🇺🇿 21 октябрь — Ўзбек тилига давлат тили мақоми берилган кун!

🗓 1989 йил 21 октябрь куни қабул қилинган “Давлат тили тўғрисида”ги Қонун халқимиз маънавий уйғониши ва миллий ўзлигини англаш йўлидаги буюк тарихий қадам бўлди.

Она тили — миллатнинг юраги, ифтихори ва тафаккури. Унинг қадрини билиш, нуфузини ошириш — ҳар биримиз учун муқаддас бурчдир.

🎓 Шунингдек, тил байрами арафасида яна бир қувончли янгилик: дунёнинг энг нуфузли таълим масканларидан бири — Оксфорд университетидаги “Осиё ва Яқин Шарқ тадқиқотлари” факультетида эндиликда ўзбек ва эски ўзбек тиллари ўқитилади!

Бу — нафақат тил байрамимизга муносиб совға, балки она тилимизнинг жаҳон илмий майдонида эътироф этилаётганининг ёрқин далилидир.
Дунёда илм ва маданият ўчоғи бўлган Оксфордда ўзбек тили ўрганилиши — халқимизнинг бой тарихига, маданиятига ва тилига бўлган халқаро қизиқиш ортиб бораётганидан далолат.

Бугунги кунда ўзбек тилини нуфузини янада ошириш учун ва мамлакатимизда тил сиёсатини такомиллаштириш учун юртбошимиз бошчиликларида улкан ҳаракатлар амалга оширилмоқда. Хусусан, Ўзбекистон Республикаси Президентининг 2020 йил 20 октябрдаги “Мамлакатизда ўзбек тилини янада ривожлантириш ва тил сиёсатини такомиллаштириш тўғрисида”ги ПФ–6084-сон Фармони қабул қилинди ва ушбу Фармонда ўзбек тилини нуфузини оширишга қаратилган дастурлар белгиланган бўлиб, унда 2020 — 2030 йилларда Ўзбек тилини ривожлантириш ва тил сиёсатини такомиллаштириш концепцияси тасдиқланди.

❗️Шу ўринда таъкидлаш жоизки, давлат тилига бўлган эътибор қонун ижодкорлиги жараёнига ҳам ўзининг ижобий таъсирини кўрсатди.
Авваллари норматив-ҳуқуқий ҳужжатлар аввал рус тилида ёзилиб, сўнг давлат тилига таржима қилинган бўлса, эндиликда Қонунчилик палатасига тақдим этилаётган қонунлар тўғридан-тўғри давлат тилида киритилмоқда. Бу — давлат тилининг ҳаётимиздаги ўрни мустаҳкамланаётганининг ёрқин далилидир.

🎉 Фурсатдан фойдаланиб барча юртдошларимизни Ўзбек тилига давлат тили мақоми берилган кун билан чин дилдан табриклайман!
Она тилимиз дунё минбарларида янграйверсин, нуфузи ортиб, абадий яшасин!

🤔Бугун, 21 октябрь — Ўзбек тили байрами куни.

Ўзбекистон Республикаси Конституциясининг 4-моддасида белгиланганидек, давлат тили — ўзбек тили ҳисобланади. Мазкур норма фақатгина ҳуқуқий қоида бўлибгина қолмай, балки мамлакат суверенитети ва миллий бирлик рамзи сифатида аҳамият касб этади.

🇺🇿 Ўзбек тили байрами куни муносабати билан Қонунчилик палатаси депутатлари ўз муносабатларини билдирибди:

🟡 Мавлудахон Хўжаева:

Тил — миллатнинг руҳи, давлатнинг асосий устуни, халқнинг тафаккури ва маънавияти ифодасидир. У ҳар бир халқнинг тарихий хотираси, маданияти ва анъаналарини ўзида мужассам этган муқаддас бойлик ҳисобланади. Шу маънода, ҳар бир миллат ўз тилига эъзоз билан қараши, уни асраб-авайлаши, авлоддан авлодга етказиши шарт ва зарур. Чунки тил йўқолса — миллат йўқолади, миллат йўқолса — давлат таназзулга учрайди.

🟡 Бобур Бекмуродов:

Бугун миллатимиз овози - Ўзбек тилимиз байрами!
Ўзбек тили - халқимизни бирлаштирувчи кучдир.
У қадриятларимиз ташувчиси, миллий тараққиётимизнинг энг муҳим шартидир!
Байрамимиз муборак бўлсин!

🟡 Абдуманноп Бўриев:

Она тили — миллатнинг юраги, ифтихори ва тафаккури. Унинг қадрини билиш, нуфузини ошириш — ҳар биримиз учун муқаддас бурчдир.
Шунингдек, тил байрами арафасида яна бир қувончли янгилик: дунёнинг энг нуфузли таълим масканларидан бири — Оксфорд университетидаги “Осиё ва Яқин Шарқ тадқиқотлари” факультетида эндиликда ўзбек ва эски ўзбек тиллари ўқитилади!

