#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 1 Октябрь чоршанба

🔗 Яқинларингизга ҳам эслатинг: @diniysavollar

​​ЖУМА ҒУСЛИНИ ПАЙШАНБА КУНИ ҚИЛИШ
#поклик #ғусл

❓1873-САВОЛ: Ҳозирда ҳаво совигани сабабли жума куни қилинадиган ғуслни пайшанба куни кечқурун қилса дуруст бўладими?

💬 ЖАВОБ: Бисмиллаҳир Роҳманир Роҳим. Ҳа, жума кунги суннат ғуслни пайшанба куни кечқурун қилиш ҳам дуруст. Уламоларимиз таъкидлашларича, жума ғуслидан асосий мақсад – жума намозига тоза ва озода ҳолда бориш, ёқимсиз ҳидлар билан бошқаларга озор бермасликдир. Бу мақсад пайшанба тунида ғусл қилиш билан ҳам амалга ошади.
Хулоса шуки, жума куни ғусл қилиш афзал бўлса-да, совуқ ёки бошқа узрли сабабларга кўра уни пайшанба куни кечқурун адо этиш ҳам суннатга мувофиқ ҳисобланади. Энг муҳими, жума намозига тоза ва покиза ҳолда ҳозир бўлишдир. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 2 Октябрь пайшанба

🔗 Яқинларингизга ҳам эслатинг: @diniysavollar

ВАФОТ ЭТГАНЛАР ТИРИКЛАРНИНГ АМАЛЛАРИДАН ХАБАРДОР БЎЛИБ ТУРАДИМИ?
#ақида

❓1874-САВОЛ: Вафот этганлар тирикларнинг, яқинларининг амалларидан хабардор бўлиб турадими?

💬 ЖАВОБ: Бисмиллаҳир Роҳманир Роҳим. Марҳумларнинг руҳига, Аллоҳ таоло истаса, унинг тирик қариндош-уруғларининг амаллари ва ҳолатларидан хабар берилади. Бу ҳақда бир қанча ҳадиси шарифлар келган. Уларда агар марҳумнинг қариндош-уруғлари яхши амаллар қилса, унинг руҳи хурсанд бўлиши, ёмон амаллар қилса, хафа бўлиши баён қилинган.
Анас ибн Молик розияллоҳу анҳудан ривоят қилинади: «Набий соллалоҳу алайҳи васаллам: «Албатта сизларнинг амалларингиз вафот қилган қариндош-уруғларингизга кўрсатилади. У(амал)лар яхши бўлса, хурсанд бўладилар. Агар ундай бўлмаса: «Аллоҳ, уларни бизни ҳидоят қилганингдек ҳидоят қилмагунингча вафот эттирмагин», дейишади», дедилар». (Имом Аҳмад ривояти).
Ибн Абу Дунё раҳимаҳуллоҳ Абу Ҳурайра розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам: “Марҳумларингизни ёмон амалларингиз билан шарманда қилманглар, чунки бу (амаллар) қабрдаги яқинларига кўрсатилади”, деганлар. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​ҒУСЛДА ОҒИЗ БУРУН ЮВИШНИ УНУТСА
#ғусл

❓1875-САВОЛ: Ғусл вожиб бўлганда оғиз ва бурун ювишни унутиб, 15-20 минутдан кейин ёдимга тушди. Бу ҳолатда қайта ғусл қилишим керакми ёки оғиз ва бурунни чайиш кифоями?

💬 ЖАВОБ: Бисмиллаҳир Роҳманир Роҳим. Бу ҳолатда ғуслни қайта қилиш талаб этилмайди. Унутиб қолдирилган аъзоларни ювиб қўйиш кифоя қилади. Лекин агар шу орада намоз ўқиб қўйган бўлса, қайта ўқийди. Чунки мукаммал пок бўлмасдан туриб намозга киришган ва шу сабабли намоз ҳам адо этилмаган ҳисобланади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 3 Октябрь жума

🔗 Яқинларингизга ҳам эслатинг: @diniysavollar

Жума айёмингиз муборак бўлсин!

Улашинг: @diniysavollar

​​УЗРЛИ КИШИНИНГ ҲАЖ ВА УМРА ҚИЛИШИ
#Ҳаж_умра

❓1876-САВОЛ: Узрли (орқа авратдан операция туфайли доимий қон келиб турувчи) киши ҳаж ва умра сафарига борса бўладими? Борсалар, уларга қандай тавсия берилади?

💬 ЖАВОБ: Бисмиллаҳир Роҳманир Роҳим. Албатта, саволда тилга олинган узрли одамлар соғлиги кўтарса, ҳаж ва умра сингари муборак сафарларга бориши дуруст. Фақатгина тавофда эътиборли бўлади. Сабаби тавофда таҳоратли бўлиш тавофнинг вожибларидан саналади. Бетаҳорат тавоф қилиш қўй сўйишни лозим қилади. Саволда айтилган одамнинг орқа авратидан тинимсиз, яъни таҳорат олиб, вақти кирган намозни шу таҳорати билан ўқий олмайдиган даражада нажосат чиқиб турса, бу одам “соҳиби узр” ҳисобланади. Намоз вақти кирганда таҳорат олади ва намозини ўқийверади. Шунингдек, шу намоз вақти чиқиб кетгунига қадар тавоф ҳам қилаверади. Чиқадиган нажосат эҳром либоси ва ерни нопок қилиб қўймаслик учун бирор мато ёки шу каби нарса (памперс) боғлаб олади. Масалан, аср вақтида таҳорат олган бўлса, шом намози вақти киргунича тавоф қилаверади. Шом вақти киргач, қайта таҳорат олади. Бу нарса унга қийинчилик туғдирса, хуфтон каби вақти узоқ давом этадиган намоз вақтида тавоф қилиши тавсия этилади. Саъй учун таҳоратли бўлиши вожиб эмас.
Агар нажосат тез-тез эмас, узоқ вақтда, масалан, тахминан 15 дақиқа ва ундан кўп вақтда чиқиб турадиган бўлса, ҳар нажосат чиққанда таҳорат олиб, тавоф қилади. Чунки бундай одам соҳиби узр бўлмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​БУ ҲОЛАТДА НАМОЗИМНИ ҚАСР ҚИЛАМАНМИ?
#намоз #сафар

❓1877-САВОЛ: Мен Қўқонданман. Хизмат сафари билан Қирғизистонга ўн беш кунни ният қилиб борган эдим ва намозларимни тўлиқ ўқиётган эдим. Лекин беш кундан кейин баъзи сабабларга кўра бир кунга уйга келиб кетдим. Бу ҳолатда намозларимни қандай ўқийман?

💬 ЖАВОБ: Бисмиллаҳир Роҳманир Роҳим. Уйга келиб, яна қайтиб кетганингизда ўн беш ва ундан кўп муддат тураман деб ният қилган бўлсангиз, етиб боришингиз билан фарз намозларни тўлиқ ўқишни бошлайсиз. Агар ўн беш кундан кам муддатга борсангиз, фарз намозларни қаср қилиб ўқийсиз. Бу ҳолатда уйга келиб кетишдан аввалги ўн беш кун тураман, деб қилган ниятингиз ҳисобга олинмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar