السلام عليكم ورحمة الله وبركاته
صباح الخير يا شباب

كانَ رسولُ اللهِ ﷺ يعلِّمُ أصحابَهُ يقولُ: "إذا أصبحَ أحدُكم فليقل: اللَّهمَّ بِكَ أصبحنا، وبِكَ أمسينا، وبِكَ نحيا، وبِكَ نموتُ، وإليْكَ المصيرُ. وإذا أمسى فليقل: اللَّهمَّ بِكَ أمسينا، وبِكَ أصبحنا، وبِكَ نحيا، وبِكَ نموتُ، وإليْكَ النُّشورُ."

فحافظوا على أذكار الصباح والمساء
وإوعوا الحياة المادية السريعة تنسيكم زاد قلوبكم، وحصونكم اللي بتحميكم من حاجات كتير بفضل الله.

اللهم أعنَّا على ذكرك وشكرك وحُسن عبادتك.

www.group-telegram.com/moh_elghaleez.com

يقول الإمام السعدي رحمه الله في تفسيره لقول الله تعالى: {وَكُلُّهُمْ آتِيهِ يَوْمَ الْقِيَامَةِ فَرْدًا}..
أي: لا أولاد، ولا مال، ولا أنصار، ليس معه إلا عمله، فيجازيه الله ويوفيه حسابه، إن خيرًا فخير، وإن شرًا فشر، كما قال تعالى: {وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ...}.

تعرف إن أخلاقك هي أكتر حاجة بتعرّف الناس عليك؟
لأن أثرك الحقيقي اللي بيدوم عند أي حد يتعامل معاك هو أخلاقك وعشان كدا مهم جدًا تدوّر في صُحبتك عن #صاحب_الأخلاق_الحسنة لأنك هتلاقي نفسك دايمًا بتكبر وأخلاقك بتتحسن معاه.

فالصاحب اللي بيحافظ على أخلاقه هو اللي بيقتدي برسولنا الكريم ﷺ واللي وصفه ربنا سبحانه وتعالى قائلًا: ”وَإِنَّكَ لَعَلَىٰ خُلُقٍ عَظِيمٍ“.

وعشان كدا أحب الناس وأقربهم من الرسول ﷺ يوم القيامة هما أحسن الناس أخلاقًا..
قال رسول الله ﷺ: ”إن من أحبكم إليَّ وأقربكم مني مجلسًا يوم القيامة أحاسنكم أخلاقًا.“

فالتربية الصح وحُسن الخُلق مش موضة وبتخلص!
دي هي اللي هتقرب مجلسك من الرسول ﷺ بإذن الله..

فلو طمعان فعلًا في المكانة دي، خليك صاحب خُلق حسن واختار أصحاب الأخلاق الحسنة لصُحبتك.

صاحب اللي لسانه نضيف ومش بيشتم ولا يسب حتى لو بهزار، ومش بيكذب ولا بيغش، واللي دايمًا متواضع وكريم ومتعاون، واللي عفيف النفس ومحسن، وغيرهم من الصفات الطيبة.

الصاحب دا بيتصف بخُلق الإسلام فرسولنا الكريم ﷺ قال: ”إنما بُعثت لأتمم مكارم الأخلاق.“

ولأن حُسن الخُلق هو جوهر الدين، ومفتاح محبة الناس، وسبب النجاح في الدنيا والآخرة..
والأهم إنه الطريق لرضا ربنا سبحانه وتعالى، ومحبته ومحبة رسوله ﷺ..
فلو أحسنت خُلقك وأحسنت اختيار خُلق أصحابك؛ هتفوزوا بصُحبتكم في الدنيا وبصحبة رسول الله ﷺ في الآخرة، وهو ده الفوز الحقيقي.

فإوعى تتهاون أبدًا في صفة حُسن الخُلق وانت بتختار صاحبك.

#صاحب_صح ✅
#صاحب_الأخلاق_الحسنة

www.group-telegram.com/moh_elghaleez.com

هل ترضى ده لأختك أو بنتك أو زوجتك؟🤔

#عالسكة
#محمد_الغليظ

السلام عليكم ورحمة الله وبركاته
صباح الخير يا شباب

قال رسول الله ﷺ: "ثَلَاثٌ مَن كُنَّ فيه وجَدَ حَلَاوَةَ الإيمَانِ: أنْ يَكونَ اللَّهُ ورَسولُهُ أحَبَّ إلَيْهِ ممَّا سِوَاهُمَا، وأَنْ يُحِبَّ المَرْءَ لا يُحِبُّهُ إلَّا لِلَّهِ، وأَنْ يَكْرَهَ أنْ يَعُودَ في الكُفْرِ كما يَكْرَهُ أنْ يُقْذَفَ في النَّارِ."

