❗️26-октябрдиз Мегьарамдхуьре лезги чIалал шиирар теснифзавай жегьилрин арада конкурс кьиле фида.

☑️ Тешкилатчияр: «ЛЕКИ» фонд ва «Лезги газет».

☑️ Иштиракчияр: 8 ва 9 лагьай классра кIелзавай аялар.

☑️ КIелдай шиирар: гьар са аялди анжах вичи кхьенвай шиир кIелна кIанзава.

☑️ Шииррин тема: жуван рикIиз кIани тема хкядай мумкинвал ава: тIебиатдикай, ватандикай, ватанпересвиликай…

📗 «ЛЕЗГИ ЧIАЛ (Лезгинский язык)»

✂️«ЙИКЪАН ЦИТАТА» рубрикадай

🖌 Арбен Къардаш, Дагъустандин халкьдин шаир:

СтIал Сулейманан яратмишунар эдебиятда кьетIен ва кьит вакъиа тирвиляй Максим Горькийди адаз екез фикир ганай, 1934-йисуз советрин писателрин сад лагьай съезддал адаз «ХХ лагьай асирдин Гомер» лагьанай (са шакни алачиз, ихьтин тIвар шаирдиз хурун яратмишунрин векилдиз хьиз, и рекье чIехи гьунарар къалурайвиляй ганай).
СтIал Сулейманан тикрарсузвал шаирди вичин яратмишунра кхьинринни хурун эдебият сад садахъ галкIурна. Савад авачир кас яз, адавай вичин чIалар кхьиз жезвачир, амма ада абурал, савад авай авторди хьиз, шиирдин тартибдив такьазвай гафар заланвални метлеб артух авай гафаралди эвез хъийиз, кIвалахзавай.
Жанрайрин ва темайрин жигьетдай жуьреба-жуьреди тир адан ирсинини и эсерар хурун эдебиятдик кутуниз рехъ гузвач. Сатира, муьгьуьббатдин, ватандашвилин, сиясатдин, ахлакьдинни насигьатдин ва философиядин лирика – адан ирсинин кьилин пай я.

#ЙикъанЦитата

📗 «ЛЕЗГИ ЧIАЛ (Лезгинский язык)»

📚 📝 ПЕШЕКАРВИЛИН СУВАР МУБАРАКРАЙ!

5-ОКТЯБРЬ МУАЛЛИМРИН ЮГЪ Я. «ЛЕЗГИ ЧIАЛ (Лезгинский язык)» телеграм-каналдин патай вири муаллимриз къенин кьетIен югъ мубаракрай!

✅ Сагъвал ва агалкьунар хьурай гьар са муаллимдихъ!

✂️ «ЙИКЪАН ЦИТАТА» рубрикадай

🖌 Расим Гьажи, писатель:

Гьар са гаф пайда хьунихъ, са чIалай маса чIалаз атунихъ, са халкьдивай маса халкьди кьабулунихъ вичин тIебиивал, къайда-къанун ава.

#ЙикъанЦитата

📗 «ЛЕЗГИ ЧIАЛ (Лезгинский язык)»

✂️ «ЙИКЪАН ЦИТАТА» рубрикадай

📝 Минаят Муталибова, лезги чIалан муаллим, шаир:

Тарсар гун, гьакъикъатдани, четин хьанва: 1-классдиз къвезвай хейлин аялриз бегьемдиз чIал чизвач. КIвале, аялрин бахчада хайи чIалал рахазвач. Бахчада тек-туьк кьиле физвай лезги мярекатарни тербиячийри урус чIалал тухузва. ЧIал квахьунин кьилин себеб им я.
1-классда хайи чIалаз гьафтеда са сят ганва. Аялар са сятина гьарфар чириз агакьзавач. Гьарфар чизвач, чIурукIа кIелзава, гъавурда акьазвач, марагъ авач. Мектебрив бес кьадарда ктабар агакьарнава лугьузватIани, алай вахтунда абур бес жезвач.

#ЙикъанЦитата

📗 «ЛЕЗГИ ЧIАЛ (Лезгинский язык)»

☑️ 10-октябрь Лезги чIалан югъ я.
"ЛЕЗГИ ЧIАЛ (Лезгинский язык) телеграм-каналди чи чIалан вири векилриз и югъ мубаракзава.

ЗИ ЛЕЗГИ ЧIАЛ

Зи лезги чIал, захъ авай са багьади,
Чуьхуьзва за жуван руьгь ви нурара.
Дидедин мез, играмиди, алади,
Тухузвайди уьмуьрдин зун гурарай.

Эминанни Сулейманан саз я вун,
Лезги чилин абурни я, наз я вун.
Мярекат я, берекат я лезги чIал,
Зи чан, намус, гьерекат я лезги чIал.
Дегьзаманрин суьрет я вун, лезги чIал,
Чи илгьамдин девлет я вун, лезги чIал.

Автор: Абдул Фетягь

📗 «ЛЕЗГИ ЧIАЛ (Лезгинский язык)»