Аввалги постимга Ўзбекистон Ҳаво Йўллари вакиллари жавоб ёзишибди. Агар веб-студиялар ёки мутахассислар бўлса, миллий авиакомпаниямиз сайтини аудит қилиб беринглар. Баҳонада кўпчиликка билет олиш осонроқ бўлиб қоларди.

Аудитни комментарийларда PDF ёки линк кўринишида қолдиришингиз мумкин.

Яхши аудит учун Ўзбекистон ичида битта авиабилет мендан совға!

@paiziev24

Юк топиб, ўзи савдолашадиган AI агент қандай қурилади?

Юкларни топиб, автоматик савдолашадиган AI агент яратиш учун энг биринчи қадам - диспетчерга тез ва аниқ қарор қабул қилиш учун керак бўладиган маълумотларни беришдир.

DAT юк доскасида юкни очган пайтда, биз қуйидаги муҳим маълумотларни дарҳол кўрсатамиз:

- Шу йўналишидаги бозор ҳолати
- Ўша брокер бўйича аввалги нархлар тарихи
- Қайси брокер агенти яхшироқ нарх бергани
- Қўнғироқ қилиш ёки email ёзишдан олдин қандай нархни мақсад қилиш мумкинлиги

Бу диспетчерларга:
- Ақллироқ савдолашиш
- Вақтини тежаш
- Яхшироқ нарх олиш
- Қўнғироқдан олдин қарор қабул қилиш имконини беради.

@paiziev24

#SEPnotes

Ilya Strebulaev darslaridan xulosalar (8-qism) (9/9):

"REWARD BOLDNESS"

Kremniy Vodiysida muvaffaqiyat haqidagi hikoyalar juda koʻp. Masalan, Charl⁠i Ayers kichik startapda oshpaz boʻlish uchun 25 nafar hamkasbi bilan raqobatlashgan. Maosh past, biroq muhimi unga aksiyalar taklif qilishgan edi-da. U kompaniyaning oʻsishiga ishondi va Googleʼning 53-xodimiga aylandi. Google IPOga chiqqan kuni esa oddiy oshpazning qoʻlidagi aksiyalar 26 million dollarga teng boʻldi.

Yana bir misol, grafiti ustasi Devid Choe Facebook ofisi devorlariga mural chizib berishi uchun unga pul yoki aksiyalar taklif qilingan. U aksiya olishni tanladi va Facebook birja savdolariga chiqqanda, u millionerga aylangan.

Kremniy vodiysi hikoyalari shuni koʻrsatadiki, odamlar oʻz mehnati evaziga haqiqiy ulush olishini his qilsa, tavakkal qilishdan qoʻrqmaydi. Charlie Ayers ham, David Choe ham aynan ishonch tufayli aksiyani tanladi va bu tanlov ularning hayotini butunlay oʻzgartirdi.

Xoʻsh, odamlar nega bunday bitimlarga rozi boʻladi? Javobi juda oddiy, hech kim kichik pirogdan bir boʻlakka ega boʻlishni istamaydi, balki hamma katta pirogning kichik boʻlagiga rozi boʻladi. VC madaniyati aynan shu ruhga tayanadi: birgalikda tavakkal qilish va birgalikda yuksalish muhim!

@stenford_kundaligi

AI агентлар ҳақида кўп эшитган бўлсангиз керак.

Биз ҳам бир нечта AI агентлар яратяпмиз. «Нега битта эмас, бир нечта?» деган савол туғилиши табиий. Сабаби — биз аслида икки асосий вазифани бажарадиган агент яратяпмиз: юк топадиган (SpotFinder) ва юк етказиб берилгунича уни бошқарадиган (Updater). Бу каби агентлар бир неча промпт ёзиб қўйиш билан қурилмайди.

Масалан, юк топиш агентини олсак, у бир неча суб-агентлардан ташкил топади. Оддий тилда айтганда — ҳар хил йўналишни яхши тушунадиган “шогирд агентлар” бор. Асосий агент эса оркестр раҳбари каби уларни бошқаради.

Юк топиш бизнес жараёнлари турли трак турларига қараб мураккаблашиб боради. Масалан:
Dry Van — қуруқ юклар, Flatbed — усти очиқ платформа, Reefer — музлатгичли юк машиналари, Hazmat — хавфли юклар

Ҳар бири учун алоҳида агент керак бўлади. Битта агентга ҳаммасини юклаб қўйиш тизимни жуда мураккаб қилиб юборади.

