پەرانتێز parantez

🔳 بۆچی ڕووناکبیران لە سیاسەتمەداران خۆشەویستترن؟

✍#ئارام_کەیخوسرەوی

سیاسەت پانتاییەکی ڕەق و تەقی هەیە. زیاتر لەوەی پانتایی حەزەکانی ئێمە بێت، پانتایی ئیمکانەکانە. لۆژیکی تایبەت بە خۆی هەیە؛ سەرچاوەی ئەم لۆژیکە لە هێز و تواناییەوە دێت. زمانی سیاسەتمەدار و کردە و هەڵوێستەکانی پەیوەندییان بەم هێز و تواناییەوە هەیە. بەم پێیە سیاسەتمەدار ڕووبەرێکی بێسنووری لە بەردەستدا نییە. کردەکانی، وشەکانی و زمانی ئاخاوتنی بە پێی لێکدانەوەی لە هێز و تواناییەکانی هەڵدەبژێرێت.
ئێمە سیاسەتمەدارانمان خۆش ناوێن، چونکە هەمیشە بە دڵی ئێمە قسە ناکەن، ڕەنگە بە دڵی خۆشیان قسە نەکەن.
بەڵام نموونەی ئاوارتەش هەیە. جاری وایە سیاسەتمەدارێک لە فیگۆری کەسایەتییەکی کاریزماتیک سەرهەڵدەدات، گرنگترین تایبەتمەندی کەسایەتی کاریزماتیک ئەوەیە ئەم مەودایە کەم دەکاتەوە. گەورەیی و خۆشەویستنی ئەم کەسایەتییە حەزەکانی ئێمە لە نێو خۆیدا دەتوێنێتەوە. سیاسەتمەدارێکی وا دەتوانێت کەلێنی نێوان حەزەکان و کردەکان، ئاواتەکان و زمانی ئاخاوتن پڕ بکاتەوە. ئەو شکۆیەک بە ئەو پانتاییە دەدات کە خەڵک دەتوانێت زیاتر لێی تێ بگات و هەستی پێ بکات.
ڕووناکبیر لە پانتاییەکی تردایە. ڕووبەرێکی بەرفراوانتر لەبەر دەستیدایە. ئەوەی سیاسەتمەدار ناتوانێت بیڵێت، ڕووناکبیر دەتوانێت باسی بکات. ڕووناکبیرەکان لە سیاسەتمەدارەکان خۆشەویستترن، چونکە زیاتر لە حەز و خولیا و خەونەکانی ئێمە دەدوێن. ڕووناکبیر لە قەڵەمڕەوی بەرتەسکی ئیمکانەکاندا نییە، ئاسۆیەکی بەرفراوانتری هەیە، بۆیە ڕووناکبیر بە پێچەوانەی سیاسەتمەدار دەرفەتیکی زیاتری بۆ هەڵەکردن هەیە. سیاسەتمەدار نابێت هەڵە بکات، ڕەنگە هەڵەی سیاسەتمەدار کارەساتی گەورەی لێ بکەوێتەوە، بەڵام ڕووناکبیر دەتوانێت هەڵە بکات، دەتوانێت پاشگەز ببێتەوە، بەبێ ئەوەی لێکەوتەیەکی کارەساتباری لێ بکەوێتەوە.
ڕووناکبیر دەتوانێت ئاواتەکان بپارێزێت، خەیاڵکردی سیاسی کۆمەڵگەکەی چالاک بکات، و دەتوانێت سنووری ئیمکانەکان بۆ سیاسەتمەدار زیاتر بکات.
ئەم جیاکارییە بۆ بزاڤێکی ڕزگاریخواز ڕەنگە بڕێک ئاڵۆز بێت، بەڵام ئاڵۆزتر لەوە ئەوەیە ڕووناکبیر بە زمانی سیاسەتمەدارەوە قسە بکات. ئەوەی دەبێت سیاسەتمەدارێک بیڵێت (ئەگەر پێویست بێت بیڵێت) لە زاری ڕووناکبیرەوە ببیسترێت. لە دۆخی وادا، ئاواتەکان و یۆتۆپیاکان دەبنە قوربانی واقیعی سەپاو.

