……………

"ከዛጎሌ ውስጥ መውጣት ብቻ አደለም ምፈልገው. . . ዘጎል ውስጥ ሆኜም እደነበር መርሳት ጭምርም እንጂ " አለችኝ. .

ቆንጆ ሳይሆን ቆንጅና እራሷ ናት . . ተሰብራ እራሱ ሙሉ ምትሆን ሴት ናት ………

"የማልችለውን ተሸክምያለው እያልኩክ አደለም ፣ ምችለው ከብዶኛል እንጂ……… አሁን ህመም አለው . . ጠባሳውን እየው . . ፀጉሬን ተመልከት
፣ ተንጨባሮዋል አደል? ፣ እግሮቼን እያቸው እዴት እዳደፉ ፣ የጥፍሬን ቆሻሻዎች ተመልከት ፣ የሰውነቴን ጠረን ምን እደሚል አፍንጫክን ጠይቅ. . . ስለማይታየው የውስጤ ህመም ምስክር ናቸው………… " ብሷቷ ንግግሯን ገታው………

ፀጉሯን ፣ እግሯን ፣ ጥፍሯን ቀስ በቀስ ከዚህ በፊት እደማያቃቸው ሰው አየዋቸው . . . . . ምንም ሆና ውበት ናት !

"አልጋዬ የእሾህ አልጋ ፣ ምመገበው ምግብ የሰው የሰው ስጋ ፣ የምጠጣው ውሃ ደም ደም ይመስሎኛል. . . ለምን መሰለክ ? ውስጤ በቀልን የተጠማ ስለሆነ ነው"

በሃሳባዊ ሃዘኔ ውስጥ ይችን ውብ የማር አበባ ስለቀጠፈው ንፋስ አስባለው . . . ከዚህ በኃላ ቅዝቃዜን ጠልታ ስለምትሰቃይባቸው ሞቃት ወቅቶች ተክዛለው……

"ስለፈሰሰው ደሜ ደም ፈልጋለው ስለተንገላታው ስጋዬ ስጋ እሻለው . . በስለት ስለተቆራረጠው ነፍሴ ነፍስ ከጅላለው. . ይሄን ሚመልስልኝ አለ ? "

ውስጧ ሲወራጭ ይሰማኛል . . እደታረደች ወፍ ትፈራገጣለች. . . ያለችውን ምጠይቅበት ደረጃ እዳደርስ ባረግ ብዬ እመኛለው. . ግን ምኞት ነው. . . ለዛሬ ማዳኛ መድሐኒት ኬት ላምጣ ?

"ከመውደቁ በፊት ከፍ ከፍ ያለ የሰው ልብ ነው
ያረደኝ . . .ሳይከብር የተዋረደ . . አሁን እኔ የነጠፈ ደረቅ የውሃ ጉድጓድ ሆኛለው . . መጦኛላ!

ገና ምንጭ ናት እኮ . . . . በውብ ለምለም ቄጤማዎች መሃል የተደበቀች ጣፋጭ ምንጭ፣
እዲህ ብዬ ልነግራት ፈልጋለው ግን ደሞ ፈራለው. . !

"በፍርድ ጊዜ እውነትን አራቁብኝ ፣ ገልገበው እርቃኔን አስቀሩኝ ፣ አእምሮዋቸው ጎሎዋልና እንዴት ልቻላቸው ? ለቀሚሴ መቀደድ ለሷ መጨቅየት . . ተገላቢዋ እኔ እያለው ለገላቢው ወግነው ቆሙ . . . ለነዚህ ፍጡር እጄ ስለት
ብታነሳ ምኑ ጋር ነው ሃጥያቴ ?"

አሳዘነችኝ ፣በበቀልና በምህረት መሃል ያለችን ነፍስ እደማየት ያለ ህመም ይኖር ይሁን . . . ?

ቀስ ብዬ ተጠጋዋት ፣ ሸሸችኝ . . ጠተጋዋት ሸሸችኝ . . .

"እፈራችዋለው ፣ የአይኖቼ ብሌን ስለእናንተ ጨለማን ያያል . . እራሴን ለቦዘኔነት ሳልሰጥ
ነው የተዋረድኩት. . ምድረ በዳ ሆኛለው !"

አይኖቿ እንደ ርግቦች ናቸው . . ያለችው ጨለማ የለም ፣ሮማንና የጣፈጠ ፍሬ ፣ከሽቱ ሳር ጋር ያለባት የገነት መንገድ ናት! በሱፍ አበባ መሃል እደሚሰማሩ እንደሚዳንቆ ግልገሎች ገና ብቅ ብቅ ያሉ የልጅነት ሃሎች አሏት . . እንዴት ብዬ ስትነድ አያታለው ?

አሁን ላቅፍት አላሰብኩም ከዚህ በኃላ መች እደማስብም አላውቅም ግን አብርያት ታምሜ አብርያት ልድን ወስኛለው!

{#ት ዝ ታ }

@tizetawe
@tizetawe
@tizetawe

ነፍስ ሲጀግን እንደ ማር አበባ ነው. .
ከአይን አልፎ ፣ ፈዋሽ ይሆናል!!
{#ት ዝ ታ}
@tizetawe
@tizetawe
@tizetawe

……… ምፈልገውን እያንዳንዱን ነገር ቀስ በቀስ . .ተበላሸ . .. ልክ በእንክብካቤ የተከላቹት አበባ አበበ ስትሉ እደመድረቅ አይነት. . በሬን ዘጋጋው በውስጤ ጨለምኩና ለብዙ ቀናት በእጆቼ መዳፍ ተወሽቄ አነባው. . .

