ክፍል 01- Depression
Depression is real!
የኔ ትውልድ በ depression ውስጥ እንዳለ ሳይታለም የተፈታ ነገር ነው። ሁላችንም በዚህ ውስጥ አልፈናል ብዬ አስባለሁ ፤ ነገር ግን ከ መጠን ያለፈ depression ወደ እራስን ማጥፋት እንደሚመራ እናውቃለን።
ለምን የ እኔ የምንለዉ ሰው በ suicide ሲጠፋ እንጠብቃለን???
ለምን ጓደኞቻችንን አንመረምርም?? ሰዎች በ እንደዚህ አይነት የህይወት መንገድ ውስጥ ሲያልፉ ለምን ቀርበን አናዋያቸውም?? ለምን ሁሉም እንደ ፈሰሰ ውሀ ከአለፈ ቡሀላ ማዘን እና ከንፈር መምጠጥ አስፈለገ? ጓደኞቻችን በ depression ምክንያት እራሳቸውን ስለ ማጥፋት ሲያስቡ ለምን ሌሊቱ እንደሚነጋ እና ሁሉም እንደሚያልፍ፤ ሰዎች ሳይተዋወቁ በሚጠላሉበት ዘመን እኛ ግን እነርሱን እንደምንወዳቸው እና እንደምናስብላቸው ከ አንደበት ባለፈ በ ድርጊት አናሳያቸውም??በ ጨለማ ውስጥ ላለ ሰው አንድ ሻማ በቂው ነው፤ለምን እኛ ሻማ አንሆንም??ለምን በ depression የጨለመውን ህይወት በ ፍቅር ሻማ አናበራም??ለምን ጓደኞቻችንን በ አለማስተዋል ምክንያት በ ሞት እንጣቸው?? "ዛሬ እኮ አዋርቼው/ቻት ነበር ??ደና እኮ ነበር/ነበረች ምን ሆኖ ነው/ምን ሆና ነው ራሱን/ራሱዋን ያጠፋው/ያጠፋችው??" ብለን ለምን እንጠይቃለን?? ቀብር ላይ እሪ ብሎ ማልቀስ ለሟች ምን ጠቀመ?? በ ቁም ሳለ መኖሩን እንዲወድ ያላደረግነው ከሞተ ቡሀላ ማልቀስ ምን ፈረጀ??
በ depression ውስጥ ያላችሁ ፣ ሰው ያልተረዳችሁ፣በ ሰው የተጎዳችሁ፣ ብዙ በውስጣችሁ ያለ ነገር ግን ማውጣት የከበዳችሁ፣ የመኖራችሁን ትርጉም ያጣችሁ ብትኖሩ #እኔ አለሁላችሁ። ምንም ባልጠቅማችሁ ግን ብሰማችሁ እና ሀሳባችሁን ብጋራ ለእናንተ ሸክም ለማቅለል ዝግጁ ነኝ፤ ነገር ግን እራስን ማጥፋት መፍትሄ አይደለም። በ ፈጣሪ የማይነጋ ለሊት የለምና ተስፋ አትቁረጡ።ሰዎች ሁሉ የጠላችሁ ቢመስለችሁ አኔ ግን ሳላውቃችሁ እወዳችኋለሁ።ማንም ስለ እናንተ የማያስብ ቢመስላችሁ በ ድብቅ የሚያስብላችሁ አና የሚሳሳላችሁ አለና በ እራሳችሁ ተስፋ አትቁረጡ!

