✍ አዳም ረታ
📚 አፍ


"... የእናንተ ሀገር ሰዎች እኮ 'ልዩ ነን' ትላላችሁ" አለ እንግሊዙ፤

አዋቂ በሚያስመስል ኮስታራ ድምፅ፣
በጣም እውነት በሚመስል የቃል አጣጣል።

አልኩ አሁን በማርያም?

ሙኒራ ዘወር ብሎ አየው።

"... ሴቶቹ ግን ልዩ ናቸው። እዛ እያለሁ አራት ገርል ፍሬንድ ነበረኝ። ገንዘብ ካዩ.... ሆሆ!"

ሙኒራ መንገዱን ማየት ትቶ፤ ባካፋን ዞር ብሎ በፈገግታ አየው፤

"ገንዘብ ከሌለህ ዕድለ ቢስነት እንግሊዝም ይኖራል። የአለም ባንክ ሪስትራክቸሪንግና የሴቶች ስራ አጥነት የተያያዘ ከሆነስ?

ለመሆኑ ጠማማ የኢኮኖሚክ ፖሊሲ ስራ ላይ አውሉ ብላችሁ የምታስፈራሩት፤ አዲስ አበባ ስትመጡ አራት ገርልፍሬንድ እንዲኖራችሁ ነው? 

ከዛ ደግሞ የሴቶች መብት ምናምን እያላችሁ ጉራ!"

.. አለ ባካፋ፤ ድምፁ እየተንቀጠቀጠ።

ከፍርሃቱ ግን አልወጣም።

ሄንሪ ፊቱን ወደ ባካፋ አላዞረም። አውራ ጎዳናውን እያየ በሳቅ ፈረሰ።

ባካፋ ግራ ገብቶት ማጅራቱ ላይ አፈጠጠ።
በአይኖቹ 'ምን ያስቃል?' የሚል ይመስላል።

መፅሐፍ ላይ ሳይሆን በድርጊት 'የአለም መሳቂያ መሆን' ማለት ምን እንደሆነ ባካፋ ገና አልገባውም።

አንዳንዴ ኢትዮጵያን ሲጎበኙ፣ ወይም ስሟ ሲጠራ ሲሰሙ፤ ለሃያ አራት ሰዓት የሚስቁ እንዳሉ አልደረሰበትም።

የማይረባ ነገር እንድትሰራ ያማክሩህና፤ ትንሽ ራቅ ብለው.. ያልነበሩበት መስለው ይስቃሉ።

ሲበላሽ፤ የምትደርስበትን የራስህን ሰው ታማለህ። ሲኒማቸው፣ ምኑ.. የራስህን ሰው እንድታማ እንድትጠረጥር ይሰብክሃል።


#Be_Family
#Share_to_Friends
#Join
#Share_us_ur_short_writing's


♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

“በጀርመን ሀገር ከተማሪዎች መካከል የሂትለር ልጅ አብሮ ከሚማርበት ክፍል አንድ መምህር ጥያቄ ይጠይቃል አሉ።

ጥያቄውም "እስኪ ተማሪወች በክንፋቸው ከሚበሩ እንስሳት መካከል አንድ ጥቀሱ?” ይላል። በዚህ ቅፅበት የሂትለር ልጅ እጁን አውጥቶ ዝሆን በማለት ይመልሳል።”

“አስተማሪውም አጨብጭቡለት! ሞቅ አድርጋችሁ አጨብጭቡለት የእኔ አንበሳ! ይላል። ክፍሉም በጭብጨባ ብዛት ቃውጢ ከመሆኑ የተነሳ ይህን ጭብጨባ የሰማ ርዕሰ መምህር ይመጣና ምንድነው በማለት ይጠይቃል።

አስተማሪውም ጉዳዩን ሹክ ይለዋል። ከዚያም ርዕሰ መምህሩ ደግማችሁ አጨብጭቡለት እንዲህ አይነት እሳት የሆነ ተማሪ ከየት ይገኛል! በማለት ጠጋ ብሎ ለመምህሩ በጀሮው "ወንድሜ እኛ ከምንበር ዝሆኑ ቢበር ይሻላል አለው” ይባላል።

📓 ሉባር
✍️ በረደድ ገዳሙ

አንዳንዴ ለመኖር ስትል ልክ ላልሆኑ እና ላላመንክባቸው ነገሮች ትሸነፋለህ። ታግለህ ማሸነፍ የማትችለውን ነገር በብልጠት ታሳልፈዋለህ ፤ አንተ ማሸነፍ የምትችልበት ጊዜ እስኪመጣ። ትልቁ ችግር ግን አንተ እራስህን ለማዳን ብለህ ሳታምን ያመንክበት ነገር ፤ ሌሎችን በተዘዋዋሪ መጉዳቱ ነው ፤ ልክ ልጆቹ ዝሆን መብረር ባይችልም መብረር የሚችል እንስሳ ነው ብለው እንደተማሩት ማለት ነው።