የቆምኩ መስሎ ተስማኝ ባዶ በሆነ ውስጤ ባዶነት ሚረግፍ መሰለኝ . . አስፈሪውን ትላንት ተሸፍኜ ልደበቀው እሮጥኩ . . ምንም ያህል ብሮጥ ከኔ ጋር ተጣብቆዋል . . ከዛን ገባኝ ሸሽቼው አላሸንፈውም ፣ እሮጪ አልጥለውም . .

እናም ለራሴ ጮክ ብዬ ነገርኳት . . "ውዴ በትናንሽ ፈተናዎች እንዴት ሚንበረከክ ጉልበት ትፈጥርያለሽ አቁሚ አትሩጪ ለራስሽ ታገይ ፣ዙፋንሽ ከእይታሽ አድማስ በላይ የሰፋ ነው . . ስንኩልኩል ዱካሽን ባካሄድሽ ውበት አጥሪው. . " ይህ ጅማሪዬ ነበር…………
{#ት ዝ ታ }
@tizetawe

ወደ ወና ቤታችን ወደ ተዘራንበት
መመለሱን እንመለሳለን ፣ ምን ይዘን ?
(#ትዝታ}

@tizetawe
@tizetawe
@tizetawe

#1

አንዳንዴ ሚጠፋኝ ቀን አለ. . .

. . . አውቆኝ ፣ ያላወኩት . . . ገብቼው፣ ያልገባኝ


ያኔ አያቴን ማውራት ያስደስተኛል . . .

"አያቴ. . . ቀን ጠፋኝ"

"ቀዳዳ ኪስ አለሽ ?"

ስቃለው ………… እሷ አስቅም

"በደንብ ያልተያዙ ነገሮች ይጠፋሉ የኔ ሆድ" ትለኛለች. .

አልገባትም ወይ ገብቷታል ግን ቢሆንም ትክክል ነች. . .

"1966. . . እኔን ጨምሮ በርከት ያሉ የጤና ባለሞያዎች ወደ ሰሜን ወሎ አቀናን . . . ወቅቱ ከባድ ርሃብ የተከሰተበት ወቅት ነበር . . . "

እቺ ሴትዬ የትገባች እላለው በውስጤ . . እኔ ክርክሩ ላይ . . . እሷ ግዢው ላይ ናት ወዴት ወዴት………

"እዛ ስደርስ ያየሁት ነገር አሁን ድረስ ይቆጠቁጠኛል . . . በቆሻሻ ጨርቅ የተሸፈነ ሬሳ እዚህም እዚያም ወድቆ ይታያል፡፡ በዚያ ሐሩር ፀሀይ ላይ ወድቀው ከሚታዩት አስከሬኖች ክንዶችና እግሮች ላይ ነፍሳት ሲርመሰመሱባቸው ማየት እጅጉን ያሰቅቃል፡፡ በሕይወት ያሉት ሞታቸውን ሲጠባበቁ፣ የሞቱት ደግሞ የሚቀራመቷቸውን ጅቦች ይጠብቃሉ፡፡ በየሥርቻው የሚሰቃይና የሚያቃስት ድምጽ ይሰማል፡፡ ሥጋው አልቆ በቆዳው የተሸፈነ እጅ እስከ መጨረሻዋ ትንፋሽ መውጣት ድረስ አለሁ ለማለት የፈለገ ያህል ይላወሳል፡፡ እዚህም እዚያም ለሞት የተቃረበ ሰው በመጨረሻ እንቅስቃሴ እያጣጣረ፣ ቀስ በቀስ ቀና ብሎ እንደ መቀመጥ ይቃጣውና ሞጭሙጮ እንደ መስታወት በሚብለጨለጨውና ነፍስያ እንደሌለው በሚያስታውቀው ዓይኑ እንደ መማተር ይላል፡፡ የማይሰማ በከንፈሩ ብቻ የሚላወስ ቃል እንደ ማነብነብ ይልና ቀጭን ድምጽ አሰምቶ ዝልፍልፍ ብሎ ይወድቃል፡፡"

ሃዘን ውስጥ ገባች. . . አይ እዳዬ አልኩኝ . . ለኮሜዲ መጥቼ ሆረር ፊልም ታሳየኝ . . .

እሷ መች ገብቻት ቀጥላለች . ..

" ለምን መጣን አልኩ ? ተሸክመን የመጣነው የመድሃኒት ቁሳቁስ. . ምን ይጠቅማቸዋል?
ሚፈልጉት ምግብ ነው ምግብ . . . እኛ ግን እደጦር ሜዳ ቁስለኛ ያመጣንላቸው መድሃኒት ነው. . . . . "

ባሃሳብ ጭልጥ . . . እረጅም ዝምታ

"የኔ ሆድ . . . ዝርዝሩን ሌላ ጊዜ አጫውትሻለው" አለችኝ ከሩቅ ትዝታዋ ስትነቃ

. . . አይ አያቴ ይህን ታሪክ እኮ ጆሮ ማብቀል ከጀመርኩ እድሜ ጀምሮ ስነግሪኝ ነበር ልላት አልኩና ተውኩት. . .