ክፍል 02-Depression and role of family
ብዙ ጊዜ depression ስራ ከምፍታት ጋር እና productive ካለመሆን ጋር ቤተሰቦች ሲያያይዙት እናያለን፤ ነገር ግን ይሄ ልክ አይደለም። ቤተሰቦች ልጆቻቸው depressed ሲሆኑ ማወቅ ይኖርባቸዋል። ብዙ ወላጆች ወይም አሳዳጊዎች ልጆቻቸው ከወትሮዉ በተለየ ቀዝቀዝ ሲሉባቸው እና ዝምታን ሲያበዙ ነገሩን የሚያያይዙት ከ እድሜ(teenage) ጋር ነው። እንደውም ነገሩን ከ ማመፅ ጋር አገናኝተውት "ብለህ ብለህ እኔ እናትህን/አባትህን መዝጋት ጀመርክ?? አንተ ምን አለብህ የ ቤት ኪራይ አትከፍል፤ሰርተህ ፈግተህ ገንዘብ አታመጣ፤ቁጭ ብለህ እየበላህ ምንም ሳትሰራ ጥጋብ አናትህ ላይ ወጣ አይደል?? ስራ ከምትፈታ አታነብም?አንድ አንድ ስራዎችን አትሰራም??የ አቶ ተስፋዬን ልጅ እስኪ እየው ጎበዝ ተማሪ፣ታዛዥ፣ቤተሰቦቹን አክባሪ...አንተ እዚህ ተዘፍዘፍ!! " ሲሉ እንሰማለን።
እውነቱን እንነጋገር ከተባለ ወጣት ሆኖ ስኬታማ መሆን የማይፈልግ የለም። ቢገባን እና ብንረዳው አብዛኞቹ depressed የሚሆኑ ልጆች የስኬት መንገድ የጠፋቸው እና የሚመራቸው ሰው ያጡ ናቸው።
የሌሎች ስኬት የነርሱን ስኬታማ አለመሆንን የሚሰብክ የህይወት መንገድ ነው። "ለምን??" የሚለው ጥያቄ የዘውትር ልማዳቸው ነው። "ለምን እኔ ብቻ?? ለምን እኔ ማጥናት ከበደኝ?? ለምን መማር አቃተኝ?? ለምን ከሰዎች ጋር ሆኜ ብቸኝነት ይሰማኛል?? ለምን ደስታ ከ እኔ ራቀች??" ወዘተ... የሆኑ ጥያቄዎች በውስጥ ተጭረውና ተቀጣጥለው የ ብቸኝነት እሳትን ይፈጥራሉ። ታዲያ በማህበራዊ ህይወቱ እንደዚህ የሚሰማው ሰው እራሱን ሆኖ የሚገኘው በገዛ ቤተሰቦቹ ቤት ብቻ ነው። ከ "ምን ሆነህ ነው?" ጥያቄ እና "ምንም አልሆንኩም ደህና ነኝ!" ከሚል የማስመሰል ንግግር እርፍ ከሚልበት ከማረፊያው ዘንድ ሌላ ጭቅጭቅ ሲገጥመው ያ ሰው ምን ያድርግ?? ዝምታው ከንግግሩ አይሎ የፀጥታውን ሲመርጥ ቤተሰብ በ ዝምታ ውስጥ ያለውን ጩኸት መስማት አቅቷቸው ነገሮችን በ ራሳቸው መንገድ ተረድተው ብቸኝነት ባቃጠለው ማንነት ላይ ቤንዚን ያርከፈክፋሉ። ይህ መሆን የለበትም!!
ውድ ወላጆች
ልጆቻችሁን ተረዱ! Depression ቀልድ አይደለም። depression ውስጣዊ መጎዳት አለበትና የማይሆን ነገር ተናግሮ ይበልጥ ልብ ከመስበር ይልቅ ቀርቦ በ ፍቅር ማዋየት እና ሁሌም እንደምትወዷቸው መናገር መፍትሄ ነው!! እራሳቸውን መሆን የሚችሉት ቤታቸው ውስጥ ብቻ ነውና እርሱን አትንፈጓቸው። ስሜታቸውን ተረዱ። በጊዜ ሂደት እራሳቸውን ገልፀው ይገግሯችኋል።ያኔ መፍትሄ ታበጃላችሁ። መጮህ ካለባቸው ፍቀዱላቸው።
ይገባኛል! ከ አድካሚ ቀን ቡሀላ እቤት ውስጥ የተዘፈዘፈ የ ልጅ ፊት ማየት ይከብዳል፤ ነገር ግን እንረዳቸው!! ፈልገው አላረጉትምና!
ስለ እግዚአብሔር!!

