group-telegram.com/perzent_psixologiyasi/104
Last Update:
❓Бала үлкенлер сөйлескенде қосылып сөйлегенде не қылыў керек?
Перзентлер ата-анасы, яки үйиндеги үлкенлер өз-ара сөйлесип атырғанда қосылып сөйлеў, сораў бериў сыяқлы жағдай көпшиликке таныс шығар.
Бундай жағдайларда көпшилигимиз ашыў менен “аўзыңды жумып тур”, “қосылып сөйлеме”, “тоқтап тур, сөйлесип атырмыз” деп балаға бақырамыз.
Бул жағдайда баланың ишинен нелер өтеди?
Бала үлкенлерге қосылып сөйлеп атырған болса, демек ол өзиниң бар екенлигин көрсетпекши болады, ол да үлкенлер менен сөйлесиўге, пикирин айтыўға, сораў бериўге мүтәжлиги бар екенлигин билдиргиси келеди.
Көбинесе буның себеби ата-ананың балалары менен жетерли дәрежеде сөйлеспей атырғанында болады.
Балалар ишеди, жейди, ойнайды, уйқлайды, телефон яки компьютер көреди - болды сөйтип өсебереди деп ойлайды айырым ата-аналар.
Бирақ балалар да басқа үлкенлер сыяқлы сөйлесиўге, оны басқалар тыңлаўына мүтәжлик сезеди. Жәмийетке араласыў мине соннан басланады.
Сонлықтан, ата-аналарға кеңесимиз - балаңыз сөйлегенде, сораў бергенде итибарыңызды аямаң, дыққат пенен тыңлап сораўына толық жуўап бериң, ислеген жумысын көрсетип атырған болса - мақтаң!
Балаңыз сөйлеп, пикирлеп атырған болса, шүкирлик етип қәдирине жетиң, айырым ата-аналар баласының бир сөз айытыўын жыллап күтип жүр!✨Перзентиңиз тәрбиясы ушын керекли каналға ағза болың: @perzent_psixologiyasi
BY Бала психологиясы
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/perzent_psixologiyasi/104