Харри Кейн ушбу мавсумда биринчи маротаба «Бавария» таркибида ўйинни гол ёки ассистсиз тарк этди.

12 ўйинда аллақачон 20+3 қайд этган Кейн «Аусбург» билан ўйинда ҳам гол ура олмаган, аммо ўшанда у икки марта голли узатма муаллифи бўлганди.

@aslanov_futbol

«Сандерленд» ҳам ҳазиллашмаяпти шекилли.

@aslanov_futbol

Қаторасига учинчи ғалаба, сўнгги 5 ўйинда 4 ғалаба, Кунядан дебют гол, Мбемодан дебют дубл, Шешко ва Хевендан дебют ассист, сўнгги тўрт йилда «Брайтон» устидан «Олд Траффорд»да ғалаба, икки соатга бўлса ҳам икки йил ўтиб топ-4 га қайтилди, ҳаммаси зўр.

Лекин жамоа 3:0 ни ҳам қўлдан чиқариши мумкин эди. Уэлбек жаримадан гол ургач, ишонч қаергадир йўқолди, гўё Доргуга аслида қизил берилгандек. Уэлбекнинг голидан то 3:2 бўлгунча дарвоза томон зарбалар сони 8:0 - меҳмонлар фойдасига. Гўё «МЮ» қандай ўйнашни билмай қолди, ҳимоялансинми ёки 3:0 пайтидаги каби ҳеч нарса бўлмагандек давом этсинми? Мана шу паллаларда барибир руҳий жиҳатдан нозиклик сезилди.

Умуман олганда эса аввал ҳам айтганимдек, бу ғалаба «Энфилд»дагидан ҳам аҳамиятли. У ерда жамоа ютқазишиям мумкин эди, омад ҳам келди, яъни ўйинни назорат қилмаганди. Ўз майдонида, энг ноқулай рақибга қарши, ютиш шарт бўлган баҳсда ғалаба қозониш муҳимроқ, ҳам келажак учун пойдевор.

Ҳалиги бола сочини олдириши учун икки ғалаба қолди.

@aslanov_futbol

Гўёки, Керкез 1-тайм сўнгги дақиқасида ҳисобни қисқартиргач, мезбонлар шокка тушганди, иккинчи таймда «Ливерпул» бутунлай ташаббусни ўз қўлига олишини тахмин қилгандим.

Лекин «Брентфорд» дастлабки 15 дақиқаликни зўр ўтказди. Зарбалар 6:0, учтаси аниқ, xG да 1,02-0,00 рақиб жарима майдонида тегинишлар 12-0. Пеналти - мана шу ҳаракатлар учун мукофот.

«Ливерпул»нинг муаммоси чуқурроқ шекилли.

@aslanov_futbol

Биринчи марта кўрдим - янги қоида ишлади. Сўнгги дақиқада «Брентфорд» дарвозабони Каллахер тўпни 8 секунддан ортиқ ушлаб қолгани учун ҳакам бурчак тўпи белгилади. Лекин меҳмонлар фойдалана олишмади.

Пеналтига келсак, менимча, бошқа вазиятда, ван Дейкнинг тирсаги рақибга текканда пеналти кўпроқ эди. Берилган вазиятда эса ҳакам аввал бемалол жарима тўпи белгилади, кейин контакт жарима майдони ичида бўлгани аниқланди. Орқага йўл йўқ, назаримда, бошида ҳакам жарима майдони ичидалигини кўрганда, балким хуштагам чалмасди. Қоида бузилиши ҳар ерда бир хил тўғри, лекин майдон марказида жарима бериладиган кўп кичик вазиятларда ичкарида пеналти берилмайди, ёзилмаган қоидаку.

«Ливерпул»нинг АПЛдаги қаторасига тўртинчи мағлубияти. Чатжптдан сўрасам, охирги марта бунақаси 1986/87 мавсумида бўлган экан. Балким адашгандир.

Слот жамоасининг кейинги ўйинлари «Астон Вилла» ва «Манчестер Сити» билан. Яна оғир бўлади.

