group-telegram.com/ahgeel/2610
Last Update:
#قصص1وروايات1وحكايات
#اعترافات_رجل
#الجزء الحادي عشر :
مراد:انا وين بحكيكي و انت وين بتحكيني ،تحرم علي النسوان من بعدا
ام مراد :شو عملتلو للولد ،الله اكبر من بنات الحرام لفيت عليك و استهبلتك و قالت شاب عزابي و حلو و بكرا بيجيبني لهون
مراد:لا اله الا الله ..لك..
رن موبايلي و كانت مايا يلي عم تتصل من رقم اخوا ،طلعت رديت برا
مايا :مراد طمني كيفو ابوك مو على اساس اطمني اول ما تصل
مراد:صح حقك علي بس التهيت ،منيح لحمدلله احسن
مايا :انت بالمشفى؟
مراد:ايه
مايا:شبو صوتك؟
مراد:ولاشي بس مخنوق مقهور على ابي
مايا :الله يشفيه يا رب و ما يضركن فيه ،امانة طمني اول باول شو بصير معك ماشي
مراد:ماشي
سكرت الخط معا و فتت لجوا ،شفت امي و مرام قاعدين جنب بعض و عم يحكو بصوت واطي
مرام:انا رح قوم اعملكن قهوة
فاتت مرام عملتلنا قهوة و رجعت على الصالون ،كنا قاعدين انا و امي ساكتين
مرام:مراد اعطيني موبايلك شوي بدي اتصل بخطيبي خبرو انو جيت لانو مشغول بالو عليك و انا ما معي رصيد
مراد:خدي
قمت موبايلي من جيبة جاكيتي و اعطيتو لمرام و فاتت تحكي مع خطيبا وانا رجعت فتحت السيرة مع امي
مراد : هلأ انت شوفيا بالاول و بعدين قرري
ام مراد:ما بدي شوفا، ما بدي شوفاااا
مراد :طيب
قمت وقفت و جيت لاطلع من الباب ،اجت مرام و اعطتني موبايلي و رجعت على بيتي ،حسيت حالي متل الضايع بين امي و البنت يلي اختارا قلبي ،رجعت عالبيت حطيت راسي و نمت ،تاني يوم دقيت لحامد كتير بس ما رد علي ابدا ، بعتلو مسج عالواتس ،ردلي عليا
حامد:ما بقا ترجع تتصل فيني او تبعتلي رسائل و اختي بتقلك انساها
رجعت دقتلو كتير و ما رد علي،ما بعرف شو يلي صار فجأة حتى تغير حامد اتجاهي و تغيرت مايا ، بقيت عم اتخبط بحالي و اتصل بحامد حتى حظرني، لتاني يوم دقلي رقم تركي عالفايبر
مراد:الو
مايا :مراد انا مايا
مراد:وينك انت ؟شو صار شبو اخوكي حامد
مايا :ما بقا ترجع دقلو لحامد ،اهلك مبارح دقولو و قلولو انو خلي اختك تبعد عن ابنا
مراد:اهلي انااا
مايا :ايه ما بعرف من وين جابو رقمو
مراد:ااااه هلأ فهمت ..اتصالن هيدا من وراي ،هادا الرقم لمين يلي عم تحكيني منو؟
مايا :هادا الي اليوم اشتريتو و اشتريت موبايل
مراد:اي منيح هيك بيبقى تواصل اسهل
مايا :امك ما موافقة علي ابدا و انا ما بدي اعملك مشاكل اكتر من هيك ،شكرا على كل شي عملتو مشاني بس لهون خلص ،التفت لحياتك و لشغلك و تزوج بنت عمك يلي خاطبا
مراد:لحظة لحظة انا ما خاطب حدا ،هادا شغل اهلي ،سكري لقلك برجع بحكيكي
مايا :مراد امانة ما تجبلن سيرة بيكرهوني اكتر و بيفكروني قلتلك هالشي حتى قومك علين اذا بتريد انسى الموضوع تماما انا ما خرج مشاكل بقا
مراد:طيب بس اسمعيني بالاول ،هلأ رح نهدي شوي ما تخبري اهلك انو عم اتواصل معك و لا انا رح خبر اهلي و بعد شهرين منرجع منفتح الموضوع مرة تانية
مايا :.....
مراد :شبك سكتي ..ما بتحبيني
مايا:لااا..بالعكس ...انا بحبك بس خايفة
مراد:ما تخافي انت و معي
سكرت الخط و ما فتحت سيرة لاهلي و بقيت على تواصل انا و مايا لليوم يلي اتصلت فيني هي و عم ترجف و تبكي
مايا :بلال صار هون...اجا من شوي و تهجم علينا و بدو ياخد كرم مني و علق مع اخوي
مراد:شو عرفو انك بتركيا و عند اهلك؟
مايا:ما بعرف بس اهلي ما خبروه ابدا
مراد:لمين قايلة انك انت عند اهلك ؟
مايا:ما حدا ...لالا تذكرت قلت لرفيقتي هبة ،كنت عم حكيا من اكام يوم عالفيس و سألتني وينك و قلتلا امي عند اهلي بس مستحيل مراد تكون هي
مراد:مين لكن و اكيد ما اهلك و اكيد ما انا
مايا:رح حكيا
سكرت مايا و رجعت دقتلي بعد ربع ساعة
مايا:حكيتا صارت تبكي و تحلفلي انو ما هي ،ولله رح جن و خايفة
مراد:مايا اسمعي منيح ما تطلعي محل ابدا خليكي بالبيت بتخافي يتعرضلك بالطريق بس لبين ما لاقيلك حل
مايا:ماشي
سكرت الخط مع مايا و دقيت لرفيقي يلي بتركيا و حكيت معو و رجعت دقيت لمايا
مراد: بتطلعي على المانيا تهريب؟
مايا:انااا هههههههه
مراد:ليش عم تضحكي؟
مايا:ما بعرف حاسة حالي بفيلم اكشن كل شهرين بدي اهرب من محل شكل
مراد:ما عندك غير هالحل
مايا :و اهلي !!شو بدي قلن؟انت بتعرف اني عم احكي معن من وراك
مراد:بعرف ،بتخبرين انت الا انا بخبرن
مايا:لا انا بقول لامي و امي بتمهد لاخي
مراد:طيب
مايا:بس طريق التهريب بخوف يعني الطلعة بالبحر ،في ناس غرقت كتير
مراد : اتكلي عالله المهم ما تبقي بمحلك
#يتبع
#قصص1وروايات1وحكايات
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/2610