#ختام
#مولاتي_زينب_بعدما_اسُرت_الى_الشام

انه البلغرب ضلت وحيده انه
الگبري ولاكو واحد سرفن اردانه
فوك ارماح خلو روس موتانه
دخلنه الشام بس محد تلگانه
.
الشام اليطبه ومو عرف تشّتم اهله اكباله

.
من بچي العلاوي الماي اضن يغرگ
زينب ياخو زينب ملت من الطگ
النهر كد مامشه برجلينه صار ازرگ
هدوم حسين جوه الخيل تشكگ

.
ضيمك يزاود ضيمي انت برمح وانه بسبي

.
ضلت تنعه نعايت هلي تنعه
يشروني مثل ماتنشري السلعه
زينب بس لطم ومرافگه الدمعه
انه اخت النشامه الجابو التلعه

.
يامن يوديني لهلي نبح صوتي كد ماصايحه

.
انه الفاچده وين الحلو طوله
يحيود الهواشم وين الفحوله
يا شيخ الرضاها الخبر وصلوله
بنص الشام تتلگاني هلهوله

.
مسبيه زينب بالغرب تبچي وركص گدامهه

.
عباس القلعاوي

تقول الروايه ؛
عندما وصلت مولاتي زينب الى كربلاء
قالت عمه علي دُلني على قبر اخي الحُسين
اما تعلم آني قد عُميت

……..…………………………………..
عمه دليني اعله اخيي ارد اشبگنه وانام
اخ يا تاليت اهلنه النايمه بحلگ الاسهام
عمتّك معميه زينب حيلهه بطرف الجدام
البارحه بنوگ الهزيله وافتر ابين الظلام

الشام تعبني واجيت . بشوگ خوانّي اعتنيت
الحنين يتعبه گلبه . يحن من يوم المشيت

من ودعته فوگ النوگ
جاساني التعب بهداي
جي عطّش اخوي حسين
سر الدنيا صار الماي

……..…………………………………..
عمه متغيره الملامح خاف مايعرفني ابوك
راح اكله ام عون اجتك شايطه من العذبوك
خذو من عدنه التراچي مثل مامنه خذوك
الموتو بنتك رقيه خويه همه الموتوك

خويه متغيره الاوجوه . محبسك من طلعوه
بالقصر ويراوي بينه . گبالي راسك علگوه

ماضل بيه گطرت حيل
خلصّ حيلي مو كواك
شد ويانه حادي النوگ
ماخلانه نبقى وياك

……..…………………………………..
نركض اعله حسين كلنا ومايگوم النه الحسين
احنه تالي الزمن نصفه اعله الهوادج تايهين
هوه هذا الصار بينه چي اهلنه مذبحين
النوگ هاي شكد حنينه اعلينه مامرهه حنين

الحافر ابن امي خذاه . حسين ميت من وراه
اخ يالجمه البگلبي . تعباني وتعباااه

انه مفارجتلي اخوان
حنان من الزغر وياي
تاليها بقصر وبسوك
من مات الالي حماي

……..…………………………………..
عميه بس گلبي اليكلي حسين مات وعذبوه
تلمست ايده وعرفته محبس من ايده خذوه
فرهدو حته قميصه بهيمه وحده وسلبوه
الله ولحد ياهو يرضه هيج يتعلعل اخوه

ضيمي ضيم الفاگدات . مره ومحتاره ببنات
شكثر تحمل اه يگلبي . موت غير حسين مات

موت المن تعيش المن
ماضل من التودهم
الموت الماعرف يختار
ياخذ وين التحبهم

……..…………………………………..
عباس القلعاوي

#مُخيلة_شاعر
#وكأني_بمولاي_الحُسين_ع
#عندما_وصل_الى_ارض_كرب_وبلاء

سرى ظعن الهواشم

بهاي الارض دمعه وركض تحتار الاطفال
راح اليمر شوغة عمر برماح ننشال
باچر عطاشى بكربله واخرنه الاحبال

هنا تطلع العلويه من خيمه
هنا ابو فاضل مايكف ضيمه
هنا علي الاكبر بالسحگ موته
وزينب غريبه تصير بالهيمه

هنانه الحسين يكضّنه حيل اصفاحه
يـا ظـعنه نـضيـع بوسـط ذبـاحـه
كل السيوف تدير اعله بزرت هاشم
بـاچـر اليغرگ يچـلب بـسباحـه

سرى ظعن الهواشم
………………………………………..
ظعني الاجه اعليه انتجه مايدري بالموت
باجر سبي ويه اجنبي ويتعاله جم صوت
زينب غريبه ميسره تاليها تابووت

