«Еще молимся о Президенте страны нашея Российския Владимире Владимировиче, о еже подати ему с небесе, к правлению и правосудию, силу и премудрость, добре страною нашею правити, мир и благоустроение в ней насаждати, рцем вси: Господи услыши и помилуй.

Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Призри, Человеколюбче, милостивым Твоим оком на рабы Твоя, в предстоящей встрече на Аляске участвующия, и услышав моления всех нас, благое намерение и дело их благослови, и благополучно начати без всякаго препятствия во славу Твою и Богохранимого Отечества нашего совершити, яко всесильному Царю молимтися, услыши и помилуй.

Ангела Твоего хранителя пристави делу сему, Господи, и вся препятствия видимых и невидимых врагов разрушити, помощь же во всем ко благополучному совершению дела сего сотворити, молимтися, преблагий Спасе, услыши и помилуй.

Во славу Твою вся творити повелевый Господи и всем в предстоящей встрече участвующим и дело сие начинающим, благословением Твоим благополучное поспешество с довольством к совершению подаждь, здравие им с благоденствием даруя, молим Ти ся Вседаровитый Творче, услыши и помилуй.

Господи Иисусе Христе, Боже наш, вера объемлет сердца наши, и души наши смиренно открыты пред Тобою. Прилежно молим Тя, ибо Ты рекл еси: яко без Мене не можете творите ничесоже, даруй благодатную силу Твою и укрепи Президента страны нашея Российския Владимира Владимировича и в предстоящей встрече участвующих. Пристави людям сим Ангела Хранителя, сохраняющего их от всякого злаго обстояния видимых и невидимых врагов. Укрепи и вразуми их во всех предстоящих трудах и начинаниях: вся бо елика хощеши яко Сильный Бог творити можеши. Да послужит встреча сия к созиданию мира во всем мире и прекращению междоусобныя брани. Укрепи в сердцах наших веру в помощь Твою на всякое дело благое. Буди Господи милость Твоя на нас, якоже уповахом на Тя. Ты бо еси Бог наш, Бог Милующий и спасающий и Тебе славу возсылаем, ныне и присно и во веки веков».

О, преди́вный уго́дниче Бо́жий, преподо́бне о́тче наш Ге́рмане, ты по́двигом до́брым подвиза́лся еси́ во стране́ сей, среди́ суро́выя приро́ды, яви́л еси́ себе́ в ма́лом ве́рно во служе́нии твое́м Бо́гу, по глаго́лу Его́: о ма́лем был еси́ ве́рен, над мно́гими поста́влю тя.

И ны́не, егда́ испо́лнися сло́во сие́ Госпо́дне на тебе́, поста́ви тя Госпо́дь над все́ю Це́рковию Америка́нскою, я́ко Небе́снаго покрови́теля, все мы взыва́ем ти те́плою моли́твою: моли́ся за Це́рковь на́шу Святу́ю, да сохрани́т ю́ Госпо́дь в чистоте́ и Правосла́вии, да яви́т ю́ украше́ние страны́ на́шея, да огради́т ю́ от те́мных сил вра́жиих, да изжене́т супоста́ты и да да́рует всем чистоту́ ве́ры и благоче́стие. Всем же нам испроси́ ду́ха ми́ра и любве́, ду́ха кро́тости и смире́ния, горды́ни отгна́ние, от самопревозноше́ния огражде́ние, боля́щим по́мощь и исцеле́ние, скорбя́щим утеше́ние, а́лчущим пра́вды духо́вныя пи́щу Небе́сную. Да, улучи́вше жела́емая, обря́щем пра́ведное воздая́ние в день Стра́шнаго суда́ и со все́ми святы́ми воспое́м и просла́вим Живонача́льную Тро́ицу, Отца́ Непостижи́маго, И́стиннаго и Единоро́днаго Сы́на и Свята́го Уте́шителя Ду́ха, во ве́ки. Ами́нь.