# سرگرمی پی آنەی جە ویرمان ببرموە هدف واقعیمان نیەن.

جامعوە کە هدف و داستانش نبون: جاگای مسخرن، بی روحن، شوق ژیوا خاموشن، بازار عشق و سرمایە بی برە و بالین و تاراج، قهرمانەکان و بیسارانی صفتان  و ولی دیوانە نامان نمەیان و ژنان جە درون تهی مەبان، داستانوە نمەواچیون چنی تروکەی هساران و تاریکی نیمەشوان، زید و ماوا چول مبو و نیروی بە دنیا آما دور مگنونوە، وانای و نویستەی نە پی نجات کە پری تحملن و تاو دای تاقت، قسە کردەی حرافی و سیاس بازین، نوەشیەکان بی شمار و درونەکان آسان نوەش مگنان، خاندانەکان زوالشان میاوون و والەزا و وارەزا و برازا و خویشوە نیەن جوی جاویدانی و آودانی هوربکرونوە پی روح خاندان و نیروی شیایش گش و سرمایەکانش بوزونوە سارا، یا بی رنگین یا گرد رنگی، یک رنگی و وینایی پاک مبونوە، کسوە نمەیوزیوە بتاوی چنەش نمانیەی، غریزەکانت فروکششان کرد یار و یاورت مەبیزیوت و میاوی دریای سکوت و برشیەی و سفر، سفر نک پری کشف و تجربە و معنا، سفر پری دوری و نبیەی و هیچی، کە چیش گم مبو؟ زندگی، حماسە، اقتدار و جهان بینی.

جامعەی گوران هدفش گرکن. اچی چندە سالان درون و بیرون کار کریان گورانەکان هدفشان نمانون و سرگردان بان و سرگردان کریاینی. توضیحاتوە گوترەی و علکی تاپوی ای گوران شار و ولاتش پوشان. کسانوە سر ویشان شلوق و الف مدانوە دام ب و ب دام لام. ای اشخاص مشکلات شناختی و آنالیزی داران. کسوە کە اهداف پری جامعەی گوران جست و جو مکرون معیارەکان و پارمترکانش جیاواز و هورس و نیشت و برخورد چنیش آسودەیی ماورون. و دنیای فکری و فضای فکریش رهایی مبخشون. مشکل اینن هدف جست و جو نمەکریون، و اینن کە گردچیوش باطل کردنوە. و تو موینی طرف احساس مکری لوان آخر بلام چیش جرقوەنە آمانوە اول. بیەی هدف: انسان مسازنون، ماوروش نە حرکت و انقلاب مخیزنون. و ای روانی و سیالی کاروە تاریخیەن.

@shah_gooran_coodaco

فصلوەن ایمە و بلبلان هر شەو
چند فرسخ دوریم جە منزلگەی خەو

# وشم نمەیو نام شاعر بنویسون. چون ای شعر، ترکیب و هاوار، اگر نام شاعرش بنویسون جادوش باطل مبونوە. کشتیوەن مبروم روە آ روخانان دور تا دورشان تافان و قلوەزانن. مدیەون نە دیماون دیمشان، ور و واق. امن دقیقن نەی جا و مکان چیش مکرون؟ بیدار بر جە خاو سنگی...


@shah_gooran_coodaco

یا پیر بالاوین چا وراوره
یا باوا خوشین چا کوی کمرە

# منبع: زیست مردمان گوران

@shah_gooran_coodaco

هـویە سرهویه بنن بیساران
سرهویە وشن گذرگای یاران

# ترجیح مدەون بگرەوون پەیت:😢😢😢😢😢😰😰😰😰😰

@shah_gooran_coodaco

ملا قاسم پایگلان به معدوم:

هـــر گا من پیکیای پیکان لیل بام
جە بی میلی لیل وطن دوجیل بام
چـــــە بــــاک بدی بدکارانـــــــــمن
چــــــە پـــــروای تـانەی اغیارانمن

جواب معدوم:

من کـــە دل دایم نە واویلمن
غـــــرق مطالەی خال لـــیلمن
چە باک تانەی توەن تاومــــن
شوق مطالەی روی کتاومــــن

@shah_gooran_coodaco

اچا روزگاران سنت ایمە انگلیسیەکان اینە بی کە تردید نە بارەی اینە کە ایمە دارا عالترین چیواننم و جە عالترین مردماننم، جنایتوە گورە و حساب ماما./ آرزوهای بزرگ. دیکنز، چارل.

