group-telegram.com/ahgeel/4079
Last Update:
#قصص1وروايات1وحكايات.
*الخفافيش🦇*
بقلم_مال_الشام
الجزء الخامس
وصلت على الشارع الي فيه بنايتي و كانو الناس متجمعين و سيارات الإطفاء والشرطة موجوده .. ركضت باتجاهن انا وعم اصرخ ودور على هيفاء ومحمد
مرام : وينهااااااااا .. وينها هيفاء طلعتوها !! .. ابن اختي وينو خلوني اطلع لفوق بعدو عني بعدووو
اجا صوت ضعيف من
وراي : مرام انا هون ما تخافي
التفتت ولقيت هيفاء وبايدها محمد .. وشها تعبان كتير و عيونها دبلانه و عليها بطانية
ركضت عليها وضميتها : انتي منيحه يا عمري صرلك شي ؟
هيفاء : لا ما بني شي .. طلعت على البرنده و صرت عيط لطلعو رجال الاطفاء طلعوني انا ومحمد .. فكرت حالي رح موت
مرام : اسفه انا الغلطانه اسفه كتير اسسسسفه
ضلينا عم نبكي و محمد يبكي بيناتنا و ليث واقف يتفرج علينا
ليث : طيب ما فهمتي شو صار ؟
هيفاء : قالو في ماس كهرباء بشقة أم محمود الفاضيه احترقت الشقه و صارت توصل لتمديدات الكهرباء بالشقق التانيه و انا ما حسيت لان كنت نايمة .. بس محمد كان عم يبكي كتير
وصحيت حسيت نفسي عم يديئ و شفت ضباب بالغرفة .. شميت الريحه و عرفت انو في حريقه حاولت افتح الباب ما قدرت .. والناس برا عم يعيطو ف ما حدا سمع صوتي
بس وقت ردت علي مرام وحكتلي اطلع على البرنده طلعت فوراً كنت ناسيه الموضوع يمكن لان ما في برنده ببيتنا .. والحمدلله طلعونا من البيت
مرام : انا اسفه كتير انا الغلطانه ما كان لازم سكر عليكون الباب
هيفاء : تعبانه كتير خديني على البيت بدي ارتاح
ليث : اطلعو انا بوصلكن
تطلعت وراي شفت اهل البناية كلهن واقفين تحت ..ما كان مبين انو في اضرار كبيرة شكلهن لحقو يطفو الحريق قبل ما يمتد وياكول الشقق
طلعنا بسيارة ليث و ضليت عم بوس محمد وابكي
ليث : هاد ابنك ؟
مرام : ابن ريهام مو ابني
وقف السيارة فجأة وتطلع فيني بعدين تطلع بالولد
ليث : معليه اخدو شوي ؟
مرام : ليش شو في ؟
ليث : اعطيني ياه
اخدو من بين ايدي وحطو بحضنو .. تطلع بوشو وصار يضحكلو .. قرب من خدو باسو وتأمل ملامحو بعدين رجعلي ياه
مرام : وقت التقيت فيك قلتلي انو في شي بدنا نحكي فيه
ليث : مزبوط بس ما رجعتي حكيتي معي
مرام : عم امرق بظروف صعبه ... احكيلي شو في
ليث : مشان ريهام .. الله يرحمها .. بدي تحكيلي اكتر شو الي صار وكيف انتحرت ؟
مرام : سدئني ما بعرف شي .. قبل باسبوع من الحادثه ما التقيت فيها ابداً كنت مرشحة وقاعده ببيتي .. بس كانت تحكي معي بشكل طبيعي ما حسيت فيها اي شي غريب ..
بس هيك فجأة بيتصلو علي من المستشفى وبيطلبوني لروح لهنيك لان اختي انتحرت وما قدرو ينقذوها .. فكرت اكيد مخربطين او هي مزحة غليظة بس لما وصلت كان كل شي حقيقي
حقيقي كتير ..
خبروني انو رمت حالها من شباك بيتها بالطابق الخامس و وقت التمو الناس واتصلو بالشرطة كانت ريهام ميته .. هيك بكل بساطة هاد الي صار
ليث : ما حكيتيلي شي جديد هاد نفس الحكي الي سمعتو من الناس بس انا بدي اعرف ليش هيك ريهام عملت .. ازا كان عندها مشكلة ليش ما حكت لحدا اكيد كانو في كتيرين ناس يحبوها و يوقفو جنبها
مرام : اختي ما كانت وحيده ولا يائسة ..
تطلعت لورا شفت هيفاء حاطه راسها على الشباك وصافنه بعيد عنا ..
مرام : انا بلشت اقتنع انو اختي ما انتحرت .. يمكن عنجد حدا قتلها ..
ضميت محمد بقوة وخوف : بس ليش ومين ما بعرف .. ما بعرف
وصلنا على بيت هيفاء واول ما فتنا بلشت تحقيقات امها وهيفاء تبكي بحضنها .. وانا حاطه ايدي على راسي وصافنه بكل شي عم يصير ..
رن موبايلي .. اخدتو من على الطاولة ورديت
وليد : شفتي .. طلع كلامي مزبوط
مرام : وليد ؟ شبك ما فهمت
وليد : اليوم حرقولك بيتك وانتي مو فيه .. بكرا رح يحرقوكي وانتي فيه .. ومحمد معك
مرام : شو عرفك انت ؟
وليد : عم اعرف كل شي بيصير عندكن .. وعدتيني تثبتيلي انو ما في خطر علي ازا رجعت .. شايف انو انا اثبتلك العكس
مرام : صار تماس كهرباء بالبناية
وليد : وانتي مقتنعه انو بناية كامله تحترق عن طريق الصدفه ؟
مرام : _ _ _
وليد : لقيتي شي مفقود من بيتك ؟
مرام : سي دي
وليد : ممتاز سي دي شو ؟
مرام : ولا شي فيلم اشتريتو وكنت حاطيتو عالطاوله .. و ما لقيتو
وليد : بدي اطلب منك طلب
مرام : شو ؟
وليد : حاولي توصلي محمد على بيت اهلي .. بس بطريقة غير مباشرة .. بطريقه ازا حدا مراقبك ما يعرفو محمد وين صار
مرام : حدا مراقبني ؟ هههههه .. انا ؟
كانت ضحكة خوف .. ضحكة ضعف .. تطلعت حوالي وخبيت دموعي : مين بدو يراقبني ؟
وليد : مرام حاولي تدوري على الشي الي عم يدورو عليه واعطيهن ياه
مرام :لك مين هن ؟ ... شو عم اتعامل مع جن انا ؟ .. بعدين ازا الشي الي عم تحكيه صحيح وفي حدا قتل اختي انا ما رح اسكوت بنوب مين ما كانو انا مو خايفه منهن بس بدي اعرف الحقيقه
وليد : انا متأكد انهن عن قريب رح يتصلو فيكي .. و وقتها خلي
كي شجاعه متل هلأ اتفقنا ؟ .. ديري
BY عالم القصص والروايات 📚
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/ahgeel/4079