✍️✍️ 1~7~8~21
              ፱/፮/፳፻፲፯ ዓ.ም

#Be_Family
#Share_to_Friends
#Join
#Share_us_ur_short_writing's


♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

በአንድ ወቅት የኒውዮርክ ታይምስ ጋዜጠኛ ንጉሱን እንዲህ ሲል ይጠይቃቸዋል።
"ለመሆኑ ኢትዮጵያዊነት ምንድን ነው? እሳቸውም ቆፍጠን ባለ አነጋገር
"ኢትዮጵያዊነት ኩራትና ትህትና ነው" አሉት።

ጋዜጠኛውም ቢሆን የዋዛ አልነበረምና "ይቅርታ ያድርጉልኝ ጃንሆይ ይሄ ትሁትነት (Humbleness) እና ኩራተኝነት (Proudness) የሚሉት ነገር እርስ በርሱ የሚጣረስ ማንነት አይመስሎትም? የሚል ጥያቄ ያስከትላል

ንጉሱም እንዲህ አሉ "አየህ አንድ በጣም ተራ የምትለው ገበሬ ቤት በእንግድነት ብትሄድ ያለውን አብልቶ፣ እግርህን አጥቦ፣ ያጠበውን እግርህን ስሞ፣ አልጋውን ለአንተ ለቆ እርሱ ግን መሬት ላይ ይተኛል።

በዚያው ልክ በሚስቱ፣ በርስቱና፣ በሀገሩ ላይ ብትመጣበት ደግሞ በግንባርህ ላይ ጥይት ይቆጥርልሀል ስለዚህ አይጋጭም ነገር ግን ይሄንን ነገር ለመረዳት አንተ ራስህ ኢትዮጵያዊ መሆን አለብህ" ነበር ያሉት።


#Be_Family
#Share_to_Friends
#Join
#Share_us_ur_short_writing's


♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

መኖር በአቅም እና በፍላጎት መካከል መሆኑን ስላላወቅን ወይም ስለረሳን፥ ከአቅማችን በላይ ተመኘን። ሁልጊዜም የምንኖረው ከአቅማችን ከፍ ለማለት ሆነ። መዳህ ሳንችል መቆም፤ መቆም ሳንለምድ መራመድ፤ እርምጃ ሳንቆጥር መሮጥ አማረን፤ በፍላጎት ገሰገስን። በፍላጎት ብቻ ልንበር ስንጥር፥ አቅም በማጣት ተፈጠፈጥን።

📓ርዕስ፦ አለማወቅ
✍️ደራሲ፦ ዳዊት ወንድምአገኝ


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

አንዳንድ ልቦች ሁለት ጊዜ አያፈቅሩም!

የሆነ ቀን በወደድነው ስንገፋ አልያም የወደድነውን በአጋጣሚ ስናጣው ልብቻን የዛን ሰዓት ላይ ያቆማል። እኔንጃ ብቻ መጠብቅ በሚሉት ይሁን ተስፋ በመቁረጥ ዳግሞ ልባችን ሌላ ማየትና መፈለግ ያቆማል። ምናልባትም በፍራቻም ሊሆን ይችላል፤ ያለፍንበት ዳግም የሚደገም እየመሰለን አዲስ ሰው ለልባችን ማስተዋወቅ እንፈራለን። አልያም ደግሞ ለዛ አንዴ ልባችንን ለሰጠነው ሰው ያለን ፍቅር አሁንም ድረስ ስላለ እሱን እያሰብን ለሌላ ሰው የልባችንን በር አንከፍትም።

በ12 ቁጥር የፍቅር ሚስማር የተመታን ልብ ምን ነፃ ሊያወጣው ይችላል?

✍️✍️ 1~7~8~21
፳፮/፭/፳፻፲፯ ዓ.ም

#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

ጠንካራ መስያት ነው ። የምታየው ብቻ መስያት ነው ። ለሷ ያለኝ ቦታ ያሳየኋት እና የነገርኳት ብቻ መስሏት ነው።

ሌላም ሰው እኔ ያልኳትን ብሏት ዋሽቷት ስላገኘችው፤ ቃልም፣ ተግባርም ማመን አቁማ ነው ።

ስታገኘኝ 'Dead inside' የሚል ፅሁፍ ያለበት ቲሸርት መልበሴን አላስታወሰችውም ።ሳቄ የቲሸርቴን መልዕክት ከልሎት ነበር ።

የማያቁኝ፣ ያልሰሙኝ የሰጡአት አስተያየት ልቧን ተጭኖት ነው ። የተሰበረ ሁሉ የሚጠገን መስሏት ነው ። ጊዜ ሁሌ አዳኝ መስሏት ነው ።

ከልጅነቴ ጀምሮ የሚራራልኝ አልነበረም!!