سنت مردمان گوران چیش مواچُن؟ و ای مردم چنی ویشان وینانوە؟
هرکس گرکش بو پی یک چرکەیچ نە خیالش باورون گوران بشوە جە دیگرانن بە تمام و کمال گوران و زندگیش کوشتن و لاشوەش(مردم) آستەنوە هیچ توانش پی دفاع و زندگی نمندن. گوران"ظریفترین غریق جهانن" کە مردم گوران مشوم بوینونەشوە چە خاو و خیال چە امر واقع چە دگرگونی درونی، هتا بی نهایت ویش وسیع و ورولّاو بکرونوە. و وَ یادش باورون، و چون جە قدیم واچیان:
او شون گورانی او شون گورانی
بەیدی بگنم او شون گورانی
یوزل چمنی شیرین زوانی
ور جە گرد ملان بستنش لانی

@shah_gooran_coodaco

امن گورانم کە زندگین نە وجود اشمە ویناوە. چنی متاودی بلدی و بازدی جیای. چنی دلتان مەیو؟ چنی راضی مبیدی؟ ای جستەی خستە رویەش نفاما، دل و زیارت مزارت آما. مەلدنە امن تنیاییوە عجیب حس مکرون، فروپاشیوە بی دوا کە تایِ زلفیچ پری وراستەی ناروان. یاران برشیەن جە زید و زامن، گرد تفرقە بین چون خیال من.. گرد کوچشان آنا دیارن، دک لیلاویت بو چونت قرارن.. تو چیش مکری کم هوش کم فام، پری عیب و عار مندنی جە لام.. سا چنی ارواح یاوە و یاران، با تن بو و سنگ مندەی هواران.


@shah_gooran_coodaco

"کرکوک"

کرکوک جار جاران، پایتخت گوران

# نە زمان زاروییم نام کرکوکم فراوان نە دمان درویشان و عارفان مژنفت. آدیشان پری رویا و اشتیاق ویشان نام کرکوکشان موانا. کارشان و عبث نشی، سبب خیر بی کە رویای کرکوک و اهمیت والاش نمرون. کار ناقص و ناتمام آدیشان ایمەش تکمیل کرد و رویای واقعی کرکوک زیا برەگا و بارگامان. شعرەکانشان جە ویرم نیەن، بلام عشقم نسبت بە کرکوک آدیشان آو دارا و گرسناشان.

@shah_gooran_coodaco

#سانچو بازان سرزمین گوران

سانچو/سانکو پانزا رفیق مشهور دن کیشوتن. دن کیشوت جە دنیای آرو نماد کسوەن جە واقعیت و وضع زمانە دور کفتن و نە دامنەی یە خیال بی ثمر گذران مکرون. هرچند دل پاکن بلام چیوەکان اشتبا موینون و نمەتاوون تاثیرگذار بون.

سانچو ابتدای سفر دن کیشوت هتا آخر سات چنیش ممانون. سانچو مزانون دن کیشوت گرفتار یە خیال و وهمن و رخدادەکان اشتبا موینون. بلام خو خیال و لیرەی دن کیشوت اندە قوین تمام اسپانیا چارش نمەکرون و او هر کو مشون کم نماورون و مسخرە کردەی مردم جە لاش فلسوە نمەایژون.
دن کیشوت یە معشوقەی خیالی دارون. سانچوی مکیانون نە شونش. سانچو کە مزانون اچینە کناچوە وجود ندارون طبیعتن هیچ کو نمەتاوون ماوا و زید و ضامنش بو. آد مەلون و دوروە مەدونوە و مەینەوە خزمت دن کیشوت. حال و احوالش مواچون و دن کیشوتی دل وش مکرون. سانچو سا اپا گرد سادەییشوە احاطەی کامل دارون نسبت بە توهمات رفیقش پالوان آ دوران.

آخر سر مەیانوە پری زید و ماوا و دگای ویشان. دن کیشوت نوەش مگنون و جە بستر نوەشی هاگاوە مبو و مچلاکیورە. مچرون سانچوی و داوا عفوش چنە مکرون کە ای گرد وخت نیانش سر کار و خلتنانش. اتفاقوە عجیب کە اچی مابین مقومیون اینن سانچو دس مکرون گرەوای و مواچون با درو نبو و هوربیزە دیسان با بلموە سفر.