By Tihitina Abebe

ጨለማን የማያውቅ የለም። ብርሀንን እንኳን ያየነው በጨለማ ውስጥ አልፈን ነው። የጨለማን ክብደት ደግሞ ውስጡ ካለ ሰው ውጪ ማንም ሊረዳው አይችልም። ስለዚህ በጨለማ ላሉ ብርሀን በድቅድቅ ላሉ ጭላንጭል እንሁን።
ጥቂት ደግነት በህይወታችን ፡ ጥቂት ትህትና በንግግራችን
ለኛ የተሻለ ማንነት ፡ ለሌሎች የተሻለ ህይወት
By Wongel Abera

#ውድ_እቃ_ያለ_ቦታው_ርካሽ_ነው!!!⏰⏰⏰⏰⏰⏰
አንድ አባት ከሞት አፋፍ ላይ ሆኖ ልጁን እንዲህ ሲል ተናገረው "ይህ የእጅ ሰዓት አባቴ የሰጠኝ ነው፤ 200 ዓመታት ሆኖታል። ነገር ግን ላንተ ከመስጠቴ በፊት ሂድ እና ሰዓት ቤቶች ስንት ሊገዙህ እንደሚችሉ ጠይቀህ ና።" አለው።ልጁም ጠይቆ መጣ እና "አሮጌ ስለሆነ 5 ብር እንገዛሃለን" እንዳሉት ነገረው።
አባቱም ድጋሚ ሸቀጣሸቀጥ መሸጫ ሱቆች ጋር ሄዶ እንዲጠይቅ ይነግረዋል። ልጁም ጠይቆ ይመጣ እና አሁንም ከ5 ብር በላይ እንደማይገዙት ይነግረዋል።
"ሙዚየም ሄደህ ጠይቅ" ይለዋል አባቱ። ልጁም ጠይቆ ከመጣ በኋላ "አንድ ሚሊዮን ብር እንደሚገዙኝ ነገሩኝ" አለ።
አባቱም "እንድታውቅ የፈለኩት የአንተንም ትክክለኛ ዋጋ (ቦታ) የሚሰጥህ ትክክለኛ ቦታ ላይ እንድትገኝ እንጂ የተሳሳተ ቦታ ላይ ሄደህ ሳይሳካልህ ሲቀር እንዳትናደድ ነው። ምንጊዜም ያንተን ዋጋ የሚያውቁ ብቻ ናቸው ክብርም አድናቆትም የሚሰጡህ ስለዚህ የተሳሳተ ቦታ ላይ አትገኝ!!
➥ውድ እቃ ያለ ቦታው ርካሽ ነው!!!⏰⏰⏰⏰⏰⏰

🛑ሰበር ዜና
*አፋልጉኝ*
በአንዲት ቤተክርስቲያን ያየሁት ወጣት ሙዚቀኛ የቃል ሰዓት ሲጀመር እንደወጣ🏃‍♂️ እስካሁን አልተመለሰም 😔😔😔 እናም ይህንን ልጅ ያገኘ ወደ church ዉሰዱት ቤተክርስቲያን ትፈልገዋለች (ይህ ማለት እግዚአብሄር ይፈልገዋል ቢሳሳትም ዛሬም ይወደዋል❤️) እናም ይህ ወጣትና ይህን መሳይ ሙዚቀኞች እዚች ምድር የመጣችሁት የእ/ርን መንግሥት ለማስፋት እንጂ ሙዚቀኛ🥁🎹🎺🎸🎷🎻 በናንተ ቋንቋ ለመክተፍ አይደለም😉 ደሞ ሙዚቀኛ አትሁኑ አላልኩም ግን ቃሉን ውደዱ የህይወት መንገድ ከሱ ስለሆነ: :