فالإيمان له حلاوة يذوقها قلبك، كما يذوق لسانك حلاوة الطعام..

طب توصلها إزاي؟
بإنك تحرص على ال 3 خصال اللي في الحديث.

فجـاهد نفسك عشان تقدر تحققهم، واستعن بالله ولا تعجز.

www.group-telegram.com/moh_elghaleez.com

كلمة للبنات..
راجعي نفسك كدا وشوفي حجابك يرضي الله عز وجل ولا لأ..

طرحتك مغطية شعرك كله، ورقبتك، ولا سيباها مفتوحة أو لبساها شفافة!
لبسك واسع ساتر جسمك، ولا مفصّل كل حاجة!

طب لو شافك النبي ﷺ دلوقتي هيفرح بثمار مجهوده، ولا هيحزن على اللي حصل من بعده!

راجعي نفسك بصدق، وشوفي انتي فين من الحجاب الصح وكملي النقص، وأبشري خيرًا.

www.group-telegram.com/moh_elghaleez.com

ركعتان قبل الفجر قال عنهما النبي ﷺ خير من الدنيا وما فيها، وأربعة قبل الظهر واثنين بعده، واثنين بعد المغرب، واثنين بعد العشاء..

بس كده!

يتبنالك بيت في الجنة بإذن الله.

قال رسول الله ﷺ: "من ثابرَ على ثنتي عشرةَ رَكعةً منَ السُّنَّةِ؛ بنى اللَّهُ لَهُ بيتًا في الجنَّةِ: أربعِ رَكعاتٍ قبلَ الظُّهرِ ورَكعتينِ بعدَها، ورَكعتينِ بعدَ المغربِ، ورَكعتينِ بعدَ العشاءِ، ورَكعتينِ قبلَ الفجرِ."

فحافظ عليهم وماتكسلش!

وشجّع غيرك معاك.
 
#زاد_الرحلة

www.group-telegram.com/moh_elghaleez.com

السلام عليكم ورحمة الله وبركاته
صباح الخير يا شباب

نصيحة مهمة من ابن الجوزي رحمه الله..
"الكسل عن الفضائل بئس الرفيق، وحب الراحة يُورث من الندم ما يربو على كل لذة، فانتبه واتعب لنفسك".

فانتبه واتعب لنفسك!

www.group-telegram.com/moh_elghaleez.com

قال رسول الله ﷺ: "عَجَبًا لأَمْرِ المُؤْمِنِ، إنَّ أمْرَهُ كُلَّهُ خَيْرٌ، وليسَ ذاكَ لأَحَدٍ إلَّا لِلْمُؤْمِنِ، إنْ أصابَتْهُ سَرَّاءُ شَكَرَ، فَكانَ خَيْرًا له، وإنْ أصابَتْهُ ضَرَّاءُ، صَبَرَ فَكانَ خَيْرًا له".

أمر المؤمن كله خير؛ فأبشروا خيرًا.

www.group-telegram.com/moh_elghaleez.com

عمرك فكرت مين الصحاب اللي هيفضلوا جنبك يوم القيامة؟

عمرك فكرت إن الصحاب اللي بتختارهم في الدنيا مش بس بيأثروا على حياتك دلوقتي، لكن ممكن كمان يكونوا سبب في سعادتك أو هلاكك يوم القيامة؟

قال الله سبحانه وتعالى: ”الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ“

فصاحبك اللي بيبعتلك أغاني، وصاحبتك اللي بتقولك إن لبسك الضيق أشيك وأحلى، وصحابك اللي لما بتخرج معاهم بتضيّع وقت الصلاة، وصحباتك اللي معظم كلامكم عن المسلسلات، والصُحبة اللي قعدتها كلها غيبة ونميمة وشتايم وغيره من معاصي وذنوب ماترضيش ربنا..

كل دول يوم القيامة هيكونوا أعداء؛ لأن كل واحد هيشوف إن التاني هو اللي بعده عن ربنا وساعده يتمادى في الحرام.

لكن صاحبك اللي بيصحيك لصلاة الفجر، وصاحبتك اللي بتنبهك لو شعرة واحدة ظهرت من حجابك، وصحابكم اللي بتخططوا سوا دايمًا في أعمال خيرية تعملوها مع بعض، وصُحبتك اللي بتشجعك تستمر في حفظ القرءان كل ما تكسل وخروجاتكم اللي بتحافظوا فيها على صلاتكم وغيره من أعمال صالحة ترضي ربنا..

