HAMJIHAT XALQIMIZGA KO‘Z TEGMASIN

✅Azaldan ota-bobolarimiz ko‘priklar qurish, kanallar qazish singari ko‘plab ezgu ishlarni hashar yo‘li orqali hamjihatlikda amalga oshirgan.

✅Albatta, birdamlikda qilingan ishlarda o‘zgacha baraka va shukuh bo‘ladi.

📍Po‘latchi mahallasi aholisi ham birlashib, xayrli ishlarni amalga oshirmoqda.

🕹Jumladan, faol fuqarolar tomonidan hashar yo‘li orqali mahalla ichki yo‘lining 500 metrga yaqin qismi to‘liq asfaltlashtirildi.

💡Shuningdek, mahalla hududida xavfsiz muhitni oldini olish maqsadida tungi yoritgich va kameralar o‘rnatilmoqda.

✅Xalqimiz jam bo‘lib, "bir yoqadan bosh chiqarib" amalga oshirayotgan bu kabi ishlarni ko‘rib kishining dili yayraydi.

#Ayni_paytda

NAVBATDAGI TADBIRKORLAR QABULI O‘TKAZILMOQDA

✅Pastdarg‘om tumanida tadbirkorlarni qo‘llab-quvvatlash, ularni qiynayotgan masalalarga yechim topish hamda fikr, takliflarini o‘rganish maqsadida muntazam ravishda tadbirkorlar uchun qabullar o‘tkazib kelinmoqda.

👨‍💼Davlat xizmatlari markazi binosida bo‘lib o‘tayotgan navbatdagi qabulda tuman hokimi o‘rinbosari A.Gafurov, tegishli korxona va tashkilotlar rahbarlari ishtirok etmoqda.

🔎Qabul davomida hozirga qadar tadbirkorlar tomonidan MIB, kadastr, kabi turli murojaatlar kelib tushdi.

✅Aksariyat masalalarga joyida yechim topilgan bo‘lsa, muddat talab etiladiganlari ijrosini taʼminlash maqsadida tegishli mutasaddilarga yo‘naltirildi.

GULGA BURKANGAN MAKTAB

🏙Aytaylik biror yumush bilan Oshiq ota mahallasiga yo‘lingiz tushdi va shu asnoda, ushbu mahallada joylashgan 109-maktab yonidan o‘tishingizga to‘g‘ri keldi.

✅O‘z tashvishu hayollaringiz bilan maktab oldidan beparvo o‘tib ketar ekansiz, to‘satdan dimog‘ingiz xushbo‘y iforni his etdi.

💐Nogoh atrofga qaradingiz va ko‘zingiz maktab atrofida barq urayotgan, rang-barang gullar bilan burkangan chamanzorga tushdi.

🌺Qay hayolda, ne o‘ylovda ketayotgan bo‘lsangiz ham, bu manzara sizning kayfiyatingizga ijobiy taʼsir ko‘rsatishi, dilingizni yayratishi aniq.

💐Bugun, ushbu taʼlim dargohining hovlisi va yon-atrofida parvarishlanayotgan 15 turdan ortiq minglab gul ko‘chatlari atrofga o‘zgacha ko‘rk baxsh etmoqda.

🌹Bu go‘zallik uchun mehnat qilib ter to‘kayotgan barcha masʼullarga chuqur minnatdorchilik bildiramiz!