@aslanov_futbol

Албатта, чатжпт адашибди. Мен фақат АПЛни олмасин деб Англия чемпионатида, деб сўрагандим, фақат АПЛдан олдинги даврдан қарабди шекилли.

2020/21 мавсумида эсингизда бўлса, «Ливерпул»нинг бутун ҳимоя чизиғи жароҳат олган ва шундай инқирозга тушиб қолганди. Ўшанда ҳам орада Чемпионлар Лигасида, Германияда ғалаба бўлган экан, ўша мавсум ҳам жамоа амалдаги чемпион эди.

@aslanov_futbol

«Ливерпул»да энг кўп танқидга учраётган икки футболчи - Салоҳ ва Керкез. Аммо иккисида ҳам объектив сабаблар бор.

Ўтган мавсумда Салоҳдан пас, ассист қабул қилишни, унга хавфли нуқталарда тўп етказишни энг кўп амалга оширган беш футболчи - Трент, Диас, Дарвин, Жота ва Сабослаи. Бу исмлардан тўрт нафари ҳозир жамоада йўқ, Сабослаи эса бошқа позицияларда юрибди. Яъни Салоҳ умуман бошқа жамоага тушиб қолгандек гап. Узоқ йиллар Салоҳга ҳизмат қилган структура бузилди, янгиси қуриляпти, лекин у Салоҳга ҳизмат қиладими, номаълум.

Керкез эса кичик жамоадан топ-клубга ўтишнинг услубий фарқини бошдан кечирмоқда. Биз уни «Борнмут»да деярли ожиз нуқталари йўқ ҳимоячи сифатида билардик. Чунки жамоа услуби Керкез учун қулай - ҳимоя қилиш учун зона кам, чунки қуйи блокда ўйнашади, шериклари яқинроқ жойлашган, иккинчидан, ҳужум қилиш учун зона катта бўлган, Керкезнинг тезлиги учун айни муддао.

Ҳозир эса аксинча - «Ливерпул» юқорида ўйнайди, кўпроқ зонани қўриқлаш керак ва рақиблар қуйироқ блокда кўпчилик бўлиб ҳимояланмоқда, яъни ҳужум қиладиган зона кам. Натижада биз аввалги Керкезни кўрмаяпмиз.

Албатта, бу бошланиши, у эндигина 21 ёшда, Керкез келажакда Робертсон каби топ ҳимоячига айланиши мумкин, аммо ундан бирданига «Борнмут»даги ўйинини кўрсатишини кутиш нотўғри бўларди. Бунинг устига бутун жамоа оқсаётган пайтда.

@aslanov_futbol

Қоида бузилган нуқтадан эмас, тўп қаерда бўлса ўша ердан жарима тепилади шекилли :))

@aslanov_futbol

⚽️"Real Madrid" va "Barcelona" o‘rtasidagi buyuk bellashuv — har bir o‘yin hissiyotlarni kafolatlaydi. Bu safar kim ustun keladi?

Buni 26-oktyabr kuni bilib olamiz — Kinopoisk’da Setanta Sports 2 efirida soat 20:05 da boshlaymiz.

Yandex Plus Multi obunasi orqali Kinopoisk’da Setanta Sports’ning eng sara sport musobaqalarini tomosha qiling

Амад Диалло ўнг қанот латерали сифатида яхши ўйнай бошлаши билан чап қанотдаги Патрик Доргу захирага ўтирди. Аморим энди Диогу Далотни чапда ўйнатмоқда.

Далотнинг асосий позицияси бўлмаса ҳам, у Доргудан яхшироқ эканини асослаш мумкин - Далот баланс учун керак. Икки қанотда Доргу/Амад бўлиши ўта ҳужумкор бўлиб кетади, Далот эса аксинча, марказни тўлдириш, керак бўлганда ҳимояда қолиш учун муҳим. У тезкор бўлмаслиги, тўп билан чап қанотда қийналиши ҳам мумкин, аммо интизом билан зоналарни тўлдириб турса етади, ўнгда Амаднинг ҳужумларига шароит пайдо бўлади.