ልጅ እያለሁ:-

አባቴ ይወደኝ ነበር ። አንድ ነገር ሳይዝልኝ ቤት አይገባም ፣ ሳያጫውተኝ አይተኛም። መንገድ ስንሄድ እሽኮኮ ያደርገኝ ነበር ። ላገኘው ሁሉ "ልጄ ነው" ይል ነበር። ዘና ያለ ነው ፣ ሙዚቃ ይወዳል፣ ተጫዋችም፣ ዝምተኛም ፣ ሳቂታም፣ ኮስታራም ነበር ።

ከእናቴ ጋር ብዙ ግዜ ቢጨቃጨቁም ፤ ሁለቱም ይወዱኝ ነበር ። ፍቅር አሰጣጣቸው ለየቅል ነው ። ሰው ለሚወደው የሚሰጠው የሚችለውን ሁሉ ነው ።

የሆነ ቀን ፀባቸው ከሮ ፍርድቤት ቆሙ ። ይዘውኝ ሄዱ። የሚያወሩት ስለ መለያየት፣ ስለተቆራጭ ምናምን ነበር።

አይን አይኔን እያየ "አላምናትም፤ ይሄ ልጅ ራሱ የኔ አይደለም" አለ ። አላመንኩም : ውሸቴን ነው ይላል ብዬ ጠበኩት ህይወት እንደዚ አይነት ቀልድ እንደማታውቅ አላቅም ነበር ።

ልጄ አይደለም ካለኝ በኋላ የተወራውን መስማት አልተቻለኝም ።

"ይሄ ልጅ ራሱ የኔ አይደለም " ያለው ፊቱ ፣ ሁኔታው ድምፁ ፤ እርግጠኝነቱ ከልቤ አልጠፋ አለ።
እናቴ እጄን ይዛ ወደ ቤት ተመለስን ።

አደባባይ ላይ "ልጄ አይደለም" ያለኝ ከሰጠኝ ፍቅር ሁላ ስለበለጠብኝ ውስጤ ደነገጠብኝ ።

የሚታይ ነው የሚሰማ መታመን ያለበት ??

ለምን ይዘውኝ ሄዱ ? ፣ እማኝ ባለበት ስካድ ማየት እኔን ከማበላሸት ውጪ ምን ይጠቅማል ?? ያን ቀን አባት አልባ ሆኜ ተመለስኩ ።

ዘግኖ ባዶ ማግኘት ህይወት ውስጥ አዲስ አይደለም !!


✍✍ Adhanom Mitiku


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

"ምን ያህል እንደምወድሽ ያሳየሁሽ አይመስለኝም" አልኳት።

"አይቼዋለሁ! መውደድህ በማክበር ተጠቅልሎ... ከማክበር በላይ መውደድ የት አለ? ፊትህ እኮ ብዙ የሚናገር ሰው ነህ..."

"የሚገርምሽ ቁስልሽን ስትነግሪኝ፤ ፈገግ እያልሽ ቀለል አድርገሽ ነበር ግን ...ስንቴ መሰለሽ ከእንቅልፌ የቀሰቀሰኝ? ስንቴ መሰለሽ ያልነገርሺኝን ሁሉ በምናቤ እየጨመርኩ ብቻዬን የቃተትኩት?"

"...ታዉቂያለሽ? የኔ ሸክም ላይ ሸክምሽ ሲጨመር አልችለው ይሆናል ብዬ ነው የሸሸሁት...እንጂ ካንቺ ጋ መኖር ሕይወትን እንዳትሰለች ያደረጋታል።"

ትንሽ ፈገግ ብላ..."እውነቱን ልንገርህ...?" አለችኝ። ንገሪኝ አልኳት።

"እውነተኛውን ሸክሜን በቶሎ ባላሳየው ያገባኝ ይሆን እንዴ? ብዬ ብዙ ቀን አስቤያለሁ። ...እንደተግባባን ነበር...ቶሎ ጭንቀቴን ያሳየሁህ። ብዙ ቦታ እንደሚሆነው ከፌክ ችግሬ ከላይ ከላይ አልጀመርኩም...አንተ ደሞ ፈሪ ነህ እንደደራሲ "

"ምን ማለት ነው?" ጠየኳት።

"ደራሲ Risk taker እንደይመስልህ፤ ገፀ-ባሕርያቶቹ ላይ እንደሚጨክነው ሕይወት ላይ አይጨክንም። መታዘብ ላይ ነው ጎበዝ...አቅመቢስነቱን ወረቀት ውስጥ ተሸሽጎ ነው የሚያነባው። አልቀርፈውም የሚለውን ችግርን ይሸሻል ...።"

'ታዲያ እኔ ደራሲ አይደለሁ...?'

"ለዛ ነው እንደ ደራሲ ያልኩህ...

መውደድህ ዐይንህ ዉስጥ፣ አሰማምህ ውስጥ፥ አኳኋንህ ውስጥ ይታይ ነበር...ስጠፋ ብቻ ነበር የምትፈልገኝ። ስንጠፉ የሚፈለጉን ናቸው ዋናው ወዳጆቻችን!!

