أجمل شيء ممكن تملكة في هذه الدنيا و بذات الوقت هذا هو انك تكون انسان محترم ومتربي ومسيطر على نفسك واسلوبك وتوزن و تعرف شن اطلع من فمك ومحافظ على عزة نفسك و كرامتك ومتحكم في افعالك و عندك مسطرة أخلاقية ماشي عليها وعارف حدودك كويس.

والاجمل من هذا كله هو انك تقعد متفكر ديما كلام الله تعالى : "وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا" 🤍.

- كود الصدمات افخم كيدراما لسنة 2025🤍🔥

كمية اسئلة ومشاعر غربية راودتني واني نتفرج!، و اللي هي لو وصلت للمكان هذا هل حنقدر نكون قد المسؤولية فعلًا ؟، المهنة الطبية مهنة عظيمة جدًا و ليها ناسها اللي ربي يختارهم قبل لهما يختاروا، الطريق الصعبة و الواعرة ماعمرها كانت عليها زحمة قد ما كان ماشي فيها الشخص اللي فعلًا قدها وقدود، المسلسل خلاني نفهم شيء واحد و هو ان راحة المريض و حياته اهم من راحتك و حياتك و انك تمارس المهنة باش تنقذ روح من الموت مش باش تقبض هلبا فلوس!، اسأل الله ان يباركلي في هالمشوار و يجعلني وسط حلمي و نكون وقتها قد هالمسؤولية العظيمة يا رب🤍..

الونس.. يعني الشخص اللي يدعمك، الشخص اللي يفهمك ويعلمك من اخطائك وعشرته تكون طيبة ومعاك ديما ع الحلوة و المرة!
- وجود شخص يدعمك نفسيًا ويطمنك طول الوقت، شيء لا يقدر بثمن🤍..

- لازم تتقبّل فكرة إنه مش شرط تنحب زي ما انت حبيت، ولا شرط يتضحّى بالدنيا على خاطرك زي ما انت ضحّيت بالدنيا علي خاطرهم، ومش لأنك شخص كويس معناها حتلاقي شخص كويس زيك، للأسف الطيور ما طلعتش اطيح على أشكالها، والحياة طيحتنا في ناس ماعمرهم كانوا يشبهونا غير احني جينا نحبوا نبذلوا في مجهود و نتعبوا باش لما نمشوا ما ينلامش علينا و تكون كل الفرص تمت 🤍.

- في من مواقف حتمر عليك مش حتكون محتاج فيها انك تمشي، انت بس ركز علي نفسك، حتلقى الموقف بصاحبه هو اللي حيمشي..

- لازم ما تقدّر و تحب المرحلة الي انت فيها توا مهما كانت، حتى لو ما مزال ماوصلتش لـ وين ما تبي حالياً.

لان في كل مرحلة من حياتك حتتعلم دروس هلبا، حتصلح اخطاء هلبا، حتعيش تجارب هلبا، حتمر بمواقف هلبا، حتتغير فيك هلبا اشياء تدريجيًا.

حاول انك تستمتع بكل مرحلة وتستفيد منها لصالح بناء نفسك و رضى ربك، لأنها دنيا ولأنها مش دايمة.

- الحمدلله ألفًا ودهرًا وعمرًا وأعوامًا طويلة🤍.

• ديما نقول ان انا انسانه مالياش امان لما نتعب او نفكر هلبا او نحس بالضيق اتجاه حد!

لذلك مهما كانت نوع علاقة الشخص بيا ومهما كان واصل لأعمق مكان في قلبي، و مهما كنت عاطياته اعلى مرتبه عندي، ديما حنختار ان نمشي و نخليه بينه وبين شعوره بمجرد ما نحس حتى واحد في المية بالضيق!

أنا ديما حنرخي وحنمشي والرخية و المشية هادي حتوجع هلبا لأني نعرف نختار وقتها كويس.

‏يارب إنها ليالي الدعوات المُجابة، اجعل لخاطري من عوضك نصيب ♥️♥️.

تعلم أن تحب نفسك حتى لو لم يظهر لك أحد الحب.
تعلم الاستمتاع بالأشياء الصغيرة بنفسك قبل مشاركتها مع شخص ما.
تعلم ألا تخاف من أن تترك وحيداً مع أفكارك قبل أن تخرجها مع شخص ما.
تعلم أن تفتخر بنفسك قبل أن تنتظر دعم شخص ما.

صدقني كل شيء يأتي من الداخل. إذا لم تكن أكبر ما لديك فلن يكون أحد على الإطلاق 🤍.

مع آذان الفجر :

‏"اللهُم دُعائي الذي لا يعلمُه سُواك وصوتي الذي لا يسمعُه غيرك اللهُم آمين لكل مافي قلبي"🤍.

كل سنة وانتم طيبين 🤍..

I miss you all so much, my dear friends 🫶🏻
This channel and the memories we shared here mean the world to me, I’ll be back soon inshallah 🤍..