"ሃሳቤን ግን አልጨረስኩም "

"የምን ሃሳብ አያቴ . . "

"ላንቺ ማስተላለፍ የፈለኩትን "

. . . ቀጥይ የሚል ፊት አሳየዋት ፣ አነበበችው መሰለኝ እሷም ቀጠለች

"መድሃኒት ጥሩ ነው ግን ለታመመው ነው ፣ ምግብ አስፈላጊ ነገር ነው ግን ስትራቢው ነው ፣ ገንዘብ ጠቃሚ ሚሆነው ገንዘብ ሚገዛው ነገር ላይ ነው . . . ሳትታመሚ መድሃኒት ብትውጪ ፣ ጠግበሽ ብትመገቢ ፣ ገንዘብ ከተግባሩ ሲጎላ ምን እደሚሆን አስቢው ?. . .

. . . . ቀን ሚጠፋውም ያለቦታው ያለ አንድ የተሳሳተ ነገር ሲኖር ነው . . . ለአመመሽ ህመም ያሳመመሽን ምግብ እየበላሽ ነው ለመዳን መድሃኒቱን መውሰድ ትተሽ . . ቆም በይና የተሳሳተውን ቦታ ፈትሺ . . የተቀደደውን ኪስ ስፊ ወይም ቀይሪ . . . !!"


. . . . . . የቱ ጋር ነው የሳትኩት . . ? . . የቱ ምግብ?. . የምን መቀደድ . . .?

ትኩር ብዬ አየዋት . . . የቤት ስራ ሰታኝ እሷ በነጭ ጥጦቿ መሃል ጣቶቿን ታርመሰምሳለች . !

አይ አያቴ !!

(#ትዝታ}

@tizetawe
@tizetawe
@tizetawe

"ለእናንተ ያልተገባን ሰው ማፍቀር፣
ምርኩዛቹን ነፍሳቹ ላይ እንደመስበር
ነው !!"

(#ትዝታ}

@tizetawe
@tizetawe
@tizetawe

ለሱ የፃፍኩለት………❤️

በቀደም ምታምር ህፃን አቅፈክ ፎቶክን አየሁት . . አንተን ትመስላለች . . . ህፃኗን ጠላዋት . . ሆድ ውስጥ ሆና ሞታ በነበር ፣ ወይ ጭራሽ የተጠነሰሰችበት ቀን ፈጣሪ የኖህን ከተማን እዳጠፋው ያቺ ምሽትንም ባጠፋት ኖሮ. . ብዬ ተመኘው. . . እምም. . ምኞት ነው !

ደህና ነህ ብዬ ነው "ደህና ነህ ወይ?" ብዬ ያልጠየኩክ. . ደህና ትመስለኛለክ . . ደሞ ምወደውን ፀጉርክን ተቆርጠከዋል . . አይ እንኳን ተቆረጥከው ወደዋለው እንጂ አያምርብክም ነበር።. . . ባልነት እንዴት ነው ታድያ ? "አባትነትስ" ብዬ ያልጠየኩክ አይኖችክ ሳስተው ሚጢጢክን ሲያያቸው ብዙ ነግሮኝ ነው ፎቶው. .

" ሳራ አረገዘች " ስትለኝ የሳኩት ሳቅ እንባ ነበር ያው ስላላሳየሁክ ነው . .

አሁን ምፅፍልክ ከደረሰክ. . . ይቅር ልል ስለፈለኩ ነው ለራሴ . .

ጠጥተክ በውድ ጓደኛዬ አልጋ ላይ ስለሰራካት ልጅህ እራሴን ይቅር ብያለው. . . . . ጠቅልዬ ለወዳጄ መስዋት ስላረኩክ በድጋሚ ለራሴ ይቅር ብያለው. . .

የሃሳብ ተዋናዬች ነበርን . . እናም ህልማችን ሞተ . . ስለገደልኩት ህልም አሁንም ለራሴ ይቅር ብያለው. .

ውድቀት የራሱ ጠረን አለው . . ሰነፍ አፍንጫ ስለነበረኝ አላሸተትኩም . . እነሆ ለኔ ይቅርታ!

እናም ውዴ አንተም ለራስህ ይቅር በል. .

ግን ግን ፍቅሬ ከአንተና ከሳራ በላይ ልጃቹን አልወዳትም !! ለይቅርታዬ እንቅፋቴ ፣ ለመብረርህ ክንፍ ነበረችና . . .

ደህና ሁን . . . !

* ………………*

እሱ እደፃፈልኝ ………❤️

በፍቅርሽ አማካኝነት መኖርና አለመኖር ይፈልቃሉ። ተቃራኒዎች አንድ ይሆናሉ። የረከሰው ሁሉ ተመልሶ የተባረከ ይሆናል። ለዚህ ነው እረክሼም የተባረኩት ፣ አዎ ልጄን ወዳታለው. .. ለዚህም ምክንያቷ አንቺ ነሽ . . ወደመጣችዋ ልጄ አባት እድሆን አዘጋጅተሽ የላክሽኝ. . !

ስለጠላሻት አልከፋኝም . . አሁን ፍቅርሽን ወስዳዋለችና . . .