لێرەین ↙️
🆔 @parantez_net
➖➖➖➖➖➖➖

👍5❤4👎3👏2

www.group-telegram.com/us/parantez_net.com/1207

5.07K viewsedited  May 6 at 20:51

🔳 بۆچی ڕووناکبیران لە سیاسەتمەداران خۆشەویستترن؟

✍#ئارام_کەیخوسرەوی

سیاسەت پانتاییەکی ڕەق و تەقی هەیە. زیاتر لەوەی پانتایی حەزەکانی ئێمە بێت، پانتایی ئیمکانەکانە. لۆژیکی تایبەت بە خۆی هەیە؛ سەرچاوەی ئەم لۆژیکە لە هێز و تواناییەوە دێت. زمانی سیاسەتمەدار و کردە و هەڵوێستەکانی پەیوەندییان بەم هێز و تواناییەوە هەیە. بەم پێیە سیاسەتمەدار ڕووبەرێکی بێسنووری لە بەردەستدا نییە. کردەکانی، وشەکانی و زمانی ئاخاوتنی بە پێی لێکدانەوەی لە هێز و تواناییەکانی هەڵدەبژێرێت.
ئێمە سیاسەتمەدارانمان خۆش ناوێن، چونکە هەمیشە بە دڵی ئێمە قسە ناکەن، ڕەنگە بە دڵی خۆشیان قسە نەکەن.
بەڵام نموونەی ئاوارتەش هەیە. جاری وایە سیاسەتمەدارێک لە فیگۆری کەسایەتییەکی کاریزماتیک سەرهەڵدەدات، گرنگترین تایبەتمەندی کەسایەتی کاریزماتیک ئەوەیە ئەم مەودایە کەم دەکاتەوە. گەورەیی و خۆشەویستنی ئەم کەسایەتییە حەزەکانی ئێمە لە نێو خۆیدا دەتوێنێتەوە. سیاسەتمەدارێکی وا دەتوانێت کەلێنی نێوان حەزەکان و کردەکان، ئاواتەکان و زمانی ئاخاوتن پڕ بکاتەوە. ئەو شکۆیەک بە ئەو پانتاییە دەدات کە خەڵک دەتوانێت زیاتر لێی تێ بگات و هەستی پێ بکات.
ڕووناکبیر لە پانتاییەکی تردایە. ڕووبەرێکی بەرفراوانتر لەبەر دەستیدایە. ئەوەی سیاسەتمەدار ناتوانێت بیڵێت، ڕووناکبیر دەتوانێت باسی بکات. ڕووناکبیرەکان لە سیاسەتمەدارەکان خۆشەویستترن، چونکە زیاتر لە حەز و خولیا و خەونەکانی ئێمە دەدوێن. ڕووناکبیر لە قەڵەمڕەوی بەرتەسکی ئیمکانەکاندا نییە، ئاسۆیەکی بەرفراوانتری هەیە، بۆیە ڕووناکبیر بە پێچەوانەی سیاسەتمەدار دەرفەتیکی زیاتری بۆ هەڵەکردن هەیە. سیاسەتمەدار نابێت هەڵە بکات، ڕەنگە هەڵەی سیاسەتمەدار کارەساتی گەورەی لێ بکەوێتەوە، بەڵام ڕووناکبیر دەتوانێت هەڵە بکات، دەتوانێت پاشگەز ببێتەوە، بەبێ ئەوەی لێکەوتەیەکی کارەساتباری لێ بکەوێتەوە.
ڕووناکبیر دەتوانێت ئاواتەکان بپارێزێت، خەیاڵکردی سیاسی کۆمەڵگەکەی چالاک بکات، و دەتوانێت سنووری ئیمکانەکان بۆ سیاسەتمەدار زیاتر بکات.
ئەم جیاکارییە بۆ بزاڤێکی ڕزگاریخواز ڕەنگە بڕێک ئاڵۆز بێت، بەڵام ئاڵۆزتر لەوە ئەوەیە ڕووناکبیر بە زمانی سیاسەتمەدارەوە قسە بکات. ئەوەی دەبێت سیاسەتمەدارێک بیڵێت (ئەگەر پێویست بێت بیڵێت) لە زاری ڕووناکبیرەوە ببیسترێت. لە دۆخی وادا، ئاواتەکان و یۆتۆپیاکان دەبنە قوربانی واقیعی سەپاو.

لێرەین ↙️
🆔 @parantez_net
➖➖➖➖➖➖➖

BY پەرانتێز parantez