هنا عبد يعطش وبسهم يروه
ناس احنه وادم نعرف النخوه
والنخوه شحت الا من ناصر
ويصير للخيمه عمد تجوه

زينب تضيع عله الهزله بين الغربه
باچر تعيش مصاعب اخفهن صعبه
تلتفت توكع الهزّل تطيحهه
الفاگده اخوان اعله الماي ابد متشربه

سرى ظعن الهواشم
………………………………………..
الحرب البدت بالطف غدت دخان بخيام
يتخلخل الفاگد وطن يمشي الظعن يدخلونه للشام
زينب بقت گطره صفت بيدين ظلاام

تبقى الغريبه مرافكه الدمعه
تحچي وحجيهه محد يسمعه
اتاني ابو فاضل يرد ويردها
وبكربله يطفونهه الشمعه

ابن اخوي اليضل وحده وسط الحومه
القاسم الرمله يرجع نزيفه ادمومه
الصاير هنا ابد ما يصير بوادم
يرد لخيامه دمه نشف بهدومه

سرى ظعن الهواشم

………………………………………..
افگد اخو بهيئة ابو ساقي عطاشاه
يرجع للخيام بعمد مايمه احد طايح اويلاااه
يرجعلي باقي بلا زند يطيح ويصد عينه ليتاماه

تتنطر العلوية للجربه
زينب اخوهه هواي التحبه
يطيحن خيمنه ويعتلي الصاااايح
ورقيه من عندي تجي تطلبه

تكلي بويه يرد عمنه لو ماشوفه
عمي عباس مثل مسلم وبالكوفه
دايره اعداه مثل نار خيام الساده
تصيح الگلوب بالبلخيام خطف مخطوفه

سرى ظعن الهواشم

………………………………………..
عباس القلعاوي

#ختام
#مولاتي_زينب_بعدما_اسُرت_الى_الشام

انه البلغرب ضلت وحيده انه
الگبري ولاكو واحد سرفن اردانه
فوك ارماح خلو روس موتانه
دخلنه الشام بس محد تلگانه
.
الشام اليطبه ومو عرف تشّتم اهله اكباله

.
من بچي العلاوي الماي اضن يغرگ
زينب ياخو زينب ملت من الطگ
النهر كد مامشه برجلينه صار ازرگ
هدوم حسين جوه الخيل تشكگ

.
ضيمك يزاود ضيمي انت برمح وانه بسبي

.
ضلت تنعه نعايت هلي تنعه
يشروني مثل ماتنشري السلعه
زينب بس لطم ومرافگه الدمعه
انه اخت النشامه الجابو التلعه

.
يامن يوديني لهلي نبح صوتي كد ماصايحه

.
انه الفاچده وين الحلو طوله
يحيود الهواشم وين الفحوله
يا شيخ الرضاها الخبر وصلوله
بنص الشام تتلگاني هلهوله

.
مسبيه زينب بالغرب تبچي وركص گدامهه

.
عباس القلعاوي

الشام موت گلب اخيتك وانخاك

_
من الخيمه اجيت بلهفه . گالوهه طلعت زينب
كل همي اشوف جروحك . انه وعباتي التلهب


ياروح اخيتك رايحه زينب لليسر
الاذاني گالو زينب تدخل للقصر

- من الاميره لحد اسيره من وصلتك
- تبسمو صاحو سبيه الشام اجتك
- ياجرح يرهم عليهه خويه اختك


الشام موت گلب اخيتك وانخاك

_
ودعتك الله بصحره . بذمت الرمل عافيتك
ماعندي ماي تشربه . لو عندي جان انطيتك

عينك عليـه اتباوع يلكلك جرح
كل ما شفت عثراتي توكع بالرمح

- هوه هذا الشام كل شكواي منه
- بحبل واحد جتفونه وطحنه كلنه
- الشام سالفته چبيره وي ضعنه

الشام موت گلب اخيتك وانخاك

____
سوگ الشماته انطره . والعثره فشله بنصهم
كالو غريبه اعليه . الناس اضربوهه اتكلهم

الشام اه الشام تارس كلبي دم
لا سيف سيد يبره لا رفت علم

تعبت امشاكف اختكم بالمصايب
وين صرنه ووين جنه يلحبايب
هسه مو بس گلبي خويه وجهي ذايب

الشام موت گلب اخيتك وانخاك
____
كل المصايب هانت . گبال الغرب مهيوبه
بذمتك يماي الجاري . ودموعي بيهن حوبه

ياخيزرانه وماي حار ولچمة شمس
كل هلمصايب صارت ماطلع النه حس

- اختصر كل هل مصايب بل اخير
- عشنه اميرات بزمن ما بيه امير
- الدنيه تعرف بس الحسين الچبير

