Башҡортостанда еләк миҙгеле асылды

Башҡортостанда еләк миҙгеле асылды. Уҙған йылдарҙан айырмалы емеш аҙна-ун көнгә иртәрәк өлгөргән. Шишмә районындағы питомник та мул уңыш менән һөйөндөрә. 32 гектар майҙанда үҫкән еләкте теләгән һәр кем килеп йыя ала.

Владимир Путин Башҡортостан халҡын Рәсәй көнө менән тәбрикләне

Бөгөн ил өсөн иң мөһим дәүләт байрамы - Рәсәй көнө билдәләнә. Тап 1990 йылдың 12 июнендә РСФСР-ҙың дәүләт суверенитеты тураһында декларацияһы ҡабул ителә. Шулай уҡ республика халҡы Салауат Юлаевтың 271 йыллығын да ҡаршылай, Өфөлә ҡала көнө үтә. Байрамдарҙы билдәләү буйынса бай программа төҙөлгән.
Рәсәй Президенты Владимир Путин, Хөкүмәт Рәйесе Михаил Мишустин һәм Рәсәй Президентының Волга буйы федераль округындағы Тулы хоҡуҡлы вәкиле Игорь Комаров Башҡортостан халҡын Рәсәй көнө менән тәбрикләне. Ил башлығы төбәк етәксеһе исеменә ҡотлау хаты ебәргән.

Өфөлә Рәсәй көнө һәм Салауат Юлаевты иҫкә алыу саралары үтте

Өфөлә Рәсәй, баш ҡала көнө һәм милли батырыбыҙ Салауат Юлаевтың тыуыуына арналған байрам тантаналары үтте. Саралар Шәйехзада Бабичтың һәйкәленә сәскә һалыуҙан башланды.
Башҡорт шағиры, йәмәғәт эшмәкәре Шәйехзада Бабичҡа һәйкәл 2019 йылдың июнендә асылды, монументтың бейеклеге 6 метр. Уның авторы скульптор, Рәсәйҙең атҡаҙанған рәссамы Андрей Ковальчук. Рәсми делегация артабан милли геройыбыҙ Салауат Юлаевтың һәйкәленә лә сәскә һалды.

Рәсәй көнө уңайынан Радий Хәбиров бер төркөм үҫмерҙәргә паспорт тапшырҙы

Рәсәй көнө уңайынан Радий Хәбиров бер төркөм үҫмерҙәргә паспорт тапшырҙы. Гражданиндың төп документын уҡыу алдынғылары, спорт һәм башҡа йүнәлештәрҙә уңышҡа өлгәшкән йәштәр алды.

Радий Хәбиров Минск ҡалаһы башҡарма комитеты рәйесе Владимир Кухарев менән эшлекле осрашыу уҙғарҙы

Башҡортостан башлығы Радий Хәбиров Минск ҡалаһы башҡарма комитеты рәйесе Владимир Кухарев менән эшлекле осрашыу уҙғарҙы. Яҡтар халыҡ-ара хеҙмәттәшлекте нығытыу һәм берҙәм проекттарҙы тормошҡа ашырыу тураһында фекер алышты.

Ғафури районында рәсми рәүештә «Алтын ҡаҙаҡтар» асылды

Донъя кимәлендәге тарихи ваҡиға. Ғафури районында рәсми рәүештә «Алтын ҡаҙаҡтар» асылды. Һүҙ халыҡ-ара эталон булған Көгөш һәм Алыҫ Төлкәҫ геологик киҫелештәре тураһында бара, уларҙың барлыҡҡа килеүе яҡынса 300 миллион йыл менән иҫәпләнә һәм палеозой эраһына барып тоташа. Тантаналы сарала Башҡортостан башлығы Радий Хәбиров, Ҡытайҙан, Мысырҙан, Ирандан, Ҡаҙағстандан һәм Рәсәй төбәктәренән килгән күренекле ғалимдар ҡатнашты.