🟡 Зебинисо Рахманова:

Ўзбек тили — бизни бирлаштирадиган, тарихимизни эслатадиган ва келажакка ишонч билан қарашга чорлайдиган муқаддас тимсолдир. Она тилини ардоқлаш — бу Ватанни севиш, миллий ғурурни асраш демакдир.
Келинг, барчамиз ўз она тилимизни севиб, унинг нуфузини янада юксалтиришга ҳисса қўшайлик!

🟡Юлдузой Мамадиёрова:

Тил - бирлик ва тараққиёт тимсоли -- Бугунги кунда ўзбек тили нафақат алоқа воситаси, балки миллатни бирлаштирувчи маънавий куч, тараққиёт омилига айланди. Ҳар бир фуқаро, айниқса ёш авлод, ўз она тилини севиб, қадрлаб, уни ривожлантиришга масъул эканини англамоғи лозим. Ўзбек тили бизнинг миллий ғуруримиз, ўзлигимиз ва истиқлолимиз рамзидир. Тилга эътибор — элга эътибор, деганларидек, ҳар биримиз бу буюк неъматни асраб-авайлаб, уни янада бойитиш ва дунёга танитиш йўлида хизмат қилишимиз зарур.

✅ Kun mavzusi

🖥 Никоҳ шартномаси — ишончсизлик эмас, масъулият мезони

💬 Сўнгги пайтларда никоҳ шартномаси тузиш ҳақида ижтимоий тармоқларда жуда кўп баҳслар кузатилмоқда. Айримлар буни қадриятларимизга зид деб ҳисобласа, бошқалар уни замонавий оила муносабатларини мустаҳкамловчи ҳуқуқий механизм сифатида кўради.

🖥 Аслида никоҳ шартномаси — ишончсизлик эмас, масъулиятни аниқ белгилаш воситаси.

⚖️ Никоҳ шартномаси ўзи нима?

Никоҳ шартномаси — эр-хотиннинг мулкий ҳуқуқ ва мажбуриятларини тартибга солувчи ҳуқуқий ҳужжат. У никоҳ тузилишидан олдин ёки кейин ҳам тузилиши мумкин. Бу — ажрим пайтида можароларнинг олдини олиш ва ҳар икки томоннинг ҳуқуқий ҳимоясини таъминлашга хизмат қилади.

🌍 Хориж тажрибаси
Ривожланган давлатларда никоҳ шартномаси оддий ҳуқуқий амалиёт ҳисобланади.
✅Франция, Германия, Канада, АҚШ, Япония, Грузия, Туркия, Корея каби мамлакатларда никоҳ шартномаси кенг қўлланилади.
Айниқса суд амалиётида унинг аҳамияти катта.

❗️Шундай экан, бу амалиёт “ғарбча анъана” эмас, балки ҳуқуқий аниқликни таъминлайдиган инсон ҳуқуқини ҳимоя қилиш воситасидир.

💔 Миллий статистика қўмитаси маълумотларига кўра, жорий йил 1 октябрь ҳолатида қарийб 177 мингта никоҳ қайд этилган бўлса, 35,4 мингта никоҳ бекор қилинган. Бу эса ҳар бешта янги никоҳдан бири ажрим билан тугаётганини кўрсатади. 32 мингга яқин оила ажрашган, 16 минг ота-она алимент тўламай юрибди. Айрим ҳолларда эса фарзандлар моддий таъминотсиз қолмоқда.

Бу рақамлар бир нарсани англатади: мустаҳкам оила фақат муҳаббат эмас, ҳуқуқий ҳимоя орқали ҳам барпо этилади.

⚠️ Салбий жиҳатлар ҳам бор
Никоҳ шартномасининг шартлари эркин тузилади. Шу боис баъзи ҳолларда нотенг шартлар белгиланиши мумкин: масалан, ажрим пайтида мулкнинг 90% эркакка, 10% аёлга тегиши каби ҳолатлар. Шунинг учун шартнома тузишда адолат, тенглик ва ҳар икки томоннинг манфаатини инобатга олиш муҳим.

👶 Фарзандлар манфаати ҳам инобатга олиниши керак
Амалдаги қонунчиликда никоҳ шартномаси асосан мулкий муносабатларга тааллуқли бўлса-да, шартномада болалар манфаати ҳам назарда тутилиши лозим деб ҳисоблайман.
Масалан, ажримдан сўнг фарзандлар учун уй-жой ёки мулкдан улуш ажратилиши шартномада акс этса, бу адолатли ва инсонпарвар ёндашув бўлади деб ўйлайман.

https://www.group-telegram.com/abdumannop_buriyev.com

🇺🇿🤝🇪🇺 Ўзбекистон ва Европа Иттифоқи ҳамкорлиги — янги стратегик босқичда

🇧🇪 Брюсселда давлатимиз раҳбари Шавкат Мирзиёевнинг Европа кенгаши Президенти Антониу Кошта ва Европа комиссияси Президенти Урсула фон дер Ляйен билан учрашуви бўлиб ўтди.
Учрашувда имзоланган Кенгайтирилган шериклик ва ҳамкорлик тўғрисидаги тарихий битим икки томонлама муносабатларни янги даражага кўтарди.

