عالم القصص والروايات 📚

#قصص1وروايات1وحكايات

*أحببتك♥*

*💕الجزء5⃣💕*


جانبي السيء ؛
لا يُعاني منّه إلا .. انا .




من بعد ماقريت المسج للمرة الالف وانا احس كأني تجمدت او توقف كل شي فيني الا دقات قلبي القويه ..

استاهل والله استاهل ! ايش سويت اول مره اكون متهورة كذا !! دائما قراراتي ادرسها واهم قرار فحياتي .. تسرعت فيه
انا كتبت قصة شقائي ، انا السبب بكل حاجه تصير لي ..

احس جسمي سخن مع ان الجو بارد قمت للحمام عزكم الله وفتحت الدش عالبارد وانا بملابسي ابي تطفي النار اللي جواتي ..


طلعت وانا ارجف وانا اتخيل حياتي معاه كيف بتكون ! خلاص استسلمت انه بيكون زوجي لكن اي زواج ذا بيبدأ بشك ..


ولو بررت مابيصدق .. جلست انوح بصوت مسموع تفاجئت بدخول امي وصرختها وذا كان آخر شي شفته ()



صحيت وانا بالمستشفى وحولي امي تقرأ علي وابوي ماسك يدي .. ماحس بأي شي .. انا مشكلتي واقعيه بزيادة .. عارفه ان حياتي خربت قبل لاتبدأ ؛ وعارفه اني راح اتمنى قساوة امي ؛ وضعف ابوي ؛ وكلام خواتي الجارح .. عارفه انها بتجيني ايام سودا ..


بعد يومين ...


شهلا تجبرني آكل وانا اتصدد ؛ مالي نفس شي

مستقبلي بيضيع تو بديت احقق حلمي وينهيه لي .. شدخله يطلب اجازة شهرين لي .. وكيف قبلوها وانا توي مادرست شكل واسطته قويه ..

حاسه خسرت كل شي .. امس رفضت اقابل سعد اللي خذلني .. شفت دموعه وهو يحاول يشرح لي لكن حطيت يدي على اذني مثل الاطفال بحاله هستيريه خوفته وطلع .


كل دقيقه .. يجيني مسج منه يترجاني افهمه .. وان ليث يحبني وهو واثق فيه وان البيت اللي بسكنه تأثث على ذوقه وذا هدية زواجه لي ، ومتأكد بشكره على قراره بالنيابه عني !!



لاول مره اكرهه .. واندم على كل ساعه قضيتها معاه .. كرهت حتى ساره اللي ارسلها لي ورفضت اقابلها مثلهم ..


قطع تفكيري صوت شهلا :

لا لا انتي مو فجر القويه شفيك يابنت ترى كله زواج مو موت ! ليش جالسه تذبحين نفسك وواضح ليث يحبك ولا شلون يخطبك وسوايا اهلنا بالمرحومه امه ماتنقال !!


ناظرت لها وبدت دموعي تنزل ! يالله كيف نتغير بيومين انا فجر اللي دموعي قليل تنزل صارت ماتوقف .. صرت شخص ثاني كل شي بنيته طول هالسنين بشخصيتي انهد بيومين ..


《امي وسعد وليث كسروا ظهري والله كسروه 》


شهلا : اسمعي من يأذن العصر بنروح لمركز تجميل فخم مره ونبي نسوي لك جلسات عنايه شوفي وجهك كيف شاحب ! وشعرك يحتاج عنايه وبنروح للمول فالليل سواقي تحت امرك وبطلب اجازة هالاسبوع وبنام عندك وبننبسط بآخر إسبوع عزوبيه وترى زوجك المصون حط بحسابك 100 الف مهر خلينا نتدلع شوي ..

ابتسمت لها وانا احاول اطلع نفسي من هالحاله ..

قلت لها بصوت مبحوح : ابشري



صرخت وحضنتني بفرح وهي تدعي لي ربي ييسر لي كل اموري وبقلبي اردد آمين ...


رحت للصالون وصرخت الفلبينيه وهي تشوفني انزل عباتي انصدمت شفيها !
طلعت مبهورة بجسمي كنت لابسه بنطلون جنز فاتح وبلوزه سوداء ثقيله شوي ..


انحرجت من صرختها وكلامها عن جسمي وشهلا تضحك على شكلي ..


المهم جلست عندهم ل9 فالليل .. جلسة ليزر لكل جسمي مع اني قبل شهر سويت اخر جلسه لكن شهلا اجبرتني .. وتنظيف بشره
وبكرا بسوي ابر نظاره وحمام زيت لشعري ..
وتدليك بالزيوت لجسمي ..


