3-dekabr – Xalqaro nogironligi boʻlgan shaxslar kuni!

Sana munosabati bilan bojxona organlari tomonidan “Hech kim mehr va eʼtibordan chetda qolmasin” degan ezgu gʻoya ostida turli tadbirlar tashkil etilmoqda.

Toshkent viloyatining Nurafshon shahrida tashkil etilgan “Yurakdan yurakka” nomli inklyuziv koʻrgazmada bojxonachilar faol ishtirok etishdi. Shuningdek, viloyatning Ohangaron shahridagi “Muruvvat” internat uyida vasiylikka olingan shaxslarga turli sovgʻalar topshirildi.

Qarshi shahridagi musiqali drama teatri hamda “Muruvvat” internat uyida boʻlib oʻtgan xayriya tadbirlarida bojxona xodimlari faol qatnashishdi.

Jizzax viloyatining Zomin hamda Sharof Rashidov tumanlaridagi “Muruvvat” internat uyida oʻtkazilgan xayriya tadbirlarida bojxonachilar tarbiyalanuvchilarni sovgʻalar bilan qutlashdi.

Buxoro, Navoiy va Xorazmda xalqaro nogironligi boʻlgan shaxslar kuniga bagʻishlab o'tkazilgan tadbirlar oʻziga xos ruhda oʻtkazildi.

Sirdaryo va Surxondaryo viloyatlaridagi “Muruvvat” ayollar internat uyida oʻtkazilgan xayriya tadbiri jamiyatda inson qadr-qimmati nechogʻlik yuqori ekanligining amaliy ifodasi boʻldi.

“Toshkent-AERO” IBK hamda Toshkent shahar bojxona boshqarmasi xodimlari “Muruvvat” uyi tarbiyalanuvchilari holidan xabar olishib, turli sovgʻalar ulashishdi.

Qoraqalpogʻiston Respublikasining Chimboy tumanidagi “Muruvvat” internat uyida tashkil etilgan madaniy tadbir maskan tarbiyalanuvchilariga xushkayfiyat bagʻishladi.

Samarqand va Namangan viloyatlaridagi “Saxovat” va “Muruvvat” uylarida ham xayriya tadbiri yuqori saviyada tashkil etildi.

Fargʻonadagi bolalar “Muruvvat” internat uyida tashkil etilgan bayram tadbiri turli koʻrgazmali chiqishlar va kuy-qoʻshiqlar bilan yanada qiziqarli oʻtdi.