...ያው ሴት ደሞ ልቧን የምትሰጠው ሁሌ ለሚፈልጋት ነው። በአዘቦት ግዜ አልፈልግም ስትለኝ... ሄድኩ ...።

ሕይወት ግን Risk ካልወሰዱ ትርጉም ትሰጣለች? ከማንችለው ጋ ለምንወደው ካልታገልን መውደዳችንን ጥርጣሬ ውስጥ የሚከተት አይመስልህም?" አከታትላ ጠየቀችኝ።

"አይመስለኝም!!
.
.
በሚወዱት ሰው ፊት መሸነፍ ምሬቱን ታዉቂዋለሽ? ለሚወዱት ያለመድረስ ቁጭት ገጥሞሽ ያውቃል? ሊጠለልብሽ የመጣን ሰው እያየሺው ችግር ሲቀጠቅጠው ሕመሙን ማን ችሎ ያስተምመዋል?
.
.
እ?"

"የምትለውን ነገር ሁሉ ነብስ ያወቀ ከዓለም ጋ የተቀላቀለ ሁሉ የሚያቀው ይመስልኛል

ግን .... ችግር ከሚጋፈጡት በላይ ሲያስቡት ይከፋል ። የሚያሸንፉት የችግሩን ጥልቀት ሳያሰላስሉ የሚጋፈጡ ናቸው!

ሕይወት ደሞ በእውነት እና በውሸት መሃል የምትገኝ የትግል ስፍራ ናት !!

አይመስልህም?"

"እኔ'ንጃ ...ከሁሉ ከሁሉ የምወደው ሳይተወኝ መተውን እመርጣለሁ"

"ምርጫህ የምትፈልገውን ነገር እንዳታሸንፈው ያደርግሃላ?"

"ከመሸነፍ ይሻለኛል ! ..."

"ይሆን ይሆናል፤ ግን የሚፈልጉትን ካለማግኘት በላይ መሸነፍ አለ ወይ ??"

በርግጥ ለዚህ ጥያቄዋ መልስ የለኝም!!


✍✍ Adhanom Mitiku


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

"በራስህ አትተማመንም አይደል"... አለቺኝ?

እንዴት ልበ ሙሉነት የተጠናወተኝ ሰው እንደሆንኩ ከራሴ ጋ እየተሻማው አወራሁ... አብራራሁ... ዘበዘብኩ

በእርጋታ ከሰማቺኝ በኃላ ..

"እንዴት እንደዚህ አልሽ ብትለኝ እና ያስተዋልኩትን ብነግርህ አይሻልም?".... አለቺኝ

"ቀጥይ"...አልኳት ደስ ባላለው ፊት እያየኃት...

...ስላለህ፣ስላስደመምከው ፣ስላደረከው ነገር ብዙ ሰዓት ሁል ግዜ ታብራራልህ።

የተጣላኸውን የጠላኸውን ያናደደህን ሰው ስህተት እና ያንተን ቅድስና ታስረዳለህ...

ሰው ስለራሱ ሲያወራህ ቀጥለህ...

እኔ... ብለህ ስለ ራስ ታወራለህ ምንም ነገር ስትሰማ ከራስህ ጋ እያወዳደርክ ነው መሰለኝ።

ሰው ሲቃወምክ ስለምታወራው ነገር ሳይስማማ ሲቀር ቅር ይልሃል... ብዙ ታብራራለህ።

ያመንከው እና የሆንከውን እንዲመሰከርልህ እንዲጨበጨብልህ ጉንጭህ እስኪዝል ታስረዳለህ ።

ስላደረከው እና ስለሆንከው ነገር አስተያየት ትጠይቃለህ... ደስታህ የሰው አስተያየት ላይ ተንጠልጥሎል።

እምቢ ማለት ይከብደሃል።

እምቢ ከማለት መዋሸት ትመርጣለህ።

ባላሳቀህ ነገር ትስቃለህ....

የአዲስ ሰው ቀልብ ለመሳብ እሱ የሚወደውን ነገር ለማውራት ለመሆኑ ጥረት ስታደርግ ብዙ ግዜ ያስተዋልኩ ይመስለኛል ።

ሰው እንዳይቀየም ስትል መጠየቅ ያለብህን አጠይቅም ።

ያበደርከውን ብደር እንኳን ስትጠይቅ ችግር እንዳጋጠመክ አብራርተህ ነው ።

ራስህን አታከብርም መሰለኝ እራስን አለማክበር አንደኛው በራስ ያለመተማመን ውጤት ነው!!

ከጠላት ሁሉ ጠላት የሚከፋው የውስጥ ጠላት ነው።

ከራስህ ጋ የታረቅህ ግዜ ዓለም ቢጣላህ እንኳን አትሸበርም።

ስታወራ ረጋ ብለህ ተናገር !
ለመወደድ ስቃይ አትብላ !
ሰው አክብር እንጂ አክብደህ አትይ !
ሁሉንም እቅድህን ለሁሉም አታውራ!
የተሰማህን ሁሉ አትናገር !
እምቢ አልችልም ማለት ልመድ !
ስለተሳካልህ ነገር ሂደት በየሜዳው አታብራራ !

