group-telegram.com/marsel_shaydullin_official/954
Last Update:
Хөрмәтле Хадичә Салаховна!
Сезне ихлас күңелдән олы гомер бәйрәмегез – 105 яшьлек күркәм Юбилеегыз белән тәбриклим!
Гомерне бит еллар билгеләми, гомер агышы ак буразналар булып чәчләргә ята, якты җыерчыклар булып йөзне бизи, кеше гомере тарих, ул үзе бер калын китап кебек. Күпме кайгы-хәсрәт, шатлык-куанычлар сыйган бит ул елларга. Бүгенге көн Сезнең өчен шуңа да күркәм һәм кадерле.
Ничә еллар үтсә дә, күпме сулар акса да, Бөек Ватан сугышы хәтирәләре күңелләргә мәңгегә сеңеп калган. Уйлап карасаң, шушы афәт тәрәзәсен чиртмәгән, ишеген какмаган бер генә гаилә дә юктыр.
Миллионлаган кешеләрнең яшьлек елларын, балалык чорын, пар канатларын, газиз кыз-улларын, тигез тормышларын урлаган дәһшәтле бу еллар.
Сезнең тормыш юлы - ул батырлык, һәрберебез өчен Ватанга тугрылык, бердәмлек һәм фидакарьлек үрнәге булып тора.
Туган илебезне фашистлар һөҗүменнән яклап сугыш кырларына киткән курку белмәс, барлык мактау, хөрмәт, ягымлы карашларга иң лаеклы Бөек Ватан сугышы ветераныбыз Сез. Ил-көннәребезнең тынычлыгы, муллыгы өчен күрсәткән батырлыгыгыз, фидакарь хезмәтегез, күңелегездә саклаган эчкерсез яктылык, ягымлылык өчен чиксез рәхмәт Сезгә.
Гомер бәйрәмегез – олы юбилеегыз котлы булсын! Озын гомер юлыгыз лаеклы тормышыгыз өчен язмышның олы бер бүләгедер!
Аллаһ Тәгалә Сезгә киләчәктә дә сәламәтлек белән, күңел яктылыгы, йөрәк җылысын тоеп туганнарыгыз, якыннарыгыз янәшәсендә зур хөрмәткә күмелеп, һәр туган көнгә сөенеп, тагын күп еллар яшәргә насыйп итсен!
BY Марсель Шайдуллин
Share with your friend now:
group-telegram.com/marsel_shaydullin_official/954