group-telegram.com/ahgeel/2436
Last Update:
#رقـــــيـــــة 💕
الحلقة 23
قررت رقية قرار مهم جدا في حياتها بس على قد ما القرار اسعد يزيد على قد ما ضايق ناس ثانية تهمها
رقية قررت انها مش هتسلم على رجاله ثاني وطبعا يزيد انبسط جدا بقرارها بسبب غيرته المجنونة عليها وبسبب ان الموضوع مسببلهم خناقات على طول وللاسف ده سبب اتخاذ رقيه القرار ده
بس ده مش عجب سمر ازاي مش تسلم على جوزها
رقية وهي قاعدة مع سمر وبتحاول ترمي كلام
رقية: عارفة يا سمر من فترة كده لقيت حديث نبوي شدني اوي وبقيت خايفة ونفسي انفذه
سمر: خير ايه الحديث ده
رقية: عن معقل بن يسار عن الرسول صل الله عليه وسلم قال لئن يطعن احدكم بمخيط من نار في راسه خير من ان يمس امراة لا تحل له
سمر: ايوا مش فاهمة قصدك يعني
رقية: يعني قررت مش اسلم على رجالة ثاني
سمر: حلو .. بس معلش عايزه اسالك سؤال
رقية: ايه
سمر: يعني انتى مالكيش ذنوب غير السلام فقولتي تشيليه يعني؟؟
روحي يا رقية توبي عن الذنوب الاكبر الاول وان كان على جوزي هو مش مستني سلام حضرتك
رقية: انتى ليه بتكلمي كده
سمر بعصبية: بصى بقا جوزي ده يبقى ليكى محرم مؤقت يعني دور الملتزمة ده العبيه على غيري
رقية: ايوا محرم مؤقت بس مينفعش اقعد معه بشعري ولا اعامله زي محارمي الثانيين
سمر: لا بقا زيهم
رقية: بجد
سمر بتاكيد : اييييييون
رقية وحسيت بخنقة وافتكرت لما قالتلها ان خالد زي جوزك فقالت بعصبية: كذاااااااااااابة يا سمر كذااااااااااابة ولا يمكن اصدقك
سمر: طب بصى كده من الاخر لما تبطلي كلام مع سي يزيد بتاعك ده ابقي بطلي تسلمي على جوزي اهو دي بدي
رقية: ايه دخل ده فده انا ويزيد مجرد بنكلم واحنا مجرد اصدقاء مفيهاش حاجة
واتجهت ناحية علاء قائلة بالله عليك قول حاجة يا علاء
(بسبب جهله في الدين هو بردو ماكانش عارف يقول ايه بس كان عايز يهدي رقية عشان بيحبها اوي)
علاء: معاكى حق يا رقية السلام على الاجنبي لا يجوز ومفيهاش حاجة لما تكلمي مع صديق مش عيب وبعدين احنا واثقين فيكى وعارفينك كويس
بصتلها سمر بتحدي ورقية اكسفت من كلامه وحسيته خنجر اتغرس جواها وهي عارفة انها خانت الثقة دي
قامت رقية دخلت جوا وهي ماشية بصتلها سمر شذرا ورمتلها كلمة كانت زي السهم المسموم الي انغرس جوا قلبها
سمر: مناااااااااااافقة
وفضلت رقية طول اليوم مخنوقة وطبعا يزيد حس بيها وقعد يتحايل عليها تنطق وتقول مالها
يزيد: بالله عليكى يا رقية قولي مالك عصبيتك دي وضيقك وراه حاجة في حد ضايقك؟
احكيلي بقا
رقية: هو انا منافقة يا يزيد؟
يزيد بصدمة: بتقولي كده ليه
رقية: مش عارفة ليه العالم كله بيعاقبني على دقة قلبي
يزيد بعدم فهم: ممكن تهدي يا حبيبتي وتفهميني مالك
رقية: على طول وانا بالفيس بتيجي فطريقي بوسطات بتكلم عن الحب الحلال مش ببقى فاهمة يعني ايه حب حلال
دخلت على بيدج كل كلامها عن الحب الحلال .. لقيتهم بيقولوا ان اي حب قبل الجواز حرام وان الحب حلال بس تصرفاتنا بتحكم عليه وان اي علاقة قبل الجواز حرام وربنا مش بيبارك فيها وكمان قالوا ان في ظوابط لفترة الخطوبة بجد اتخنقت منهم اوووووووووووي وحسيت قد ايه هما ناس متشددة وشوهوا صورة ديننا دين اليسر واللين
بس النهار ده حصلت حاجة خليتني افكر من اول وجديد وجايز كلامهم صح وبقيت خايفة خايفة اووووي من عقاب ربنا خايفة لو حبنا حرام وربنا يعاقبنا
وكمان الي حصل النهار ده حسسني كانها رسائل من ربنا بتتوالى عليا
يزيد بضيق: طب احكيلي الي حصل النهار ده
وبعد ما رقية كملت كلام ويزيد بقا الشرر يتطاير من عيونه وكره اختها سمر زيادة عشان على طول معارضة علاقتهم بس ردة فعله كانت غريبة اووووووووووووووي ومش متوقعة خاااااااااااااااااااااااااااااااااااااااااااااالص صدمت رقية وصدمتني انا شخصيا
يتبع......
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2436