🖥 Битим нафақат ҳамкорликнинг ҳуқуқий асосларни мустаҳкамлайди, балки:
✅савдо, инвестициялар, энергетика, транспорт ва фан соҳаларидаги ҳамкорликни янада кенгайтиради;
✅инновация ва юқори технологиялар бўйича янги лойиҳаларга йўл очади;
✅маданий ва гуманитар алоқаларни ривожлантиришга туртки беради.

💬 Ташриф доирасида Ўзбекистон делегацияси Европа Иттифоқининг “Глобал дарвоза” форумида иштирок этди, шунингдек иқтисодиёт, савдо ва инвестициялар бўйича қўшма қўмита йиғилишларини ҳам самарали ўтказди.

🌐 Шунингдек, кеча ўтган қўшма бизнес форуми, бугун эса Европанинг етакчи компаниялари ва молиявий институтлари билан учрашув натижасида:

🤝 Энергетика, кимё, муҳим минераллар, логистика, тўқимачилик ва фармацевтика соҳаларида умумий қиймати 10 миллиард евродан зиёд бўлган янги лойиҳалар бўйича келишувларга эришилди. Бундай ҳамкорлик Ўзбекистон иқтисодиётига янги технологиялар, инвестициялар ва иш ўринларини олиб киришга хизмат қилади.

⚠️ Шу ўринда таькидлаш керакки, Ўзбекистон доимо кўп векторли ва прагматик ташқи сиёсатни амалга оширади.
Мамлакатимиз бирор давлат билан ҳаддан ташқари яқинлашмасдан, миллий ва халқ манфаатларини устувор қўйган ҳолда Европа, Осиё ва бошқа минтақалар билан барқарор ҳамкорликни ривожлантирмоқда.

🌍 Европа Иттифоқи билан муносабатларнинг стратегик даражага кўтарилиши — бу Ўзбекистоннинг мустақил, очиқ ва мувозанатли ташқи сиёсатининг амалий натижасидир.
Энг муҳими, ҳар бир ташаббуснинг марказида — давлат манфаати ва халқ фаровонлиги турибди.

Катталар мактабда ўқимаганми?..

🔼Ўзбекистон Экологик партияси фракцияси раиси Абдушукур Хамзаев мактаб ўқувчилари ва бошқа бир гуруҳ фаолларга кўчатни тўғри экиш қоидаларини ўргатаётган видео тарқалди.
Ҳазил аралаш айтилган гапларида чуқур маъно бордай назаримда.

🪚🪓Куни кеча Бобур кўчасидаги арчалар кесилди. Тошкент шаҳар ҳокимлиги “улар касалланган” деди. Бироқ, шаҳар ҳокимлиги масъулларининг ҳаракатлари бир неча саволларни юзага келтирмоқда:
— Нега касалланган дарахтлар белгиланган тартибда кўчирилмади ёки кесилмади?
— Нега жамоатчилик бу ҳақида олдиндан хабардор қилинмади?
— Нега дарахтлар тунги вақтда яширинча кесилди?

Натижада жамоатчиликнинг ҳақли норозилиги юзага келди. Эндиликда қонунбузилиши ҳолатларига йўл қўйган масъуллар қонун олдида жавоб беради.

А. Хамзаев айтганидек, балки айрим мансабдорлар ҳақиқатдан ҳам мактабда Табиатшунослик ва Давлат ва ҳуқуқ асослари фанини яхши ўзлаштирмаган бўлса керак…

Тошкент вилояти пахтакорларидан катта зафар!

🎉 Тошкент вилояти деҳқонларини 198,8 минг тонналик улкан пахта хирмони билан қутлаймиз!

🗓 27 октябрь ҳолатига кўра, қабул пунктларига етказиб берилган пахта хомашёси 198,8 минг тоннани ташкил этиб, режага нисбатан 100,4 фоиз бажарилди.

Манфаатдорлик, меҳнатга янгича муносабат ва илмий ёндашувлар туфайли пахтакор деҳқонларимизнинг меҳнати баракага айланмоқда.

Бу йил вилоятимизда:
✅ўртача ҳосилдорлик 44 центнердан ошди,
✅ҳосилнинг 65 фоизи машинада терилди,
✅терилган пахта асосан юқори навли саноат хомашёсидан иборат бўлди.

Бу ютуқ — пахтакор деҳқонлар, сувчилар, механизаторлар, таъминотчилар, олимлар ва соҳада меҳнат қилаётган барча инсонлар саъй-ҳаракатининг самарасидир.
Бугунги зафар билан барчангизни чин дилдан табриклаймиз!