طلعت وانا احس بالنظافه مريت على الصيدليه اخذت اغراضي المعتاده معجون اسنان شامبو وصابوني الحبيب .. وشهلا تفرفر بالصيدليه وتخم بالسله بس مدري شنو المهم طلعنا لمطعم وتعشينا ومن رجعنا صليت ونمت لثاني يوم ..


الحمدلله لي ثلاث ايام مانمت واليوم ارتحت بنومتي وصحيت 2 الظهر والجو مطر برا
قمت انطنط مثل الاطفال .. واناظر بالشباك وانا مبسوطه .. شفته واقف عند حديقتي ومبتسم ...

لو اقولكم بايش افكر بتضحكون ... خاطري ارمي عليه كرسي المكتب مثل افلام الاكشن .. واكسر يده ولا رجله ويتأجل الزواج ..
اتذكر حروف رسالته ويمغصني بطني
احسه جلادي وانا الضحيه





< عسى الله لايحبني لو تركتك له ... يمكن قبل ابيك رغبة كبرت معي من كنت طفل ، لكن الحين ابيك عشان احطمك واتسلى فيك شوي .. مبروك زواجنا بكرا >

ذي كانت رسالته .. لو تبوني اسمعها لكم فكل دقيقه سمعتها حافظتها حرف حرف .. عارفه اني كسرته بس عارفه انه مايحبني اي حب هذا ! في احد يحب وحده امها قذفت امه واهلها عاملوه كأنه منبوذ ومتشرد مو صاحب حلال ..

مانسى ذيك الايام وقساوتها علينا كلنا . .


لكن الحمدلله شكل تعبي حنن قلبه واجل زواجنا ليوم الجمعه ..


تنهدت وحسيت بصرخه شهلا : آوه حب من خلف الشباك

ناظرتها وانا معصبه وهي تضحك وترقص سلو قدامي الحمدلله والشكر بس ..

دخلت للحمام معصبه وانا اسمع ضحكاتها ..

اخذت شاور دافي وانا احس يانتعاش خلاص يافجر .. كل يوم فحياتك انتي تقدرين تخلينه يمشي بحزن ولايمشي بفرح ، ولايمشي مثل اي يوم روتيني ..


ناظرت لنفسي بالمرايه وانا ابتسم يالله
عرفت ان هالنفسيه الحلوة من تأثير

المطر ..الحمدلله على كل حال .. طلعت وانا مروقه ..

👍9

www.group-telegram.com/us/ahgeel.com/3600

667 viewsA/ Alngeb Mohammed, Jan 5, 2020 at 13:27

#قصص1وروايات1وحكايات

*أحببتك♥*

*💕الجزء5⃣💕*


جانبي السيء ؛
لا يُعاني منّه إلا .. انا .




من بعد ماقريت المسج للمرة الالف وانا احس كأني تجمدت او توقف كل شي فيني الا دقات قلبي القويه ..

استاهل والله استاهل ! ايش سويت اول مره اكون متهورة كذا !! دائما قراراتي ادرسها واهم قرار فحياتي .. تسرعت فيه
انا كتبت قصة شقائي ، انا السبب بكل حاجه تصير لي ..

احس جسمي سخن مع ان الجو بارد قمت للحمام عزكم الله وفتحت الدش عالبارد وانا بملابسي ابي تطفي النار اللي جواتي ..


طلعت وانا ارجف وانا اتخيل حياتي معاه كيف بتكون ! خلاص استسلمت انه بيكون زوجي لكن اي زواج ذا بيبدأ بشك ..


ولو بررت مابيصدق .. جلست انوح بصوت مسموع تفاجئت بدخول امي وصرختها وذا كان آخر شي شفته ()



صحيت وانا بالمستشفى وحولي امي تقرأ علي وابوي ماسك يدي .. ماحس بأي شي .. انا مشكلتي واقعيه بزيادة .. عارفه ان حياتي خربت قبل لاتبدأ ؛ وعارفه اني راح اتمنى قساوة امي ؛ وضعف ابوي ؛ وكلام خواتي الجارح .. عارفه انها بتجيني ايام سودا ..


بعد يومين ...


شهلا تجبرني آكل وانا اتصدد ؛ مالي نفس شي

مستقبلي بيضيع تو بديت احقق حلمي وينهيه لي .. شدخله يطلب اجازة شهرين لي .. وكيف قبلوها وانا توي مادرست شكل واسطته قويه ..

حاسه خسرت كل شي .. امس رفضت اقابل سعد اللي خذلني .. شفت دموعه وهو يحاول يشرح لي لكن حطيت يدي على اذني مثل الاطفال بحاله هستيريه خوفته وطلع .


كل دقيقه .. يجيني مسج منه يترجاني افهمه .. وان ليث يحبني وهو واثق فيه وان البيت اللي بسكنه تأثث على ذوقه وذا هدية زواجه لي ، ومتأكد بشكره على قراره بالنيابه عني !!



