Yurtimizda aholining keng qatlamlari, shu jumladan, jismoniy imkoniyati cheklangan va nogironligi bo‘lgan shaxslar o‘rtasida sog‘lom turmush tarzini shakllantirish hamda ularning barcha sohalarda faoliyat yuritishlari uchun zaruriy sharoitlar yaratish borasida keng qamrovli ishlar amalga oshirilmoqda.

Xuddi shu maqsadda, O‘zbekiston Madaniyat va san’atni rivojlantirish jamg‘armasi “Bahor” davlat xalq raqs ansambli bilan hamkorlikda imkoniyati cheklangan shaxslar uchun xalq raqslari bo‘yicha kurslarni tashkil etmoqda.

Imkoniyati cheklangan shaxslarni ushbu kurslarga taklif etamiz.

• Manzil: Temiryo‘lchilar Madaniyat saroyi
• Davomiyligi: 3 oy
• Darslar: har chorshanba va juma kunlari soat 14:30 dan 15:30 gacha bo‘lib o‘tadi.

• Ro‘yxatdan o‘tish havolasi

Ro‘yxatdan o‘tish muddati: 2025-yil 12-oktyabr

🌐#dunyo_xabari

Latviya davlat politsiyasi 1-oktabr kuni giyohvandlik vositalari bilan bog‘liq jinoyatlar ko‘paygani haqida xabar berdi. O‘tgan hafta bir necha kishi zaharlanish bilan kasalxonaga yotqizilib, uch nafar shaxs esa narkotiklarni noqonuniy tarqatishda gumonlanib hibsga olindi.

24-sentabr kuni Kuldigadagi kasalxonaga 21 yoshli qiz hushsiz holatda olib kelingan. Dastlabki ma’lumotlarga ko‘ra, qiz narkotikni sherigi bilan birga iste’mol qilgan, ammo faqat birining holati og‘irlashgan bo’lib, hozirda bemor sun’iy nafas oldirish qurilmasiga ulangan. Holat yuzasidan jinoyat ishi qo‘zg‘atilib, tergovga qadar surishtiruv ishlari olib borilmoqda.

Latviya politsiyasi ma’lumotiga ko‘ra, Talsi viloyatida istiqomat qiluvchi 39 yoshli ayol Kuldigada narkotik sotib olgan va qabul qilganidan so’ng o’zini yomon his qila boshlab, shifoxonaga murojaat qilgan. Biroq tibbiy ko‘rikdan so‘ng uyga ketishiga ruxsat berilgan. Oradan bir kun o‘tib bemor og’ir ahvolda kasalxonaga olib ketilgan.

Xuddi shu kuni, 23 yoshli yigit ham narkotikdan zaharlanish oqibatida Kuldiga shahridagi tibbiyot muassasasiga hushsiz holatda keltirilgan. Bu holatlar bir-biri bilan bog‘liqmi – hozircha noma’lum, ammo ehtimoldan holi emas!

Politsiya giyohvandlik vositalar savdosida gumonlangan Kuldigalik bir shaxsni va Ventspilslik ikki gumonlanuvchini qo‘lga olgan.
Tintuv davomida gumonlanuvchilardan quyidagilar musodara qilindi:
- marixuana va boshqa turdagi giyohvandlik vositalari;
- elektron sigaretalar;
- planshetlar va katta miqdorda pul;
- narkotiklar saqlangan kapsulalar va qoplar.