group-telegram.com/A_Xamzayev/2836
Create:
Last Update:
Last Update:
#Deputat_hududda
Organik mahsulot, global eksport
Joriy yilgi davlat dasturida belgilangan vazifalar, qabul qilingan qonunlar ijrosi hamda islohotlarning bajarilishini oʻrganish maqsadida Qoraqalpogʻiston Respublikasida boʻlib turgan O‘zbekiston Ekologik partiyasi fraksiyasi rahbari Abdushukur Xamzayev "Yoshlar kuni"da Prezidentimiz tomonidan faoliyati yuqori baholangan, partiyamizdan Qoraqalpog‘iston Respublikasi Jo‘qorg‘i Kengesiga saylangan deputat Sherzad Niyazimbetov rahbarlik qilayotgan “Biogomus” fermer xo‘jaligi bilan yaqindan tanishdi.
Ushbu fermer xo‘jaligi yiliga 150 tonna quritilgan pomidor mahsulotini ishlab chiqarib, xorijiy davlatlarga eksport qilmoqda. 10 yildan buyon faoliyat yuritib kelayotgan “Biogomus” bugungi kunga kelib, Markaziy Osiyodagi quritilgan pomidor ishlab chiqarishga ixtisoslashgan eng yirik xo‘jaliklardan biri sifatida e’tirof etilmoqda.
A.Xamzayev xo‘jalikning ishlab chiqarish jarayonlari, eksport salohiyati hamda kelgusi rejalari bilan tanishib, O‘zbekiston Ekologik partiyasi mana shunday ekologik toza va organik mahsulotlar ishlab chiqarishga yo‘naltirilgan tashabbuslarni to‘laqonli qo‘llab-quvvatlashini alohida ta’kidladi va xoʻjalik ishlariga muvaffaqiyatlar tiladi.