ያልተቀበልከው ማንነት ካለ የበታችነት ስሜት የሚያሰማህ ሁነት ካለ ረጋ ብለህ አጥናውና መላ ፈልግለት ።

ብቻህንም መሆን ልመድ ሁሌ አብሮ ሰው እንዲሆን አታስስ...

ዝም ብዬ አየኋት።

ልክ ካልሆንኩ፣ ያልኩት እውነት ከሌለው እንደቀባጠርኩ ከተሰማህ አፉ በለኝ ...
ካወራውት ፍሬ ነገር ካገኘህበት ደሞ ደግ...

አሁንም ዝም አልኳት።

ዝምታዬ ውስጥ ግን መደነቅ እና ድብርት ነበረበት....


✍✍ አድኃኖም ምትኩ


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

. . . . . . በጣም ፈራው ዳግም መቀራረባችን አስፈራኝ፤ ድጋሚ የምጎዳ ድጋሚ ጥላኝ የምትሄድ እየመሰለኝ፤ ፈርቻለሁ ግን የሚሰማኝን ስሜት ማስቆም አልቻልኩም፤ ስትቀርበኝ መራቅ አልቻልኩም።

መራቅ እንዳለብኝ ይሰማኛል ግን መራቅ ይከብደኛል፤ አንዳንዴ ልክ ህፃናት ልጆች እሳትን ነክተውት ማቃጠሉን ሲያውቁ እንደሚርቁት ሁሉ እኔም እሷን እንደዛ ብርቃት ምኞቴ ነበር፤ እኔ ግን እንደዛ እንደ ጅሉ ህፃን ደግሜ ደጋግሜ እሳቱን እየነካው ከመቃጠል ወደኃላ አላልኩም።

ልብ የስሜት ተገዢ ነው አእምሮ ደግሞ የእውቀት፤ አንዳንዴ ጉዳቱን ብናውቅም ከገባንበት ሱስ መውጣት አንችልም አለ አደል ማወቅ ብቻ መፍትሄ አያስገኝም። ማወቃችን ብቻ መፍትሄ የማያስገኝልን ብዙ ነገሮች (ችግሮች) አሉ ብዬ አስባለሁ። ብዙ አዋቂ የሚባሉ ሰዎችም እኮ የሆነ የሚሸነፉበት መፍትሄ የማያገኙለት ነገር (ችግር) አለ አደል። ከዛ ችግር ውስጥ ትልቁ እና ዋናው ነገር ፍቅር ነው፥ ፍቅር ደግሞ የልብ ፍላጎት ነው የብዙ ሰዎች የሽንፈት ፅዋ።


✍️✍️ 1~7~8~21
፲፬/፲፩/፳፻፲፭ ዓ.ም

#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

''ክርስቶስ ተንስአ እሙታን ▸ በዐቢይ ኃይል ወስልጣን ፤ አሰሮ ለሰይጣን አግአዞ ለአዳም ፤ ሰላም ▸ እምይእዜሰ ፤ ኮነ ▸ ፍስሐ ወሰላም''

''ክርስቶስ በታላቅ በኃይልና ስልጣን ከሙታን ተነሳ ፤ ሰይጣንን አሰረው አዳምንም ነጻ አወጣው ፤ ስለዚህም ከእንግዲህ ወዲህ ፍፁም ሰላም እና ደስታ ሆነ''

በዓሉ የሰላም የፍቅር እና የአንድነት በዓል ይሁንልን አሜን።

ኬር አርትስ
ሚያዚያ 12|2017 ዓ.ም

#CARE_ARTS


☑️ ቆንጆ ናት... አፍላ .... 15 አመቷ ነው።
ጎረምሶች ሲያዩዋት አይናቸው ይጎለጎላል። ጎልማሶች አይተው ይመኛታል። ወንዶች ይከጅሏታል። ሴቶች በቅናት እንደ ሽንኩርት ይልጧታል።

☑️  አንድ ቀን እንዲህ ስል ጠየቅኳት።
<<ማግባት የምትፈልጊው ባል ምን መስፈርት እንዲያሟላ ትፈልጊያለሽ?>>

☑️ በፍጥነት መለሰችልኝ
የተማረ መሆን አለበት፤ ማስተርስ ያለው ይመረጣል። ከተቻለ የግል ቢዝነስ የሚሰራ፤ ኢንቨስተር ቢሆን አሪፍ ነው፤ ካልሆነ ግን አሪፍ ደሞዝ ሊኖረው ግድ ነው። መኖሪያ ቤቱ G+2 ቢሆን ደስ ይለኛል፤ ከG+1 በታች ግን አልፈልግም።

✅ መኪና በጣም ነው የምወደው። አሪፍ መኪኖች ቢኖሩት አሪፍ ካልሆነም ከተጋባን በኋላ እኔ እንዲገዛ አደርገዋለሁ። ሙድ የገባው ቢሆን ደስ ይለኛል። ሁሌ ግን የሚቅም፤ የሚጨብስ እና የሚያጨስ መሆን የለበትም። ጨዋታ የሚያውቅ ሁሌ የሚያስቀኝ!!!