کسانوە اچی سرزمین گوران هنی نقش سانچو بە تمام و کمال مگیلنان. ارباب ویش مواچون اشتبام کردن و دروم دان، آدیشان دس مکران گرەوای و هاوار و داد نا ای کار و ای را سرانجام دارو ترکش مکردی.
سانچو بازان سرزمین گوران یک دانە مشکل اساسی داران: " نمەتاوان آرزو بسازنان و وجودی تعریفش کران". سا مشوم سانچو طور بگرەوان و بکوشان پی آرزوی دیگران. لحظەی وحشت آدیشان آنن ارباب جە زندگی بیزار بو و پشیماناوی بوازون.
طی طریق کردەی نە رای سانچو عادتوەن اینیشان مسیەنشان و گرکشانن نشان مردم گورانش بدان. بلام هر گوران کە پیکانانش متوجە زندگی ویش بان و آمادەی پیکار سرنوشت بو بی گومان نمەتاوون سانچوباز بون و نە بستر دن کیشوت زمانە نمەگرەوون و مرگ آرزوەکان آد هیچ تاثیر پریش ندارون. چون آد ویش بە تمام خاص و خرابش دن کیشوت ویشن و ویشن آرزو و زندگی و مرگ هردویشان تعیین مکرون پری رستاخیز و مرحلە و شکوفایی دماین. و ای تغییر و تحولات درونیەن و همساز چنی آرزوە گورەکان و رخدادەکان دوران./ محمود داود


@shah_gooran_coodaco

ساخت و شاکلە انسان مبارز گوران جە دید پیغمبر گوران.

@shah_gooran_coodaco

#جنون شَوەکان

گردچیوی دور موینی. لباس شَوت وتن و روت و عریان مەدیەی نە تاپوش. تو ویت مبی تاریکی و شوە تو کە ادعات مکرد روشنەنی، روشنایی، روشنا، رو... سرە گیجانوە کە تا آخر مبرات و ماوراتوە اول. پری یوەم جار مترسی جە ویت، خیلی مترسی. ترسوە کە پیسە اوتر ترسەکان نیەنە، تام و مزەش جە هر مرز و گذرگا ترازیان. وی طورە گرکشن بکیشنوت نە شون ویش، نژناسیا و باکرە. مگرەوی، نە پری ویت پری دماینان. صحنەی آ اعدامی ماوریوە نە ور دیدان کە چنی نە میدان شلاقان هشدارش دا بە تماشاچیان.
بیەنی شوە و مەزانی کە گورەترین ترس شَو تاریکایی ویشن، و هرگیز ای قدرت ندارون ذهن روشنان بترسنون. هسارەی سحر هر سات آمادەی خودنماییەن، شوە ملرزون.
دَور دور دور دورانتن. مگیلی نە دور ویت. تاریکترین شو. آ ترس گم مبو، وشحال مبی. گرکتن بوسی. کلمەکان مبوسی کە همیشەی نجاتت مدان، و کی شکست وران کس نمەزانون. تو فعلن تنیا آدیشان داری. تمام رفیقان و یاران نە گورخانەی شَو جاشان وستن. تو ویتەنی ای تاریکایی ای شَو؛ و نە توی ویت سرزمینوە خاپور و بولّ پونە شنیا کز کز موینی و عشقوە سامان سا و یختەسار. یە شوەنی پری پاکوە کردەی و شتەی و خیزیای نو. دوبارە ترس نە درون راە آهن قلب و شوش مەیونەوە. لرزەی پایەکان طبقەی سر ممالان نە رگ و ریشەش و نمازان بپوشوت و بدیەی پری جلادەکان کە ویشان هسان ساو دان. مگرەوی. هناسوە. ممانیەی و مواچی یە شوەنان آسمانش هن نە زمین، هساران و ستاران نمەزیان کلەبر وشبختی. چمان مقوجنی تو ای شَو...
متاوی تا آخرش بلی بلام کینەورزیت گرکشن دس بدون او گورەترین ماملّە و کوششەکان...

@shah_gooran_coodaco

سرواز گوران: نیازن دلایل علمی فرەتر گیر باورم هتا موجودیت گوران اثبات بکرم. فکر مکرون بە اندازەی کافیچ دلیل و سند و مکتوبات هن. کسانوە پیسە...
امپراتور گوران: خفە ببە احمق. چنی میاری وی طورە بحث گوران بکری. تکرار اچینە مباحث حکمش تبعید و اعدامن.
سرواز گوران: بە بی سند و مدرک و دلیل هیچ کس و جریان موفق نمەبان. دلایل و نظریات قوی لازمن پری مبارزە و موجودیت. بە بی اینیشان شکست حتمیەن و مردم نمەیو پشتمان.
امپراتور گوران: هرکس گیلا نە شون دلیل و مدرک هتا مبارزەی ویش دس پنە بکرون هرگیز دس پنە نمەکرون. هیچ رویا و فتحوە دلیل و سندش گرک نیەن. اینە خصلت انسان ویران مدرنن. انسان قدیم جە هوارگەی قدیم دلیل موفقیتش بی دلیل و سندن. هرکس ترسا نرسا. دلیل و سند پری انسان ترسون. انسان قوی بی نیازن جە ای لوازم. متوجە مبی؟ هر سرواز گوران گیلا نە شون دلیل بگیردیش و سریش جە تن جیاوە بکردی. دلیل و سند پایان ندارون و سروازەکان گوران نە یە سرگرمی ابدی مازونەوە. دلیلەکان و مدارک و نسخەکان ترک بکردی. بی دلیل ویتان بیدی، ویتان دلیل نیاز نداردی. اگر نیاز داردی نمەماندی. ای خیالان باطلوە کردی.

