Устозимиз Қадамбой Шодоновни йўқлаб хонадонига ташриф буюрдик.
Мушоирадан парча...

ЭЪЛОН

ҲУРМАТЛИ ХОРАЗМЛИК ИЖОДКОРЛАР!

Барчангизни эртага – 27 август куни Озарбойжонда чоп этилган “Ташриф” тўплами тақдимоти ҳамда юртимиз мустақиллигининг 34 йиллиги муносабати билан ташкил этилаётган “Ватан учун, миллат учун, халқ учун” шиори остидаги “Истиқлол шеърият кечаси”га таклиф этамиз!

Манзил: Урганч шаҳрида жойлашган Маҳмуд аз Замахшарий номидаги вилоят ахборот-кутубхона маркази

Соат 11:00 да

Ўзбекистон Ёзувчилар уюшмаси Хоразм вилояти бўлими

https://www.group-telegram.com/Yoz_uyushmasi_Xorazm_viloyati

АВГУСТНИНГ СЎНГИ КУНЛАРИДА ЁЗИЛГАН УЧТА ШЕЪР:

1
Биз яна учрашдик август сўнгида,
Кўзлар бир-бирига кетди тўқнашиб.
Мен сени изладим ғамгин шаҳардан
Сен қайга кетгандинг довонлар ошиб?!

Ўксик кўнгиллардан ўсиб чиқди ғам,
Ошиқ— кулгичларга мусибат қўнди.
Мен сени соғиндим Худога қасам,
Мен сенсиз яшашга қандай чидадим?!

Лек, кўнглингда ким бор айтмайсан эркам,
Парво ҳам қилмайсан ишқингда ёнсам.
Тоза уят билан, минг хил ноз билан
"Ўн олтига энди тўлганман"- дейсан!

Хонам деворларин суратинг безар,
Муҳаббат ишқининг азоби қадим.
Исмингни такрорлаб юрак-юракдан
Суратинга қараб қўшиқ куйладим:

"Кўксимга тонглардан бир садо келди,
Кўнглингдан кўнглимга хушнаво келди.
Худойим, тўпори ёлғон умримга
Бир сени севишдек хақиқат берди.
Қушлар хатларимни олиб кетдилар,
Ишқни ўйин санаб нолиб кетдилар.
Кўзингдан тўкилган хар қатра ёшни
Менинг юрагимга солиб кетдилар..."

... Вафо ханжарини юракка санчиб,
Ёзнинг чилласида толаман ўйга.
Сенли кунларимнинг ороми ҳузур,
Сенсиз кунлар мени солар ҳар кўйга...

2
Телба юракларнинг борар йўли ишқ,
Улар кирмоқ истар хар қандай жангга.
Эркам, умрим ўтиб қариганда ҳам
Кўзимдан ўчмагай кўзларинг ранги...

Шеърларим—кўнглимнинг таржимонидир,
Бахт деган йўлчи бор бу йўл сўнгида.
Ўша кун, мен ёзган сен эшитган шеър-
Бизни учраштирган август хақида:

"Мен сени тунлардан қилдим ҳимоя,
Беташвиш тонгларни кутдим сен билан.
Сўнгги кунларингда ёлғиз қолдирмай
Севгимни қўлидан тутдим сен билан.
Мен сени кутаман фасллар аро,
Кексайиб қолмагин, қолмагин ёлғиз.
Дунёда ишқ йўқ деб юрган кезларда
Бизнинг юракларга ишқ экдинг август..!"

3
Момонгни соғиниб шаҳардан қайтдинг,
Кимнидир исмини ёздинг теракка.
Даладан қайтардим...
Пичирлаб айтдинг:
"Мен сизни севаман, шоир, юракдан..."

Кўзимдан марварид тўкилиб кетди,
Икки йил шу сўз-чун яшадим ахир.
Таниш изтироблар, таниш қайғулар,
Сенинг хам қалбингдан ўтиб кетгандир?!

Кўнглимда оташин ёруғ тонг отди,
Севгига чўмилди гўё ер шари.
Эркам, иккимизни қўйди сеҳрлаб
Августнинг романтик тароналари...

Соатлар имиллар. Куз келар тонгда,
Хазонрез тангалар заминга қайтди.
Жоним, иккимизга қилганми насиб
Августни дунёдан кизғониш бахти?!

Отабек Рахим
2025йил, август.

@Otabekshoir |#avgust

***
Ўксик кўнгиллардан ўсиб чиқди ғам,
Ошиқ кулгичларга мусибат қўнди.
Мен сени соғиндим Худога қасам,
Мен сенсиз яшашга қандай чидадим?!

O. R

Hamma komentga
Yoqimli ishtaha o'zimga😁

ҚИШЛОҚ ҲАҚИДА ЎЙЛАР...

Бариси Худодан, бўлар иш бўлди,
Барини яширдим кўнгил қаърига.
Ичимдаги шоир чекинди бесўз
Кузакнинг навқирон шамолларига.

Кўнглимда сарғариб бир қишлоқ қолди,
Боғлари қисиниб тугмади мева.
Кузнинг илк оқшоми. Парфини эслаб,
Мен сени соғиндим, туркона шева.

