group-telegram.com/ahgeel/2386
Last Update:
#رقـــــيـــــة 💕
الجزء الثاني:
دلونى عـ الطريق
الحلقة السادسة عشر
رقية:ـــــــــ
يزيد: رقية
انتى فين
رقية بتعيط وساكتة
يزيد: بالله عليكى ردي
قولي اي حاجة
رقية استجمعت قواها
رقية: وانا بحبك يا يزيد بحبك اووووي انت قلبي وروحي انت الي رديتلي الحياة
انت الدم الي بيمشي في عروقي
انت حبيبي يا يزيد
انت الي داويتلي جروحي
انت تعويض ربنا ليا من كل العذاب الي شفته
بس ايديها كتبت عكس احساسها
رقية: يا يزيد انا
انا بحسك اخويا او ابني او صديق ليا مش اكثر من كده
اسفة بجد مش بحس باي حاجة ثانية
يزيد اتصدم كان متوقع اقل حاجة في مشاعر بسيطة تجاهه
حس باحراج فظيع بس استجمع قواه وقال
يزيد: خلاص انسي الموضوع ولا كانى قلت حاجة انتى وعدتيني انك مش هتتغيري عليا
رقية نطقت بوجع قلبها الي حبه: انت اخويا يا يزيد ربنا يرزقك بالاحسن مني
قفلوا وقامت رقية تنام وهي فرحانة اووووووي عشان طلع بيحبها بس بنفس الوقت زعلانة جداااااااااا من نفسها عشان كسرت قلبه وقالت عكس الي بتحسه
رقية ودموع نازلة على مخدتها: ازاي بس يا يزيد ازاي يا حبيبي هقدر اقول لاهلي اني بحبك
اقولهم تعرفت عليه من الفيس وافقد ثقتهم فيا ده لو مش قتلوني
مش هقدر يا يزيد مش هقدر
سامحني
خوفي من عمر اكبر من حبي ليك
خوفي قتل حبي
===========
=========
الصبح حديث بين سمر ورقية
سمر كانت ملاحظة اهتمام رقية بيزيد وكلامها عنه ولمعة عنيها وهي بتكلم عنه ونبرة صوتها لما تملاها السعادة فقررت تكلم معاها في الموضوع
سمر: عارفة يا رقية
رقية انتبهت من سرحانها: هاه في ايه
سمر بخبث: انا ملاحظة ان الي اسمه يزيد ده بيهتم بيكى زيادة يعني
رقية مذبهلة: ازاي يعني
سمر بخبث: يعني بيحبك
رقية بسعادة: بجد!! حسيتي ده ازاي
سمر: يعني من كلامك عنه واهتمامه بيكى
رقية بخجل: بصراحة هو قالهالي امبارح
سمر بخضة: قالك ايه
رقية بسعادة: قالي بحبك
سمر بحذر: وانتى قولتيله ايه
رقية بحزن: قولتله مش بحبك
سمر بارتياح: ايوا كده عشان مينفعش
رقية بحزن عميق: ليه مينفعش
سمر: علاقتكوا مينفعش تتعدى حدود الصداقة
رقية بوجع: لييييييه
سمر بعصبية خفيفة: نعــــــــم ليه ايه ان شاء الله
ازاي هتقولي لاهلك حبيت واحد من عالفيس وكمان من بلد ثانية
رقية: طب وفيها ايه القلب وما يريد
سمر: والناس هتقول ايه
رقية: ماليش دعوة بالناس
سمر وفقدت هدوؤها: بصي بقا يا رقية من الاخر كده
انا عارفة ان انتى كمان بتحبيه والاحسن تقطعي علاقتك بيه خااالص
عارفة لو اهلك عرفوا هيحصل ايه؟؟؟؟
ده مش بعيد يقتلوكى
انسي الموضوع بقا احسنلك
مش هتشوفي من ورا الحب ده غير العذاب والتعب
رقية لمعت عنيها بالدموع بس خبتها وسكتت
قضيت يومين وهي في قمة الانهيار وقطعت الاكل
حاسه انها اتحرمت من حب عمرها ومش هتلاقي حد يحبها قده ولا يفهمها زيه وكان الشيطان بيزنه ليها وبقيت شايفاه ملاك
بنفس الوقت كان يزيد حاسس انها متغيرة عليه
كان عنده احساس كبير انها بتبادله المشاعر بس كلامها العكس بقا هيجنن ومش فاهمها فراح مكلمها
يزيد: على فكره يا رقية انتى خليتيني اندم عشان اعترفت بالي ما بقاش قلبي قادر يحمله
رقية: ليه بتقول كده
يزيد: عشان اتغيرتي عليا
رقية: لا والله متغيرتش
يزيد: لا اتغيرتي قوليلي مالك
رقية: ماليش بس شويه خنقة
يزيد: ايوا الخنقة دي من ايه ولا مابقتش اخوكى ولا ابوكى ولا صاحبك واقرب الناس ليكى
رقية: لا مش كده بس
يزيد: بس ايييه
رقية: ينفع اكلم يزيد صديقي وابني واخويا
يزيد: موجود
رقية: انا مش عايزه يزيد الي بيحبني عايزه اكلم يزيد القديم
يزيد:موجوووود انطقي بقا
رقية: طب هقولك بس بشرط
يزيد: اييييه
رقية: متفتحش الموضوع ده ثاني خاااالص
يزيد وتوقع هتقول ايه: ماشي اوعدك
رقية بتردد: انا بحس ناحيتك زي ماانت بتحس ناحيتي بس مش ننفع لبعض
يزيد بمشاعر متضاربة بين الفرحة والزعل والخوف والدهشة والغضب والحنين :ايــــــــــــــــــه
يتبع.....
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2386