#መልካምወጣት
ይህን ያውቁ ኖሯል በዓለማችን ብሎም በኛ ሀገር ያለምንም ምክንያት የሲጋራ ተጠቃሚ ማለትም ሱሰኛ ናቸው:: አሁን ግን ስለ ሲጋራ ላወራቹ አይደለም ትላንትና qስለገጠመኝ ነገር ልነግራችሁ ነዉ ከቤት ወጣሁና ብድር ወደሰጠኝ ባለሱቅ መኳተን😅 ማነው እሱ መራመድ ጀመርኩ ከዛ ብድሬን ከፈልኩና ከሱ ጋር ማውራት ጀመርን ከዛ ግን በየመሀሉ እቃ ለመግዛት ይመጣሉ እናም የማላውቀውን ስም እየጠሩ ሲጋራ ይዘው ይሄዳሉ ነገሩ በጣም ሲደጋገምብኝ ባለሱቁን ምን ያህል የ ሲጋራ አይነት ታመጣለህ ስለዉ ያዉ እያለ እየተንተባተበ ምልህ እንሱ እንዳሉኝ ንዉ የጠየቁት አይነት ከሌለ ሌላ ጊዜ አመጣለው ብሎ ንግግሩን ሳይጨርስ ሶስት የማውቃቸዉ ክርስቲያን(አማኝ) ልጆች መጡና ሲጋራ ገዝተዉ አንዱማ ድፍረቱ እኔን እራሱ አልፈራም ቆይ ግን እሱ እንደዚ የሚያስጠላ ድርጊት እያደረገ እኔ እየሱስ ያድናል ብዬ ስመስክር ለምን ያፍርብኛል? ወይም ደግሞ መልካም ወጣት ለመሄድ ፈልገው ነው ብዬም አሰብኩ ግን ምንም ሳናደርግ አሁን በራሳችን ያሉብንን ችግሮች ለማስተካከል እና ጌታን ይበልጥ ለማወቅ መልካም ወጣት መሄድ እንችላለን ዋናው የምንሄድበት ምክንያት ብዬ የማስበው በወጣትነት እድሜ ስለሚነሱ ሀሳቦች በግልፅ ከእኩዮቻችን ጋር ለመነጋገር እና ለመማር ነው:: yoni ነኝ መልካም ወጣት ማለትም drummer boy እወዳቸዋለሁ😍😍😍

ራሳችሁን ለራሳችሁ አስመስክሩ!

ራሳችሁን ለሌሎች ሰዎች ለማስመስከር የምትታገሉትን ትግል አቁሙና ራሳችሁን ለራሳችሁ አስመስክሩ፡፡ ራስን በራስ ማስመስከር ማለት ባጭሩ ካወጣነው ጤናማ የሕይወት ከፍታና የኑሮ ሁኔታ አንጻር ለመኖር ከራስ ጋር በመስማማት የምንችለውን ማድረግ ማለት ነው፡፡

የዚህ ተቃራኒ ራስን ለሌላ ሰው የማስመስከር ጡዘት የእኛን ስኬታማነት ለሰዎቹ እይታ፣ ባህሪይና ማንነት አሳልፈን በመስጠት ዳኞቹ እነሱና እነሱ ብቻ እንዲሆኑ ያደርጋቸዋል፡፡ ስለሆነም ሩጫችንን ካልተቀበሉት የበለጠ እንሮጣለን፣ ሁኔታችን ካልጣማቸው ሌላ ሁኔታ ለመፍጠር እንታገላለን፡፡

• ምን ያህል እንደምታውቁ ለሌላ ሰው ለማስመስከር መታገል አቁሙና በተሰማራችሁበት ዘርፍ አቅማችሁ የፈቀደውን ያህል እውቀትን አዳብሩ፡፡

• ምን ያህል ጨዋ እንደሆናችሁ ለሌላ ሰው ለማስመስከር መታገል አቁሙና ማዳበር የሚገባችሁን ጨዋ ባህሪይ በመለየት ያንን ጨዋነት አዳብሩ፡፡

• ምን ያህል ገንዘብና ሃብት እንዳላችሁ ለሌላ ሰው ለማስመስከር መታገል አቁሙና ላወጣችሁት የሕይወት ደረጃና ለምትከተሉት ዓላማ የሚመጥን የገንዘብ አቅም ላይ የመድረስን ትጋት አዳብሩ፡፡

