🇺🇿 Konstitutsiya — Yurt Taraqqiyoti va Inson Qadrining Mustahkam Poydevori.

⚖️ O‘zbekiston Konstitutsiyasi davlat va jamiyat hayotining barqaror rivojlanishini ta’minlaydigan mustahkam huquqiy poydevor sifatida xizmat qiladi. Unda inson huquq va erkinliklari eng oliy qadriyat darajasiga ko‘tarilgan bo‘lib, adolat, qonun ustuvorligi va tenglik tamoyillarining to‘liq ro‘yobga chiqishi kafolatlanadi.

✨ Qashqadaryo viloyati musiqali drama teatrida “Konstitutsiya — inson qadri, erkinlik, tenglik va adolat garovi!” shiori ostida o‘tkazilgan tadbir ana shu ulug‘ g‘oyaning yorqin ifodasiga aylandi. Tadbir ishtirokchilari Konstitutsiya mazmun-mohiyatini chuqur anglash, uni hayotga tatbiq etish borasida fikr almashdilar.

👥 Uchrashuvda viloyat huquqni muhofaza qiluvchi organlari xodimlari, davlat va jamoat tashkilotlari vakillari, oliy ta’lim muassasalari professor-o‘qituvchlari, shuningdek, OAV vakillari faol ishtirok etib, Konstitutsiyaning jamiyatdagi o‘rni va ahamiyati haqida o‘z mulohazalarini bildirdilar.

📚 Tadbir doirasida viloyat bojxona boshqarmasi va boshqa idoralar tomonidan tayyorlangan mavzuviy ko‘rgazmalar, o‘quv qo‘llanmalar va targ‘ibiy materiallar namoyish etildi. Bu esa ishtirokchilarga Konstitutsiyamizning amaldagi qo‘llanilishi va mazmuni yuzasidan yanada keng tasavvur berdi.

🎶 Shuningdek, tadbirning badiiy qismi sifatida Qashqadaryo viloyati musiqali drama teatri sahnasida konsert dasturi ham tashkil etildi. Unda mahalliy san’atkorlar tomonidan kuylangan vatanparvarlik ruhidagi qo‘shiqlar, teatr jamoasining musiqali chiqishlari va sahna ko‘rinishlari tadbirga bayramona ruh baxsh etdi. Konsert ishtirokchilarda yurtimiz Konstitutsiyasida mujassam bo‘lgan qadriyatlarni yanada chuqur his etishga xizmat qildi.