀ իշխանությունների հետ»։
Այս ամերը ևս մեկ անգամ ցույց է տալիս, որ Հայաստանի պետականությունը զավթված է ներքին կազմակերպված հանցավոր խմբավորումների կողմից, որոնք բաժանված են երկու հիմնական խմբերի և պայքարում են իրար դեմ՝ արտաքին կենտրոններից «Հայաստան» ՍՊԸ-ին տրամադրվող ֆինանսական միջոցները տնօրինելու նպատակով։
Այդ խմբավորումներն են՝
«իշխանություն» և «ընդդիմություն»։
Այս իրավիճակից կա երկու տեսական ելք՝
☑️ «Հայաստան» ՍՊԸ լուծարում և աճուրդային վաճառք Ստամբուլի բորսայում, կամ
☑️ պետականամետ - ազգային ընդդիմության ակտիվացում և պետականության (եթե կուզեք՝ ազգային տարածքի) վերականգնում։ Անկեղծ, սա աննկարագրելի բարդ խնդիր է։
#աղետը_մոտենում_է
BY ⚔️ Բ Ն Ա Գ Ի Ծ ⚔️
Share with your friend now:
group-telegram.com/StandHalten2020/938