@shah_gooran_coodaco

او شون گورانی او شون گورانی
بەیدی بگنم او شون گـــــــورانی
یوزل چمنی شیرین زوانــــــــــی
ور جە گرد ملان بستەنش لانــی

#امپراتوران گوران


@shah_gooran_coodaco

وصیت نامەی نیکولو ماکیاولی پری لورنتسو مدیچی شهریار ایتالیا:
"مشوم جە هر فصل مردمی به خیزنای جشنوارەکان و نمایشەکان درخور آ فصل سرگرم بکری."

@shah_gooran_coodaco

# دانایان و شاعران گوران


@shah_gooran_coodaco

#شرارەی مردن نە اسفندەکان شار سقز

آ دمی ویرەگای اسفند مانگ کە وروە نە زمین ب و تو تنیا نە کنار زرینەرود و سیمینە رود. سیا سنگان مداشان دیار و تو لوای طوافشان. هی زرینەرود هی سیمینە رود هی سیا سنگان، ای آخرین یاران. نە کنار سیا سنگان نیشتی نە سر لاشەی ورو و بفران. نویستت نامش. خزایوە دما و جە سرقلای نزم دیای رو و دماخش. نمزانون چندە نیشتیرە و دوبارە دیای و دوبارە کشەکان و راکان و تپە لار و چولەکانت وینایوە و چم و راویارانت بە آوات نواست. مترسای بیان و نامش بوانان. و تو چنی دلت ماما نامش پاکوە بکری. نام آد. لوای و آستت جیای ماوا و سرزمینش. گلکوی تازەش، نا یانەی تازەش. شَو آ رو؛ یانوە نە کنار آ جادە کە عمروە چنەش گذرش کرد و دیا نە دور و بر و ویناشوە و چم چندین و چندین شیوان. گرکتن بوسی بلام نفسەکانت کم کم، کم مبان، گم مبان. مەخوی بلام یک لحظەنە احس خطر دامانیت مپوشون. برزەپا ممدری و مگیلی نە اتاقەکان. مەیونوە ویرت اول تا آخر. زو زو پرّەکان مدەیوە و موشکنیشان پیسە یە کس کە مرتکب قتل بیەن و وختی پری دیای و جموە کردەی ندارون. پرّەکان ژیوا. چیویوە خاص نمەوینین بیجگم سرگردانیوە بی ایپر و اوپر. مەایژیەیرە و آمادە مبی پری لوای. گرکتن زنگ بدەی بلام اچا وضع و حالیچ غرورت نمازون. سالان اچا داستان مویرون. بلام با چنەت بپرسون: چنی تاوات نمری؟ نە اولای تو، کنار سیمینەرود و زرینەرود نە توی دسان سیا سنگان نام آد چنی تو همزمان پاکوە مبی و متاویاوە، بە نیروی تو. تو متاوناتوە ویت و او نیمەی ویت. انصاف بدارە ای ساکن گوشەی چم ولی خان آدیچ آ نام توش متاونایوە، هردویتان پیوە. چنی تاوات نمری و پا بنیەی نە اسفندە نفرین کریاکان. تو یکجار متاوی بازی بکری ماباقی و نە باقیماندە چپگردن رییس بازی. و مافیا دس پنە مکرون. نام آد توش مپیچنای و مبردیش پی هساروە دورین. چنی تاوات بازی ویت تیک بدەی. نە ای جهان کسانوە کە بازی ویشان تیک مدان مشوم بە واتەی ماموژنم و بگەکان کرّاوا و رزاو ببریان پی هیلیان دالّان، نە پی واردەی و خوراکشان بازەش بگنان تلاو تل نە سر کاوان و کاوە لاران.
بە ترک آ نام یە نامترت نویست، نە اسفندەکان. شومترین مانگەکان. جاران جە پاییز مترسای، ورم و بیماریەکانت جە پاییز مامای. پاییزەکان نیروشان نمانا و داشان سوقاتی. آ شَوتە جە ویر مەیو واران موارا و تو نە کنار مجسمەی مولوی، مدرا بینی و مدیای. حتا مگرەوای بلام واران نمەآستش، اجازەش نمەدا. تو تنیا بینی و یە نامترت نویستە بی. واران تورّە نە دس ای کار و دورش مداراوە نامش. ایتر بازی گردون دسش پنە کردە بی و اختیار بازی پری همیشە نە دست سنیا بی. پاکشوە مکرد نامش، واران چنی سرشاخان نامش خط خطی و ریش مکرد. بلام تو پنات او زرینەرود و سیمینەرود بشکم بیاونات وروە و موافق بی. نە تنیا قایقوە نیەن نە سرشان بلکم آ نمامە چناران کە پی کشف حجاب و مراسمش نریای نە ور ژنەکان، سیمینە و زرینە ماوراشان و به عنوان خنجر مداشانوە دیوار یانەکانت. یانەکان متپان و دس مگیری چناران طوفان زدە. نامش پاکوە مکران و تو بە زانایش تمام خیالانت مەنیشانوە. وختی انسان هیچ خیالش نبی زندگی ناممکنن، هیچ قابل تحمل نیەن. خیالن نمازون انسان دس جە زندگی ور بدون بە نمندەیش دیوانەیی افراطی مەزیون دیار کە سرانسرش ایشن، بی تامترین ایش.
نامش وشت مسیا هرچند دومین نام گردونی انتخاب کردە بی. همیشەی مچریت ونە. سیمینەرود و زرینەرودی برد و جَناش و ناستش.
دوبارە نە اسفندەکان دست گیرت او یە چنار نرم و چرمە، یە نام تر. گردون ایتر جار اولش نیەن بازیت فیرن و هفتە و دوە هفتە تیک و بادش مدون. نمازون سر بگیرون. بازی هن نە اختیارش. ار آزانی نە ورانورش بمدرە، مکرُت توز و گرد. ۈ تو آوات موازیوە پی نام ویت آ نام کە ویت انتخاب کرد. ای بازی ادامە دارون، نمەزانون مرحلەی بعد چیشن و کون. /محمود داود.

