«Марказий сектор»нинг навбатдаги подкастида Даврон, Хайрулла акалар Фергюсон ва Венгер шогирдларини солиштириб, французнинг мактаби каттароқ бўлгани, кўпроқ мураббийлар етишиб чиққанини айтишибди.

Бу ҳақида ўйлаб кўриб, исмларни қидирдим ва тўғриси, катта фарқ кўрмадим.

Мавзу ўзи икки йилдан бери «Комо»да ишлаётган Сеск Фабрегасдан бошланган. Шунингдек, Микел Артета бор, Анрининг бироз Франция ёшлар жамоасини бошқарганини, яна Юнберг, «Кристал Пэлас»да бир муддат ишлаган Патрик Виейрани эслаш мумкин. Кўряпмизки, унча кўп эмас.

Алекс Фергюсонда сон жиҳатдан кўпроқ ҳам. Стив Брюс ва Марк Хюз классик инглиз мураббийлари. Сулшерни биламиз, Руд ван Нистелрой бор, Майкл Каррик ёмон ишламаяпти, Лоран Блан, Райан Гиггзларни ҳам эслаш мумкин. Невиллар, Кин, Рунилар ҳам ишлаб кўришди, унча ўхшамади.

Умуман олганда, ҳар иккисининг шогирдлари ҳам бирдек салмоқли эмас. Умуман 90-00 йиллар бошида Англияда футбол тактик жиҳатдан анча оқсаганини ҳам маълум. Ўша давр футболчилари ҳозир мураббий ёшида, афсуски зўрлар йўқ.

Артета ва Сеск топ мураббий бўлиши мумкин ҳали, лекин бу кам, демак Венгерга унча алоқаси йўқ. Испан мактаби бўлса керак.

@aslanov_futbol

«Қайрат» бутун ўйин давомида бир киши кўп бўлиб ўйнаб, ғалаба қозона олмади - 0:0.

Эътиборли жиҳат эса қозоқлар 22 марта рақиб дарвозасига зарба берган бўлса, атиги 2 зарба аниқ чиққан. 20 зарба ноаниқ.

«Пафос»да эса 9 зарбадан 6 таси аниқ.

@aslanov_futbol

Барселона - Олимпиакос 6:1
Байер - ПСЖ 2:7
Юнион - Интер 0:4
Арсенал - Атлетико 4:0

Боғлиқлик шуки, ўтган ЕЧЛнинг тўрт яримфиналчиси бир кунда йирик ғалабага эришдилар.

Ўзи умуман мана шу тўрт яримфиналчи йўқотишсиз бормоқда. «ПСЖ», «Арсенал» ва «Интер»да учтадан ғалаба, «Барселона» бир марта ютқазган, аммо у ҳам «ПСЖ»га.

@aslanov_futbol

Харри Магуайр билан янги шартнома тузилиши мумкин экан.

Мухлис сифатида унга бўлган муносабатим Маруан Феллайнига ўхшайди. Жамоа таркибида ундан яхшироқ футболчилар бўлишини истайман, шу билан бирга униям қўйворгим келмайди. Баъзи вазиятлар, баъзи Б режалар бўлардики, Феллайни унинг ижроси учун энг яхши номзод эди, Магуайр ҳам деярли шунақа.

@aslanov_futbol

Агар жараённинг ўзини назарда тутганда, футбол кўп спорт турларидан зерикарли, менимча. Ана, олимпиадада балким шунинг учун бошқа спорт турларини кўпроқ кўрамиз, қизиқроқ туюлади. Ҳа, футболда юлдузлар эмас, ёшлар ўйнайди, тўғри, лекин ўша бошқа спортдагиларниям танимаймиз-ку яхши. Улар ҳам биз учун юлдузмас. Жараён қизиқ. Агар футболда икки нотаниш жамоанинг нотаниш футболчиларини шарҳсиз тасодифан томоша қилсак, ким нечинчи ўринда, кимга қанақа натижа керак, номаълум бўлса, зериксак керак.

Футболни миллионлар ўйинига айлантирадиган энг муҳим жиҳат - контекст. Турли сюжетлар, тақдирлар, трансферлар бу ўйинни янаям қизиқарли қилади гўё.

Шу томондан қаралса, ЕЧЛда бугунги куннинг топ ўйини: «Айнтрахт» - «Ливерпул».