✅ ቁመቱ በጣም እንዲረዝም አልፈልግም። እኔ አጠር ስለምል በጣም እንዳይበልጠኝ። ደረቱ ሰፋ ያለ ሆኖ ቦርጭ የሚባል እንዲኖረው አልፈልግም።

✅ጸጉሩ ፍሪዝ ቢሆን ደስ ይለኛል፤ ድሬድ ቢሆን ደግሞ ነፍስ ነው። አይኑ የሚያምር፤ መልኩ ጸይም መሆን አለበት በጣም ቀይ ወይም በጣም ጥቁር ወንድ አልወድም። አለባበሱ ዘናጭ መሆን አለበት። የሚወደኝ፤ የሚንከባከበኝ፤ ሮማንቲክ የሆነ፤ በሳምንት ቢያንስ ሁለቴ የሻማ እራት ያለበት ሆቴል የሚጋብዘኝ፤ ቢያንስ በወር ሁለቴ ጭፈራ ቤት የሚወስደኝ፤ ከበዓላት እና ከልደቴ ቀን በተጨማሪ ስጦታ እያመጣ ስርፕራይዝ የሚያደርገኝ፤ ፍቅር የሚያውቅ፤ በተለያየ ቁልምጫ ስም የሚጠራኝ እና ታማኝ ከእኔ ውጪአንዲት ሴት የማያይ ...

☑️  >>ይበቃል አልኳት እንደማታቆም ስለገባኝ። እንዲህ አይነት ወንድ ኢትዮጵያ ውስጥ ቀርቶ አስቴር አወቀ ዘፈን ውስጥ እንኳን አይገኝም አልኩ በውስጤ። ለሷ ግን አልነገርኳትም።

✅ ከአስር አመት በኋላ ሳገኛት 25 አመቷ ነበር። አላገባችም። ዩኒቨርስቲ ጨርሳ ስራ ይዛለች። ጥቂት ቦይ ፍሬንዶች ይዛ ለቃለች። አሁንም ታምራለች እንደድሮው ግን የሰው ሁሉ አይን ማረፊያ አይደለችም። መልሼ ያንኑ ጥያቄ ጠየቅኳት።

✅ <<ማግባት የምትፈልጊው ባል ምን አይነት ነገሮች ማሟላት አለበት?>>
የማፈቅረው ሰው መሆን አለበት፤ ፍቅር ከሌለ ላገባው አልችልም። ከማልወደው ሰው ጋር አንድ ቀን ላድር አልችልም። ታማኝ እንዲሆን እፈልጋለሁ። እንዲያከብረኝ እፈልጋለሁ። ጥሩ ስራ ቢኖረው፤ ማንበብ የሚወድና በሃሳብ የምንግባባ ቢሆን ደስ ይለኛል። ቆንጆና ሃብታም ከሆነ ጥሩ ነው፤ ካልሆነም ግን አብረን ሰርተን መለወጥ እንችላለን። ዋናው መግባባት ነው። በተረፈ ቤተሰቡን የሚወድ እና የማይዋሽ መሆን አለበት። ወንዱ ሁሉ የማይታመን ሆነብን እኮ። ዋናው የሚታመን ከሆነ ሌላው ችግር የለውም>>

✅  ጊዜው ይሮጣል!!! ከአስር አመት በኋላ ስንገናኝ አላገባችም። 35 አመት እያለፋት ነበር። ደግሜ ያንኑ ጥያቄ ጠይቅኳት።

<<ማግባት የምትፈልጊው ባል ምን አይነት ነገሮች ማሟላት አለበት?>>
ትንሽ አሰብ አደረገኝና
<<የምግባባው ሰው ከሆነ ሌላው ችግር የለውም>> አለችኝ
መልኩ፤ ጸጉሩ፤ ሃብቱ፤ እውቀቱስ አልኳት።
<<ወንድ ልጅ ደግሞ መልክ ምን ያደርግለታል? ከቺምፕ (ቺምፓንዚ) መለስ ካለ ሌላው ችግር የለውም>> አለች እየሳቀች።

☑️ ከአስር አመት በኋላ ሳገኛት አግብታ ሁለት ልጆች ወልዳ ነበር።ባሏ አጭር፤ ጥቁር፤ መላጣ፤ የከባዳ መኪና ሾፌር አይነት ቦርጭ ያለው፤ሱሪውን ቦርጩ መሃከል ላይ የሚታጠቅ፤ ሁልጊዜ መላጣውን የሚያልበው ዝጋታም ነገር ነው