የኔ ፍቅር ለራሴ ይቅር የምለው አንዳችም ነገር የለም. . ትክክል ያልሆነው ሁሉ ወደ ትክክል ወስዶኛል እና . . . በትላንት ተፀፅቼ እራሴን ይቅር ብል ልጄን እንደመካድ ቆጥረዋለው!

በስህተቴ አለሜን አግንቻለው ፣ ፍቅሬ አለምሽን ፈልጊ. . !!


ደህና ሁኚ!!

(#ትዝታ}

@tizetawe
@tizetawe
@tizetawe

#ሲጀምር . . .

ክልትው፣ ልውስ ብዬ በናፍቆት ጠብቀዋለው ኩርመት ባለችው ቤታችን ውስጥ . . . ልፍት፣ ድክም፣ ቁይት ብሎ ይመጣል እሱ ደሞ. .

"ተው ተሼ የሰው እጅ ማናይበት ርዝቅ ካለን በቂ ነው "ብለው አይሰማኝም ማይሞክረው እድል ፣ ማይሞክረው ስራ የለም . . .

ሙጭሙጭ ያለች ቤታችንን ቅውጥ ባለ እጣን አጥኛት ፣ ቡና አንጣጥቼባት . . እረኮቦት ታቅፌ ፣ አይነቷን እየቀያየርኩ ምሰራትን ቦግ ያለች ሽሩቲ አንተክትኬ ጠብቀዋለው. . . . .የትኛቸው ላይም ግን ቀዝቅዘው ይደርስባቸዋል. . .

እሳቱ ጠፋቶ ፣ ሽሮው እደተራራ በረዶ ለዝቦ ፣ . . .

"አይንዬ . . እርቦኛል ይለኛል" ውስጤ ልውስ ይልለታል. . . ባሌ ጠጥቶ ወይም ተዝናንቶ አደለም ሚቆይብኝ ቤቱን ሊያቀና ቀኑንም የምሽቱንም አጋማሽ ሲሰራ እንጂ . . .

"ሚጣፍጥ ወጥ . . . እጅሽ ይባረክ " ይለኛል እጄን እየሳመ . . .

አልጋችን ላይ ስንወጣ . . .

"እኔ እኮ አሁን ያለንበትን ወደዋለው . . . ለምን እንዲህ እስክትሆን ትለፋለክ . . " እለዋለው

"ላንቺ ነው አይንዬ . . ዓለምን ላሳይሽ ፈልጋለው ፣ እንደ ልዕልት ላኖርሽ . .በዓልማዝ ላስጌጥሽ ."

" እኔ አልማዝ አያስጌጠኝም ማጌጠው ባንተ ነው ፣ ልዕልት የሆንኩትም አንተን ያገባው ቀን ነው . .
ከተፈቀደልን ውጪ አንበላም . . የተፈቀደልንን ደሞ እየበላን ነው. . . ከአንድ ክፍል ቤት ውጪ ትርፍ ነው. . አንድ ክፍል ደሞ አለን" . .

ወደራሱ አስጠጋኝና ከንፈሬን ጎረሰው . . አጣጥሞት ሲበቃው

" እናቴ . . . ሴትና ካሴት አንድ ናቸው" ብሎኝ ፈገግ አለ . . .

"ማለት "

" የድሮ ቴፕ ሲያረጅ ነው ካሴቱን ሚበላው ፣ ምንም እንኳን ካሴቱ አዲስ ቢሆንም ያረጀ እንከን ያለው ቴፕ ከገጠመው ይበላል. . . "

. . . . . . እናም አንቺ እንደ ካሴቱ ዛሬ አዲስ ነሽ ግን ይሄ ሚቀጥለው የተበላሸ ቴፕ እስኪገጥምሽ ነው. .
. . 'አንቺን የመሰልሽ ውብ በምን እዳሽ ከዚህ ደሃ ጋር ትታሽያለሽ 'ወዘተዎች እያለ ሚነዘንዝሽ ፦ጓደኛ . . ቴፕ እስክታገኚ . . "

"ታድያ አታጠነጥነኝም ያኔ " ብዬ ስሩ ተወሸኩ. .

መብራቱን አጠፋው …………



#ሲቀጥል


ከቀናት ውልደት ፣ ከዓመታት ፍጥረት በኃላ እንዳለው . . ዓለምን አሳየኝ ፣ በዓልማዝ አስጌጠኝ . . . ልቤ በኩራት ታፈነ . . አንገቴ ለንቀት ከፍ አለ. . .

የሆነ ጠዋት ተነስቼ ሳየው አስቀያሚ ነው አልኩ የገዛ ባሌን . .መላ አካላቱን እየቀፈፈኝ አየሁት ፣ የሳሙኝ ከንፈሮቹን ተፀየፍኳቸው . . ከዚህ ዝንጀሮ ጋር እንዴት ነው የኖርኩት አልኩ ?

መኪናዬን ይዢ ውቡን ፍለጋ ዞርኩ ፣ ነው ብዬ ካሰብኩት ጋርም ወሰለትኩበት . . ልክ እንደ
ፂሩፃይዳን ከረከሰች መስዋት በላው።


ድህነት ውስጥ የተደበቀ ክፋት ነበረብኝ . . ወይስ ሃብት ክፋትን ወለደብኝ ብሎ ሚሟገተኝን ባለ ህሊናውን አንዱ እኔ . . ገደል ግባ እያልኩ አጠፋዋለው . . . .