دول اللي يوم القيامة صُحبتهم هتستمر وأول ما يدخلوا الجنة برحمة ربنا هيدوروا على بعض وهيشفعوا لبعض؛ عشان يتجمعوا مع بعض في الجنة لأن صُحبتهم كانت مبنية على #التقوى في الدنيا.

فتقوى الله هي اللي هتخليك تعيش حياتك بتحط بينك وبين غضب ربنا ألف حصن، وهتخليك تراقب نفسك في كل تصرف، وتختار اللي يرضي ربك حتى لو كان صعب عليك.

ومحدش هيساعدك في طريق التقوى إلا الصاحب التقي؛ لأنه هيخاف ربنا في كلامه وأفعاله..
هدفه دايمًا الآخرة؛ فهتلاقي أولوياته رضا ربنا مش الناس.. هيحبك في الله وهيحافظ على صُحبتك؛ فكل ما تقع هيوجهك ويسندك ويخدك تاني لطريق ربنا..
عمره مايبص لنعمة في ايدك ولا يحسدك أو يحقد عليك، بالعكس هيحب الخير ليك زي ما بيحبه لنفسه..
مش هينافسك في نجاحك في الدنيا، لكن هيشجعك تتنافسوا في الخير وأبواب البر..
وفي كل شدة أو أزمة تمر بيك هتلاقيه بيفكرك برحمة ربنا ولطفه بعباده ويهون عليك مصيبتك..
هتلاقيه دايمًا بيحُسن نصيحتك، وبيتقي الله في صُحبتكم، وبيدعيلك بظهر الغيب..

ولأن الصُحبة الحقيقية هي الصُحبة اللي دايمًا تذكرك بالله وتفكرك بالآخرة، قال الله سبحانه وتعالى: ”وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا...“.

فاختيارك للصاحب التقي مش رفاهية، ده أمان ليك في الدنيا وحبل نجاتك في الآخرة؛ عشان كدا لازم تدوّر على اللي يخاف عليك فيحميك من نفسك ومن الشيطان لما تضعف، ويقربك للجنة ويبعدك عن النار..

وخليك عارف كويس إن الصاحب اللي بيتقي الله، هيتقي الله فيك وفي صُحبتكم، فعمره ما هيضرك لا في حياتك ولا بعد موتك.

#صاحب_صح ✅
#صاحب_التقي

www.group-telegram.com/moh_elghaleez.com

أخويا عاوز يعمل خطوبة بأغاني ..أتصرف ازاي؟🥹

#من_أسئلتكم
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

إنت كلك لله!

قال الله تعالى: {قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ}..

فَسلِّم لله نفسك كاملة؛ لتسلم في الدنيا والآخرة.

www.group-telegram.com/moh_elghaleez.com

قال رسول الله ﷺ: "مَن دَعا إلى هُدًى؛ كانَ له مِنَ الأجْرِ مِثْلُ أُجُورِ مَن تَبِعَهُ، لا يَنْقُصُ ذلكَ مِن أُجُورِهِمْ شيئًا، ومَن دَعا إلى ضَلالَةٍ؛ كانَ عليه مِنَ الإثْمِ مِثْلُ آثامِ مَن تَبِعَهُ، لا يَنْقُصُ ذلكَ مِن آثامِهِمْ شيئًا"..

فراجع نفسك!
إنت بتنشر إيه على صفحتك؟
إنت بتدعو لإيه وسط صحابك؟

www.group-telegram.com/moh_elghaleez.com

خوفك من الله في الدنيا، وتذكر أهوال القيامة، وعملك جاهدًا لتنجو منها، لن يضيع عند الله!

فمن خاف الله وخاف عذابه؛ أمَّنَه الله يوم القيامة.

عن أبي هريرة رضي الله عنه، عن النبي ﷺ فيما يرويه عن ربه جل وعلا أنه قال: "وعِزَّتِي لا أجمعُ على عَبدي خَوفيْنِ وأَمنيْنِ، إذا خافَني في الدُّنيا؛ أمَّنْتُه يومَ القيامةِ، وإذا أمِنَني في الدُّنيا؛ أَخَفْتُه يومَ القيامةِ."

والخوف في الدنيا المقصود به: الخوف الباعث على العمل بطاعة الله عز وجل، واجتناب نواهيه..
وليس الخوف الباعث على اليأس والقنوط من رحمة الله عز وجل..

