📰📰📰📰📰📰📰
#Xitoy

O‘zbekiston–Xitoy hamkorligida yangi bosqich: 60 ta aqlli sinf joriy etiladi!

Pekindagi O‘zbekiston elchixonasida ta’lim texnologiyalari bo‘yicha muhim kelishuv imzolandi.

🤩Agentlik va Xitoyning Chongqing Shulian Tianxia kompaniyasi o‘zaro hamkorlik Memorandumiga imzo chekdi.

Hamkorlik quyidagilarni o‘z ichiga oladi
➖60 ta AI-kameralar bilan jihozlangan aqlli sinf yaratish bo‘yicha pilot loyiha;
➖Ta’lim jarayonini modernizatsiya qilish va raqamli transformatsiya;
➖Yuqori texnologiyalar — aqlli ta’lim, intellektual ishlab chiqarish, elektron sanoat bo‘yicha sanoat kooperatsiyasi;
➖Kompleks texnik ta’minot: jihozlar, dasturiy ta’minot, o‘rnatish va sozlash.

Memorandumni Agentlik direktori Sevara Shakirova va kompaniya xalqaro bo‘limi rahbari Wang Ziqi imzoladi.

Kelgusida ushbu pilot loyiha asosida aqlli sinflar boshqa ta’lim muassasalariga ham bosqichma-bosqich joriy etiladi.

Bizni kuzating

Telegram | Facebook | Instagram | YouTube | Portal

📰📰📰📰📰📰📰
#Xitoy

Agentlik va Xitoyning Syan Jiaoton universiteti o‘rtasida memorandum imzolandi

Agentlik direktori Sevara Shakirova hamda Syan Jiaoton universitetining Xalqaro hamkorlik va almashinuv departamenti direktori Venyfen Lyu o‘rtasida muhim uchrashuv bo‘lib o‘tdi.

Hamkorlik quyidagi yo‘nalishlarni qamrab oladi:
➖ ilmiy kadrlar tayyorlash: seminar, stajirovka, konferensiyalar
➖ ilmiy maqolalar va nashrlar almashinuvi
➖ qo‘shma ilmiy tadqiqotlar
➖ talabalar va o‘qituvchilar uchun akademik mobillik dasturlari
➖ qisqa va uzoq muddatli stajirovkalar

❗️ Memorandum 5 yilga imzolandi va ikki tomonlama qo‘shma komissiyalar, ekspert guruhlarini tuzishni nazarda tutadi.

📎Ushbu hamkorlik O‘zbekiston va Xitoy o‘rtasidagi ilmiy-ta’lim aloqalarini yangi bosqichga olib chiqib, xalqaro standartlardagi malakali kadrlarni tayyorlashga xizmat qiladi.

Bizni kuzating

Telegram | Facebook | Instagram | YouTube

📰📰📰📰📰📰📰
#Xitoy

O‘zbekiston va Xitoy: Xitoy tili ta’limi bo‘yicha hamkorlik mustahkamlanmoqda

Pekin shahrida Ixtisoslashtirilgan ta’lim muassasalari agentligi direktori Sevara Shakirova Xitoy Ta’lim vazirligi huzuridagi Xalqaro til almashinuvi va hamkorlik markaziga rasmiy tashrif buyurdi.

Uchrashuv davomida quyidagi ustuvor yo‘nalishlar bo‘yicha kelishuvga erishildi:
➖O‘zbekiston maktablari uchun Xitoy tili bo‘yicha kompleks o‘quv dasturlarini ishlab chiqish
➖Malakali xitoy tili o‘qituvchilarini tayyorlash va yuborish
➖Mahalliy pedagoglar uchun malaka oshirish dasturlarini tashkil etish
➖O‘quv materiallarini milliy xususiyatlardan kelib chiqib moslashtirish
➖Xitoy tili bo‘yicha xalqaro HSK test markazini Agentlikda ochish
➖Talabalar uchun madaniy-ma’rifiy tadbirlar va yozgi ta’lim dasturlarini yo‘lga qo‘yish.

Tomonlar 2025-yil oxirigacha xitoy tili ta’limi bo‘yicha strategik hamkorlik shartnomasini imzolashga kelishib oldi.

Shu bilan Agentlik rahbarining Xitoyga qilgan rasmiy tashrifi yakunlandi.

Bizni kuzating

Telegram | Facebook | Instagram | YouTube