Кичә Тинчурин театрына «Мәдинә» спектакленә бардым.

Беренчедән, мин тинчуринлар өчен бик шатландым: кече зал шыгрым тулы, бер буш урын да юк иде.

«Мәдинә» спектаклен Илгиз Зәйниев 2022 елда куйган. Узган сезонда ул спектакльне Горький урамында куймый башладылар (ялгышмасам). Шуңа күрә минем аны караган юк иде. Бу атнада афишада күргәч барырга булдым.

🩸 Бик авыр драма, бу спектакль охшаш хәлләрдә булган тамашачыга якын булыр диеп уйлыйм. Югыйсә карау вакытында миңа сәхнәдән төшкән авыртуга түзеп булмый. Минем кичәге халәтемә спектакльнең эчтәлеге туры килмәде.

Ләкин! Резедәнең уйнавына карар өчен килергә кирәк бу спектакльгә. Мин спектакльне Резеда Сәләхованың соло-спектакле дип атар идем, башка геройлар булса да, алар тонык иттереп ясалган. Резедә монда осталыкның югары ноктасын күрсәтә. Просто топ краш! Бүгенге көннәрдә мин аны татар драма сәхнәсенең хатын-кызлар арасында иң яхшы артистларының берсе дип саныйм. Яратам! ♥️

🌷Иптәшләр Татарлар