فإياك أن تجعل خوفك سببًا لعجزك!

ولكن اجعله مصاحبًا لحُسن الظن بالله..
ومن أحسن الظن بربه بصدق؛ سيُحسن في العمل بطاعته حتمًا.

#زاد_الرحلة

www.group-telegram.com/moh_elghaleez.com

هنصح بنت بالحجاب أنصحها بالتحبيب ولا بالتخويف؟🤔

#من_أسئلتكم
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

قال الله تعالى: {مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ}

وأمسك النبي ﷺ بلسان نفسه وهو يعظ معاذ بن جبل رضي الله عنه وقال له: "كُفَّ عليكَ هذا"، فقال معاذ: يا نبيَّ اللَّهِ، وإنَّا لمؤاخَذونَ بما نتَكَلَّمُ بِهِ؟ فقالَ ﷺ: "ثَكِلَتكَ أمُّكَ يا معاذُ، وَهَل يَكُبُّ النَّاسَ في النَّارِ على وجوهِهِم أو على مَناخرِهِم إلَّا حَصائدُ ألسنتِهِم."

فخلي بالك من كلامك وتعليقاتك على وسائل التواصل!
الفحش في الكلام، والشتيمة، والغيبة، والنميمة، والخوض في أعراض الناس، والاستهزاء بأحكام الشرع وووووو

{...أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ}.

www.group-telegram.com/moh_elghaleez.com

قال الله تعالى: {لَوْ أَنزَلْنَا هَٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ ۚ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ}..

قارن بين حال قلبك وحال الجبل!
واعمل على صلاح قلبك؛ لأنه لو صَلح سيصلح معه سائر عملك بإذن الله.

www.group-telegram.com/moh_elghaleez.com

تعرف إن الصحاب هما العيلة اللي بتختارها بنفسك، وعشان علاقتكم تفضل قوية وتستمر لازم تتبنى على حقوق واضحة ومشتركة بينكم..

فتعالوا نعرف مع بعض أهم الحقوق بيننا وبين أصحابنا، عشان نحافظ على علاقتنا طيبة دايمًا ببعض.

1- الإيثار:
تلاقي نفسك تلقائي وبطيب خاطر ونية صافية بتقدم مصلحة صاحبك على مصلحتك حتى لو كنت محتاج.
قال رسول الله ﷺ: ”لَا يُؤْمِنُ أحَدُكُمْ حتَّى يُحِبَّ لأخِيهِ ما يُحِبُّ لِنَفْسِهِ.“
فخليك عارف دايمًا إن لو عندك حاجة وصاحبك محتاجها أكتر منك، وقدمته على نفسك وأنت محتسب نية شكر الله على نعمة الصُحبة بينكم، وعملًا بحديث رسولنا ﷺ عشان تحقق درجات أعلى في الإيمان، فأنت هتشوف بركة وخير على نيتك دي بإذن الله.

2- إعانته وقت الحاجة:
عارف صاحبك الحقيقي!
الصاحب ده مش اللي بيظهر وقت الفرح بس، لكن كمان هتلاقيه أول واحد جنبك وقت الشدة والمحن.
فالنبي ﷺ قال: ”وَاللَّهُ في عَوْنِ العَبْدِ ما كانَ العَبْدُ في عَوْنِ أَخِيهِ“..
فلما صاحبك يلاقيك جنبه وقت حاجته؛ العلاقة بينكم هتفضل قوية وهتحسوا إنكم سند لبعض، وكمان هتفوزوا بعون الله سبحانه وتعالى في حياتكم.

3- كتمان السر:
تعرف إن كتمانك لأسرار صاحبك بيظهر إنك فعلاً أهل للثقة، وده من أهم حقوق الصحبة..
قال رسول الله ﷺ: ”إذا حدَّثَ الرجلُ بالحديثِ ثم التفتَ، فهي أمانةٌ“
يعني صاحبك مش محتاج حتى يوصيك أنك ماتحكيش حاجة قالهالك، وإن صُحبتكم عشان تستمر وتفضل قوية وطيبة لازم تكون مبنية على الأمانة، فاللي بيتقال بينكم يفضل بينكم وبس.

