group-telegram.com/ahgeel/2330
Last Update:
#رقـــــيـــــة 💕
قصص وروايات وحكايات
الحلقة العاشرة
قررت رقية انها تكتب فمسكت القلم بايادي مرتعشة ومشاعر نصف كاذبة تكاد تصدقها
رقية: لا اعرف ماذا اقول وان قلت ماذا يفيد الكلام يوم لقائنا ولحظة تركتك تركت روحي معك عدت للمكان لاسترجعها فلم اجدها ا تراها رحلت معك ام تاهت كصاحبتها لقد اصبحت اكسجيني فانت القمر في سماي وانت الزهر في ربيعي وانت بحر شاطئي وانت النور لحياتي وانت بسمة الثغر لوجهي ا و مازلت تسال هل دخلت قلبي ام لا؟ انت لم تدخل فقط بل بنيت فيه قصرا وتربعت على عرشه والانكى من هذا انك تطرد الدم قائلا اخرج هذا مكانى انك لعلى حق فانت الدم الذي يضخ لشراييني الحياة ا علمت الان بمكانتك في قلبي؟ رفقا بي اذن
ودي كانت اول رسالة عاطفية تبعثها رقية لخالد خالد ماكانش مصدق انها نطقت
خالد: يااااااااه كل ده جواكى يا بطتي بحبك بحبك اووووووووي يا روكتى
رقية بخجل: وانا كمان على فكره
خالد: وانتى ايه
رقية: وانا كمان
خالد: وانتى كمان ايه
رقية: زيك
خالد:زيي فايه
رقية:خلاص بقا بطل رخامة
خالد: طيب طيب خلاص بجد انا مبسوط اووووي ربنا يخليكى ليا يا حبيبتى
قعدوا يدردشوا وخالد غرقها بكلامه المعسول الي اسرها وفجاة استوقفتها رساله من الدكتور بلال
بلال مع نفسه بلال: ياااااارب ازاي هحذرها منه دلوقتى طب يا ترى هتصدقني بس اكيد بقيت تحبه ازاي هكسر قلبها واصدمها فيه لالالالا يتكسر قلبها ولا تخسر حياتها لازم احذرها بعد ما عرفت نواياه الواطي ده
فلاش باك
خالد: عارف يا بلال البت رقية دي مش سهلة خالص ودخلت دماغي
بلال: بجد؟ يعني خلاص هتعقل وتجوزها
خالد: ههههههههههههههههههههههههههههههههههههههه انت بتهرج صح؟ هو انا بتاع جواز بردو عيب عليك ا صاحبي
بلال اتعصب وقام شده من قميصه: بص يلا انا سكتلك كثير وانت زودتها اوي انطق حالا ناوي على ايه
خالد بهدوء مستفز: هتيجي الشقة
بلال الغضب عماه وقام اداله بوكس ولحقه بالثاني وقعدوا يضربوا بعض
وبلال بيردد
بلال: حقير واطي دي بت محترمة ملايكة عايز تاذيها ليه يا حيوان هي عملتلك ايييييه مش هسمحلك تاذيها مش هسمحلك
خالد اخيرا يفلت نفسه من قبضة بلال: بس بقا عاملي فيها شريف اوي يعني مااحنا دافنينه سوا واكمل مهددا: ابعد عن طريقي احسنلك يا بلال انت مش قدي
افاق بلال من شروده على اصابعه بتخط رسالة لرقية ووجهه مليان دموع الم وندم
بلال: السلام عليكم
رقية: وعليكم السلام ورحمة الله
بلال:ازيك يا رقية
رقية:الحمد لله ازيك انت يا دكتور
بلال: الحمد لله ايه اخبارك وايه جديدك
رقية:الحمد لله بخير
بلال: ايه مفيش عندك جديد
رقية باستغراب: لا عادي مفيش حاجة
بلال بضيق مع نفسه: يوووووووووه انطقي بقا يا رقية والله عايز احذرك منه انتى طيبة وماتستهليش الي ناوي يعمله فيكى الحيوان ده
قعدوا يكلموا شويه من غير اي فايدة وقامت رقية تقفل الفيس وفجاة شافت بوسط صدمها
"الى كل فتاة بتسمح لخطيبها يتجاوز معاها في الكلام احب ابشرك بحياة زوجية تعيسة منزوعة البركة"
رقية باذبهلال: خطيبها!! هو مش خطيبها ده في حكم جوزها ايه الهبل ده وفجاة انتفضت وكانها صُعقت
رقية:معقولة معقولة بيضحكوا عليا عشان اخد راحتى معاه في الكلام لالالالا مش ممكن مستحيييل مستحيل يعملوا فيا كده وفجاة وصلتها رسالة من ندى
ندى: ايه عملتى ايه في خروجة النهار ده
رقية:تمام الحمد لله انبسطت
ندى بقر مصطنع: يا بختك يااختي طبعا هتكونى مبسوطة حد يطول يبقى حبيبه معاه
رقية:ههههههههههههه انتى هتقري ولا ايه
ندى: لا ماانا خلاص قريت
رقية: نعم نعم يااختى هي ناقصة يعني ولا ايه
ندى:اصل بصراحة محمد وحشني اووووووي بقالي اكثر من شهرين مشفتوش
رقية: ربنا يقرب البعيد يااختي عشان تحوشي عينك عني شوي
ندى: ههههههههههههه يا رب يااختى ياااااارب بس طبعا احنا غيركم
رقية: يعني ايه غيرنا
ندى: يعني احنا كاتبين الكتاب براحتنا بقا ومفيش اي كلمة اخاف اطلعها وتبقالي ذنب
رقية لنفسها بصدمة: يعني في فرق بين المخطوبين والي كاتبين كتابهم طب ليه سمر ضحكت عليا لييييييييييييييييه
قامت رقيه الصبح لابسة
ام عمر باستغراب: رايحة فين عالصبح
رقية بغيظ مكتوم: رايحة عند سمر
ام عمر: ليه
رقية: عادي يعني وحشتني وعايزه اشوفها واهو تديني دروس واتعلم منها بردو ازاي اتعامل مع جوزي
ام عمر حسيت بخوف من لفظ جوزي الي قالتها رقية فقالت بارتباك: ايوا ايوا يا بنتي روحيلها دي اختك بردو وعارفة مصلحتك وازاي تنصحك يلا مع السلامه
نزلت رقية في طريقها لبيت اختها والشرر بيتتطاير من عينيها ونار الغضب الي مش ممكن يخمد ......
يتبع
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2330