Өфөлә мөмкинлектәре сикләнгән граждандар өсөн «Продобро» тип аталған коворкинг-үҙәк асылды

Өфөлә мөмкинлектәре сикләнгән граждандар өсөн «Продобро» тип аталған коворкинг-үҙәк асылды. 200 малай-ҡыҙға иҫәпләнгән ижади майҙансыҡ үҙенсәлекле балаларҙы йәмғиәттә социалләштереү, аралашырға өйрәтеү, һөнәр үҙләштерергә ярҙам итеү өсөн ҡаралған. Яңы үҙәк эшмәкәрлеге менән Башҡортостан башлығы Радий Хәбиров танышты. Төбәк етәксеһе мөмкинлектәре сикләнгән граждандар өсөн коворкинг-үҙәктәр ойоштороу тәжрибәһен артабан дауам итеү маҡсатын ҡуйҙы.

Өфө халҡы өс байрамды бергәләп билдәләне

Рәсәй, Ҡала һәм Салауат Юлаевтың тыуған көнөнә арналған байрам саралары бөгөн Өфөнөң бар мәҙәниәт һәм ял парктарында ла үтте. Күңел асыу саралары тотош ғаилә менән бергәләп ял итеүгә ҡоролғайны. Тулыраҡ киләһе яҙмала.

Иглин ауылының 7-се мәктәбендә «Йондоҙҡай» көндөҙгө һауыҡтырыу лагеры эшләй башланы

Иглин ауылының 7-се мәктәбендә быйыл тәүге тапҡыр «Йондоҙҡай» көндөҙгө һауыҡтырыу лагеры эшләй башланы. «Беренселәр» сменаһы үҙенә 130 әүҙем һәм күп балалы ғаиләләрҙә үҫкән уҡыусыларҙы йыйҙы. Балаларҙың ялы файҙалы һәм күңелле үтһен өсөн бар шарттар ҙа булдырылған: төрлө түңәрәктәр, уйындар, спорт һәм мәҙәни саралар, көнөнә ике тапҡыр туҡланыу ойошторолған.

«Башҡортостан» полкы 3D-принтерҙа хәрби ҡорамалдар эшләй

Лаборатор шарттарҙа дошманды ҡыйратырға мөмкинме? «Башҡортостан» полкының Ғәзи Заһитов исемендәге штурмлау отряды еңеүҙе яу яланында ғына сүкемәй. Ватан һаҡсылары 3 D-принтерҙа дрондан снарядтар һәм гранаталар ырғытыу ҡулайламалары баҫтыра, шартлатҡыс материалдар етештерә.

МХО-ла мобилизация буйынса ҡатнашҡан яҡташтарыбыҙ ялдан һуң йәнә алғы һыҙыҡҡа юлланды

Махсус хәрби операцияла мобилизация буйынса ҡатнашҡан яҡташтарыбыҙ ялдан һуң йәнә алғы һыҙыҡҡа юлланды. Хәрбиҙәрҙе оҙатыу сараһы Михаил Нестеров исемендәге скверҙа үтте. Көс туплап, ялын туғандары менән үткәргән яҡташтарыбыҙ Ватанды һаҡларға әҙер. Яугирҙарҙың төп өлөшө ял ваҡытында йорт, төҙөлөш, баҡса эштәре менән булған, республика буйынса сәйәхәт итеп өлгөргән.

Өфөлә Башҡортостандағы тәүге никах үҙәге ишектәрен асты

Өфөлә Башҡортостандағы тәүге никах үҙәге ишектәрен асты. Ул төҙөкләндерелеп былтыр сафҡа ингән Һыу башняһы майҙанында урынлашҡан. Никах үҙәге баш ҡаланың иң матур нөктәләренең береһен, Ағиҙел йылғаһының бейек, текә ярын биҙәй. Бында йәш ғаиләләргә иҫтәлеккә фотоға төшөргә була. Икенсенән, никах уҡыу тантанаһы стилләштерелгән тирмәлә үтә.

Өфө үҙенең тыуған көнөндә Бөтә донъя кәсепселәр ҡалаһы статусына лайыҡ булды

Өфө үҙенең тыуған көнөндә Бөтә донъя кәсепселәр ҡалаһы статусына лайыҡ булды. Был туралағы сертификатты гастрономия фестивалендә Халыҡ-ара кәсепселәр советы президенты Саад аль Каддуми тапшырҙы. Сарала Республика башлығы Радий Хәбиров ҡатнашты.