• ምን ያህል አሪፍ የፍቅር አጋር እንደሆናችሁ ለፍቅረናችሁ ለማስመስከር መታገል አቁሙና ከአንድ እውነተኛ ፍቅረኛ የሚጠበቀው ባህሪይና ማንነት ምን እንደሆነ በመለየት ያንን አዳብሩ፡፡

ራሳችሁን ለማስመስከር የምትታገሉት ትግል የማያዛልቃችሁ ስለሆናችሁትና አለኝ ስለምትሉት ነገር እንዲያዩላችሁ የምትፈልጓቸው ሰዎች መስፈርት እንደየግል እይታቸውና ባህሪያቸው የተለያየ ስለሆነ ምንም ያህል ብትጦዙ ከቁጥርም ላይከቱት ስለሚችሉ ነው፡፡ ይህ ጉዞ የማያልቅና አድካሚ ጉዞ ነው፡፡

Dr. Eyob Mamo

⚡️ምክንያታዊነት⚡️

ምክንያት ለነገሮች ክንዋኔ የምንሰጠው ማስረጃ ነው። በእርግጥ አንዳንዴ ከማስረጃነት ተራ ወጥቶ ለነገሮች የሚቀርብ ሰበብም ሊሆን ይችላል። ይህ ግን የሚወሰነው ምክንያቱን በሚያቀርበው ሰዉ ላይ ነው። በጎ ምክንያት ለአስተዋይ ገንዘቡ ናት።

እኛ ሰዎች ከሌሎች ግዑዛንና ከእንስሶች የሚለየንም ከፈጣሪ የተሰጠ የዚህ ድንቅ ጸጋ ባለቤት በመሆናችን ነው። ለምናከናውናቸው ተግባራት የምንሰጣቸው ምክንያቶች እኛ ከጉዳይ ጋር ያለን ግንኙነት ምንያክል እንደሆነ የሚሳዩን መስታዎቶቻችን ናቸው። ስለዚህ ምክንያትህ ማንነትህን ይገልጸዋል ፤ ማንነትህ ደሞ ሰብአዊ ፍጥረት የመሆንህ መገለጫ ነው።

🔥መልካም ቀን🔥

መፍራት ስትጀምሩ መኖር ታቆማላችሁ!!

የናዚ ተጽእኖ በከፋባቸው ዓመታት ጃኔዝ (Janez Rus) የተባለ አንድ ሰው በናዚ ዘመን በነበረው አቋም ምክንያት በቀልን በመፍራት ለ32 ዓመታት ከአንድ ስፍራ ሳይወጣ እንደተደበቀ ይነገራል፡፡ ይህ ወጣት በፍርሃት ከመደበቁ በፊት የጫማ ስራ ባለሞያ ነበር፡፡ ፍርሃቱ ከነገሰበት በኋላ ግን የቀረውን የወጣትነቱን ዘመን በመደበቅ ነበር ያስበላው፡፡

በፈረንጆቹ አቆጣጠር በJune, 1945 ይህ ወጣት በእህቱ እርሻ ውስጥ በሚገኝ ቤት (Farmhouse) ውስጥ ለ32 ዓመታት ተደብቆ ሲኖር የእናቱን ቀብር እንኳን ለመካፈል አልወጣም፡፡ ከዚህ ስፍራ ከወጣ በኋላ እንዲህ ሲል ተደምጧል፣ “ከተደበኩበት ቦታ ሆኜ ውጪ የሚገኙ ሰዎች ሲደሰቱና ሲስቁ ስሰማ ምርር ብዬ አለቅስ ነበር”፡፡

ይህ ወጣት በእነዚያ አመታት ውስጥ ያገኘውን ነገር እየበላ ከላይ ሆኖ ወደታች ያለውን መንደር ከማየት ውጪ ምንም ነገር አላደረገም፡፡

ፍርሃት እንዲህ ይልሃል …

• አትመልከት - አንድ ነገር እንዳታይ!
• አታድምጥ - አንድን ነገር እንዳትሰማ!
• አታስብ - አንድ ድምዳሜ ላይ እንዳትደረስ!
• አትወስን - ስህተት እንዳትሰራ!
• አትራመድ - እንዳትወድቅ!
• አትኑር - እንዳትሞት!
• አትማር - ፈተና እንዳትወድቅ!
• አትውደድ - እንዳትጎዳ!

