group-telegram.com/ahgeel/2325
Last Update:
قصص وروايات وحكايات
#رقـــــيـــــة💕
الحلقة (6)
عمر:رقييييييييييييييييييييييييييييييييييييييييييييييييييييييييية
واتجه ناحية اوضة رقية بينما هي كانت جوا بتترعش من الخوف ومرعوبة واول مااتفتح الباب وظهر عمر والشرر يتطاير من عيونه دموعها نزلت ورجليها ما بقيتش قادرة تحملها فاترمت عالسرير
عمر بهدوء مغلف بالعصبية :ايه الي سمعته ده؟
رقية ما كانتش قادرة تنطق بصيت بعيونها المليانه دموع ناحية سمر الي كانت واقفة ورا عمر وكانها بتستنجد بيها
عمر وهو بينقل بصره بينهم وقام شدها من ذراعها قومها وبزعيق لرقية: بسالك انتى انطقي
رقية باصة للارض وبتعيط بانهيار وخوف شديد
عمر يحاول يهدى ويلتفت لسمر: اطلعي برا
سمر بتوجس:ليه
عمر بزعيق:برااااااااااااااااا
طلعت سمر وهي باصة بشفقة لرقية الي كانت عيونها بتقولها متسيبينيش وردت عليها بيعيونها مش بايدي عمر قفل الباب وجه قعد جنب رقية الي انتفضت برعب اول ما قرب عمر وهو باصص قدام :ممكن تبطلي عياط عشان نكلم
رقيةبس ساكتة وبتعيط:ـــ ــــــــــــ:'(
عمرر بغيظ مكتوم: هو انا عملت ايه عشان تعيطي ضربتك مثلا؟ ولا عارفة انك عملتي حاجة غلط
رقية:ــــــــــ
عمر وقرر يدخل فى الموضوع: بقالك قد ايه تعرفيه
رقية بتحاول تنطق وصوتها مش عايز يطلع:ـــــــ
عمر بعصبية خفيفة: هو انا بسال امي
رقية جاهدت ان صوتها يطلع: شـ احم احم شـ شــــفته امبارح
عمر: بسم الله ماشاء الله ولا كان في راجل تستاذنيه رقية:ــــــــ
عمر: والفرح بقا ناوية تعرفيني ولا هعرف بعد الفرح بردو
بصيتله رقية بعتاب
عمر بصوت جاهد ان يكون هادئ: ليه مش عرفتيني يا رقية ليييييييه هو انا مش اخوكى افرضي حد من صحابي شافك وجه قالي هيبقى شكلي ايه وانا مش عارف حاجة بلاش دي افرضي طلع وحش مش لازم نسال عنه ولا هو مش من حقي اطمن على اختي
رقية: ـــــ
عمر يشفق على حالها وياخدها في حضنه : اوعديني ان بعد كده اي حاجة تحصل معاكى مهما كانت صغيرة تيجي تحكيهالي
رقية براحة واحساس ان ليها ظهر وسند: حاضر ان شاء الله
عمر بمرح: انا جعان ايه الناس دي عايزين يموتوني من الجوع دنا زي اخوكى ا روكا مش هتعمليلي اكل؟
رقية بفرحة وهي قايمة: من عينيا يا حبيبي ثواني ويكون الاكل جاهز ان شاء الله
عمر يتمتم : ربنا يحفظك يا رقية مش عارف ليه مش مطمن ربنا يستر ويطلع راجل ويستاهلك ويستاهل الحنية والرقة دي كلها
======= =====
اول ما طلعت رقية سمر بقلق بالغ جريت عليها: طمنيني حصل ايه
رقية بسعادة: الحمد لله عدت على خير
سمر بارتياح: الحمد لله دنا قلت هيقتلك اليوم
رقية: الحمد لله وهي رايحة للمطبخ تمتمت: ربنا يخليك ليا يا سندي دنا اول مره احس ان ليا ظهر وامان وحنية اقدر الجالهم اكملت بشرود: جايز احتاج السند ده لو احساسي صدق ربنا يستر ويطلع راجل
=========== ========
عالفون خالد: ايه يا حبيبتى مبترديش عالفون ليه قلقت عليكى
رقية اتكسفت جدا من كلمة حبيبتي الي القاها على مسامعها بس عملت نفسها مش واخده بالها واكلمت بعفوية: مااقولكش علي حصلي النهار ده يا خالد
خالد بانتباه: خير ايه الي حصل
رقية: اصل اختي حكيت عن موضوعنا لاخويا وهو اتعصب وززعل جدا
ابتسم بسخرية وقال: هو انتى لسه حاكياله
رقية باحراج: اصل انا اكسفت و سبت الموضوع على اختي وهي لسه قايلاله اليوم
خالد: اها طب وعملتي ايه
رقية بسعادة: ولا حاجة هو اصلا طيب واتصالح بسرعة
خالد: طب الحمد لله .. رقية
رقية: نعم
خالد: وحشتيني
رقية بدهشة :هو انت لحقت
خالد باستنكار: ايه
رقيه وكانها لسه مستوعبة هي قالت ايه :هاه لا ولا حاجة
خالد: بقولك وحشتيني
رقية بينها وبين نفسها: يخرب بيتك ا شيخ هقول ايه انا دلوقتى
بعد فترة صمت
خالد: سكتتي ليه
رقية: عادي
خالد: بقولك وحشتيني مش هتردي؟
رقية:هقول ايه
خالد: برايك تقولي ايه
رقية بكسوف شدييييد من الي مصر يكسفها: معرفش
خالد بغيظ مكتوم : قولي احساسك يا رقيه
رقية: بس انا مش حاسة بحاجة
وهنا صاحبنا جاتله النقطة .......
يتبع
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2325