#муфтий_минбари

📹 Унинг уволидан сақланинг
🎙 Шайх Нуриддин Холиқназар ҳазратлари

✅ Улашинг: @diniysavollar

ТАҲАЖЖУД НАМОЗИНИ ОВОЗ ЧИҚАРИБ ЎҚИШ
#намоз

❓1888-САВОЛ: Таҳажжуд намозини ўқишда овоз чиқариб ўқисам бўладими?

💬 ЖАВОБ: Бисмиллаҳир Роҳманир Роҳим. Таҳажжуд намози нафл намозлардан ҳисобланади. Зуҳо намози каби кундузи ўқиладиган нафл намозлар махфий ўқилади. Аммо таҳажжуд каби тунда ўқиладиган нафл намозларни жаҳрий ёки махфий ўқишда ихтиёрли бўлади.
Шунга биноан агар ён-атрофда ухлаётган ёки бошқа иш билан машғул бўлаётганларга халал бермасангиз, таҳажжуд намозини жаҳрий ўқишингизга монеълик йўқ. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

НАМОЗДА ЗАМ СУРАНИ ЎҚИЙ ОЛМАСЛИК
#намоз

❓1889-САВОЛ: Зам сура бошлангандан кейин бир оятга етмаса намоз бузиладими?

💬 ЖАВОБ: Бисмиллаҳир Роҳманир Роҳим. Йўқ, бузилмайди. Чунки зам сура ўқиш намознинг вожибларидан саналади. Унутган ҳолда бирор вожибни тарк этиш намозни бузмайди, балки саждаи саҳвни вожиб қилади. Шу боис намозхон зам сурани унутиш туфайли ўқий олмай қолса, саждаи саҳв қилади.
Аммо зам сурани ўқиганда битта узун оят ёки уч қисқа оят ўқигандан кейин қолгани эсга келмай, рукуга кетиб қолса, вожибни бажаргани учун намози тугал бўлади ва саждаи саҳв ҳам қилмайди. Бундан оз миқдорда ўқиб, рукуга кетиб қолса, саждаи саҳв қилади. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#муфтий_минбари

📹 Маънавий ҳақлар
🎙 Шайх Нуриддин Холиқназар ҳазратлари

✅ Улашинг: @diniysavollar

ЭҲРОМ ҲОЛАТИДА КИР ЮВИШ
#Ҳаж_умра

❓1890-САВОЛ: Аёлим умрада эҳромда турган вақтида кир совун билан пайпоғини ювиб қўйибди. Бунинг ҳукми нима бўлади?

💬 ЖАВОБ: Бисмиллаҳир Роҳманир Роҳим. Эҳромда тақиқланган ишлардан бири бу хушбўйлик ишлатишдир. Агар совунда хушбўйлик бўлса ва у билан бирор аъзони ювса, жиноят ҳисобланади. Хушбўйлиги бўлмаган совун билан кир ювишда ҳеч қандай жарима вожиб бўлмайди. Шунга биноан аёлингиз ишлатган совун оддий, хушбўйлиги бўлмаган кир совун бўлса, ҳеч қандай жарима лозим бўлмайди. Валлоҳу аълам

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#Видео
#намоз

📹 Мусофир юртларда намозни қайси вақтда ўқийман?
🎙 Ҳикматуллоҳ домла Тоштемиров

Ўзбекистон мусулмонлари идораси
Фатво маркази бош мутахассиси

👨‍💻 Тўлиқ ҳолда кўриш:
✅ Улашинг: @diniysavollar

#муфтий_минбари

📹 Жамиятни емирувчи иллат
🎙 Шайх Нуриддин Холиқназар ҳазратлари

✅ Улашинг: @diniysavollar

МАЙЙИТНИ ЎПИШ МУМКИНМИ?
#жаноза

❓1891-САВОЛ: Маййитни ўпиш мумкинми? Яқинда шундай ҳолатга гувоҳ бўлиб қолдим. Бир отахон вафот этганида фарзандлари ўпиб, видолашишди.