لاول مره اكرهه .. واندم على كل ساعه قضيتها معاه .. كرهت حتى ساره اللي ارسلها لي ورفضت اقابلها مثلهم ..


قطع تفكيري صوت شهلا :

لا لا انتي مو فجر القويه شفيك يابنت ترى كله زواج مو موت ! ليش جالسه تذبحين نفسك وواضح ليث يحبك ولا شلون يخطبك وسوايا اهلنا بالمرحومه امه ماتنقال !!


ناظرت لها وبدت دموعي تنزل ! يالله كيف نتغير بيومين انا فجر اللي دموعي قليل تنزل صارت ماتوقف .. صرت شخص ثاني كل شي بنيته طول هالسنين بشخصيتي انهد بيومين ..


《امي وسعد وليث كسروا ظهري والله كسروه 》


شهلا : اسمعي من يأذن العصر بنروح لمركز تجميل فخم مره ونبي نسوي لك جلسات عنايه شوفي وجهك كيف شاحب ! وشعرك يحتاج عنايه وبنروح للمول فالليل سواقي تحت امرك وبطلب اجازة هالاسبوع وبنام عندك وبننبسط بآخر إسبوع عزوبيه وترى زوجك المصون حط بحسابك 100 الف مهر خلينا نتدلع شوي ..

ابتسمت لها وانا احاول اطلع نفسي من هالحاله ..

قلت لها بصوت مبحوح : ابشري



صرخت وحضنتني بفرح وهي تدعي لي ربي ييسر لي كل اموري وبقلبي اردد آمين ...


رحت للصالون وصرخت الفلبينيه وهي تشوفني انزل عباتي انصدمت شفيها !
طلعت مبهورة بجسمي كنت لابسه بنطلون جنز فاتح وبلوزه سوداء ثقيله شوي ..


انحرجت من صرختها وكلامها عن جسمي وشهلا تضحك على شكلي ..


المهم جلست عندهم ل9 فالليل .. جلسة ليزر لكل جسمي مع اني قبل شهر سويت اخر جلسه لكن شهلا اجبرتني .. وتنظيف بشره
وبكرا بسوي ابر نظاره وحمام زيت لشعري ..
وتدليك بالزيوت لجسمي ..


طلعت وانا احس بالنظافه مريت على الصيدليه اخذت اغراضي المعتاده معجون اسنان شامبو وصابوني الحبيب .. وشهلا تفرفر بالصيدليه وتخم بالسله بس مدري شنو المهم طلعنا لمطعم وتعشينا ومن رجعنا صليت ونمت لثاني يوم ..


الحمدلله لي ثلاث ايام مانمت واليوم ارتحت بنومتي وصحيت 2 الظهر والجو مطر برا
قمت انطنط مثل الاطفال .. واناظر بالشباك وانا مبسوطه .. شفته واقف عند حديقتي ومبتسم ...

لو اقولكم بايش افكر بتضحكون ... خاطري ارمي عليه كرسي المكتب مثل افلام الاكشن .. واكسر يده ولا رجله ويتأجل الزواج ..
اتذكر حروف رسالته ويمغصني بطني
احسه جلادي وانا الضحيه





< عسى الله لايحبني لو تركتك له ... يمكن قبل ابيك رغبة كبرت معي من كنت طفل ، لكن الحين ابيك عشان احطمك واتسلى فيك شوي .. مبروك زواجنا بكرا >

ذي كانت رسالته .. لو تبوني اسمعها لكم فكل دقيقه سمعتها حافظتها حرف حرف .. عارفه اني كسرته بس عارفه انه مايحبني اي حب هذا ! في احد يحب وحده امها قذفت امه واهلها عاملوه كأنه منبوذ ومتشرد مو صاحب حلال ..

مانسى ذيك الايام وقساوتها علينا كلنا . .


لكن الحمدلله شكل تعبي حنن قلبه واجل زواجنا ليوم الجمعه ..


تنهدت وحسيت بصرخه شهلا : آوه حب من خلف الشباك

ناظرتها وانا معصبه وهي تضحك وترقص سلو قدامي الحمدلله والشكر بس ..

دخلت للحمام معصبه وانا اسمع ضحكاتها ..

اخذت شاور دافي وانا احس يانتعاش خلاص يافجر .. كل يوم فحياتك انتي تقدرين تخلينه يمشي بحزن ولايمشي بفرح ، ولايمشي مثل اي يوم روتيني ..


ناظرت لنفسي بالمرايه وانا ابتسم يالله
عرفت ان هالنفسيه الحلوة من تأثير

المطر ..الحمدلله على كل حال .. طلعت وانا مروقه ..

BY عالم القصص والروايات 📚