አሁን…………
ካሴቱ የተበላሸውን ቴፕ አግኝቷል ፣ቴፑ ግን ሌላ ሰው አልነበረም ………


#ሲያልቅ

. . . ገምታቹ ጨርሱት !


(#ትዝታ}

@tizetawe
@tizetawe
@tizetawe

ከአበባው ይልቅ ስሩን መሆን ምረጪ . . . . ቢቀጠፍም ይበቅላል ስሩ ካለ. . . አለመታየትሽ ፣አለመደነቅሽ ፣ አለመታወቅሽ የሚገርምሽ ሴት አትሁኚ . . . አንቺ ውስጥ ኖሮ ማኖር ሚለው ተክል ከበቀለልሽ በቂ ነው በመደበቅ ውስጥ ታላቅ ቬነሳዊ ውበት አለ ብዬ አምናለው . . እና ታድያ ነፍስሽ ታዪ ታዪ ብላ ስሞግትሽ እንዲህ ብለሽ ንገርያት . . . " ማአዛው ከየት እደመጣ ማወቅ አደለም ዋናው ቁም ነገሩ ፣ ዋናው ነጥብ ማዓዛው ጥሩ ነው ወይ ነው ? . . እና ውዴ ጥሩ ከሆነ በቂ ነው …………!!"

(#ትዝታ}

@tizetawe
@tizetawe
@tizetawe

💚…………………


ፍልጎ አለማግኘትን ተሞሽሮ በደንብ ታይዋለሽ ……… የፈለጉትን እደፈለጉት አለመከሰቱ ያስቀናል ቅናቱ ባገኘው በሚለው ተስፋ ላይ ነው. . , ሆኖም አለማግኘት በራሱ ውበት ነው እደጫጉላ አይነት ያለ "ትዝታ" እራስሽን በሱ ውስጥ እዴት መስራት እዳለብሽ ነግሮሽ ያልፋል ቋሚ አደለም ግን ብዙ እደራሱ ስም ያላቸው በመልክ ማይመሳሰሉ ወዳጆች አሉት። ስለሆነም ነገም እንግዳሽ እደሚሆን ጠብቂ. . . ይሄ እንግዳሽ ሲመጣ ለራስሽ ነፍስ ንገርያት . . ." ባለማግኘትሽ ውስጥ ታላቅ ማሸነፍ አለ በየትኛውም መልኩ አጥተሻል ግን በየትኛውም መልኩ ተምረሻል !!" እናም መንገድሽን ቀጥይ!…………


(#ትዝታ}

@tizetawe
@tizetawe
@tizetawe

ውበት እንደርሶ ነው ፣ የሃገር ዛፍ ፣ ያሃገር ካስማ
እውነት ፍቅር የደግነት ሚዛን . . . ሞት እኮ አይቀርም የትም አለ አዝለን አቅፈን የምንዞረው ስንቃችን ነው ፣ ሞት ካልቀረ ግን መሞት እንደርሶ ነው !!💔

………… መውለድ ያላቆመ ፣ ያልነጠፈ ጡት ፣ ያልዛለ ትከሻ ፣ ያልደከመ ጀርባ የት አለ እናትነት
ወልዶ ማቆም ያልታየበት ? ወጣትነት ሳይል እርጅና ለሃገር የተከፈለ መስዋትነት!

ምን ይወራሎታል ስለእርሶ ? ቃላት በራሱ እኮ ያፍራል ደግነቶን አሳንሳለው ብሎ!!

መሞትስ እንደርሶ ነው ፣ ሞቶ መኖርን መምረጥ !!

እረፉልን እናታችን !! እረፉልን💔





@tizetawe

እሱ እንደ ፃፈልኝ❤️


....ምን ያስፈራኛል መሰለሽ... አጠገቤ አለመኖርሽን መልመድ።
በጊዜ ሰንሰለት ላይ ተንጠላጥለን የፈጠርናቸው፣ የተጋራናቸው ጊዜያት ትዝታና ታሪክ ብቻ እንደሆኑ እንደማየት የምፈራው ነገር በፍፁም የለም።
ከነን ወደ ነበርን፣ ከእናድርግ ወደ አድርገን ነበር፣ ከእንሁን ሁነን ነበር እጅጉን ያስፈራኛል።
የመወደድን ትላንትነት መቀበል የዛሬን ብቸኝነት መጋፈጥ እፈራለሁ።
ሁሉም መሆኖቻችን ሁነው እንዳልነበሩ ሁሉ በንፋስ ሽውታ እንደተበተኑ እጅግ ጥቃቅን ብናኞች ከህይወት መዝገቤ ላይ እንዳይበኑ እሰጋለሁ።