💬 ЖАВОБ: Бисмиллаҳир Роҳманир Роҳим. Фарзандлар марҳум ота-онасини, ота-она ҳам марҳум ўғил ё қизини ушлаши, ўпиши жоиз.
Шунингдек, эркак эркак маййитни ва аёл аёл маййитни ўпиши жоиз.
Лекин эр вафот этган хотинини ушлаши ва ўпиши жоиз эмас. Чунки хотиннинг ўлими сабабли эр ва хотин ўртасидаги никоҳ тугайди.
Аммо эр вафот этганда хотини уни ушлаши ва ўпиши дуруст бўлади, чунки то идда тугамагунча улар ўртасида никоҳ боғланиши сақланиб туради. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#Видео
#ваъда

📹 Ваъдани бажармаса гуноҳкор бўладими?
🎙 Абдуғофур домла Ниёзқулов

Ўзбекистон мусулмонлари идораси
Фатво маркази бош мутахассиси

👨‍💻 Тўлиқ ҳолда кўриш
✅ Улашинг: @diniysavollar

ЭҲРОМДА ТИКИЛГАН КИЙИМНИ КАМ МУДДАТ КИЙИШ
#Ҳаж_умра

❓1892-САВОЛ: Бир шеригимиз умра қилиш учун Оиша розияллоҳу анҳо масжидига бориб, эҳромга кириб келди. Умрани қилиб бўлгач, ич кийимини ечиш эсидан чиқиб қолганини айтди. Бунда қандай жарима тўлайди?

💬 ЖАВОБ: Бисмиллаҳир Роҳманир Роҳим. Эркак киши учун эҳромга киргандан бошлаб чиққунича тикилган кийим кийиш тақиқланади. Борди-ю, кийиб қўйган ва у ўн икки соатдан кам муддат бўлса, ярим соъ (тахм. 2 кг) буғдой ёки унинг қийматини садақа қилади. 12 соат ва ундан кўп вақт кийган бўлса, қўй сўяди. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#муфтий_минбари

📹 Парокандаликка етакловчи офат
🎙 Шайх Нуриддин Холиқназар ҳазратлари

✅ Улашинг: @diniysavollar

ДОВУД АЛАЙҲИССАЛОМ РЎЗАСИ
#рўза

❓1893-САВОЛ: Довуд алайҳиссалом рўзаси ҳақида тушунча берсангиз, уни жума куни ҳам тутса бўладими?

💬 ЖАВОБ: Бисмиллаҳир Роҳманир Роҳим. Довуд алайҳиссалом рўзаси ҳақида Имом Бухорий раҳимаҳуллоҳ қуйидаги ҳадисни ривоят қилганлар:
Абул Аббос Маккий айтади: “Мен Абдуллоҳ ибн Амр ибн Осс розияллоҳу таоло анҳумонинг шундай деганини эшитдим: “Набий соллаллоҳу алайҳи васаллам менга: "Сен доимо рўза тутар ва кечалари ибодат қилар экансан?" – дедилар. Мен: "Ҳа", дедим. У зот: "Агар сен шундай қилсанг, кўзинг заифлашиб, нафсинг толиқади. Ким йил бўйи рўза тутса, рўза тутмабди. Ҳар ойда уч кун рўза тутиш – йил бўйи рўза тутиш кабидир", дедилар. "Мен бундан ҳам кўпроғига қодирман", дедим. У зот: "Унда Довуд алайҳиссаломнинг рўзасини тут, у киши бир кун рўза тутар ва бир кун оғзи очиқ бўлар ҳамда душманга йўлиққанда қочмас эди", дедилар”.
Кимдир мазкур ҳадисга амал қилиб, Довуд алайҳиссалом рўзасини тутаётганда унинг рўзаси жума кунига тўғри келиб қолса, ҳеч кароҳиятсиз жоиз бўлади. Кишининг нафл рўза тутишга одатланган кунлари ёки Ашуро куни каби фазилатли рўзалар жума, шанба ёки якшанба кунларидан бирига тўғри келиб қолса, шу куни рўза тутиши дуруст бўлади. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

ЛОЙҚА СУВ БИЛАН ТАҲОРАТ ҚИЛИШ
#таҳорат

❓1894-САВОЛ: Биз қишлоқда турамиз. Қудуғимиздан лойқа сув чиқяпти, шу сув билан таҳорат олишим ёки ғусл қилишим мумкинми?

