«Кристал Пэлас»ни билмадим-у, Исмоил Сарр аниқ тушиб олган.

Ўтган мавсум охирида 1:1, Саррдан гол, Суперкубокда 2:2, яна Сарр бир гол урган, кейин чемпионатда 2:1, Сарр ҳисобни очган ва яна бугун ҳозирча 2 гол.

Сарр 2020 йилда «Уотфорд» сафида ҳам «Ливерпул» дарвозасига дубл қилган экан.

@aslanov_futbol

«Марказий сектор»нинг охирги сонида Каррингтоннинг янгилангани ҳақида гапирар экан Даврон Файзиев яна айтди - «ўшанда Криштиану Роналду тўғри айтган эди, мана, ҳақ бўлиб чиқди, мухлислар эса уни душманга чиқаргандилар».

Аввал ҳам ёзгандим, яна қайтараман, менимча масала Роналдунинг гаплари рост ёки ёлғон эканида эмасди. Яъни тўғри, ростанам «МЮ»да муаммолар жуда кўп эди, ҳозир ҳам бор, Роналду шуларнинг баъзиларини, бор гапни айтган. Унга бўлган асосий эътироз эса ўзи шартномаси бўлган клуб ҳақида ташқарига салбий интервю бергани эди.

Давроннинг ўзи «Ёшлар» ва «Спорт» каналида, Ўзрепортда, ЎФА ва яна бошқа жойларда ишлаган. Лекин бирор марта, нафақат ишлаётган пайтда, балким кетганидан кейин ҳам у ерлар ҳақида заррача салбий фикр эшитмаганмиз. Бу зўр хислат ва тўғри муносабат. Роналдудан ҳам Даврондек бўлиши кераклиги исталган холос :)

@aslanov_futbol

"Тен Хагга ўхшаган мураббийи бўлганида" - Тен Хагга нима қилибди, тушунмадим.

@aslanov_futbol

Ҳаммаси Роналду ўша интервюни бергандан кейинги, умумий уч йиллик давр ёзилибди.

Мен «Тен Хагга ўхшаган мураббийи бўлганида» дейилгани учун икки ойдан сал ортиқ вақт бирга ишлаган мураббий ҳақида сўрагандим. Икки ярим ой бўлганди, тен Хаг келганига Манчестерга.

@aslanov_futbol

Финалдан роппа-роса 2 йил олдин (2023 йилнинг 29 октябрь куни) ҳам "Бухоро" "Пахтакор"ни қабул қилган эди. Ўша учрашув ҳам кескин курашлар остида ўтади. Ўйин тақдирини 90 плюс 6-дақиқада ВАР чақириғи билан белгиланган пенальти ҳал қилади...

ЎзФҲМ комиссияси юқоридаги видеодан пенальтига сабаб бўладиган ҳаракат топа олмайди. Ҳамда ВАР вазиятга ўринсиз аралашгани учун ҳакамни номуайян муддатга четлатиб, ВАР лицензиясини қайтариб олади. Бу ҳакам ким эди, биласизми?

Жавоб: Наим Қосимов. Кечаги финални бошқарган рефери.

*Ўша мавсум якунида "Бухоро" сўнгги поғонада Про лигага тушиб кетган. "Пахтакор" чемпион сифатида ОЧЛ йўлланмасига эга чиққан эди. Мазкур эпизодда ҳакамлар айбдор деб топган Бекзод Камолов эса бошқа майдонга туширилмади. Трансфермаркт портали 20 ёшли футболчи шу воқеадан кейин фаолиятини якунлагани ҳақида инфо беряпти.

Арне Слотнинг "Кристал Пэлас"га қарши кубок ўйинига иккинчи таркибни тушириш қарорини унча тушунмадим. Аслида бу одатий ҳолат, эсингизда бўлса чемпионлик мавсумида Юрген Клопп "Астон Вилла"га қарши ёшларни тушириб 0:5 ютқазганда ҳам ҳеч ким айблай олмаган - мураббий жамоа ҳолатига қараб приоритетларни белгилаб олишга ҳақли.

Аммо айни пайтда жамоа қийин даврни бошдан кечирмоқда ва бунинг сабабларидан бири айнан янги трансферлар мослашуви, жамоанинг шаклланиши билан боғлиқ. Бундай ўйинлар эса янги ғояларни синаб олиш, баъзи футболчиларда ўзига ишонч уйғотиш учун жуда керак. Айниқса, мағлубиятли серияларда ҳар қандай ғалаба позитив кайфият беради, вазиятни юмшатади. "Айнтрахт"га қарши ЕЧЛ ўйинидаги ғалаба ҳам масалан мана шу жиҳатдан фойдали бўлганди.

Слотнинг матбуот анжуманидаги гаплари эса кўпчиликка, жамоа мухлисларига ҳам унча ёқмади. Биринчидан, "Челси" ва "Сити"га нисбатан таркибнинг катта эмаслигини айтди - сен мураббийсан, ёзда катта пул сарфланди, маблағни бошқача ишлатиш, мисол учун Экитике ва Исакдан бирининг ўрнига 3-4 та футболчи сотиб олиш мумкин эди. "Сити" сотиб олган футболчилар даражасидаги.

Иккинчидан, "Лига кубогига кейинроқ, келаси йилларда, жамоа барқарорлашганда курашамиз" дегани. "Ливерпул" амалдаги чемпион, яна бир қатор катта трансферларни қилди, барча турнирлар учун ҳали тайёр эмасмиз, дейдиган ҳолатда эмас. Балким сўнгги ўн йилда биринчи марта унақа ҳолатда эмас.