Даланинг қақраган эгатларидан
Ой сузиб келади — сокин, беозор.
Бешмерган¹ элининг илдизларида —
Ўразбой табибнинг² гиёҳлари бор.

Жимжит "Улли Пир" чорбоғларида,
Тинчлик ҳақда шеърлар ўқийди кимдир.
Ғам либосин кийган масрур юрагим
Ҳали ҳам жимдир...

Кўнглим — хазонларда тўкилган япроқ,
Кўргани ғам унинг, чеккани озор.
Шу осмон остида, кузакка қадар
Ашъорсиз яшаган тонгларим бисёр!

Ҳамон чорлар мени тошбағир шаҳар,
Қишлоқнинг кўнгли ғаш,
Юраги зада.
Ёлғиз, ялангоёқ кезиб юрибди
Менинг дайди руҳим тиканзорларда...

Энди қолмоқ учун бирон сабаб йўқ,
Иқболин кўзласин "тоир"ларини.
Шунча йил шаҳар-чун қилар парвариш
Қишлоқ мендек телба шоирларини!..

Изоҳ:
1.Бешмерган — мен туғилган қишлоқ.
2.Ўразбой табиб — Аллоҳдан берилган истеъдод соҳиби, синиқчи, табиб!

2025 йил, сентябрь
Отабек Раҳим

Тошкентга кетиш арафасидамиз. Яна автобусда, бу гал "Баходир Содиқ" билан😊

"Кўзлардаги дунё" китобига Баходир Содиқнинг —Адабий-бадий мақолалари, мактублари, шеър ва достонлари ўрин олган.

Айниқса мактублари шедевр!

Ўқишни тавсия қиламан!

О.Р

@Otabekshoir

САФАРДАГИ ЎЙЛАР...

Бухоронинг қайноқ чўлидамиз. Автобус жуда секин харакатланяпти, мени эса чуқур ўй босган. Ён-веримга қарасам қимдир газета ўқир, яна кимдир китоб мутолаа қилар, хуллас жамият ва халқ ўқишга қайтгандек. Қойил, ташаккурлар...
Нималар деяпман ўзи, зора шунақа бўлса.Бу истак қачон амалга ошаркан-а?
Ёнимдаги тенгдош дўстим "миллион"ни янгисини кўрар, олдинроқдаги укам тенги йигитча эса, телефонини овозини баланд қилган ҳолда одам ўлдириш билан банд— яни"Counter Strike!"

Шундай лаҳзаларда бир савол юрагимни тешиб юборади:
Мен ким учун юзяпан ўзи?
Шулар учунми..?!
Адабиёт фақат хослар учун, ёзувчи-шоирлар учун керак бўлиб қолдими..?!
Ёнимдаги йигит нима деди биласизми?
Саволни бачканалигига қаранг:
-Қитоб ўқиб бой бўлса бўладими?
-Йўқ
-Унда нимага керак ўқишни?
-(мен эса жимман)
Қитоб фақат қизлар ўқийди деб ўйлагандим.
-...

Хуллас хулоса ўзингиздан. Биз шунақа маънавий қашшоқ авлод бўлиб шаклланяпмиз.Тўғри ҳамма хам унақа эмас. Лекин борда. Шуларни ўйласам юракларим эзилиб кетади. Қачон бартараф етамиз, қачон..?

.. Бугун онам кузатиб қўйди. Албатта кўз ёшлар билан. Отам қозоғистонда, яқинда келади. Синглим ўқишда. Укамни эса— онамни чаққонлиги ва мехнаткашлиги сабаб ишга жойладик. Ҳаммаси ўз жойга тушиб кетяпти, ХУДОГА ШУКР.
Меники эса дарбадар мусофирчилик. Шу йўлни ўзим танлаганман.Чидам, меҳнат, Ота-онамнинг дуоси ва якунда ҳаммасига эришаман!

Онамнинг бугун охирги гапи: "Кўнгил қўйганинг бўлса айт, тўйни бошлаймиз"-бўлди. Бу гап менга ёқди ва лаб учида жилмаяиб қўйдим. Оила қуриш жиддий масала. Бу масалада икки томон ҳам адашишга хаққи йўқ. Кеч бўлса бўлсину, хато бўлмасин!

Кўнгил берганимку хозирча йўқ. Тақдирни ўзи бирлаштиради, ХУДО ХОХЛАСА!

Отабек Раҳим
2025 йил, сентябр.
Бухоро.

@Otabekshoir

Бор экансизларку, нимадир ёзсам шунақа реаксиялар ва фикрларингиз билан муносабат билдириб туринглар. Ёки шеърларимга тушунмайсизларми?
Шеърларим ҳақида нимадир англасангиз ёки хис қилсангиз бемалол тортинмай фикр билдираверинг.

Ушбу пост тагига эса каминанинг ижодидан, сизга манзур келган сатрларни ёзиб қолдиринг. Қайси шеърнинг сатрлари кўп қатнашса шуни ижро қиламан!

Қани бошладиқ...

О.Р

12 сентябрь — ўзбекнинг севикли шоири Шавкат Раҳмон таваллуд топган кун.

Ўлимга бош егдим, қўрққанимданмас,
Ҳурмат қилганимдан бошимни егдим...

Муаллиф: Шавкат РАҲМОН
Ўқиди: Отабек РАҲИМ


О.Р

@Otabekshoir