💬 ЖАВОБ: Бисмиллаҳир Роҳманир Роҳим. Ҳа, қудуғингиздан чиқаётган бундай сув билан таҳорат олиш, ғусл қилиш мумкин. Чунки сувга тупроқ каби пок нарса аралашса ва уни сувлик табиати (оқувчанлик ва юмшоқлик)дан чиқариб юбормаса, у покловчилик хусусиятини йўқотмайди.
Демак, сувга тупроқ, барг каби пок нарсалар аралашиши унинг ҳукмини ўзгартирмайди. Асосий шарти шуки, сув ўзининг оқувчанлик хусусиятини йўқотиб, қуюқ лойга айланиб қолмаган бўлса кифоя. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#xabar #anons #jonli_efir
❔ОНЛАЙН ДИНИЙ САВОЛ-ЖАВОБЛАР

🎞 2025 йил 16 октябрь, пайшанба куни
⏰ соат 19:30 дан бошлаб

🌙 Онлайн диний савол-жавоб дастурининг навбатдаги 14-сони Ўзбекистон мусулмонлари идораси раиси, муфтий Шайх Нуриддин Холиқназар ҳазаратлари иштирокларида жонли эфирга узатилади. 

🗣 Аллоҳ таоло Қуръони каримда: “Агар билмайдиган бўлсангиз, зикр аҳлидан сўранг!”, деб буюрган (“Наҳл” сураси, 43-оят).

📿 Ҳазрати Расулуллоҳ соллаллоҳу алайҳи ва саллам: “Билимсизликнинг давоси саволдир”, – дея баён қилганлар (Имом Абу Довуд ривояти).

❔ Саволларингизни fatvo.uz сайти орқали йўлланг!

✅ Қуйидаги ижтимоий тармоқларимиз орқали савол-жавоб дастурини тўғридан-тўғри кузатинг ва бевосита иштирокчисига айланинг:

😎 Youtube: Fatvouzb
😎 Facebook: Diniysavollar
📱 Instagram: Fatvouz
😎 Telegram: Diniysavollar

✅ Шунингдек, қуйидаги саҳифалари орқали ҳам кузатишингиз мумкин:

😎 Youtube:  MuslimUzLive
😎 Facebook:  MuslimUz
📱 Instagram: Muslimuzportali
📱 Telegram:  Muslimuzportali
#fatvo_markazi_javob_beradi

Ўзбекистон мусулмонлари идораси Фатво маркази

▶️ YouTube | 📷Instagram | 🔵 Facebook

#муфтий_минбари

📹 Ҳар томчида масъулият бор
🎙 Шайх Нуриддин Холиқназар ҳазратлари

✅ Улашинг: @diniysavollar

САЪЙНИНГ БИР ЁКИ ИККИТА АЙЛАНАСИНИ ТАРК ЭТИШ
#Ҳаж_умра

❓1895-САВОЛ: Биз умрага келган эдик. Гуруҳимизда бир киши саъйни Сафодан эмас, Марвадан бошлабди ва Сафода тугатибди. Кейин сочини олиб эҳромдан чиқибди. Унга бирор жарима лозим бўлдими?

💬 ЖАВОБ: Бисмиллаҳир Роҳманир Роҳим. Саъйни Сафодан бошлаш вожиб саналади. Шунга кўра кимдир саъйни Марвадан бошлаб, Сафога келган бўлса, бу саъй ҳисобга ўтмайди ва ундан кейинги Сафодан Марвага боргани саъйнинг биринчи айланаси ҳисобланади.
Шеригингиз саъйни Марвадан Сафога юрганини биринчиси деб ҳисоблаб, Сафода тугатган бўлса, биринчи айланаси ҳисобга ўтмагани учун, битта айланани тарк этган бўлади. Саъйнинг аксарини (тўрт ва ундан кўпини) қилгани учун умраси ва саъйи дуруст бўлади. Аммо саъйнинг камини, яъни биттасини тарк этгани учун 2 кг буғдойнинг қийматини садақа қилиши вожиб бўлади. Тарк қилганнинг ўзи Маккада бўлса ва қолиб кетган айланани бажариб қўйса, жарима соқит бўлади. Валлоҳу аълам.

Ўзбекистон мусулмонлари идораси
Фатво маркази.

👍YouTube 👍Instagram 👍Facebook 👍Ummalife

✔️ Улашинг: @diniysavollar

#Видео
#исм

📹 "Афнан" деб исм қўйса бўладими?
🎙 Абдувоҳид домла Аҳмадалиев

Ўзбекистон мусулмонлари идораси
Фатво маркази мутахассиси

👨‍💻 Тўлиқ ҳолда кўриш
✅ Улашинг: @diniysavollar