@aslanov_futbol

Юқоридаги уч номзодга «Борнмут» мураббийи Андони Ираола ҳам қўшилган.

«Борнмут» октябрда икки ғалаба ва бир дурангга («Кристал Пэлас» билан сафарда) эришди.


@aslanov_futbol

Шешко ҳақида илк бор уч йил олдин ёзган эканман.

Қизиғи, ҳозирги пайтда «МЮ» скаутлар бўлими бошлиғи Кристофер Вивел ўша пайтларда «Ред Булл» тизимида ишларди ва ҳужумчининг топилиши, кейинчалик «Лейпциг»га ўтишида муҳим рол ўйнаган.

Шешконинг ёзда Манчестерга ниҳоят ўтишида ҳам Вивелнинг қўли бор. Аморим кўпроқ Дьёкереш вариантини, клуб эса Уоткинсни илгари сураётган пайтда айнан Вивел Шешко учун қатъий курашди. Ҳужумчининг ўзи «Нюкасл»нинг яхшироқ таклифини рад этишида ҳам сабаб шу.

Хуллас, ҳужумчи клубга айтилганидан анча арзонга тушди.

@aslanov_futbol

Рўзиқул Бердиев мана бу гапларида «Нефтчи» мухлисларини назарда тутганини айтибди. Яъни жамоасини ҳар ерда қувватлаб турганларни қаҳрамон дейиш мумкин, демоқчи бўлган экан.

Аввалроқ, Бердиевнинг бу сўзлари бўйича ЎФА суриштирув бошлагани ҳақида хабар чиққанди.

Менимча, Бердиев шунчаки «мухлислар» деса ҳам бўларди ўшанда, «кимни айтаётганимни билиб турибсизлар» деб сирли қилмасдан. Хуллас, майли, ўтди, кетди.

@aslanov_futbol

https://www.group-telegram.com/footballsays/1243

Рақиблар ҳозирча «Ливерпул»га қарши нима ишлаётганини билиб олишди шекилли - узоқ масофага паслар.

@aslanov_futbol

Маълумотларга кўра, "Навбаҳор"га қарши сафар учрашувидан сўнг ортга қайтаётган қашқадарёлик футбол мухлисларидан бир нечаси автоҳалокатга учраб вафот этибди.

Марҳумларнинг яқинларига ҳамдардлик билдирамиз.

https://championat.asia/uz/news/390330?utm_source=telegram&utm_medium=championatasia

АПЛ да бу мавсум жароҳатлар бўйича жадвал. "Манчестер Сити" ва "Челси" доимгидек юқорида, аммо улар орасига "Ливерпул"нинг ҳам қўшилгани қизиқ. Тўғри, Юрген Клопп даврида аномал даражада жароҳатларнинг кўплиги даврлари бўлган, аммо бу кўпроқ услуб билан  боғлиқ бўлар, Арне Слот ўтган мавсумда жамоа ўйинини анча хотиржамлаштириб, жароҳатларни деярли йўқотганди. Аммо бу мавсум фарқли бошланди.

"Арсенал" ҳам доимгидек юқорида, лекин айнан ёзги трансферлар ёрдамида Артета йўқотишлар таъсирини минимал даражага олиб тушгани таҳсинга сазовор. Бу кетишда жамоа натижаларида ниманинг ҳисобига пасайиш бўлишини айтиш қийин.

Сўнгги йилларда энг кўп жароҳатларга учрашга ўрганиб қолганимиз - "Манчестер Юнайтед"нинг энг қуйида экани - сюрприз. Балким Рубен Аморимнинг мавсумолди тайёргарлиги иш бераётгандир. Яна бир сабаб, албатта, "МЮ" еврокубокларда йўқ, яъни ҳафтада бир ўйин режимида футболчиларга тушадиган юклама бутунлай фарқли бўлади.

@aslanov_futbol

Криштиану Роналду кеча Пирс Морганга интервю берибди. Аввалгиси қанақа бомба бўлгани эсингиздадир, ҳалигача ёнғини тинмаган :)))

@aslanov_futbol

Элдор Шомуродов 90+1 дақиқада гол уриб, «Кожаэлиспор» устидан (1:0) ғалаба келтирди.

Қизиғи, Элдор биринчи марта пеналтидан урди, аммо энг қадрли голи ҳам шу. Шу пайтгача унинг урган голларининг 3 таси мағлубиятга учралган ўйинларда урилган, яъни фойдасиз бўлиб чиққанди. 1 гол дурангга сабаб бўлиб 1 очко олиб келган. 2 гол эса 4:0 ҳисобида ғалаба қозонилган ўйинда содир бўлганди. Демак, Элдор бугун илк ғалаба голини урди.

Шунингдек, голнинг айнан пеналтидан урилгани ҳам баҳони оширади. Сўнгги дақиқада бирор вазиятдан фойдаланмаслик бўлиб турадиган оддий ҳолат, аммо пеналтидан фойдалана олмаслик қаттиқ айбловларга сабаб бўлиши мумкин. Шунинг учун ҳам Элдорда босим жуда катта эди. Шу босимни ўзига олиш қарорининг ўзи ҳам катта жасорат.

Шомуродов айни пайтда 7 гол билан энг яхши тўпурарга айланди.

@aslanov_futbol