✅<<እንዴት ነው ትወጂዋለሽ>> አልኳት

✅<<ምን ማለትህ ነው ትዳር አይደል?>>

✅<<ማለቴ ድሮ የነገርሽኝ አይነት ሰው አይደለም ብዬ ነው?>>

✅<<ያኔማ አየር ላይ ነበርኩ፤ እድሜ መስታወት ነው፤ ብዙ ያስተምራል፤ አሁን ተምረን ልብ ገዝተን ነው>> አለች ተከዝ ብላ።

✅ <<ሁሌ የማይቀያየር አንድ መስፈርት ነበረሽ፤ ታማኝ መሆን አለበት ትይኝ ነበር። ባልሽ ታማኝ ነው?>>
<<ታማኝ እግዜር ብቻ ነው፤ በቃ ግን ... ትዳር ስለሆነ ከማይታመን ሰው ጋር መኖር ትለምዳለህ፤ አየህ አሁን የገባኝ ነገር ትዳር ማለት እንደ ፖለቲካ ነው።

☑️ ፖለቲከኞች ውሸት እየነገሩን አብረን እንደምንኖር ትዳር ውስጥም ይሄ ያጋጥማል>> አለች
<<በትዳርሽ ደስተኛ ነሽ?>> አልኳት እያዘንኩ

✅ <<ደስታ አንጻራዊ ነው፤ በልጆቼ ደስ ይለኛል፤ ትዳሬን አከብራለሁ። በተረፈ ግን እየኖርኩ ነው>> አለች ፈገግ ብላ። በዛች ቅጽበታዊ ፈገግታ ውስጥ የጊዜን ኃይለኝነት አየሁ። ጊዜ ነው እንጂ ቁምነገራም ባላባትነት አያኮራም እንዲሉ እመው።


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

https://tiktok.com/@bantegize21
👆☝️👆☝️👆☝️👆
ከላይ ባለው ሊንክ እየገባችሁ Follow አድርጉኝ ቤተሰብ 🙏🙏

ግጥም እና ሌሎች አሪፍ ነገሮችን ይዤ እየመጣው ነው።


አመሰግናለሁ ለትብብራችሁ 🙏🙏

#CARE_ARTS

ጓደኛዬ ቤት ሁሌ የምሄደው ታናሽ እህቱን ለማየት ነበር ። ታናሽ እህቱ ዘቢብ ትባላለች ። አጠያየሟ ፣ ድርብ ጥርሷ  ፣ ሳቋ ፣ የፀጉሯ ብዛት፣  ድምጿ ፣ ፈገግታዋ ስለሚናፍቀኝ ቤታቸው እሄዳለሁ ።

የታላቅ ወንድሟ ጓደኛ ስለሆንኩ እንደወንድ እያየችኝ አትሽኮረመምም እንደታላቅ ወንድሟ ነው የምትሰማኝ ።   

እሷ ካለች ቤታቸው  ጭር አይልም  ። እጫወታለሁ፣ አመሻለሁ ፣ ከቤታቸው ውጣ ውጣ አይለኝም ፤ ከሷ ሌላ የማየው ሰው አልነበረም ።

ታላቅ ወንድሟ ሲቆጣት በስሱ አግዝላታለሁ ።

ድንገት ግን ከጓደኛዬም በላይ፣ ከዘቢብም በላይ ጋሽ ንጉሴ ቀልቤን ገዙኝ ። ጋሽ ንጉሴ አባታቸው ናቸው።

ምናቸውም ደስ አይለኝም ነበር ። ኮስተር ይላሉ፣ ግንባራቸው አይፈታም ከሙሉ ቀን ጋር ብቻ ነው የሚጫወቱት። ሙሉቀን የቤቱ የመጀመሪያ ልጅ ነው  የአእምሮ እድገት ውስንነት አለበት ።

እቤት ሲገቡ "ሙሌስ?" ይላሉ ።  በእጃቸው ይዘው የሚመጡትን በቆሎ ፣ ቆሎ ፣ ዳቦ  ጠቅላላ ላንተ ነው  ይሉታል። ሁሉንም እንደዋዛ ጨብጠው "ሙሌ" ብለው ያቅፉታል ። 

ሙሌን ከጓደኛዬ በላይ፣ ከዘቢብ በላይ፣ ከቤቱ  መጨረሻ ልጅ ከሚኪ በላይ ፣  ይወዱታል።  ጓደኛቸው ነው ። ብዙ ግዜ አመሻሽ ላይ  ሸራተን ሆቴል ጋር   ባለው ቁልቁለት እና ዳገት  መውረጃ እና መውጫውን በዝግታ እየተላፉ ፣ እየታገሉ ፣ እጅ ለእጅ ተያይዘው ሲንሸራሸሩ  አይቻቸው አውቃለሁ  ። 

ከልጆቻቸው ሁሉ ሙሌን እንደሚወዱት አወቅኩኝ።  የጋሽ ንጉሴ እና የሙሌ ሁኔታ ቀልቤን ገዛኝ ፤ ሁሉንም ረሳኋቸው ።

ጓደኛዬን "ጋሽ ንጉሴ ሙሌን ይወዱታል ኣ?" ስለው ፤

"ሰምተኽው አታውቅም  እንዴ ? ሙሌ ይሙት እያለ ነው እኮ የሚምለው ።  ሙሌ ካመመው እኮ ስራ ራሱ አይሄድም። የኔ ዘንካታ ፣ የኔ የዋህ ሲለው ነው የሚውለው ።

ያበዘዋል ባክህ !

