group-telegram.com/echjk/3920
Last Update:
بعد انتهاء زيارة الاربعين وعودة كل خدمة وزوار الحسين الى ديارهم كأني رأيت الحوراء زينب وهي تخاطبنا جميعا فتقول :
------------------------
ها رجعتو من الزياره 😭🚩
كلمن يروح اعله داره !!
انه بله ويـــــــن اروح ؟
بيتي خالي بلايــا روح
انه زيــنب انه زيـــنب
---------------------------------
طيحو كل المواكب والدرب وحشه انملى
وردو الخدام ردو كلمن يــــروح لهله
چانت تواسيني دمعه وچلمـــة تفضل هلا
بالطريق وياي چانو والدمــــــوع مسبـله
بالمجالس والعـزاء
من وصلنا لكربـــلاء
وانه ويــــاهم انوح
بيتي خالي بلايا روح
انه زينب انه زينب
-------------------------------
رجعو الزوار وانا ياهو اليــــــردني لهلي
راح اهز شباچ گبره بلكي يـــــگعد كافلي
گوم يلكلك محنه گوم وديـــــــــــني لعــلي
ارد اگله شلون زينب تبقى بويه بــلا ولي
مو وكت عينك تنام
ولو مصيوبه بسهــام
خويه چتاله الجروح
بيتي خالي بلايا روح
انه زينب انه زينب
--------------------------------------
شرد اجاوب علشماته السألو يــــــعود الاخو ؟
والله وسفه وطلع صوته الچان لا گدهه وكفو
دنيا خلت بيتي خالي لا كفيــــــــــــــل ولا ابو
الفگدت الخوان بله هم تــــــــــــسولف علدفو
شرد اجاوب لو حچــيت
يا علي وسفه بچيــت
وين ابو الوجه الصبوح
بيتي خالي بلايـا روح
انه زينب انه زينب
------------------------------------
حظني خويه بلا رقيه وعيني والله بلا ضــــوى
حسين من بنتك جبتلك صوغة دموع وهـــــوى
خويه تعرف هالعبايه السوط من عـــدها ارتوى
اي نعم مالت رقيــــــــــــــه خلهه لجروحك دوه
غطي نحرك بالعبـــات
بلكي ترجع للحيـــــاة
بيهه عطر الما يـروح
بيتي خالي بلايا روح
انه زينب انه زينب
---------------------------------
گلبي ما ينطيني اودعك واذكــر وداع الحــــــرب
بالطفوف الموت يخنگ والنفس كــلش صــــــعب
چان حتى الماي خاين شال سيفه وي الغـــــــرب
لمة الخوان راحـت راح عبــــــــــــــاس العـــــذب
طاح گلبي ويــــــا اللوى
متنه يــــــــلكافل سوى
راح ابو الگلب السموح
بيتي خالي بلايـا روح
انه زينب انه زينب
-----------------------------------
ودعتكم وامشي وحدي وانا كــل خطوه الـــتفت
ما يتركوني النشامى وما يعوفون الاخــــــــــت
والمسافه تطول وابچي والله يـــــــــــلكافل متت
گبل ممسويهه خويه ليش مو بسمك صـــحت ؟
شنهي ميــــت يلكفيـــل
اقتنـــــع الا بدليــــــــل
صعبه اعيش بلا طموح
بيتي خالي بلايا روح
انه زينب انه زينب
كلمـــات الخادم / رعـد الفريجي
BY قناة الخادم فلاح حب الحسين عليه السلام يجمعنا🚩🕌
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/echjk/3920