Парламент фаолияти янги босқичда: депутатлар ташаббуслари сони ортаяпти

👏Сўнгги пайтларда деярли ҳар бир ялпи мажлисда депутатлар қонунчилик ташаббуси асосида тайёрлаган 1–2 та қонун лойиҳаси кўриб чиқилиб, маъқулланмоқда.

📈 Бу — мамлакатимизда парламентнинг қонун ижодкорлигидаги фаоллиги ортиб бораётганини кўрсатувчи яхши тенденциядир.

❗️Қонунчилик ташаббуси ҳуқуқига эга субъектлар томонидан киритилган қонунлар орасида депутатлар улушининг ошиб бориши, энг аввало, қонунлар халқ манфаати ва ҳаётий эҳтиёжлардан келиб чиқиб қабул қилинишига хизмат қилади деб ўйлайман.

Маьлумот учун. Эртанги ялпи мажлисда ҳам депутатлар томонидан ташаббус қилинган иккита қонун лойиҳаси кўриб чиқилади.

https://www.group-telegram.com/abdumannop_buriyev.com

Авиакомпаниялар қачон мижозни ҳурмат қилишни ўрганади?

🛫 Бугунги постим – мамлакатимиздаги хизмат кўрсатиш маданияти ва айрим авиакомпанияларнинг масъулиятсизлиги ҳақида.

Бундан бир ой аввал бир нечта пенсия ёшидаги курсдошлар 40 йил деганда учрашиш ҳамда Хоразмга зиёрат саёҳатига боришлари учун Centrum Air авиакомпаниясидан билет сотиб олишади. Нима учун айнан шу авиакомпания? Чунки нархлари арзонроқ эди. Аммо маълум бўлдики, арзон хизматнинг “қадри” қимматга тушар экан.

Саёҳатлари бекаму-кўст ўтиши учун меҳмонхона ҳақи, транспорт хизматлари учун тўловлар олдиндан амалга оширилиб, барча сафар режалари тузилган ҳамда курсдошлар сафарни интиқлик билан кутишаётган эди.

⛔️ Бироқ рейсга бир неча соат қолганда чемоданлар тайёр, одамлар йўлга чиқиш арафасида турганда авиакомпаниядан смс келади: рейс вақти ўзгарган, эрталаб эмас, кечқурун учасиз дейишади. Тамом – бутун режа издан чиқди, меҳмонхона пули, хизмат ишларига сарфланган маблағлар куйди. Авиакомпаниячи? Шунчаки “ноқулайлик учун узр” деб қўяди холос.

❓Савол туғилади:
1⃣График ўзгарган бўлса нега йўловчилар олдинроқ хабардор қилинмайди?
2⃣Нега авиакомпания билетни бошқа мавжуд рейсларга алмаштириш чораларини кўрмайди?
3⃣Нега етказилган ноқулайлик учун компенсация тўланмайди?
4⃣Ривожланган давлатларда бундай ҳолат бўлганида авиакомпания қандай жавобгарликка тортилар эди?

🇪🇺 Масалан, Европада авиакомпания рейсни 3 соатдан кўпроқ кечиктирса катта миқдорда компенсация тўланади.
🇷🇺 Россияда ҳам ҳар бир кечиккан соат учун билет нархининг 3% миқдорида тўловлар компенсация қилиб берилади.

Ушбу бир кичик муаммони ортида транспортда йўловчи ташишда хизмат кўрсатиш соҳасидаги бепарволик, мижозга муносиб муносабатнинг йўқлиги билан боғлиқ деб биламан. Бундай ҳолатлар назоратга олинмас экан эртага яна минглаб фуқароларга нисбатан ҳам такрорланаверади.

Транспорт соҳасида йўловчи ташувчи компаниялар мижозни ҳурмат қилишни ўрганмас экан, бу нафақат одамларнинг кундалик ҳаётига, балки мамлакатнинг халқаро нуфузи ва туризм салоҳиятига ҳам жиддий салбий таъсир кўрсатаверади.

Постга қўшимча. Авиакомпанияга қўнғироқ қилиб эътирозлар билдирилгач ҳамда келтирилган ноқулайлик учун компенсация ундирилиши маълум қилингач, “Uzbekistan Airways”нинг эрталабки рейсига билетлар тезда алмаштириб берилди. Бу учун авиакомпания жамоасига кўрсатган тезкорлиги учун миннатдорчилик билдирамиз.

Лекин ҳақиқат шундаки, эътироз билдирмаган, қўнғироқ қилиб оператор жавобини узоқ кутишни истамаган, ўзининг истеъмолчи сифатидаги ҳуқуқларини талаб қила олмаган юзлаб йўловчилар тақдири нима бўлади? Уларнинг йўқотган вақтини ва асабларини, вақтинча бекор қилинган режаларини ким ҳисобга олади?

🇺🇿 21 октябрь — Ўзбек тилига давлат тили мақоми берилган кун!

🗓 1989 йил 21 октябрь куни қабул қилинган “Давлат тили тўғрисида”ги Қонун халқимиз маънавий уйғониши ва миллий ўзлигини англаш йўлидаги буюк тарихий қадам бўлди.

Она тили — миллатнинг юраги, ифтихори ва тафаккури. Унинг қадрини билиш, нуфузини ошириш — ҳар биримиз учун муқаддас бурчдир.

🎓 Шунингдек, тил байрами арафасида яна бир қувончли янгилик: дунёнинг энг нуфузли таълим масканларидан бири — Оксфорд университетидаги “Осиё ва Яқин Шарқ тадқиқотлари” факультетида эндиликда ўзбек ва эски ўзбек тиллари ўқитилади!

