#xabar #umra #makka
🕋 Бир умр орзу қилганлар Каъбатуллоҳни тавоф қилди (фотолавҳа)

🚌 Хабар берганимиздек, Мадинаи мунавварадан навбатдаги зиёратчиларимиз гуруҳлари умра қилиш учун замонавий туя – автобусларда йўлга отланди.

🗣Бепаён адр ва чўллардан оша ҳамюртларимиз тажрибали элликбошилар бошчилигида тилдан "Лаббайка"ни туширмай, гўзал суҳбатлардан баҳра олиб, Маккаи мукаррамага қандай етиб келганини сезилмай ҳам қолишди.

🤲 Дуою зикрлар ила қалбни поклаб, тилни намлаб келган зиёратчилар меҳмонхоналарига кираркан, "Аллоҳнинг меҳмонлари хуш келдингиз", дея ширин сўзу лутф ва турфа хил нозу неъматлар ила кутиб олинганидан кўнгиллари бениҳоя кўтарилиб, бошлари осмонга етди.

🏨Дастлаб юртдошларимиз замонавий Ал-Айям меҳмонхонасидаги хоналарига жойлашиб, у ерда ибодатга қувват бўлувчи мазали таом, салқин ичимлик, сар хил меваю турли салатлардан тайёрланган кечки тушликни тановвул қилдилар.

🕋 Шундан сўнг ҳамюртларимиз элликбоши, ишчи гуруҳ, шифокорлар ҳамроҳлигида Масжидул ҳарамга боришди. Бир умр орзу қилиб кутгани Каъбатуллоҳни ўз кўзи билан кўрган зиёратчилар Ҳақ таолога бўлган муҳаббат кўз ёшларини тўхтата олишмади. Айни дуо қабул бўлар чоғи ўзлари, ўтган ва ҳаёт бўлган яқинлари, элу юртимиз ҳаққига қалбдан дуолар қилишди.

🟢Каъбаи муаззамани етти марта айланиб тавофни адо қилган, сўнг икки ракат тавоф намозини ўқиган, кейин эса Сафо ва Марва тоғлари орасида етти марта бориб-келиб саъй қилган, сочларини олдириб эҳромдан чиққан зиёратчиларимиз умра амалини гўзал тарзда адо этишди. 

🤲 Аллоҳ таоло зиёратчиларимизнинг сафарларини хайрли ва баракали қилсин, Байтуллоҳ ёнида дуо қилишни барчамизга насиб этсин!

✅ Ўзбекистон мусулмонлари идораси
Матбуот хизмати

📢 Эслатма:

📞 Ҳаж ва умра маркази телефон рақамлари:
📲 +998778821858
📲 +998998821858
🔵@Hajumrauzbot

✅ ВИЛОЯТЛАРДАГИ ВАКИЛЛАРИМИЗ

🔵 Саҳифаларимиз:
📷Instagram 🚀Telegram