Dry Van мисолида юк топиш агентларини курайлик

1. Маршрут гипотезаларини тузувчи агент

Агент тракнинг жойлашувига қараб бир нечта йўналиш вариантларини таклиф қилади.
Масалан, Чикагода турган тракни:

ғарбга — Лос-Анжелесга
шарққа — Нью-Джерсигa
жанубга — Техасга

юборишни ҳисоблайди. Бу қарор фойдани максималлаштириш ёки ҳайдовчини бир ҳафтада гаражга қайтариш каби мақсадларга қараб оптимизация қилинади.

2. Танланган йўналишда юк қидирувчи агент

Айтайлик, Чикагодан Лос-Анжелесга юк қидиряпмиз. Юклар қуйидаги манбаларда бўлиши мумкин:
- брокер платформалари
- брокерлардан келган emailлар
- Telegram гуруҳлар
- Numeo Private Loads
- DAT юклар

Бу йўналишда масалан 1500 та юк чиқди дейлик. Ҳаммасига email ёзиш ёки қўнғироқ қилиш мумкин эмас. Шу ерда навбатдаги агент ишга тушади.

3. Топилган 1500 юкдан бизга тўғри келадиган 15 та юкни сараловчи агент

У компания талаблари, ҳайдовчи имкониятлари, бозор шароити ва бошқа кўплаб омилларга қараб фақат энг манфаатли юкларни танлаб беради. Бу ерда жуда катта маълумотлар базаси — Big Data керак бўлади. Масалан, DAT'да юк ҳақида тўлиқ маълумот бўлмаслиги мумкин. Ёки брокернинг савдолашув кучини билмаслигимиз мумкин.

4. Юк ҳақида чуқур маълумот йиғувчи агент

Танланган 15 та юк бўйича агент қуйидагиларни текширади:

брокер ҳақида маълумот

скам (ёлғончи) эмаслиги

факторинг орқали пул олиш мумкинми

ETA — юкни етказиш вақти

йўлдаги об-ҳаво

toll — пуллик йўл харажатлари

компания бу брокер билан аввал ишлаганми, қандай нархда

ва бошқалар.

5. Нарх белгилайдиган агент

Маълумот йиғилгандан кейин ҳар бир юк учун оптимал нарх ҳисоблайди.

6. Савдолашиш агенти

Белгиланган нарх ва маълумотларга асосланиб:

савдолашув стратегиясини тузади

email ёки қўнғироқ орқали савдолашувни бошлайди

жараён давомида янги маълумотлар асосида стратегiyani ўзгартиради

манфаатсиз юкларни чиқариб ташлайди

керак бўлса, янги юкларни қўшади

7. Юкни тасдиқловчи агент

Энг яхши таклиф олингандан кейин:

компания диспетчери ва ҳайдовчи билан тасдиқлайди

брокерга хабар беради

Rate Confirmation ҳужжатини олади

Юқорида фақат Dry Van учун агентлар занжирини кўрсатдим. Бошқа трак турларида яна қўшимча агентлар тарқатиб чиқилади.

Юк олинганидан сўнг эса бизда Updater Agent ишга тушади. Унинг ўзи ҳам бир нечта суб-агентлардан иборат. Бу ҳақда кейинроқ ёзаман.

@paiziev24

Дўстим ва шеригим Отабек ўз Telegram каналини очди: @aiyusupov

У Numeo’ни бошлашимиздан аввал 11 йил Deloitte’да, сўнгги 6 йил эса Amazon бош офисида бош менеджер бўлиб ишлаган.

Яна бир шеригим Бегзоднинг канали ҳам ўша-ўша: @coder_off_blog

Яқинда Ўзбекистонда технологик стартап қураётган бир асосчи мендан: “Бизнес клубларга қўшилсам фойдаси борми?” — деб сўради. Мен унга: “Сенга кам бўлади. Асосий фойда у клубларда классик бизнес эгаларига. Агар мижозинг бўлса, қисқа муддатга кириб сотув қил” — дедим.

Ўзбекистондаги аксарият бизнес клублар классик бизнес эгалари учун фойдали бўлиши мумкин. Улар бир-бирларига маҳсулот сотишади, тажриба алмашишади, бирга саёҳат қилишади — бу уларнинг бизнес моделига мос.

Стартап асосчилари-чи?
Уларнинг ҳаёт тарзи мутлақо бошқа:

Улар классик бизнес эгалари каби дивиденд олмайди, асосан ойликка яшайди.

Кўп саёҳат қилиш имкониятлари ҳам чекланган.

Классик бизнесларга мос мавзулар стартапчилар учун фойдали эмас, баъзан зарарли ҳам бўлиши мумкин.

Шунинг учун менинг фикрим:
Стартап асосчилари кўпроқ ўзларидан муваффақиятлироқ асосчилар ва потенциал мижозлар билан мулоқот қилишлари керак.

@paiziev24