group-telegram.com/perzent_psixologiyasi/93
Last Update:
❓Бала не ушын ата-анасының айтқанын қылмайды?
Неге бала айтқанды қылмайды? Бул жағдайды келтирип шығарыўшы ең көп ушырасатуғын 5 себеп ҳаққында тоқталып өтемиз.
1. Сиз сораған нәрсени ислеўди қәлемейди. Бала да басқа үлкен адамлар сыяқлы сезимлерге, пикирлерге, мүтәжликлерге, қәлеўлерге ийе. Ол робот ҳәм солдат емес ҳәр дайым сизиң айтқаныңызды қылаберетуғын. Қәлемейди – болғаны. Буның оған қызық емес, зериктиретуғын, түсинбейтуғын, еринип кететуғын яки басқа себеплери болыўы мүмкин.
2. Сораған нәрсеге емес ал гәпиңиздиң тонына қарсылық көрсетеди. Арасында биз өзимиз сезбеген ҳалда балаларымыздан буйрық ҳәм «яқ» деген жуўапты қабыл етпейтуғын тонында бир нәрсени ислеўди сораймыз. Олар буған жуўап ретинде протест билдирип, өзлерин бундай қатнасықтан қорағайды.
3. Балаңыз бенен араңызда жыллылық ҳәм түсинисиў сезимлери жетиспейди. Егер араңызда жақсы эмоционаллық қатнасық болса, бала айтқанларыңызды булжытпай ислейди, ҳәттеки өзине унамаса да. Алдын жақсы қатнасық кейин айтқанды ислеў.
4. Баланың тапсырманы еле сиз күткендей етип орынлаўға ҳәм нәтийжени көрсетиўге уқыбы жоқ. Баланың еле айырым көнликпелери ҳәм билими жеткиликли болмағаны ушын оған тапсырманы түсиниў, оны орынлаў қыйын болыўы, сизиң күткениңиз еле реал жағдай менен сәйкес келмеўи мүмкин.
5. Бала не қәлесе сол болыўына үйренген. Ата-анаға балаға үйретиўге, қызықтырыўға тәжирийбе, төзим, қатаң пикир ҳәм избе излик жетиспейди.✨Перзентиңиз тәрбиясы ушын керекли каналға ағза болың