الشام موت گلب اخيتك وانخاك
____

عباس القلعاوي

#وما_خفي_كان_اعظم

دولبني وكتي بديرة غرابه
مگعادي بيتي مو بالخربه
هاي انه زينب بنت النجابه
ويلااه

كل مره اطيح ويلحكني جفه
حسين بدمعتي هلمره احلفه
يلحكني اريده لا ضعني يكفه
ويلااه

ماضلي . اخو ولا ضلي تالي سند
ماضلي . ابو ولا من امي ولا من احد
ماضلي . فرح بس حزني اعليه اشد

…………………………………….
عطشان اخيي ياعميه عيني
لميته حد ما خلصّت اديني
متعنيه زينب ماتعتنيني
اخووي

المات اعله اخيه يموت ابهضمته
والتهضم اكثر عل هزله اخته
كبالي الحوافر تاخذ جبدته
اخووي

دليني . درب مابيه ناس امشي اله
دليني . طريق يودي موش الكربله
دليني . شسوي الحيره وياي العايله

…………………………………….
فاتحتك شما صارت خساره
اه يادليلي الماتطفه ناره
يحسين اخيتك بين الاساره
واطيّح

جابولي ماي وكالولي اشربي
جا يمته يفتك حزنك يگلبي
بين الشماته گضيته دربي
واطيّح

ياحزني . الوجع للحرمه الما متدلله
ياحزني . بعد فك مني اخواني وبالفله
ياحزني . ضگت ضيم الشام وكربله

…………………………………….
مشرومه اذنها وتون خطيه
ونت لحد ما ماتت رقيه
زغيره ويكولون الهه السبيه
حرام

ماتقبل من يصيحولي بسمي
هاي الغريبه كالوها يمي
ماهمني كلشي بس انته همي
حرام

متعوبه . وتحشم زينب فزعه ياهلي
متعوبه . ولا واحد من اخواني ضل الي
متعوبه . الاصعب من كالو هاي بت علي

…………………………………….
عباس القلعاوي

منهاج محرم الحرام ١٤٤٦ هـ
المستهل مجارات
ليلة العاشر

كون البواچي ترجع المات
لكضي العمر يحسين ونات

………………………………
حدر ضعنه الديرة الشام
ودعتك الله وتربي العيون

ماخوذه كوه وماكو فزاع
حمل ضعنه من الصبح شال

انه اعله ناگه وانته بالگاع
ما اشرتلك زرگه المتون

نوم العوافي اعليك يحسين
واحنه البواچي مرافجه الحال

كون البواجي ترجع المات
لگضي العمر يحسين ونات

………………………………….
نبجي ونهيل اتراب يحسين
نلطم لحد مايتعب السوط

يابعد اخيتك عاين الحيل
من كل كتر ياخويه مهدوم

طرينه ديره تبوگ الگلوب
راس النفل برماح محطوط

طرينه سوگ الموش اجاويد
باعونه سلعه بوسط الهدوم

كون البواجي ترجع المات
لگضي العمر يحسين ونات

………………………………..
من ياسنينه التنسبي تموت
جدام اخيهه وصعدت النوگ

اه يا هظمتي اگبال الحسين
بنت النجابه ومالي فزاع

كل ما اشاگف يتعب السوط
يطگون اخيتك ماضن تلوگ

اركض واطيح اگبال العيون
وين الهواشم وين السباع

كون البواجي ترجع المات
لكضي العمر يحسين ونات

………………………………..
رديتلك والناگه مو خوش
ماتمشي گلبي مورم اعليك

ذبيت روحي وجيت احاجيك
اختك غدت زرگه من الحبال

انه اندل اجروحك يلحسين
بس من وصلتك كتلك شبيك

تعبانه اخيتك من الهموم
لجمت گلب ومرافگه الحال

كون البواجي ترجع المات
لكضي العمر يحسين ونات

………………………………………
عباس سلمان القلعاوي

#نعي

مايدري بينه كفالنه مايدري بينه
احنه نسبينه بديرة غرب احنه نسبينه
الماخذينه جا عوفو اخوي الماخذينه

كلبي بفراكك هذا حده
سيف وعله روحي يتعده
ها يبن ابوي اشكيك وحده
عيوني البجي سواها رمده

رد يتلوه رد منكسر رد يتلوه
ياطير شلوه ها ياحلو ياطير شلوه
للعده نخوه عدي عتب للعده نخوه
ماخوذه كوه فوك الهزل ماخوذه كوه

