group-telegram.com/ahgeel/2492
Last Update:
#رقـــــيـــــة 💕
#قصص1وروايات1وحكايات
الحلقة الثانية والاربعين
كانت رقية بغرفتها تراجع سورة التوبة الى ان دخلت عليها والدتها وهي ظاهر عليها التوتر والتردد
رقية باستغراب: في ايه يا ماما ؟
ام عمر: آآآ احمـ آآآآ
رقية: ماما في ايه!!
ام عمر بتردد: جايلك عريس
اخفضت رقية بصرها للاسفل باسى
ام عمر: لحد امتى يا حبيبتي هتفضلي كده كلنا نفسنا نفرح بيكى
انا مش هغصب عليكى حاجة القرار الاول والاخير ليكى لوحدك بس عايزه اطلب منك مترفضيش رزق ساقه الله اليك اقعدي معاه واستخيري ولو مرتحتيش خلاص
قولتي ايه
رفعت رقية بصرها ناحية والدتها ودموعها تنهمر ارتمت في حضنها واجهشت بالبكاء
رقية: انا تعبانة اوي يا ماما تعبانة
انا لسه بحب اسر بحبه اوي
ام عمر: بعد كل الي عمله
رقية بمرارة: مش بايدي محبتش غيره
عارفة لو ييجي دلوقتى ويقولي ارجعيلي هرجعله على طول واسامحه انا تعبت في بعده والله تعبت قلبي موجوع اوي يا ماما اووووي
انا سبت كل مشاعري مع اسر عشان هو حلالي
انا راضية بقضاء ربنا والله راضية وعارفه انه بيمتحني بيمتحن ايماني وصبري وثقتي فيه وحبي له عارفة عارفة
انا صابرة وراضية بس تعبانة اووووي
ام عمر بدموع: انا اسفة يا بنتي انا السبب انا الي عملت فيكى كده سامحيني
رقية: متقوليش كده يا ماما ده قضاء وقدر وانا راضية
~~~~~
وافقت رقية على مقابلة العريس و...
ام عمر: العريس جه يا بنتي
رقية بسأم: جايه يا ماما
خرجت رقية على العريس بالملحفة
رقية بصدمة: سالم!!
سالم: السلام عليكم ازيك يا رقية
ومد يده لمصافحتها
رقية: وعليكم السلام ورحمة الله
اسفة مبسلمش
اتفضل اقعد
جلس سالم وهو يشعر بالاحراج
سالم بثقة: انتى عارفاني طبعا مفيش داعي اعرف بنفسي
بس عايز اقولك خلينا ننسى الماضي ونعيش الجاي انا عايزك وشاريكى واكيد انتى موافقة صح؟
رقية: وليه اكييد انا موافقة
سالم: يعني عشان آآآ احمـ انا حاسس بكده
رقية وقد فهمت ما يرمي اليه
رقية: اهااااااا فهمت
سالم: ايه؟!!
رقية ببرود: واحدة حبيتها زمان شاءت الظروف متكونوش لبعض عدى الوقت والواحدة دي اتخطبت واتكتب كتابها بس يوم فرحها اتطلقت مين هيبص عليها ولا هيفكر يرتبط بيها يعني
ففرصتك بقا تتقدم للي بتحبها ومستحيل ترفضك دي ما هتصدق يتقدملها حد بالنهاية هي خدت لقب مطلقة !! صح؟
سالم: انتى ليه حسبتيها كده
رقية: بص انا مش موافقة لسبب واحد اننا منشبهش بعض انا يوم ما هرتبط لازم يكون ملتزم وقريب من ربنا عشان يرفعني معاه وبالنسبة للناس والمجتمع المريض ده ولا يهمني
انت سامع ولا يهمني ومش هدمر حياتي عشان خاطر الناس
سالم: حياتك معايا تعتبريها دمار!!
رقية: استغفرك ربي واتوب اليك
سالم بخيبة امل: براحتك يا رقية ولو في يوم فكرتي ووافقتي هتلاقيني مستنيكي
رقية بشفقة: متستناش المستحيل وعيش حياتك ربنا يرزقك بالاحسن مني
سالم: منه لله الي فرقنا زمان
على الهاتف
سمر: ها يا روكا عملتي ايه مع العريس
رقية بجمود: انتى عارفة هو مين؟
سمر بتلعثم: آآ لا اه لا اه اه
رقية بعدم فهم: هو ايه الي لا اه ماهو اه او لا
سمر: اه عارفة
رقية: وايه رايك
سمر بعفوية: والله لقطة وهو ميتعيبش يعني وانتى عايزاه من زمان
رقية بحزن عميق: يااااااااااااه بسرعة كده غيرتي رايك فيه مش ده الي كان مينفعنيش وهتقاطعيني لو اجوزته ومعرفش ايه
سمر:كنت غلطانة
رقية بقوة: عموما انا رفضته
سمر بضيق بالغ: انتى هبلة ازاي ترفضي ازاي
رقية: انا حرة
وحطي فـ بالك مش عشان بقى اسمي مطلقة هرمي نفسي اي رمية وخلاص والله ابداا ما يحصل عني مااجوزت يا ستي
سلام يا اختي
اغلقت رقية الهاتف واجهشت في بكاء مرير اقرب الناس اليها يفكر بهذه الطريقة فكيف الغريب
رقية: ياااااارب انا تعبت والله العظيم تعبت
ريح قلبي ياااااارب ياااااارب انا راضية بالي كتبتهولي اديني الصبر يا رب
~~~~~~
مر اسبوع على رقية وهي متقوقعة داخل حزنها ما هد جبل صمودها فعلا هي نظرة الناس لها وكانها خناجر مسمومة تنهش بدنها تقتلها الاف المرات وكان نظراتهم تسالها اسئلة صعبة لا يمكن اجابتها
ما سبب طلاقك يوم زفافك؟
زوجك كان رجلا خلوقا لا بد ان العيب فيكِ؟
كرهت رقية الخروج وانعزلت عن الناس لم تعد تخرج الا للضرورة القصوى فلم تستطع محاربة نظرات الناس ولا السنتهم ظلت تتابع حفظ القرآن الكريم مع معلمتها عبر الهاتف وتحضر حلقات التحفيظ كل فترة
عكفت رقية في غرفتها تحفظ وردها من القرآن الكريم الى ان فُتح باب غرفتها بعنف فاهتزت كل شعرة فيها رعبا رفعت بصرها ناحية الباب فهالها هلع وفزع شديدين مما راته
عمر وهو ملطخ بالدماء وينظر لها نظرات قاسية كلها قهر دفين وتحدي وقوة
عمر بصوت قاسي وحاني بنفس الوقت: اطمني يا اختي
انا النهار ده خدتلك بثارك !!!
يتبع......
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2492