Ньурба Эрэлэ лидердэрин мунньаҕа буолан ааста

Бүгүн, сэтинньи 15 күнүгэр, "Ньурба Эрэлэ" лидердэрин мунньаҕа ситиһиилээхтик ыытылынна.

Лидердэр бэйэлэрин салааларын билиһиннэриигэ көхтөөхтүк кыттаннар, кэлэр сыллааҕы үлэ былааннарын толору кэпсээтилэр. Билиһиннэрии кэннэ тэрээһин ырытыытынан салҕанна, онно кэлэр сыл сүрүн былаана сиһилии көрүлүннэ.

Лидердэр мунньахха элбэх сыаналаах этиилэри уонна туһалаах санаалары киллэрдилэр.

#ДООНьурбаЭрэлэ #Мунньах #Собрание #ЛидерыСекторов

«Ньурба Эрэлэ» кэскиллээх аниматордары бэлэмниир ✨

Сэтинньи 18 күнүгэр «Ньурба Эрэлэ» оҕо түмсүүтэ аниматор идэтигэр аналлаах аһаҕас уруогу ыытта. Бу тэрээһин түмсүү үлэлиир хас да хайысхаларыттан биирдэстэрэ буолар.

Дьарык кэмигэр оҕолор бырааһынньыктары (төрөөбүт күннэри, араас тэрээһиннэри) хайдах сөпкө тэрийэн ыытарга, сценарий суруйарга үөрэннилэр. 🎭

Ону таһынан, "предметэ суох дьайыы" (беспредметное действие) диэн тугун билэн, аниматор артыыс дьоҕурдаах буолуохтааҕын дириҥник өйдөөтүлэр.

Сотору кэминэн эдэр аниматордар оҕо бырааһынньыктарын ыытарга сайаапкалары хомуйан саҕалыахтара. 🎉

#ДООНьурбаЭрэлэ #Аниматоры #Актеры #ОткрытыйУрок

Ньурба Эрэлин көмөлөһөөччүлэрэ (волонтердар) үлэлэрин чэрчитинэн Саха Өрөспүүбүлүкэтин үтүөлээх педагога уонна үлэ ветерана Павлова Анна Васильевна дьиэтин таһын хаарын ыраастаатылар.

Анна Васильевна үөрэх эйгэтигэр хас да уон сыл устата үлэлээбит уопуттаах, СӨ үөрэх систиэмэтин Бочуоттаах ветерана буолар. Кини «Учууталлар учууталлара» бэлиэнэн наҕараадаламмыта, уонна Аҕа дойду Улуу сэриитин 80 сылыгар анаммыт СӨ үбүлүөйдээх бэлиэтинэн наҕараадаламмыта.

Бу көмө эрэгийиэн үөрэхтээһинин сайдыытыгар сүҥкэн кылааты киллэрбит кырдьаҕас киһини өйүүр, ону таһынан кыһын кэмигэр олорор олоҕун туругун тупсарар сыаллаах оҥоһулунна.


#НьурбаЭрэлэ #Добровольчество #ВолонтерыНьурбы #Снег

"Ньурба Эрэлэ" мунньаҕын ситиһиилээх түмүгэ

Бүгүн, ахсынньы 5 күнүгэр, "Ньурба Эрэлэ" мунньаҕа үрдүк таһымнаахтык ыытылынна.

Оҕолор көхтөөхтүк санааларын үллэстэн, бу ыйга ыытыллыахтаах үлэ былааннарын сиһилии ырыттыбыт. Онон, бу сыл бүтүөр диэри, элбэх уонна күүстээх тэрээһиннэри бэлэмнии сылдьабыт!

Лидердэр мунньахха араас сыаналаах этиилэри киллэрэн, туһалаах санаалары үөскэттилэр.

#ДООНьурбаЭрэлэ #ЦТИТ #МУННЬАХ

"Ньурба Эрэлэ" оройуоннааҕы онлайн квизэ ситиһиилээхтик ааста!

Бүгүн, ахсынньы 6 күнүгэр, "Ньурба Эрэлэ" оҕо общественнай хамсааһынын лидердара, Саха сирин оҕо хамсааһынын күнүгэр аналлаах, оройуоннааҕы онлайн квиз оонньууну ыыттылар.

Тэрээһин 4 раундтаах, 16 боппуруостаах, Саха сирин оҕо тэрилтэлэрин туһунан буолла. Оҕолор олус көхтөөхтүк кыттан, бары боппуруостарга эппиэттэстилэр.

Түмүктэр аан күнҥэ (бэнидиэлниккэ) биллиэхтэрэ, бары кыттыылаахтар түмүктэрин күүтэллэр.

#КвизОонньуу #НьурбаЭрэлэ #Дэриэбинэ #Оскуола

Бүгүн "Ньурба Эрэлэ" оҕо общественнай тэрилтэтин лидердэрин-баҕа өттүнэн көмөлөһөөччүлэрэ "Профессионаллар"-2025 чөмпүйэнээт оройуоннааҕы түһүмэҕэр "Оҕолору уонна улахан дьону эбии үөрэхтээһин" (ЮНИОРДАР) компетенциятыгар кыттыыны ыллылар. Оҕолор тэрээһини тэрийиигэ уонна атаарыыга көхтөөхтүк кыттан, кыттааччыларга уонна экспердэргэ табыгастаах усулуобуйаны тэрийдилэр. Кинилэр эппиэтинэстээх үлэлэрэ уонна көҕүлээһиннэрэ чөмпүйэнэнээти ыытыыга улахан төһүү буоллулар.

#Профессионалы2025 #Юниоры #НьурбаЭрэлэ #Волонтёры #ДополнительноеОбразование