نبچي وبعدها ترف العيون
ماينكسر گلب اليشتمون
بنص الدرب كامو يعيلون
والسوط يتراوالهه ام عون

گلبي اليريده خل ياخذه گلبي اليريده
بس مايفيده محمل حزن بس مايفيده
يمشي بوريده اسمي الگبل يمشي بوريده
المگطوعه ايده مايلفي الي المگطوعه ايده

ماماشياته مشينه بدرب ماماشياته
يحير بخواته كلمن صفه يحير بخواته
كلهم شماته والبظعن كلهم شماته
يبست لهاته حته الرمح يبست لهاته

شمسوي بينه حادي الهزل شمسوي بينه
يفتر علينه بالروس ضل يفتر علينه
ماعاتبينه عفنه العتب ماعاتبينه
حادي الضعينه چا مايرد حادي الضعينه

رايح ضعنه ومدري لاوين
والباقي بس راس من الحسين
لاگونه ناس وطالبو دين
كلهم شماته اعله المجبلين

ضل عالي ونه بين الجمع ضل عالي ونه
مايفزع النه راح الاخو ومايفزع النه
يهل المحنه تسمعونه يهل المحنه
انرد لهلنه يطگونه ونرد لهلنه

مورم يگلبي شلون مامات
الماعدهه اخوها عدمن تبات
نسوي الذره تالي بخرابات
وبعيونه تنشاف شوغات

عباس القلعاوي

#مولاتي_زينب_عندما_اسُرت_وما_بعد_السبي

معاتب گضه بحرگان گلبي

__
ياعيني كافي من البجي الراحو ولا يردون
واحد وره الثاني انكضو ماي بنهر من يمشون
موتني ضيمج كربله والشام ما خله امتون

انه كلبي جروح شايب وانتم الموته الكبالي
كومو فدوه ياهو اليه خلافكم محد بجالي

شيهوده گلبي وعيني متنام، يسوايت الشام، موتني مرتين
لمن غريبه تصيح الناس، ومن راس عباس، يم رمح الحسين

معاتب گضه بحرگان گلبي

_
راحتلي ام تسوه سلف وراحالي ابو يسوه شيوخ
كلبي منهدهم مابرد نار وتكض راس الكوخ
وراحالي اخو يسوه الگمر لو شافته الگمره تدوخ

طاح مت عيني ع وجهه ودمه يابس ضال حدره
شمالكم يهل المروه حطو الجفوف عل گبره

واحد خذته الخيل للخيل، والثاني بالليل، ضاع وي الگماط
طيحة خرز عباس من طاح، شاهودنه وراح، يتلگط الگاط

معاتب گضه بحرگان گلبي

__
ياناس ابو الاكبر زغر من السحك بالخيول
والهضمه يضحكله النذل وهاي اخته كدامه يكول
ماصايره عند العرب بحجاره ينطك مكتول

الماي ابرد من شيمهم وانه اخيي بگلبه ناره
لاكو غيره ولاكو نخوه واحنه ساده وبينه شاره

بذمت الگاطع خنصر حسين، مسلمته للبين، ومسلمه ناسه
نمشي سبايه ونرضه بالصار، وهم نرضه بالنار، بس عوفو راسه

معاتب گضه بحرگان گلبي

____
ماسلبو بس الخيم وياهن تراجي من زغار
لاكتني بت كلبي وبجت كالتلي عمه الدم حار
مشرومه اذنهه ودنكت حتارت بذنهه وبنار

النار تاكل بالعبايه وانعم الله ع العبايه
عاد اطفي النار بيها كبل لا نمشي سبايه


ركض الجبير يفحط هواي، والاصعب الجاي، ياروحي احملي
باجر مضاعف موتت ام عون، ها يلتنشدون، بالعيشه شلي

معاتب گضه بحرگان گلبي

____
ياعيشه للمات الهه اخو ومَو بس اخو جان احزام
ماصايره الغربه الجرت شفت المصايب بالشام
عد راس اخوي من الصبح دك الطبل والدمام

يهل زينب وحك زينب عني حيل تاخريتو
اخ يا جـلمـة غريبـه مـوتتني ومـاجـيتـو

اه يا لجمتي بهودج النوگ، فرانه بالسوگ حادينه مو زين
ورم كلبهه السوط والخوف، زينب يلتشوف، مجتوفه الايدين

معاتب گضه بحرگان گلبي

___
#تمت
#عباس_القلعاوي
#نسألكم_الدعاء

حداينه كتله توانه
حسين ميت وشورانه

النوگ فحطن وستراحن
واحنه العلاوي اركاض راحن
💔💔💔💔💔💔💔