ሲፀልይ ከኔ በፊት ያድርገው እያለ እኮ ነው ። " አለኝ።

ጋሽ ንጉሴ ሙሌ አድጎ  እንደማይጦራቸው ፣
ስማቸውን እንደማያስጠራላቸው ፣ ውለታቸውን እንደማይተነትን ያውቃሉ። ግን ሙሌን በበለጠ ይወዱታል ።

እውነተኛ ፍቅር ምላሽ ሳይጠብቁ ውለታ እንደማያገኙ እያወቁ መውደድ ነው አይደል?

  ✍️✍️ አድኃኖም ምትኩ


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

*
‹‹በገብርዬ የታማኝነት ስሜት በሕልም እንኳን መሸፈት ራሱ እንደ ክህደት የሚቆጠር ነበር፡፡ ይህንን ክህደት አንደ ደህና ነገር ለሰው ማውራት ደግሞ ከትዝብት ያለፈ ዓመፅ መስሎ ተሰማው፡፡ ሰው በሚጠላው ላይ ይሸፍታል፡፡ "የተበደለ ሰውም ቢያምፅ አይፈረድበትም፡፡" በሚወዱትና በሚታመኑት ላይ እንዴት ሲደረግ ይታሰባል? ገብርዬ ተራቅቆ ባይፈላሰፍም ማንም ሰው አንድ ጠቅላላ ሥርዓት መከተል እንደሚገባ ይሰማዋል፡፡ በጦር ሜዳ ደረቱን አስጥቶ ልቡን ሰጥቶ የሚዋጋውን ያህል አገር በመበጥበጥ፤ መንደር ለማመስ ለመዝረፍ ወይም ለመፈራትና ለመታወቅ የሚደረግ ሽፍትነትን በጣም ይጠላል፤ ይጠየፋል፤ ቴዎድሮስን ያመነበት ዋናው ምክንያትም ይኸው ነበር፡፡››

📚 የታንጉት - ምስጢር
✍️✍️ ብርሃኑ ዘርይሁን


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️

#CARE_ARTS

ስላመንኩት፥ ለሰጠኝ ፍቅር ዋጋ ስለሰጠሁ፥ እየተመቸኝ አልችልም ስለማልል፥ ስለሚወዱኝና ደጅ ስለሚጠኑ ወንዶች አያወራሁ ስለማልመጻደቅበት ...

እኔን ማግኘት መጓጓት ቀነሰ

ጥፋቱ ላይ ስለማላተኩር፤ ቅሬታዬን ስለማላሳየው፣ በልቤ ከሌሎች ጋ ስለማላወዳድረው

የማይገባኝ መሰለው!

ቅር ይለዋል ብዬ የማስበውን ስለማላደርግ፥ ቅድሚያ ስለምሰጠው፥ ስለምወደው ዋጋዬ አልገባውም።

እየተወኝ ሁኔታው ሁሉ ውለታ እንደዋለ ነው።
እየበደለ ውለታ ዋልኩ እንደሚል ሰው ክፉ የለም!

ክፉ አለመሆኔን እንዴት እንዳለማወቅ መቁጠር ተቻለው?!

ረስቶት ነው !?

እንዴት አድርጎ ቀልቤን ለመግዛት እንደደከመ ፥ እንዴት አድርጎ ደጅ ጠንቶ እንደቀረበኝ፥ እንዴት አንቆለጳጵሶ እጁ እንዳስገባኝ...

ሲያገኘኝ እና ሳገኘው የነበረውን ሁኔታውን ሁሉ ረስቶታል!

ሰነፍ እንዲህ ነው....በእጁ የያዘው ውድ አይመስለውም !!
ሰነፍ እንዲ ነው ...... የሚደረግለት ካልተነገረው አይገባውም !!
ሰነፍ እንዲ ነው ...... ሲቆጠርበት አያይም !!
ሰነፍ እንዲ ነው ...... የሚፈልገውን ሲይዘው ያንስበታል !!
ሰነፍ እንዲ ነው ...... መከተል እንጂ ማስከተል አይችልበትም !!
ሰነፍ እንዲ ነው ...... ደስታው ያለው ሽሚያ ውስጥ ነው !!

እኔ እና ልቤ ግን ታዝበነዋል !!

✍️✍️ አድኃኖም ምትኩ


#Be_Family
#Share_to_Friends
#Join
#Share_us_ur_short_writing's

♻️ ሼር ያድርጉ ♻️
  @CareArtsss💚
    @CareArtsss💛
      @CareArtsss❤️