group-telegram.com/paylway/5538
Last Update:
📖 ته‌شکوو شێعرێ هورامیێ جه دوێ ویه‌رێ زه‌مانیێنه و هه‌وڵ په‌ی یاوای به قه‌ڵه‌مڕه‌وێته‌رێ
📝 عادڵ محەمەدپوور
شێعره‌ی کلاسیکیه‌ی هورامیه، سامانێوی نه‌فسیای ڕۆشنویری هه‌ورامانین و ویه‌ردێوه تاریخی(گۆران) چوارده سه‌دٚه‌ش بیه‌ن و پۆلێوه تایبه‌تمه‌ندیێ ئه‌ده‌بی، زوانی و فکریێش چنه پێویا که ئه‌شۆ زانستی و شێوازشناسانه پێسه‌و وێش و دوور جه چه‌شکه‌و* ده‌سه‌ڵاتی و به‌رژه‌وه‌ندی تاکی بونیۆوه [1] .
فه‌لسه‌فه‌و زەریف شناسی ئی ڕه‌وته شێعرێ زاده‌و ئێلهامێوه وێڕسک و گرێدای «عه‌شق، هه‌ست، خه‌یاڵ و واقێعیه‌ت»ی بیه‌ن و پی بۆنه‌وه ده‌قێ زه‌به‌ننێ و کامڵێ جه ته‌ماموو قۆناغه‌کانه پێویا و بڕێوه‌یچشا چنی ده‌قه به‌رزه‌کا ده‌ور و به‌ری، وه‌رانوه‌ری بۆتیقایی که‌را.
وه‌روو ئانه‌یه نیشانه ده‌یمێ که ئی ڕه‌وه‌نده نه‌فسیان و کاراته‌ر کریانه‌وه و پێسه‌و په‌نه‌وازێوی سه‌رده‌می هه‌ست به نرخ شناسی په‌ی وێوانایه‌و و وێ ده‌وامیش کریۆ. ئادٚیچ ئانه‌نه که چنی تازه‌گه‌ری هامشان کریا و چی به‌ریانه‌وه شلگێرانه‌ته‌ر هه‌وڵێ دریا په‌ی وێناو حوزووروو ده‌قه ئه‌کتیڤه‌کاش.
واتما که زوان، ئه‌ده‌بیات و ڕۆشنویری هورامانی، ساحێبوو پۆلێوه* خسڵه‌تێ تایبه به وێشا که ته‌نیا ئه‌شۆ به که‌وچه‌و* وێش شێوازشناسی، ڕوخسارشناسی، به‌هره شناسی و خه‌سارشناسی کریۆ. ئاخێزگا، ته‌رزه‌و سه‌رهۆردای، ویه‌ری* تاریخی، چه‌شنه‌و مامه‌ڵه چنی ده‌سه‌ڵاتی، ڕازوان، ده‌نگ شناسی، واچه‌شناسی، ماناشناسی، ساختار و دلێنه و... جیاوازیش هه‌ن. ڕه‌وشی درۆس جه زوان شناسی ئینه‌نه که هه‌ر زوانێ سه‌روو قابیلیه‌ته‌کاو وێش وه‌ره‌چه‌م گیریۆ، نه‌ک سه‌روو به‌راورد چنی زوانه‌کاته‌ری[2] ئه‌گه‌رچی ئه‌ده‌بی به‌راوردی وێش باسانێوه‌ته‌رێ مارۆنه دلێ ئی ساباتێ که یاگێ سه‌رنجێنێ و درێژه‌و کارکه‌رده ئه‌ده‌بیه‌کان. ئی قابیلیه‌ته تاکیێچه، په‌ی بنه‌ماو ڕێژه‌یی(اصل نسبیت در زبان)[3] و ڕه‌وه‌ندوو تاریخی زوانه‌کا هۆرگێڵۆوه که چنی بنجه‌شا بیناینه و چنی ڕسکیاینە و یاواینە په‌نه و مه‌بۆ جه به‌راورد‌نه به‌رز و نزم کریا، چوون هه‌ر زوانێوه ساحێبوو ته‌شکه‌و وێشا...
✔️ سەرچەمە: کتێبوو چەکەریای حەزێ تازێ و...، ئەوین، 1396
https://peyliway.blogfa.com/post/304/%d8%aa%d9%87%e2%80%8c%d8%b4%da%a9%d9%87%e2%80%8c%d9%88-%d8%b4%db%8e%d8%b9%d8%b1%db%8e-%d8%ac%d9%87%e2%80%8c-%d8%af%d9%88%db%8e-%d9%88%db%8c%d9%87%e2%80%8c%d8%b1%db%8e-%d8%b2%d9%87%e2%80%8c%d9%85%d8%a7%d9%86%db%8c%db%8e%d9%86%d9%87%e2%80%8c-%d9%88-%d9%87%d9%87%e2%80%8c%d9%88%da%b5-%d9%be%d9%87%e2%80%8c%db%8c-%db%8c%d8%a7%d9%88%d8%a7%db%8c-%d8%a8%d9%87%e2%80%8c-%d9%82%d9%87%e2%80%8c%da%b5%d9%87%e2%80%8c%d9%85%da%95%d9%87%e2%80%8c%d9%88%db%8e%d8%aa%d9%87%e2%80%8c%d8%b1%db%8e
✨✨
https://www.group-telegram.com/us/paylway.com
BY پەیلوای(دیدگاههای عادل محمدپور)
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/paylway/5538