በጠዋት ደህና ዋልክ የተጀመረው አብሮነት በቀን መመናቀራችን ተንደረድሮ የእለት መዚጊያችንን በውብ ቃላት የደመደምንበት ጊዜ ነበር..... ከትላንት በስቲያ ዛሬን፣ ዛሬ ደግሞ ነገን ሲያስከትል ደህና አደርናችን ደህና ዋልኩኝ ወልዶ ቅርብ የመሰለ መራራቅን መካከላችን ሲገነባ እንደዋዛ ስንፈቅድለት ነበር..... በተቀደደው የመራራቅ ሽንቁር ውስጥ ተሻግሮ የሚታይ የመለያዬት ፍንጣቂ መካከላችን ማንፀባረቅ ጀምሮ ነበር..... ብዙ ሺ ምክንያት ስንደረድርም ነበር....የሆነውን ሁሉ ላለማመን መሆኑን እስከመካድ ዳድቶን ነበር። ታድያ የሆነ እለት ነበር የመለያየት ሽንቁራችን ሰፍቶ መሃላችን ናፍቆትን የሰበረ፣ ስስትን ያለበሰ ትልቅ ፅልበት የሆነው። ቀንን በቀን የተካው መራራቃችን አካል ገዝቶ ፣ገዝፎ በአንቺ ውስጥ የማየውን ምስል በእኔ ውስጥ የምታልሚውን መሻት እስኪጋርደን ድረስ ተሸፋፍነን ነበር።

ታድያ እንደተራራቅን በተሰማን ጊዜ ያኔም ባዶነት ሲወረን ትዝ ይለኛል። አለን ያልነው ሁሉ እንደጨበጥነው እርግጠኝነት የተሰማን ነገር በሙሉ እንደማናጣው ተስፋ የጣልንበት በሙሉ እዛ እንደሌለ በገባን ጊዜ የብዙ ነገሮች ትርጉም ተመሰቃቅሎብን ነበር።


እና ምን ያስፈራኛል መሰለሽ... ናፍቆትሽን መቋቋም፣፣ የሳቅሽን ሙቀት መዘንጋት፣ ድምፅሽን አለመስማት እንግዳ ነገር አለመሆን፣ የአይኖችሽን ድሳሴ አለመናፈቅ፣ .... ስጀምር አለመኖርሽን መልመድ መጀመሬን ሳውቅ እፈራለሁ ምክንያቱም አፈቅርሽ እንደነበር በምን አውቃለሁ።

ምን ያስፈራኛል መሰለሽ.... በተለይ አጓጉል የህይወት ስንክሳር እና ትብታቦች በተተበተብኩበት ወቅት......እምምም....

ብቻ ናፍቀሺኛል!! ካቆምንበት በቅጡ እንኳን ሳንጀምረው የመጣንበትን መንገዶች በቅጡ እንኳን ሳንፈክረው ትላንት ስለ አንድ ፊልም አንስተን ስለ ሀሳቡና አሁናችን ያወራንበት ከንፈራችን እርጥበቱን ሳይለቅ ... .......


ምን ያስፈራኛል መሰለሽ........ደስተኛ ሁነሽ የህፃን ልብሽ እና ንፁህነትሽን አስመልሰሽ ሳላይሽ መሞት......


ምን ያስፈራኛል መሰለሽ..........


አፈቅርሻለሁ!

* * * * * * * * * * *


እኔ እንደ ፃፍኩለት ❤️


…………


ትዝ ይልሃል. . , እርግብ አየው ስልህ. . ከዛን ቢራቢሮዎቼን በትኜ ወደ እርግቡ እሮጥኩ ስልህ
……… ትዝ ይልሃል በመብረሩ ፣ ስበር ፣ በነፃነቱ ነፃነቴ ሲሰማኝ ልቤ ፈንድቃ ነበር . . . እደውም ሰምተከውም ነበር. . . . ታድያ እርግቤን ና ቤቴ ግባ ላባዎችህ ቤቴንም ነፍሴንም ያጊጡበት ስለው . . . ጥሉኝ በረረ . . . ነበሮችን የፈጠረው እሱ ነበር . . .ዛሬ የማትሰማውን ድምፅ የሚያስተጋባ ድብቅ የሆነ ዋሻ የፈጠረው ቀን ይሄ ነበር ………… አካሌንም፣ ነፍሴንም አጥርቼ ጠበኩት መብረር ማይደክመው ፣ ዓይኖች ሚበሩለት በራሪዬ መጣ . . ትዝ ይልክ ይሁን?

እኔም አልኩት . .

"አዲስ ህይወት ወደ ውስጤ ሲተነፈስ ይሰማኛል የጸሃይ ብርሃኔ ብቻ ሳይሆን ጥላዬም ሆነካል፡፡ ነፍሴ በፍስሃ ትጮሃለች እያንዳንዱ የመሆኔ መንፈስ በፍቅርህ ተይዟል. . . የመላው አለም ንብረት መሆንህን ባውቅም ልቤ ውስ መኖርህ ግን ይሰማኛል! ካንተ የምትመጣን እያንዳንዷን የነፍስ ዝማሬ ጠብቃለው . . . ትወደኛለህ ?"

አስታውሳለው . . . ታስታውሳለክ መልሱን

"በደረቅ ያሉ ፍጥረቶች ወደ ውሃ ይመለሳሉ? ፣ በውሃ የሚንቀሳቀሱ የሚዋኙ ፍጥረታት ኑሮዋቸውን ወደ የብስ ይመልሳሉ ? እሳት በውሃ ውስጥ መበርታት ይቻለዋል ? . . . ማሬ አደለሽም እኔ በቀመስኩት አበባ አልተሰራሽም………"

. . . . . . ይህን ብሎኝ ጥሎኝ ሲበር የት ነበርኩ ? እዛው ! ሲመለስስ የት ነበርኩ እዛው !