Бу — нафақат тил байрамимизга муносиб совға, балки она тилимизнинг жаҳон илмий майдонида эътироф этилаётганининг ёрқин далилидир.
Дунёда илм ва маданият ўчоғи бўлган Оксфордда ўзбек тили ўрганилиши — халқимизнинг бой тарихига, маданиятига ва тилига бўлган халқаро қизиқиш ортиб бораётганидан далолат.

Бугунги кунда ўзбек тилини нуфузини янада ошириш учун ва мамлакатимизда тил сиёсатини такомиллаштириш учун юртбошимиз бошчиликларида улкан ҳаракатлар амалга оширилмоқда. Хусусан, Ўзбекистон Республикаси Президентининг 2020 йил 20 октябрдаги “Мамлакатизда ўзбек тилини янада ривожлантириш ва тил сиёсатини такомиллаштириш тўғрисида”ги ПФ–6084-сон Фармони қабул қилинди ва ушбу Фармонда ўзбек тилини нуфузини оширишга қаратилган дастурлар белгиланган бўлиб, унда 2020 — 2030 йилларда Ўзбек тилини ривожлантириш ва тил сиёсатини такомиллаштириш концепцияси тасдиқланди.

❗️Шу ўринда таъкидлаш жоизки, давлат тилига бўлган эътибор қонун ижодкорлиги жараёнига ҳам ўзининг ижобий таъсирини кўрсатди.
Авваллари норматив-ҳуқуқий ҳужжатлар аввал рус тилида ёзилиб, сўнг давлат тилига таржима қилинган бўлса, эндиликда Қонунчилик палатасига тақдим этилаётган қонунлар тўғридан-тўғри давлат тилида киритилмоқда. Бу — давлат тилининг ҳаётимиздаги ўрни мустаҳкамланаётганининг ёрқин далилидир.

🎉 Фурсатдан фойдаланиб барча юртдошларимизни Ўзбек тилига давлат тили мақоми берилган кун билан чин дилдан табриклайман!
Она тилимиз дунё минбарларида янграйверсин, нуфузи ортиб, абадий яшасин!

🤔Бугун, 21 октябрь — Ўзбек тили байрами куни.

Ўзбекистон Республикаси Конституциясининг 4-моддасида белгиланганидек, давлат тили — ўзбек тили ҳисобланади. Мазкур норма фақатгина ҳуқуқий қоида бўлибгина қолмай, балки мамлакат суверенитети ва миллий бирлик рамзи сифатида аҳамият касб этади.

🇺🇿 Ўзбек тили байрами куни муносабати билан Қонунчилик палатаси депутатлари ўз муносабатларини билдирибди:

🟡 Мавлудахон Хўжаева:

Тил — миллатнинг руҳи, давлатнинг асосий устуни, халқнинг тафаккури ва маънавияти ифодасидир. У ҳар бир халқнинг тарихий хотираси, маданияти ва анъаналарини ўзида мужассам этган муқаддас бойлик ҳисобланади. Шу маънода, ҳар бир миллат ўз тилига эъзоз билан қараши, уни асраб-авайлаши, авлоддан авлодга етказиши шарт ва зарур. Чунки тил йўқолса — миллат йўқолади, миллат йўқолса — давлат таназзулга учрайди.

🟡 Бобур Бекмуродов:

Бугун миллатимиз овози - Ўзбек тилимиз байрами!
Ўзбек тили - халқимизни бирлаштирувчи кучдир.
У қадриятларимиз ташувчиси, миллий тараққиётимизнинг энг муҳим шартидир!
Байрамимиз муборак бўлсин!

🟡 Абдуманноп Бўриев:

Она тили — миллатнинг юраги, ифтихори ва тафаккури. Унинг қадрини билиш, нуфузини ошириш — ҳар биримиз учун муқаддас бурчдир.
Шунингдек, тил байрами арафасида яна бир қувончли янгилик: дунёнинг энг нуфузли таълим масканларидан бири — Оксфорд университетидаги “Осиё ва Яқин Шарқ тадқиқотлари” факультетида эндиликда ўзбек ва эски ўзбек тиллари ўқитилади!

🟡 Зебинисо Рахманова:

Ўзбек тили — бизни бирлаштирадиган, тарихимизни эслатадиган ва келажакка ишонч билан қарашга чорлайдиган муқаддас тимсолдир. Она тилини ардоқлаш — бу Ватанни севиш, миллий ғурурни асраш демакдир.
Келинг, барчамиз ўз она тилимизни севиб, унинг нуфузини янада юксалтиришга ҳисса қўшайлик!

🟡Юлдузой Мамадиёрова:

Тил - бирлик ва тараққиёт тимсоли -- Бугунги кунда ўзбек тили нафақат алоқа воситаси, балки миллатни бирлаштирувчи маънавий куч, тараққиёт омилига айланди. Ҳар бир фуқаро, айниқса ёш авлод, ўз она тилини севиб, қадрлаб, уни ривожлантиришга масъул эканини англамоғи лозим. Ўзбек тили бизнинг миллий ғуруримиз, ўзлигимиз ва истиқлолимиз рамзидир. Тилга эътибор — элга эътибор, деганларидек, ҳар биримиз бу буюк неъматни асраб-авайлаб, уни янада бойитиш ва дунёга танитиш йўлида хизмат қилишимиз зарур.

✅ Kun mavzusi