group-telegram.com/ijtimoiyhimoya_agentligi/3421
Last Update:
Bugun Ijtimoiy himoya milliy agentligi va BMTning YUNISEF bolalar jamg‘armasi hamkorligida “Bolalarga nisbatan zo‘ravonlikni bartaraf etish: Global tashabbuslar va Oʻzbekistonning istiqboldagi imkoniyatlari” mavzusida Davra-suhbati bo‘lib o‘tdi.
Davra-suhbatida O‘zbekiston rasmiy ravishda Bogota Chaqirig‘iga sodiqligini tasdiqladi. Ushbu tashabbus bugungi kunga qadar 100 dan ortiq davlatlarni birlashtirib, bolalarni zo‘ravonlikdan himoya qilish bo‘yicha aniq yo‘l xaritasini taqdim etadi.
Ushbu global tashabbus bolalarga nisbatan zo‘ravonlikning barcha shakllarini bartaraf etishga qaratilgan.
Chaqiriq quyidagi ustuvor yo‘nalishlarni o‘z ichiga oladi:
• Bolalar huquqlari va farovonligini ta’minlash;
• Huquqiy himoya;
• Ma’lumotlarga asoslangan yondashuvlar;
• Bolalarni himoya qilish tizimlarini mustahkamlash;
• Raqamli muhitdagi xavflarni bartaraf etish;
• Asosiy manfaatdor tomonlar o‘rtasidagi hamkorlikni kuchaytirish.
Muhokamalar davomida qonunchilikni takomillashtirish, samarali himoya mexanizmlarini joriy etish, 2030-yilgacha bo‘lgan Barqaror rivojlanish maqsadlari (BRM) doirasidagi milliy strategiya va dasturlarni amalga oshirish masalalari muhokama qilindi.
Yangi qabul qilingan “Bolalarni zo‘ravonlikning barcha shakllaridan himoya qilish to‘g‘risida”gi Qonunning amaliyotga tatbiq etilishi, erta javob choralarini ko‘radigan xizmatlar va kompleks yordam dasturlarini yo‘lga qo‘yish bo‘yicha takliflarga alohida e’tibor qaratildi.