ነፋስ አንገላቶት ወዳጅ እርግብ አጥቶ ፣ በቁራዎች ተተንኩሶ ፣ ላባው ቆሽሾ ሲመጣ የት ነበርኩ ? እዛው ? . . . ክፈቺልኝ ጎጆሽን ሲለኝ የት ነበርኩ ? እዛው !

እኔንም ፍቅሬንም እዛው አገኘን ! ግን ያልከው ደስታዬና ፣ የህፃን ልቤ ነጠፉ ፣ ንፁህነቴ አደፈ
. . . . እዛው ቆሜ በወቅቶች ቁሻሻ ተበክዬ ነበር እና . . . ለዚህ ነው ዛሬ ሽንቁሩ የታየክ የኔ እርግብ !!

ዜማው ቅኝቱን እንደሚቀይረው . . . ተቀይሮዋል. . "ነበር" ባይፈለግም ይወለዳል !!!

ቢሆንም አፈቅርሃለው !!

****


(#ትዝታ}

@tizetawe
@tizetawe
@tizetawe

✨✨✨✨✨✨✨✨✨✨
💫እንኳን ለ 1442ኛው የዒድ አል አድሃ /ዓረፋ / በአል በሰላም አደረሳችሁ !


"በምድር ላለው እዘኑ ፣ በሰማይ ያለው ፈጣሪ ያዝንላችዋል። "❤️(ሰ .ዐ .ወ) . . ይን ቃል በማስታወስ ያለው ለሌለው በማዘን ፣ በማካፈል . . . በመጎራረስ ሽብርቅ ድምቅ ብላቹ ምታሳልፉች በዓል ይሁንላቹ🍬🍰🧁🍡


@tizetawe
@tizetawe
@tizetawe

……… ርዕሱን አላውቀውም………


አተኩሬ አየሁት ፣ አየኝ . . . . ተንጋዶዋል ፣ ተንጋድጄበታለው………

ደብዛዛ ፊት፣ የጨፈነ ግንባር ፣ በሲጋራ ጢስ
የተፈረካከሰ ከንፈር ፣ በሃሳብ የተዳጠ እራስ
ያጨመጨሙ አይኖች ……… ግማሽ ሰው
. . .ግማሽ አካል . .

በድጋሚ አየሁት መንጋደዱ ትክክል ነው ። ቀጥ ብሎ አያውቅም ………

ሁለት መለክያ ውስኪ ይጎነጭና . . .

"ውሃ ልኬ ይሄ ነው " ይለኛል . . .

ሲቅም ፣ ሲያጤስም የውሃ ልኩ ነው . . . ብሎም ያምናል. . .

ማመን እሱ ጋር መሆን ነው ፣ መደረግ ፣ መጨበጥ ልክ እደ ሚጠጣው የውስኪ መለክያ።. . .

መጥመቂያ አፉን ስስመው ፣ ህቅ ፣ ህቅ እያለኝ ይጣፍጠኛል።


"በፀጥታ ነው ማስታውስሽ ፣ ተው እንዳትይኝ ፣ መንፈሴ ሲረበሽ እረሳሻለው ፣ ማስታውስሽ በዚህ መለክያ ውስጥ ነው. . . ." ይለኛል ሳልጠይቀው ፣ ሳልከለክለው. . . .

ብዙ ቀን ይረሳኝና ሊያስታውሰኝ ሲፈልግ. .

"እድትሄጅም ፣ እድትመጪም አልፈልግም ፣ ከመሄድሽ ግን መምጣትሽ የበለጠ ጣፋጭ ነው" ይለኛል።. . . . ስልኩን ዘግቼ እየበረርኩ ሄድለታለው። . .

. . . አይሰክርም ፤ ይሰክራልም። . . .

"ለምን እደምትለዪ ታውቂያለሽ?" ከሶስት መለክያ በኃላ ይጠይቀኛል. . .

እኔጃ . . . .

"አትቆጥቢኝም………"

በቃ እለዋለው እየከፋኝ

"በቃ " . . . ..


ዝም . . . ትካዜ የደኮነ ዝምታ . . .

* * *

በአንደኛው ቀን ላይ ………

" አርግዣለው " አልኩት

"ውለጂው ፣ ጠንካራ ሴት ነሽ ፣ በእውቀትም በገንዘብም አታቀነጭሪውም " ግድ የለሽ ሆኖ ነው የመለሰለኝ . . . ውስጡን ጠልቄ ለማየት ሞከርኩ ያው ነው. . . .

ትቼው ሄድኩ. . . .

. . . ከአራት ወራቶች በኃላ ደወለ. . . .

"አመሽኛል"አለኝ

ሄድኩለት. . . ሳይፈልገኝ ስሄድ ይጠላኛል ፣ እስከሚፈልገኝ ጠብቃለው።

"ልጅሽ አላደገም " ሆድ ፣ ሆዴን እያየ ፈገግ አለ. ,


" ልትነካው ትፈልግ ይሁን ?" መልሱ አዎ እንዲሆን እየተመኘው ጠየኩ. . .