@shah_gooran_coodaco

#خیلخانەی یادت جە دسم شیەن

برعکس آ ذهنیتن تا ایسه شکلش گیرتن و نە دورانان گیلنانشان. شاعران قدیم الایام گوران و محالەکان دور و نزیک مایەی خفتشان نو وهاران بیەن. نو وهار سیان، نو وهار سیان... میرزام نو وهار میرزام نو وهار، هنیچ نەیووە ایمسال نو وهار...پی چیش کە قیبلەم نمەدو دیار، بیزارم جە سیر گولان وهار...دل دو زنجیرەی زلف نگارن، و سیر سوزە و صحراش چکارن؟... سهلن وهارم دوزخ آسا بو...
یە گرما مەیو. نە اندە گرم نتاوی بزیەی بانجیلە و بانان پان و برین. گرمایوەن نە وجود سیر گلگشت و کاوان و نساران مخیزنون و پا. هیچ دنگ نمەیو، و اینن سرآغاز خاموشی درون کاملان عاشقان. آدیشان نە گشت و گیلن، آوان مداران نە دیدان و پی همیشه نە کنار هنترین ممدران. تمام سرزمین مگیلی، عین یە پلەور آشنا به تمام درەکان و سرملەگا و روخانە پیچ واردەکان. زو مەینەوە، سرانسر خیالەنی. بلام اتفاقوە کە کفتن اینن بی خیالەنی، خیالەکان نمەتاوان متعلق بە تو بان و آیندەی شیرین کران. کە خیال نتاواش تو سرگرم بکرون مبی بە ققنس و پروزە مبری. پی فینکی دل شیون وختشن.
گرمای نو وهاران چنی ویش ماورون نبیەی تو. پاکتوە مکرون و خبروە جە سوزەی دیارانت نیەن. اینە جادون؛ ای ایام و گرما. کشندەترین جادو کە کمتر کسان هر اچا زمانوە نە دوکانچەی شای سرتجاران کالا نازاران سنیا و پسند کریا، ورگەشان گیرتن و تاقتشان تاوان.

@shah_gooran_coodaco

نەی سرفصل وهار و تنگی آسمانان
ای دنگ هوشیار نوتشی مکرون و سرگَرد رای آنیشان رویای نظم گوران نە ســـر داران و پری شا نظام درونشان جوشانن. و موانان بە یادش و تاسەی دیدارشانن نە تخت شایی:
شام مەیو و جم چون جار جاران
مەنیشو و جم قتـــارەی یـــــاران

#نظم گوران
#شا نظام

@shah_gooran_coodaco