Тўғри, Мадриддаги баҳснинг афишаси каттароқ, қўшиламан. Лекин у ерда контекст қизиқмас. Нима, «Реал» ютди нима, дуранг ўйнади, нима, Эл Класико олдидан бу муҳиммас, ҳар қандай натижа эртага унутилади.

Франкфуртдаги ўйин контексти эса «Ливерпул». У айни дамда қанақа ҳолатда? Тўрт мағлубиятдан сўнг инқироз давом этадими ё жамоа қайтадими? Германиядан келган Вирц балки немис жамоасига қарши очилар? Экитике собиқ жамоасига қарши қандай ўйнайди? Аввалги икки ўйинни 5:1 ва 1:5 якунлаган «Айнтрахт»дан ҳам нима кутишни билмайсиз.

Хуллас шу ўйинни кўрмоқчиман.

@aslanov_futbol

«Айнтрахт»нинг голини энг бошидан бошлаб кўринглар - даҳшат.

@aslanov_futbol

Робертсоннинг ажойиб пасидан сўнг Экитике ҳисобни тенглаштирди. Иккиси ҳам сўнгги ўйинларда захира футболчилари.

Арне Слотга ҳалақит қилаётган жиҳат шу - асосий таркиб йўқ. Нархига ва даражасига кўра асосий бўлиши керак бўлганлар яхши формада эмас. Уларни захирага ўтказиш эса қийин - ўйнамаса, қачон формага киради?

@aslanov_futbol

Бўлди, яна 5:1 га қараб кетяпти, Мадридга ўтдим :))

@aslanov_futbol

1:0 ҳисобида ютаётган «Марсел» футболчиси Эмерсон пеналти ишлайман деб симулация қилди ва иккинчи сариқ карточкани олиб майдондан четлатилди. VAR замонидаям шунақа қиладими?

@aslanov_futbol

«Челси» ҳужумчиси Марк Гиу 18-дақиқада гол уриб, клубнинг Чемпионлар Лигасида гол урган энг ёш футболчисига айланганди. Аммо бу рекорд ярим соатга ҳам чидамади. Эстевао пеналти ишлагач, амалга оширишни ҳам унга бериб, Гиунинг рекордини янгилашди.

Қизиғи, агар Эстевао гол урмагандаям, Гиунинг рекорди узоққа бормас экан. Иккинчи таймда Тайрик Жорж майдонга тушиб, уч дақиқада у ҳам гол урди. Жорж Гиудан бир ойга кичик. :)

@aslanov_futbol

«Арсенал» Англия чемпионатида 8 ўйинда атиги 3 гол ўтказиб юборди. Барча мусобақаларда эса 11 ўйинда 3 гол. Иккитаси стандарт вазиятдан. Фақатгина Холанд ўйиндан гол уришга муваффақ бўлди холос.

Агар 3 ни 8 га бўлсак, ҳар бир ўйинга 0,375 голдан тўғри келади. 38 ўйинда бу 14,25 гол.

Бу борада АПЛ рекорди «Челси»га тегишли. Моуриньо шогирдлари ўшанда бутун мавсум 15 гол ўтказган эди. Бу темпда «Арсенал» ушбу рекордни янгилаши мумкин.

@aslanov_futbol

Ла Лигада марказий яримҳимоячилар. Горизонтал ўқ - сўнгги 1/3 зонага паслар. Вертикал ўқ - тўп билан олдинга босилган масофа.

Педри - умуман бошқа даража.

Бир томондан бу Педрининг салоҳиятини билдирса, бошқа томондан «Барселона»да бу вазифа ҳаддан ташқари кўп бир футболчига юклатилганини ҳам билдиради.

@aslanov_futbol

Ман тушундим Қаҳрамон нега Пеле ҳақида кўп ёзмаслигини ва бу постда онага боғлаганини ҳам:

(а) Асланов Пеле билан бир кунда туғилган;
(б) Постнинг қаҳрамони —Онаизори уни айнан бразилиялик афсона туғилган кунда дунёга келтирган;

Икки томонлама ҳам тушаркан, а?!

Дарвоқе, бугун футбол қиролининг туғилган куни экан.

Табрик!

@xayrulla_hamidov

Бу эса АПЛники ва доимгидек Бруно Фернандеш энг юқорида.

@aslanov_futbol