4- ستر العيوب:
كلنا عندنا عيوب، وعشان كدا من المهم في حقوقنا بيننا وبين أصحابنا إننا نستر عيوب بعض ومانفضحهاش ولا نسخر ونستهزأ بيها.
فالنبي ﷺ قال: ”وَمَن سَتَرَ مُسْلِمًا؛ سَتَرَهُ اللَّهُ في الدُّنْيَا وَالآخِرَةِ“..
وكلنا أكيد بندور على ستر ربنا علينا في الدنيا ويوم القيامة، فحتى لو ظهرلك من صاحبك ذنب انصحه وادعيله واستر عليه، فتلاقي أنت كمان اللي يستر عليك وتفوز بستر ربنا عليك يوم القيامة.

5- مناداة الصاحب بأحب الأسماء له:
ودي من الحاجات البسيطة جدًا، لكن أثرها في القلوب كبير، وكمان اقتداء برسولنا الكريم ﷺ، فكان رسولنا ﷺ دايمًا ينادي أصحابه بأسماء محببة ليهم، وده بيخلق حب وود بينكم.

6- النصيحة:
النصيحة من أهم حقوق الصحاب على بعض، لكن لازم تكون بأسلوب مناسب.
قال رسول الله ﷺ: ”الدِّينُ النَّصِيحَةُ“..
فلما تنصح صاحبك اختار كلامك بعناية، وضروري بردو تختار أسلوب النصيحة المناسبة له ولشخصيته، فيتقبلها منك من غير مايحس إنك بتحرجه أو بتقلل منه وتتعالى عليه، وبلاش تقسى عليه بكلام يؤذيه وخليك فاكر إن ”المسلم من سَلم المسلمون من لسانه ويده“.

7- العفو والتغافل:
لأن كلنا بشر وبنغلط؛ فمهم في علاقتك بأصحابك أنك تحسن فيهم الظن وماتحاسبهمش على كل زلة.
قال الله عز وجل: {...وَلْيَعْفُوا وَلْيَصْفَحُوا ۗ أَلَا تُحِبُّونَ أَنْ يَغْفِرَ اللَّهُ لَكُمْ}..
فالتغافل عن الحاجات الصغيرة والعفو عن الزلات؛ هيحافظ على الود بينكم، وكمان يخليك ممن يغفر الله لهم.

8- السؤال عليه:
لأن الصداقة مش مجرد تقضية وقت فراغ؛ فمن حق صاحبك عليك إنك تسأل عنه، وتهتم بأحواله، وتشاركه، وتدور عليه لو اختفى.
لو عنده مشكلة حلها معاه، لو مريض زوره، لو عنده مصيبة هون عليه..
قال رسول الله ﷺ: ”حَقُّ المسلِمِ على المسلِمِ ستٌ: إذا لقيتَهُ فَسلِّمْ علَيهِ، وإذا دَعاكَ فأجِبْهُ، وإذا استنصَحَكَ فانصَحْ لهُ، وإذا عَطسَ فَحَمِدَ اللهَ فَشَمِّتْهُ، وإذا مَرِضَ فَعُدْهُ، وإذا ماتَ فاتْبَعْهُ“.

9- الدعاء له:
تعرف إن من أعظم حقوق الصُحبة الدعاء بظهر الغيب!
طب تعرف إن رسولنا الكريم ﷺ قال: ”دَعْوَةُ المَرْءِ المُسْلِمِ لأَخِيهِ بظَهْرِ الغَيْبِ مُسْتَجَابَةٌ“..
وتعرف إنك لما تدعي لصاحبك بظهر الغيب، الملَك يقول: "ولك بمثل"..
يعني كل اللي هتدعيله به أنت كمان هتاخده، فاصحبه دايمًا في دعواتك بكل خير في الدنيا وكمان في الآخرة.

10- الإحسان لأهله ومراعتهم في غيابه:
عشان الصحبة أثرها كبير في حياتنا، وكمان أصحابنا هما عيلتنا؛ فبردو من حقوقهم على بعض الإحسان للأهل.
فلو صاحبك غايب أو مشغول أو توفاه الله، من حقه عليك الإحسان لأهله والاهتمام بأمرهم وقضاء حوائجهم، وده برًا بصاحبك وتخلقًا بأخلاق الإسلام.

وفي النهاية..
لأن حقوق الصُحبة مش ممكن عدّها؛ فخليك دايمًا الصاحب والأخ اللي بيسند صاحبه زي ما ربنا عز وجل قال:
{...سَنَشُدُّ عَضُدَكَ بِأَخِيكَ...}

وخلي دايمًا شعار حقوق صُحبتك عليك 👇🏻
”كل ما تستحسنه لنفسك، افعله لهم“

#صاحب_صح ✅

www.group-telegram.com/moh_elghaleez.com