Шаранда һабантуй гөрләне: хеҙмәт, спорт, мәҙәниәт байрамы

Республика райондарында һабантуйҙар дауам итә. Был аҙнала ул 20-гә яҡын муниципаль берәмектә үтте. Шаран районында уҙған хеҙмәт байрамы ла милли уйындарға, спорт ярыштарына, йыр-моңға бай булды.

Бүздәк районында ауыл хужалығы колледжында капиталь ремонт 2027 йылда башланасаҡ.

Бүздәк районында ауыл хужалығы колледжында капиталь ремонт 2027 йылда башланасаҡ. Был турала Башҡортостан башлығы Радий Хәбиров уҡыу йорто коллективы менән осрашыуҙа хәбәр итте. Төбәк етәксеһе Бүздәк районына эш сәфәрендә техник киндер етештереү заводы һәм Бүздәк консерва комбинаты эшмәкәрлеге менән танышты . Радий Хәбиров һабантуй майҙанында аграрийҙарҙы тәбрикләп дәүләт наградалары тапшырҙы .

Республиканың көнъяҡ-көнсығыш райондарында ғәҙәттән тыш янғын хәүефе иғлан ителде

Шулай уҡ йәшенләп ҡойма ямғыр, боҙборсаҡ яуыуы, елдең тиҙлеге секундына 20 метрға тиклем етеүе күҙаллана. Янғын сыҡҡан осраҡта Урман хужалығы министрлығының төбәк диспетчер үҙәгенә шылтыратыу һорала. Йәки 112 һандары буйынса ҡотҡарыусыларға шылтыратырға мөмкин. Телефон һандарын экранда күрәһегеҙ.

Башҡортостанда юл хәрәкәтен күҙәтеү камералары артыр тип көтөлә

Рәсәйҙә, шул иҫәптән Башҡортостанда ла юл хәрәкәтен күҙәтеү камералары артыр тип көтөлә. Яңы ҡорамалдар ярамаған ерҙә автомобиль ҡалдырыу, урамда сүп-сар ташлау һәм хатта рөхсәтһеҙ сауҙа итеү кеүек хоҡуҡ боҙоуҙарҙы ла теркәйәсәк. Дәүләт автоинспекцияһынан белдереүҙәренсә, былтыр камераларға заказдар ике ярым тапҡырға артҡан. Контракттарҙың дөйөм хаҡы 1 миллиард ярым һумға еткән. Тиҙҙән страховка барлығын тикшереүсе камералар ҙа һынау үтеп ҡулланышҡа индереләсәк.

Өфө - Инйәр - Белорет трассаһында километрҙарға һуҙылған автомобиль тығындары барлыҡҡа килде

Өфө - Инйәр - Белорет трассаһында километрҙарға һуҙылған автомобиль тығындары барлыҡҡа килде. Юл ваҡиғаһы Ҡырмыҫҡалы районы Иҫке Шәрәй ауылы янындағы Ағиҙел йылғаһы аша күперҙә теркәлгән. Әле ҡоролмала ремонт эштәре бара. Транспорт хәрәкәте бер һыҙаттан ғына ебәрелә. Бөгөн иһә ике яҡтан килеүселәр өсөн дә йәшел ут янып, водителдәр күперҙә осраша. Күрәһең, береһе лә артҡа бирергә теләмәгән. Ул арала һәр ҡаршы яҡтың да артынан километрҙарға һуҙылған тығын йыйылған.

«Башҡортостан геройҙары»: Милли китапханала илһөйәрлек сәғәте үтте

Башҡортостан геройҙары. Әхмәтзәки Вәлиди исемендәге Милли китапханала Башҡорт кооператив техникумы студенттары ҡатнашлығында уҙған илһөйәрлек сәғәте шулай тип аталды. Сара барышында егет-ҡыҙҙарға ике тапҡыр Советтар Союзы Геройы Муса Гәрәев тураһында документаль фильм күрһәтелде.

Салауат районында шағир-импровизатор Салауат Юлаевтың 271 йыллығы билдәләнде

Салауат районында шағир-импровизатор Салауат Юлаевтың 271 йыллығы билдәләнде. Милли батырҙың тыуған көнө республика фольклор байрамы булараҡ ойошторолдо. Шулай уҡ мәҙәни сара уңайынан Салауат районы һәм Силәбе өлкәһе сигендә һәйкәл дә асылды.