በሕይወትህ ልታነግሱ የምትችሉት ስሜት አንዱን ብቻ ነው - የፍርሃትን ወይም የመኖር ድፍረትን፡፡ አንዱ እንዲነግስ ስትፈቅድለት ለሌላኛው የባርነት ትእዛዝን እያስተላለፍክ ነው፡፡ ፍርሃት ሲነግስ የመኖር ጣእም ይጠፋል፡፡

ይህ ዓመት የፍርሃት ስሜትም አብሮን ይቀጥል! ተነሱና ፈጣሪን ተማምናችሁ ቀና ብላች ኑሩ!

ወቅት ያቀበለኝ ስሜት......💛


ህይወት እንዲሁናት መሰለኝ.. ..።


ከእለታት አንድ ቀን ድንገት ከእንቅልፍህ ስትነቃ .....ሁሉም ነገር የሌለህ መስሎህ
በሚሰማህ ጊዜ ሁሉን ነገርህን የምትሆንልህን እናትህን አጥተህ እራስህን ታገኘዋለህ.....ትኖራለህ።


ደሞ ሌላ ግዜ ድንገት ሁልግዜ የምትኮራበትን የምትመጻደቅበትን አባትህን ሞቶ እራስህን ታገኘዋለህ.....ትኖራለህ።


ደሞ እንደገና በመኖርህ ውስጥ ድንገት ስትነቃ ፍልቅልቅ ጨቅላ ልጆችህን አጥተህ እራስህን ታገኘዋለህ......አሁንም እየኖርክ ነው። ኑሮ እየቀጠለ ነው።


አሁንም በምንቃትህ ውስጥ ደሞ ድንገት በህይወት መንሸራተት ወንድሞችህ ርቀውህ አጥተሃቸው እራስህን ታገኘዋለህ ........መኖር ቀጥሏል።


......ደሞ ድንገት ስትነቃ እንዲሁ የወደድከውን ያፈቀርከውን አጥተህ እንደተለመደው እራስህን ታገኘዋለህ......ህይወት እንደቀጠለች ነው። የማጣቱ ምክንያቱ....ተፅእኖው.....አይነቱ ይለያያል።

.....ግን ግን ሁሉም ማጣትን መለየትን ያሸክሙሃል። ሌላ ግዜ ደሞ ድንገት ሸክምን ችሎ ለመኖር በልምምድ ውስጥ ሆነህ እራስህን ታገኘዋለህ .... ከተስፋ መቁረጥ ጋር ትንቅንቅ ገጥመህ። አንዳንዴ ለመኖር የምትፈተነውን
ያክል መኖር ለማቆምም ከባድ ፈተና መሆኑን ትረዳለህ። .
.
.
.
.ድንገት ደሞ ሌላ ግዜ ስትነቃ የትዕግስትህ መጠን አድጎ ....ቻይነትህ
ጎልብቶ.......ማስተዋልህ በዝቶ በህይወትህ ያገኘሃቸው...የተደረጉልህ......ያሉህ ነገሮች በህይወትህ ካጣሃቸው....ካልተደረጉልህ....ከሌሉህ ነገሮች እጅግ በጣም የበዙ መሆናቸውን ተገንዝበህ ፈጣሪን ስታመሰግን እራስህን ታገኘዋለህ ። .......
.
.
.
.
በጊዜው ድንገት በመንቃታቹ ውስጥ
በየትኛው ስሜት ውስጥ ሁናቹ እራሳቹን አገኛችሁት?


የመንቃት ለሊት!💛