Шу томондан қараганда, қачонки Лисандро Мартинес қайтиб, Шоуни ўрнини эгаллаганда, Шоу айнан Далот ўйнаётган чап қанот латерали сифатида синаб кўрилса, яхши бўларди, менимча. Тўғри, Шоу бутун майдон бўйлаб югуриб, катта ҳажмни бера олмас, аммо айнан ҳозир Далот бажараётган ишни эпласа керак. Шоу ҳам чап оёқ, билд-апда яхшироқ бўлади, иккинчидан бу позицияда унда тажриба бор - иккита Евро финалида 3-4-3 схемасида Англия терма жамоасида айнан шу позицияда ўйнаган.

@aslanov_futbol

Маркус Рэшфорд Эл Класико учун Мадридга кетишда «МЮ» - «Брайтон»ни томоша қилмоқда. Ф - фанат.

@aslanov_futbol

Элдор Шомуродов бугунги дублидан кейин Туркия Суперлигасида пеналтисиз голлар бўйича энг яхши тўпурарга айланди.

@aslanov_futbol

Кечаги сўровнома асосида тузилган таркиб.

Кўп чизиқлар кутилгандек, асосан майдон марказида рақобат кўпроқ бўлди. Чемпионлар Лигасида муваффақиятлироқ бўлган «Реал»да устунлик бўлиши ҳам табиий.

Ҳаммасидан ҳам, мени ҳайрон қолдиргани Бэйлни Мессидан, Неймарни Криштианудан устун қўядиган ўн минглаб ашаддий фанатларнинг каналда борлиги. Уларга юзланиб айтишим мумкинки, мабодо жамоангиз бугун ютқазса, аччиқ қилиб каналдан чиқиб кетиб қолманг. Ҳаёт ҳам, футбол ҳам бугун тугамайди :))

@aslanov_futbol

Ҳамма футболчи Playstationда бор. Лекин фақат Килиан Мбаппе ҳаётда ҳам, у ерда ҳам бир хил ўйнайди.

@aslanov_futbol

Винисиуснинг алмаштирилиши пайтидаги вазиятда мен футболчи тарафдаман.

Футбол аввало ўйин ва унда футболчилар ЎЙНАЙДИ. Биз натижа ортидан буни унутиб қўйяпмиз гўё.

Футбол кўпроқ оғир меҳнатга айланиб кетди. Мураббийлар юзлаб маълумот ва вазифалар билан футболчининг миясини тўлдиради, ўйиндан кейин ҳар бир ҳаракат яқиндан таҳлил қилинади. Шахмат доналарининг мазза қилганини кўрганмисиз?

Мана шунақа ўйинлар эса футболчилар учун мукофот. Айниқса ўйининг чиқиб турган бўлса. Очко, турнир жадвали, Алонсонинг кўрсатмаларидан ташқари, улар ёш, ўзаро «разборлари» бор - Ямал нимадир дейди, кўрсатиб қўйиш керак, балки ечиниш хонасида Мбаппе билан ким кўп гол уриш бўйича гаров ўйнагандир, балким севган қизига айнан бугун гол уриб ниманидир кўрсатмоқчидир, бугун бўлмаса, қачон?

Футболчиларга баъзида қўйиб бериш керак. Ўйнасин, ўхшаб турганда мазза ҳам қилсин. Алонсонинг ўз вазифаси бор, ютиш учун нима тўғри бўлса ўшани қилади. Унинг айтгани бўлади. Бўлди ҳам. Лекин Винисиусни ҳам тушуниш керак. У биринчи таймда энг яхшилардан бири эди. Энг кўп югураётганди. Унинг айтгани бўлмадими, ҳеч бўлмаса эмоциясини тушунишимиз керак. Табиий.

Менимча, Алонсо буни тушунади. Бу ҳолат негатив эмас, аслида позитив эканини, футболчи ўйнамасликнимас, ўйнашни истаётганини англайди. Ҳеч қандай муаммо йўқ.

@aslanov_futbol