"ሁለ……ቱንም " አለኝ . . . የወጡት ቃላቶች ሲሰባበሩ ወጉኝ . . . እሱንም እያመሙት ነበር. .

"ለምን. . ?"

"ሂጂ በቃ. . !"

"አሁን ነው የመጣሁት እኮ ጌት"

"ድኛለው ፣ ከቆየሽም ያመኛል"

ወጣሁኝ………

* * *

"አደራ ብሰጠው አደራ ልቤን
በልቶ ተገኘ አሉ በጣጥሶ አንጀቴን
የደከመን ገሎ ፉከሬ ምንድነው
ቀን የጣለው ለታ እሱም እንደኔ ነው
እርም የናቴን ስጋ እምልልሀለው
ፍቅር ካልሰጠኽኝ እሞትብሀለው
ያንእምቢ ያንእምቢ ስለመን ከርሜ
ይኽው ተጃጃልኩኝ ደግሜ ደግሜ " . . . ጂጂ እያዜመች እሱ እየሰማት ደረስኩ ጠርቶኝ . .

"ስንት ወር ቀረሽ "

"ሰባት ወሬ ነው "

"ለምን ጂጂን እደምወዳት ታውቂያለሽ ?"

"አይ………"

"በራሷ ውስጥ ነው የበቀለችው. . .ውበት እንዲህ ነው!" ሲጋራውን ተነፈሰው. . . እኔ ሳብኩት. . .

"ለምን እዲህ ሆንክ "

"ምን ሆንኩ " ተረጋግቶ ጥያቄዬን በጥያቄ አጣፋው. . .

ዝም አልኩ ………

"አፈቅርሻለው " . . . ደነገጥኩ አየሁት . . . ብሎኝ አያውቅም . . . ጠጋ አልኩት . . . ሳመኝ . . አይኔን ፣ ግንባሬን ፣ ከንፈሬን . . ጎንበስ ብሎ ሆዴን . . .

"እናቷ ስለምትሆኚ እድለኛ ነች !"

"ወንድ ነው !"


. . . .

"ዛሬ አልሂድ " ጠየኩት . .

"ነገ ነይ ፣ አትቅሪ " አለኝ . . . ተነሳው እጄን ያዘው
. . . .

"ሁለት ደቂቃ ልስማሽ "

"ምን ልንገርህ ?"

"ስሙን ማነው ምትይው?"


"አላወጣሁለትም "

"ዛብሎን . . . በይው "

"ምን ማለት ነው ?"

"መኖሪያ. መኖሪያ ቤት. . . ማለት ነው . . . ሁሉን ሚያኖር ሆኖ ያድጋል . . . አንቺ ስለሆንሽ እናቱ" አለኝ. . .

. . . ሳምኩት. . . .

* * *

ከስራ እደወጣው ቤቱ ሄድኩ . . . ገመድ አንገቱ ላይ ተንጠልጥሎ ዝም ብሎዋል . . .

* * *

ቀበርኩት ፣ አልቅሼ ሳይሆን ታምሜ ቀበርኩት ፣ ቆስዬ ፣ ተለብልቤ ለአፈር ሰጠሁት. . ሳልረዳው ፣ ሳላውቀው ፣ ሳይገባኝ ሸኘሁት . . .


* * *

ከብዙ ዓመታት በኃላ የዛብሎኔ ልጅ ጠየቀኝ

"አያቴ . . "

"ወዬ "

"ወንድ አያቴ . . . ምን አይነት ሰው ነበር?"

"በአባትህ ነው ማውቀው ልጄ " አልኩት!

######
/ትዝታ/

|❀:✧๑♡๑✧❀|
@tiztawe
@tiztawe
ೋ•✧๑♡๑✧•ೋ

"አንዳንዴ ማናቆማቸው ሃዘኖች ፣ ማንመልሳቸው ጓዞች አሉ . . . አንዳንዴ ማንታገላቸው ፀቦች፣
ማናስታርቃቸው ቅራኔዎች አሉ. . . አንዳንዴ
ማናመልጣቸው ፍርሃቶች ፣ ማንጋፈጣቸው እውነቶች አሉ… አንዳንዴ መልቀቅም አለመልቀቅም ፣ መለቀቅም ህመም የሆኑበት ወቅት አለ………

እህህህ………
አንዳንድ አንዳንዴዎች አሉ……!"
/ትዝታ/



|❀:✧๑♡๑✧❀|
@tiztawe
@tiztawe
ೋ•✧๑♡๑✧•ೋ

ውዴ ቤተሰቦቼ . . . ቤት ቅየራ ላይ ነን . . ኪራይ ተወዶ ሳይሆን ፣ ሰፊ ቤት ተገኝቶ ነው😁/ሰፋ ያለ ማን ይጠላል/ እናላቹ እቃቹን ሸኩፉና ወደዛኛው አብረን ብንጎዝስ ምን ይለናል😊


|❀:✧๑♡๑✧❀|
@tiztawe
@tiztawe
ೋ•✧๑♡๑✧•ೋ
👆👆👆👆👆

. . . ይኽው አዲሱ ቤታችን ነው ሰፋ ያለው😁

#ታ_ን_ኳ

ግላዊ የጽሑፍ ስራዎችን የምታገኙበት የ telegram ገጽ።

@tankuaa
@tankuaa
@tankuaa